Éfɛsɔs 3:18 - Kálara Zyɛ̌m Edwán é mpʉ̌n

¹⁸ No nteme ó, bɨn e mɨsaŋ mɨ bʉr mimyɛh mo Zyɛm, bé óbi nkul egʉa kpɛl apurapura Krɨst ndɨ e ye é nko paʼ ga wina ɛ. Bɨn gʉŋa mpʉ kpɛl ye mu lé efuʼo bɨna ga é mozi mɨmɛh ɛ: é mpwaʼ le ejaa, lé eto e kʉ le edime e.

Kálar Nzyɛ̌m : Ejwán é Sáá

¹⁸ Nó ntémé ó, bɨ́n e bʉr o mé Nzyɛ̌m bɨ́bɛ̂h ngá bi nkûl egʉ́ǎ kpɛ̌l ápurapúrǎ Krîst dí e yé ɨ́ páʼ gá nyɨ́ná yɨ́. Bɨ̌n gʉ́ŋaa mpʉ̌ kpɛ̌l yé dí esúʼo mɨ́ná gá ɨ́ menzɨ̌ mɨ́mɛ̂h yɨ́: le ebére kʉ́, le esulo sí, le ebwǎʼ bwaʼáa, le ejaá jaŋáa yɨ́.

Éfɛsɔs 3:18 ပူးပေါင်းရင်းမြစ်များ

Yʉanes 15:13

Kpɛl ndɨ é bul laŋle bwaʼ ɛ, yé ó yaa mo mʉr lé edwe tiʼ ye é ziila e l'ofo be e.

Éfɛsɔs 3:19

Me ejwɨʼla nteme e Zyɛm ó, bɨn gʉŋa mpwaʼ kpɛl mo Krɨst lé elaa sa yiyɛh bɨna ndɨ e nkul egʉa ga ɛ, to pyal é jɔʼ Zyɛm óbe si loŋlo bɨn mpʉ mo nye, mʉr ndɨ lwɨŋla ɛ.

Galásia 2:20

É jɔʼ bé a cyèl Yesʉs-Krɨst é klos kʉ ɨ, me nteme, me a si bomlɔ tɨ, bɨh e nɔɔ. Ntʉʼ me ndɨ etiʼe é banana. Yesʉs-Krɨst ó ndɨ etiʼe é me tʉŋlʉ. Tiʼ me lé eka tiʼe é si nwaʼ ɛ, me etiʼe ye ó, ebe taa buʼo me lé ejyɛʼ boo Mwan mo Zyɛm ɨ. Nye a si kpɛl me, ze dwe tiʼ ye é ziila e me.

Éfɛsɔs 1:15

Me a si joʼo mpʉ bɨn ndɨ ejyɛʼ taa buʼo yin boo Da Yesʉs le ekpɛl mɨsaŋ mɨ bʉr mo Zyɛm mimyɛh ɛ. Taare é jɔʼ me a joʼo no e,

Mɨngwiha 3:21

Mʉr óbe si ntaa, bula e l'esaa é koo e, me ódwe nye nkul ó, bɨh e nɔɔ baʼra lé edi é dia taʼa yam, ebe, mɛm nteme, me a si ntaa, bula e lam esaa é koo, me ntɔʼ nʉa dia kunokuno e Sɔŋ wam é dia taʼa ye.

Galásia 3:13

Yesʉs-Krɨst a si jɛna mobyaʼ ga mɨna, lé epɛʼ bɨna ga é sama bʉr o b'a jala le ekáalɔ ɛ. Nye a nʉa bɨkɔ́ɔlʉ bibyɛh byaa ó, é l'efu ga lɨna, ebe, yé ó tila é motie mo Zyɛm ó: «Mʉr nyiwɛh a cyèlɔ é lɨ kʉ ɨ, nye ó ndɨ waa Zyɛm a káale e.»

Éfɛsɔs 1:10

Jwɨʼ ye yaa, yé a ka ze gwihɔ ó, pie bɨjɔʼ byé a jala le etaare laa ɛ, byé a si sil lé elaa. Zyɛm a bɛa tiʼe é leme we ó, bɨsa ndɨ é jobo e l'ejyoo le ebantɛn ɨ, bé e byaa bɨ si nwa, bibyɛh, byé ejala le efwal ó, é jwɨ̀ʼa mo mʉr ngwar, Krɨst.

Kolosi 1:4

Bɨh bé a si joʼo lɔɔ é lʉ win, é mpʉ bɨn lé ejyɛʼ taa buʼo yin boo Yesʉs-Krɨst ɨ, e mbi bɨn lé ekpɛl mɨsaŋ mɨ bʉr mo Zyɛm mimyɛh ɛ.

Rôm 10:3

É mpʉ bé a be ó si jeʼe mbi Zyɛm lé edwe bʉr mokebe e, bé a kʉ ka saa ó, njɨ bé biʼe mokebe é lɔb ocɨcyel wɔɔ, benɔ lé efil bé bʉr o tɨʼ si e Zyɛm ó, nye nkʉʼ dwe be mokebe edwɛna.

1 Timotɛ 3:16

Yé ejala ó, buʼo yina, yaa ndɨ é lwib odim ɨ, yé é laŋle bwaʼ. Yé ó: «Nye a ze nyin é si nwaʼ ó e nyʉl bɨpuno. Mbɨambɨa Sisim ze lɛʼle bɨna ga nya, bɨna gʉŋa ga ó, nye abe e mobe. Beengles, bé a si siŋle nye. Bʉr o bɨkul bɨfih, bé a si joʼo lɔɔ lé etiibe e nye e. Bʉr o si nwa, bé a si jyɛʼ taa buʼo yɔɔ boo nye. Nye a si to é jobo kʉ, é fum nye a dweŋɔ kum ɨ.»

2 Korɛnt 13:13

Ncwɨncwɨa mo Da Yesʉs-Krɨst, e kpɛl mo Zyɛm Sɔŋ ndwe e zyɛŋa-mɨleme mo Mbɨambɨa Sisim, byé diʼe e bɨn bɨbɛh.