Éfɛsɔs 3:9 - Kálara Zyɛ̌m Edwán é mpʉ̌n

⁹ Nye a dwe me syɛɛ nteme ó, me pɛʼla lwib odim nye a bɛa fol ɨ, pyɛl ye é myɛn. Molu pihe, Zyɛm, waa a cye bɨsa bibyɛh ɛ, a be ó si taare fol jwɨʼ ye yaa.

Kálar Nzyɛ̌m : Ejwán é Sáá

⁹ Nye á dwe me syɛ́ɛ́ ntémé ó, me pâʼlaa jwɨʼ nyé á boo tíʼe ɨ́ lémé wé yɨ́, pyêl yé ɨ́ myɛ́n. Nzyɛ̌m, mʉr á kuho bisá bíbyɛ̂h nyá, á nyɛɛ sol jwɨʼ yé yaá ɨ́ mimbú mí píhe ó, bʉr jóʼaa sɔ̂ʼ njɨ lwǐb ódîm, yé omér.

Éfɛsɔs 3:9 ပူးပေါင်းရင်းမြစ်များ

Kolosi 1:26

Wé a taare be ó é lwib odim, sa Zyɛm a fol e mɨmya mɨ bʉr é buobuo e. Nye ka ze lɛʼle we é kpɛŋlɛm boo mɨsaŋ mɨ bʉr be.

Mataos 13:35

Yé a syɛɛlɨ no ó, lé edira lɔɔ Da a bɛa lɛɛ é nʉm mo ngwiha mɨlɔb we ó: «Zyɛm, nye elɛɛ ó: “Me ólwib e be ó é zi bɨkɨkɛna. Me ólɛɛ be mɨlɔb ndɨ mɨfela ɛ, Me a bɛa fol mye ó, duho é l'etɛɛrɨ e si nwa.”»

2 Timotɛ 1:9

Nye a baajebe bɨna ebe mɨmpaŋ bɨsyɛɛla bina. Nye a dwe bɨna ga tiʼ molu mo mpoʼ mɨmɛh le ejebe bɨna ó, bɨna diʼe mɨsaŋ mɨ bʉr be. Nye a sa no ó, ebe pɛhla we nye mʉr tɨ, le ncwɨncwɨa nye a be e nye, waa nye a be ó, nye ólɛʼle bɨna ɛ. Nye a bɛa lɛʼle bɨna ncwɨncwɨa ó, kʉ e si apa cyeŋɔ, é zi mo Yesʉs-Krɨst.

Kolosi 3:3

ebe, bɨn bɨ dwè. Tiʼ yin mu ó é l'efo boo Krɨst. Ebe no ó bɨtiʼ bin mu zyɛŋa boo Zyɛm ɨ.

Mataos 28:19

Ebe no, toʼ ga é si nwaʼ nyiwɛh. Bɨn bé à sa bɨkul bibyɛh ompʉn bam. Bɨn bé òdù be é die mo Sɔŋ e Mwan ndwe e Mbɨambɨa Sisim.

Mɨngwiha 4:11

«Tî wih ndwe e Zyɛm wih! Yé ejala ó, bʉr gumla go, bé dwiibɨ go ndwe le eseʼle nkul go, ebe, go ó b'a cye bɨsa bibyɛh. É gwɨma yo ó byé a be ndwe le ecyeŋɔ ɛ.»

Títos 1:2

É mbi waa ó bé ódi e mbɛla ó, bé óbi tiʼ molu mo mpoʼ mɨmɛh, yaa yé a bɛa kɛʼɔ be, kʉ e si l'apa cyeŋɔ ɛ. Zyɛm ó b'a kɛʼ be tiʼ yaa, nyɛɛ waa ndɨ abe lé elɛɛ mpʉl ɨ.

1 Timotɛ 3:16

Yé ejala ó, buʼo yina, yaa ndɨ é lwib odim ɨ, yé é laŋle bwaʼ. Yé ó: «Nye a ze nyin é si nwaʼ ó e nyʉl bɨpuno. Mbɨambɨa Sisim ze lɛʼle bɨna ga nya, bɨna gʉŋa ga ó, nye abe e mobe. Beengles, bé a si siŋle nye. Bʉr o bɨkul bɨfih, bé a si joʼo lɔɔ lé etiibe e nye e. Bʉr o si nwa, bé a si jyɛʼ taa buʼo yɔɔ boo nye. Nye a si to é jobo kʉ, é fum nye a dweŋɔ kum ɨ.»

