Éfɛsɔs 3:19 - Kálara Zyɛ̌m Edwán é mpʉ̌n

¹⁹ Me ejwɨʼla nteme e Zyɛm ó, bɨn gʉŋa mpwaʼ kpɛl mo Krɨst lé elaa sa yiyɛh bɨna ndɨ e nkul egʉa ga ɛ, to pyal é jɔʼ Zyɛm óbe si loŋlo bɨn mpʉ mo nye, mʉr ndɨ lwɨŋla ɛ.

Kálar Nzyɛ̌m : Ejwán é Sáá

¹⁹ Mě jɨʼlá ntémé e Nzyɛ̌m ó, bɨ̌n gʉ́ŋaa mpwaʼ kpɛ̌l mé Krîst dí elaǎ sá yɨ́yɛ̂h mɨ́ná dí e nkul egʉ́a gá yɨ́, tó pyâl ɨ́ jɔ̌ʼ Nzyɛ̌m óbe, nye mû sí lóŋlo bɨ́n e sá nyé mʉr tɨ̂ʼ dí lwɨ́ŋlá e yé yɨ́.

Éfɛsɔs 3:19 ပူးပေါင်းရင်းမြစ်များ

Éfɛsɔs 1:23

Mbɛr-Zyɛm, wé ó nyʉl mo Krɨst. Krɨst nyɛɛ, nye elɛʼle mpwaʼ we ó, njɨ ɨ Mbɛr-Zyɛm. Krɨst ó ndɨ ejwɨʼ mɨcyea bɨsɔʼɔ bibyɛh é mɨpaʼ mimyɛh.

Kolosi 1:10

É mbi waa ó bɨn bé ókœʼ ebò e cyen lé ejala e Da Yesʉs ɨ, le esa sa nye lé ebul kpɛl ɨ. Bɨn bé óto dolo lé esa mɨmpaŋ bɨsyɛɛla bin bibyɛh, le egumo mɨmpaŋ mɨ mpumo lé ejala e nye e. Toʼ ga dolo lé egwɨe é pɨʼ, lé egʉa Zyɛm é kpɛhla.

2 Korɛnt 5:14

Sa lé etine bɨh ɨ, yé ó kpɛl Krɨst a gba bɨh é mɨleme e. Bɨh bɨ bee ó, mpʉ mʉr ngwar a dwè, jala e bʉr bɨbɛh ɛ, yé elɛʼle bɨna ga ó, bʉr bɨbɛh, bé a si dwè.

Yʉanes 1:16

Bɨh bɨbɛh, bé a be ó si bi embɨa le, ndwe e mpwaʼ ncwɨncwɨa we ndɨ elaa ncwɨncwɨa a taare lɛʼlɔ ɛ.

Filipi 4:7

Zyɛm óbaʼle mɨleme min ndwe e mɨsisim min ó, é zi motala me. Mɨleme min loŋla e motala ebe zyɛŋa win boo Yesʉs-Krɨst, ebe, motala mo Zyɛm lé entaa ocyoo wiwɛh ɛ, mé óbaʼle mɨleme min ndwe e mɨsisim min é zyɛŋa win boo Yesʉs-Krɨst.

Galásia 2:20

É jɔʼ bé a cyèl Yesʉs-Krɨst é klos kʉ ɨ, me nteme, me a si bomlɔ tɨ, bɨh e nɔɔ. Ntʉʼ me ndɨ etiʼe é banana. Yesʉs-Krɨst ó ndɨ etiʼe é me tʉŋlʉ. Tiʼ me lé eka tiʼe é si nwaʼ ɛ, me etiʼe ye ó, ebe taa buʼo me lé ejyɛʼ boo Mwan mo Zyɛm ɨ. Nye a si kpɛl me, ze dwe tiʼ ye é ziila e me.

Éfɛsɔs 5:2

Kœʼœ ga ebò e cyen ndɨ elɛʼle leme ncwɨncwɨa win ɨ, mpʉ Krɨst a taare cwɨa e bɨna ga ɛ. Nye a si dwè, jala e bɨna ga, ó nye diʼe mpʉ mɨndwɛa ndwe e motwina. Motwina me maa, mé a be ó e monumo Zyɛm lé ebul kpɛl ɨ.

