Éfɛsɔs 3:17 - Kálara Zyɛ̌m Edwán é mpʉ̌n

¹⁷ Me ejwɨʼla nteme e nye ó, Krɨst komla odia we é mɨleme min tʉŋlʉ, ebe buʼo yin. Me ejwɨʼla nteme e nye ó, bɨn cyɛba é nkʉʼʉ ebe leme ncwɨncwɨa win.

Kálar Nzyɛ̌m : Ejwán é Sáá

¹⁷ Mě jɨʼlá ntémé e né ó, Krîst nʉ́aa odiá wé tʉ́ŋlʉ̌ milémé mín ɨ́ nzɨ̌ búʼó yɨ́n. Mě jɨʼlá e né ntémé ó, bɨ̌n kpɛ́laa páʼ nyɨ́n, bɨ̌n nkʉ̂ tyɛ̂b ɨ́ búʼó gá yɨ́ná ɨ́ lyahwó. Bɨ̌n tyɛ́bɨɨ tɨ̂ʼ mekʉ̌ sí ɨ́ sɨ́ŋ.

Éfɛsɔs 3:17 ပူးပေါင်းရင်းမြစ်များ

Kolosi 2:7

Buʼo bɨn ndɨ e ye e, yé paha mɨkaale. Yé toʼ dolo lé egwɨe le ebwaʼ. Jyɛʼɛ ga taa buʼo yin boo nye, mpʉ bé a dwe bɨn sikʉlʉ tɨʼ ɨ. Toʼ ga dolo lé edwe Zyɛm kum.

1 Yʉanes 4:16

É mbi waa ó bɨna mu lé egʉa ga leme ncwɨncwɨa Zyɛm lé elɛʼle bɨna ga ɛ. Bɨna bé ekʉ buʼla ga ó, nye ecwɨa e bɨna ga. Zyɛm, nye ó kpɛl. Mʉr lé ekpɛl bʉʉ bʉr ɨ, nye edi ó, é zyɛŋa wɔɔ boo Zyɛm; Zyɛm nteme, nye etiʼe é mʉr waa.

Yʉanes 14:23

Yesʉs ze bɨha e nye ó: «Mʉr lé ekpɛl me e, nye óbaʼle sikʉlʉ me a dwe bɨn ɨ, ndwe le edu ye. Sɔŋ wam ókpɛl nye. No ó, bɨh e Sɔŋ wam, bé óze boo nye, ze komlo odia wih tɨ.

Galásia 2:20

É jɔʼ bé a cyèl Yesʉs-Krɨst é klos kʉ ɨ, me nteme, me a si bomlɔ tɨ, bɨh e nɔɔ. Ntʉʼ me ndɨ etiʼe é banana. Yesʉs-Krɨst ó ndɨ etiʼe é me tʉŋlʉ. Tiʼ me lé eka tiʼe é si nwaʼ ɛ, me etiʼe ye ó, ebe taa buʼo me lé ejyɛʼ boo Mwan mo Zyɛm ɨ. Nye a si kpɛl me, ze dwe tiʼ ye é ziila e me.

Rôm 5:5

ǃƗ mbɛla si loŋlo mʉr é leme nɛʼɛ, mʉr waa, nye aŋa ka bil fwon, ebe, Zyɛm, nyi lɛʼle bɨna ga mpʉ nye lé ekpɛl bɨna ga ɛ. Nye a lɛʼle bɨna ga no ó, é zi Mbɨambɨa Sisim, waa nye a ntɨh bɨna ga ɛ.

Mɨngwiha 3:20

Mbe ga: me ó wâʼ lé ekwaʼle ebe ó, me niʼe. Mʉr ójoʼo lwib yam, dib me ebe e, me óni nye ye. Bɨh e nɔɔ, bé ópuhba mobo é teble ngwar.

2 Korɛnt 6:16

Zê opara ndɨ esea é l'Odia mo Zyɛm tʉŋlʉ ɨ, bé e baa lé eto é mpah bé ndɨ edwiibɨ bɨbaŋabaŋa bɨdweʼle e, bé ó e nkul emɛʼle mɨlɔb é mbi ngwar ɛ? Ebe, monyʉl ga mɨna, mé ó bana kʉ be Odia mo Zyɛm ndɨ kublakubla ɛ! Zyɛm nye mʉr tɨʼ a lɛɛ ó: «Me ódi é sama yɔɔ, lé ekœʼ e be. Me óbe ó Zyɛm wɔɔ. Bɛɛ, bé óbe ó bʉr bam.»

1 Yʉanes 4:4

Bɨn bɛɛ bwan bam, bɨn bé ó baa mo Zyɛm. Bɨn bɨ ntaa bʉr o dɔm mo Krɨst onɨ, ebe, Sisim bɨn ndɨ e we e, wé ó, é lele nkul, laa waa ndɨ é bʉr o si nwaʼ ɛ.

Kolosi 1:27

Zyɛm a be ó si bà jwɨʼ ndɨ e buobuo nyɔm é l'efu lɨn, bʉr o ndɨ abe oYʉden ɨ. Nye a be ó si gwih lwib odim ye ó, lé elɛʼle bʉr be ya. Nye a be si gwɨm ó, bé gʉŋa ye é kpɛhla. Lwib odim yaa, yé ó yi: Krɨst, nye mu ó é bɨn nteme! Mɨleme min, mi loŋlo e mbɛla ó, bɨn bé óbi kum tɨ.