Mɨngwiha 13:8

No ó, odil o si nwaʼ bɨbɛh, bé ódwiibɨ tir waa, pɛʼ njɨ baa Zyɛm a bɛa tile mie mɔɔ é kalara tiʼ we e. Kalara waa a bɛa be tila ó, duho é l'etɛɛrɨ e si nwaʼ ɛ. Nye ó é mobo mo Ma Ntœme bé a bɛa jʉ ɨ.

1 Pyɛr 1:20

Zyɛm Sɔŋ a be ó si bɛa gʉa ó, Krɨst ójɛna mobyaʼ maa, taare é jɔʼ kʉ e si, byé a baapa cyeŋɔ ɛ. Nye ze nyin é jɔʼ yi, é l'esie e mbi jɔʼ yiʼ ó, é l'efu lɨn.

2 Timotɛ 4:17

Tî wam ó b'a ze me é nkɔm, ndwe le egba me nkul é nyʉl. Nye a sa no ó, nye nkʉʼ cen mpaŋla waa é zi wam, mɛm cyela mɨtuno we, lé esa ó, bʉr o bɨkul bibyɛh nkʉʼ joʼo nye. No nteme ó me a syɛbɔ é nʉm ngbampwɨɨ ɨ.

2 Tesalonika 2:13

Obɨɔ ga bam, baa Da Yesʉs lé ebul kpɛl ba ɛ! É nko paʼ wih, yé ejala ó, bɨh dweʼ Zyɛm ekiba é bɨjɔʼ bibyɛh é lɔb win, ebe, nyi pɛh bɨn mpʉ mʉr lé epɛʼ tom é peme ye e, ó bɨn biʼe tiʼ molu mo mpoʼ mɨmɛh é zi Sisim we, wé a pubo bɨn ɨ. Bɨn mu ó lé ebi tiʼ molu mo mpoʼ mɨmɛh é zi taa buʼo bɨn lé ejyɛʼ boo nye é l'ocyecye e.

Kolosi 1:23

Yé be ó, bɨn bé eto dolo lé ejyɛʼ taa buʼo yin boo Zyɛm le ecyɛb é nkʉʼʉ nɛʼɛ, lɛɛ ó, mɨleme min, myé ódi é puuu. Mʉr apɨŋla ga é zi buʼo. Mʉr beʼ l'abir ó, bé saʼ ó, bɨn dehba, nkʉ jɨha Mbɨambɨa Lɔɔ wé a gba bɨn mbɛla é mɨleme e. Mbɨambɨa Lɔɔ waa, wé a ntɨhɔ ó, é si nwaʼ nyiwɛh, é nko paʼ sa yiyɛh Zyɛm a cye é si nwaʼ ɛ. Mɛm Pol a cyelɔ é syɛɛ ó, me lɛŋɨ bʉr wa.

Éfɛsɔs 1:4

Nye esa bɨna ga no ó, bɨna gumla ga nye, ebe, nye a si bɛa pɛh bɨna ga, taare é jɔʼ kʉ e si, byé a baapa cyeŋɔ ɛ. Nye a pɛh bɨna ga ó, bɨna diʼe ga mɨsaŋ mɨ bʉr be, dumo e Krɨst, abe e sa ebebe nye a ngbaa nwahle bɨna ga e tɨ. Ebe nye ndɨ e leme ncwɨncwɨa ó

1 Korɛnt 2:7

Bɨh bé eyeʼle bʉr ó, ocyoo mo Zyɛm. Wé a taare be ó é lwib odim, sa Zyɛm a bɛa fol ɨ. Nye l'apa cye kʉ e si, nye a bɛa bà jwɨʼ ó, nye dwe ó bɨna ga ocyoo waa ndwe e kum tɨ.

Mɨlʉmlʉ 15:18

waa lé ebɛa gʉa bye, taare mya ɛ.”»

Yʉanes 10:30

Bɨh e Sɔŋ wam, bé ó sa gwar.»

Yʉanes 5:19

Ebe no ó Yesʉs a bâʼle nʉa lwib, lɛɛ e be ó: «Me elɛɛ bɨn cyecye ó nɛɛ: Mwan mo Zyɛm, nye abe lé esa yʉʉ sɔʼɔ e nkul we nye mʉr tɨ. Nye esa ó, njɨ syɛɛla nye lé ebɛa bee Sɔŋ we lé esa ɛ, ebe, syɛɛla yiyɛh Zyɛm Sɔŋ lé esa ɛ, yé nteme ó Mwan mo Zyɛm lé esa ɛ,

Yʉanes 5:17

No ó Yesʉs a ze lɛɛ e be ó: «Sɔŋ wam, nye esea ó, é jɔʼ yiyɛh, ze pyal é banana. Mɛm nteme, me esea no.»

