Éfɛsɔs 3:20 - Kálara Zyɛ̌m Edwán é mpʉ̌n

²⁰ Kum diʼe e Zyɛm, waa ndɨ e nkul esa sa yiyɛh, laa bim bɨna lé edî ga, nkʉ jwɨʼ ɨ. Kum diʼe e nye, waa ndɨ e nkul nɨnɨ lé esea e bɨna ga ɛ!

Kálar Nzyɛ̌m : Ejwán é Sáá

²⁰ Kûm díʼee e Nzyɛ̌m, waá dí e nkul esâ sá yɨ́yɛ̂h, laǎ bím mɨ́ná dí edî gá, nkʉ̂ jwɨʼ yɨ́ nyá. Nyě sá sá yɨ́yɛ̂h ó, dû nkûl nɨ́nɨ́ɨ́ dí eséa ɨ́ mɨná gá nyɨ́.

Éfɛsɔs 3:20 ပူးပေါင်းရင်းမြစ်များ

2 Korɛnt 9:8

Zyɛm, nye ó e nkul esʉ bɨn mocyɛʼ mo mpom mɨmbi mimyɛh ó, bɨn diʼe é jɔʼ yiyɛh e sa yiyɛh bɨn bé ójɨ ɨ. No ó bɨn bé óbe é tɨʼlɨ é l'efu ó, bɨn sea bɨsyɛɛla bɨ ncwɨncwɨa mɨmbi mimyɛh ɛ.

Rôm 4:21

Nye a kʉ gʉa ó, Zyɛm a be ó e nkul edwe nye sa nye a kɛʼ nye e.

Yʉ̂d 1:24

Kum, nye beʼ e mʉr ndɨ e nkul ekamle e bɨn ó, bɨn beʼ l'aduma, waa nteme ndɨ e nkul ecyel bɨn é mih me, waa ndɨ é moncɛnba ɛ, abe e sa ebebe nye a ngbaa nwahle bɨn e tɨ. Bɨn bé óbe nteme ó e bɨsʉhʉ é buobuo.

1 Korɛnt 2:9

Yé ó mpʉ yé ndɨ tila é Kalara Zyɛm ɨ. Yé ó tila ó: «Sa mʉr ngwar l'apa joʼo, nkʉ bee e, sa mʉr ndɨ apa jwɨʼ é leme we lʉʉ dobo e, Zyɛm a kʉmsa ye ó, ebe bʉr o ndɨ ekpɛl nye e.»

Éfɛsɔs 1:19

Me ejwɨʼla nteme ó, bɨn gʉŋa mpwaʼ nkul we, waa lé elaa sa yiyɛh ɛ. Bɨn gʉŋa nteme mpʉ nye lé eze bɨna ga é nkɔm e mpwaʼ nkul waa ɛ. Nye egba nyʉl lé efuʼo bɨna ga, bʉr o b'a jyɛʼ taa buʼo yina boo nye e.

Ebrœ̂ 7:25

Ebe no, bʉr o ngo dihle kunokuno e Zyɛm dumo e nye e, nye e nkul edwe be tiʼ molu mo mpoʼ mɨmɛh. Nye ekʉ pɛʼ mobebe mɔɔ mɨmɛh. Mpʉ nye lé edi njʉmdia e njʉmdia ɛ, no nteme ó nye ndɨ e nkul esa Zyɛm mɨnjwɨʼla é l'efu lɔɔ é jɔʼ yiyɛh ɛ.

Éfɛsɔs 3:7

Zyɛm a si kʉ bul sea e nkul é me tʉŋlʉ, ebe ncwɨncwɨa we. Bwaʼbwaʼ etʉm nye a ntɨh me e, lé ó dia syɛl mosa we me ndɨ tɨʼ ɨ. Syɛɛ me lé esea nye e, yé ó etuno Mbɨambɨa Lɔɔ.

Rôm 16:25

A bwaʼ nkul Zyɛm ndɨ e nye ee! Nkul waa ó mu lé elɨl bɨn lé edu mpʉ Mbɨambɨa Lɔɔ me lé elɛɛ ɛ, ndɨ ɨ. Mpaŋla waa, nye etiibe ó e Yesʉs-Krɨst. Nye edu nteme lwib odim yé a taare be mɨfela mɨmbu é buobuo,

Kolosi 1:29

Ebe no ó me lé ejaʼra e syɛɛ yiʼ ɨ. Me ebaran e mɨtuu bɨsyɛɛ ó, é nkul ndɨ eduho boo Krɨst ɨ. Nkul we waa ó ndɨ esea é me tʉŋlʉ.

Yʉanes 10:10

Ndiblʉ, wé eze ó, lé eze díbe, le ejʉ, le egbah. Mɛm a ze ó, bʉr biʼe tiʼ molu mo mpoʼ mɨmɛh, ndwe nteme ó, bé buʼba é bɨtiʼ byɔɔ é me.

Jacques 4:12

No ó, Zyɛm, nye ome ó ndɨ etiile motie. Nye nteme ó ndɨ etiʼe mɨlɔb. Nye óbɛm dwe mʉr tiʼ molu mo mpoʼ mɨmɛh, nkʉ dimle nye. Gwɔɔ, mʉr lé edwe mɨɔ go mʉr mobe e, go esa nye no, dɔɔ waa yé?

1 Timotɛ 1:14

Ebe no ó Tî ga wina a sʉ me mocyɛʼ mo mpom, abe e tolɔɔ ɛ. Nye a si gba me nteme buʼo ndwe e kpɛl é leme. Byé ó, é l'efu e bʉr o ndɨ é zyɛŋa wɔɔ boo Yesʉs-Krɨst ɨ.

Ebrœ̂ 11:19

Nye a jwɨʼ ó, Zyɛm óbɛm pɛ̀h Ɨzak é foo. Bɨna bé óbɛm lɛɛ ga ó, nye a si bâʼle nʉa Ɨzak pie e l'efie le.

2 Pyɛr 1:11

No nteme ó Zyɛm óbeŋle bɨn le edib bɨn zi ó, bɨn niʼe é jwɨ̀ʼa mo Tî ga wina le Tiʼbʉr ga wina Yesʉs-Krɨst ɨ. Jwɨ̀ʼa ye yaa, yé ódi ó njʉmdia e njʉmdia.

Mataos 3:9

Adɨ lɛɛla ga paʼra win ó: “Bɨna ga bé e sɔŋ ó Abraham,” ebe, me elɛɛ bɨn cyecye ó nɛɛ: Zyɛm óbɛm liŋ mokoʼ maʼ bwan mo Abraham.