Kolosi 1:23

Yé be ó, bɨn bé eto dolo lé ejyɛʼ taa buʼo yin boo Zyɛm le ecyɛb é nkʉʼʉ nɛʼɛ, lɛɛ ó, mɨleme min, myé ódi é puuu. Mʉr apɨŋla ga é zi buʼo. Mʉr beʼ l'abir ó, bé saʼ ó, bɨn dehba, nkʉ jɨha Mbɨambɨa Lɔɔ wé a gba bɨn mbɛla é mɨleme e. Mbɨambɨa Lɔɔ waa, wé a ntɨhɔ ó, é si nwaʼ nyiwɛh, é nko paʼ sa yiyɛh Zyɛm a cye é si nwaʼ ɛ. Mɛm Pol a cyelɔ é syɛɛ ó, me lɛŋɨ bʉr wa.

Yʉanes 17:23

Mɛm ɨ be; gwɔɔ ɨ me: no ó bé ódi njɨ sa gwar é mɨpaʼ mimyɛh ɛ. No nteme ó bʉr bɨbɛh, bé ógʉa é kpɛhla ó, go ó b'a lomo me e. Bé ógʉa nteme ó, go ekpɛl be mpʉ go lé ekpɛl me e.

Yʉanes 14:17

Nye ó ndɨ Sisim Ocyecye. Bʉr o ndɨ egumo e si nwaʼ ɛ, bé abe e nkul enʉa nye é monyʉl mɔɔ, ebe, bé abe e nkul ebee nye, nkʉ gʉa nye. Bɨn ó ndɨ egʉa nye, ebe, nye edi ó, bɨn e boo nɔɔ. Nye nteme, nye ó é l'esama lɨn.

Lʉkas 6:48

Me ólɛʼle bɨn mpʉ nye ndɨ ɨ. Nye enwɨɨla ó e mʉr a fumo mbɛr é mbi wiʼ ɨ. Nye a bɨr bɨpab bɨ tɨʼ ó, nye osi pu si, lime mompɨ, to pyal é bah ekoʼ. Nye ntɔʼ cyel modwii mo nkan mé ófuʼo bɨpab é bah ekoʼ yaa ɛ. Mpɨɨ ntɔʼ ni é dɨŋa-dɨŋa-dɨŋa, oboʼo ntɔʼ bila é mbɛr waa. Wé a be yɛɛ ó, abwiʼ, ebe mbɨambɨa fumo nye a fumo we e.

Mataos 13:6

Jɔʼ dobo lé a ka kah ɛ, dwehe ze ŋmɛha, ze diʼ mɨpɛha mompœʼ, myé ntɔʼ dwɛhla, ato ká ká, ebe, myé a baabe e mɨkaale mɨmpa, njɨ mɨfòŋ.

Galásia 5:6

Yé be ó, mʉr fih mʉr kɛ̀l, nyi di é zyɛŋa wɔɔ boo Yesʉs-Krɨst nɛʼɛ, lɛɛ ó, esaŋɔ mpʉn, lé aŋa ka be nye e nyɔm. Yé nteme, yé aŋa ntɨʼ, nkʉ nye óbe, l'asaŋɔ nye. Sa ndɨ nye e nyɔm ɨ, yé ó mbi buʼo lé enyin é bɨsyɛɛla bɨ ncwɨncwɨa ɛ.

Yʉanes 6:56

Mʉr nyiwɛh lé ede bɨpuno byam le ebɛble motié mam ɨ, nye etiʼe ó, é zyɛŋa wina boo nɔɔ. Me ódɨ kœʼ e nye.

1 Korɛnt 8:1

Banana, bɨna kaʼ pahle ga lɔb tir lé ebàŋɔ é mpah bé ndɨ edwiibɨ ozyɛm bé a dɨ kpaʼ ɛ. Bɨna ga bɨbɛh, bé é bul gʉa no, kʉ be mpʉ bɨn lé elɛɛ ɛ. To kœb ó, ngwɨa, wé edwe mʉr ó njɨ nkɛa nyʉl. Kpɛl ó ndɨ esa ó bʉr o mbɛr Zyɛm gwɨa mbɨmbɨa.

1 Korɛnt 3:6

Mɛm, me a si bè mpœʼ; Apolos nyɛɛ ze sʉ modibe. Sa gwar, Zyɛm ó b'a sa ó, yé paha.

2 Korɛnt 13:5

Pahla ga bɨn bʉr o tɨ, bɨn beŋɨ nkʉ bɨn dina ó lé ejyɛʼ taa buʼo yin boo Zyɛm, nkʉ bɨn bé aka sa no. Bɨn bʉr o tɨ, saŋa egʉa ga nkʉ bɨn bé ekebe moveʼle le entaa mobʉbla. Zê bɨn bé agʉa ó, Yesʉs-Krɨst ó ndɨ é bɨn ɛ? Yé be ó, yé abe no nɛʼɛ, gʉŋa ga ó, bɨn bɨ ku moveʼle maa.