Lʉkas 24:47

Yé a bɛa be tila nteme ó, bʉr, bé óto le elɛɛ Mbɨambɨa Lɔɔ é die le, lé eto le elɛɛ bʉr ó, bé gwɨma mobebe mɔɔ, le edwir mɨleme, Zyɛm pɛʼɛ be bɨbaa bɨ ebebe byɔɔ. Lɔb waa, wé ótunɔ ó, taare ɨ Yerʉsalɛm, to pyal é bɨkul bibyɛh.

Mataos 25:34

«É jɔʼ yaa, njwɨɨbʉr, wé ólɛɛ e baa ndɨ nye é mbo ejʉm ó: “Ntaʼ ga, bʉr Sɔŋ wam a sʉ mocyɛʼ mo mpom me e. Ntaʼ, ze nʉa ga bɨdia é jwɨ̀ʼa nye a bɛa komlo bɨn, duho é l'etɛɛrɨ e si nwaʼ ɛ,

Mataos 10:27

Sa me lé elɛɛ bɨn é l'edurʉ ɨ, bâʼla lɛɛ ga ye é moho é kpɛŋlɛm. Sa mʉr ónyimla bɨn é l'egwal ɨ, cyɛba ga kʉ mie, bɨn bé à tuno ye.

Mɨngwiha 17:8

Tir go a bee e, a bɛa ó be é jɔʼ mya. To kœb ó, nye aka be. Yi ka liʼ titia, nye ópàh, ze pʉʼa é Bɨ-siʼe. ǃNye si pʉʼa tɨʼ nɛʼɛ, nye òdwè. Zyɛm a si tile mie mo bʉr é kalara tiʼ tʉŋlʉ, duho é l'etɛɛrɨ e si nwa. No ó, bʉr o mie mɔɔ ndɨ l'anyin é kalara tiʼ waa ɛ, bé óbul jehe tir waa, ebe, bé óbee ó, nye a be ó si taare tiʼe. Nye ze dwè. Bé óbee nye nteme lé ebula pàh.

Mɨngwiha 14:6

No ó, me a si bee nuu engles lé epiili é l'ejyoo kʉ. Nye a ze ó, lé eze lɛɛ Mbɨambɨa Lɔɔ. Wé ó lɔɔ ndɨ asiila-siila njʉmdia e njʉmdia ɛ. Nye ólɛɛ-lɛɛ lɔɔ waa ó, boo bʉr o bɨkul bibyɛh, bʉr o moveh mɨmɛh, bʉr o bɨlwib bibyɛh, ndwe e bʉr o mɨlal mimyɛh.

Rôm 11:25

Obɨɔ ga bam aa! Me ekpɛl ó, bɨn gʉŋa lwib odim yiʼ é kpɛhla. Bɨn bé amu jwɨʼ ó, bɨn e bɨn ó ndɨ mɨcɨcyoo. Lwib odim yaa, yé ó: bʉʉ bʉr é bwa b'Ɨzraɛl, bé e mɨlʉ ndɨ é bul lele lé ejoʼo e. Mɨlʉ myɔɔ, myé ódi e molele maa ó, to pyal é jɔʼ tolɔɔ obuʼla ndɨ abe oYʉden ɨ, bé ókumo bim Zyɛm a bɛa tiʼe é leme we ó, yé ójala ɛ.

Éfɛsɔs 3:2

Zê bɨn bé a baasi joʼo mpʉ Zyɛm a sa ó, me diʼe syɛl mosa we e? Nye a si kʉ lɛʼle me ncwɨncwɨa we, me nkʉʼ be bɨn e nyɔm lé eloŋlo jwɨʼ ye.

Éfɛsɔs 6:19

Jwɨʼla ga nteme e Zyɛm é l'efu lam, ó nye dweʼ me mokan me lwibɨ, abaawe sɔʼɔ e mʉr ɨ. Me pɛʼla lwib odim lé etiibe e Mbɨambɨa Lɔɔ ɛ, bʉr gʉŋa we é kpɛhla.

Kolosi 4:3

Saʼ ga mɨnjwɨʼla nteme é l'efu lɨh, ó nye dibɨ bɨh zi ó, bɨh tuna Mbɨambɨa Lɔɔ we, ó bɨh pɛʼla lwib odim lé etiibe e Krɨst ɨ. Me kɛʼa é mbʉʼ ó, ebe lɔɔ me lé ebɛa tuno-tuno e.