Éfɛsɔs 3:18

No nteme ó, bɨn e mɨsaŋ mɨ bʉr mimyɛh mo Zyɛm, bé óbi nkul egʉa kpɛl apurapura Krɨst ndɨ e ye é nko paʼ ga wina ɛ. Bɨn gʉŋa mpʉ kpɛl ye mu lé efuʼo bɨna ga é mozi mɨmɛh ɛ: é mpwaʼ le ejaa, lé eto e kʉ le edime e.

2 Pyɛr 3:18

Toʼ le egwɨe ga ebe ncwɨncwɨa Tî ga wina le Tiʼbʉr ga wina Yesʉs-Krɨst lé elɛʼle bɨn ɨ. Bɨn bé à gwɨe nteme ebe bɨn bɨ gʉa nye. Nye ome ó ndɨ ejala e kum, taare é banana, to pyal é njʉmdia e njʉmdia. Amɛn.

Yʉanes 17:3

Tiʼ molu mo mpoʼ mɨmɛh, yé ó, bé gʉŋa go, ó go ó ndɨ mpaŋ Zyɛm ndɨ ngwar e ngwar ɨ. Bé gʉŋa nteme Yesʉs, mɛm, mʉr go a lœm mulo, waa go a ntɨh kaʼ ɛ.

Mataos 5:6

Mocyɛʼ mo mpom e bʉr o ndɨ ejoʼo dweh le egwɨm sa mɨmpaŋ bɨsyɛɛla ɛ, ebe, Zyɛm óloŋlo be mya!

Éfɛsɔs 5:25

Bɨn bʉrʉm aa! Mʉr nyiwɛh, nye kpɛlɨ myɛl mpʉ Krɨst a kpɛl Mbɛr-Zyɛm ɨ. Nye a si dwè, jala e we.

Filipi 1:7

Yé ejala nteme ó, me pahla lɔb win é mbi waa, ebe, me ecwɨa e bɨn é buobuo. Zyɛm a si cwɨa e bɨna ga bɨbɛh jwɨʼ gwar. Me dam be é mbɛr mɨmbʉʼ tʉŋlʉ mpʉ me mu ɨ, me dam be é dia otî lé eboʼlo Mbɨambɨa Lɔɔ ndɨ eduho boo Zyɛm ɨ, mocyɛʼ mo mpom mo Zyɛm, mé eswɨɨ é bɨna ga é mbi ngwar.

Rôm 8:35

Zé ókoʼo lé ebɛʼ paʼra ga wina boo Yesʉs-Krɨst, mʉr a bul kpɛl bɨna ga ɛ? Zê mɨtuu e mɨndɛl, nkʉ mokɔbla? Zê tíila ɛ? Zê za ɛ? Zê sɔɔlʉ mompor ɛ? Zê dɔm, nkʉ fòŋ ɛ? Abe e sɔʼɔ!

Rôm 8:39

dam be bɨsa ndɨ é jobo kʉ, nkʉ byaa ndɨ é si tʉŋlʉ ɨ, dam be wáa mbi cyea sɔʼɔ, abe e sa gwar, yé ókoʼo lé ebɛʼ paʼra ga wina boo Zyɛm, waa lé elɛʼle kpɛl ye é zi mo Tî ga wina Yesʉs-Krɨst ɨ.

1 Pyɛr 1:8

Bɨn bé ekpɛl nye, bɨn l'apa bee yɛɛ nye. Bɨn bé ejyɛʼ taa buʼo yin boo nye, dam be ó bɨn bé apa bee nye, ze pyal é banana. Ebe no ó bɨn ndɨ lwɨŋla e bɨsʉhʉ, é mbi ndɨ ó, mʉr, nye abe e nkul etaŋle bye é lwib ɨ. Bɨn mu ó e kum, duho tɨ.