Éfɛsɔs 3:16 - Kálara Zyɛ̌m Edwán é mpʉ̌n

¹⁶ Me ejwɨʼla e nye ó, nye gbaʼ bɨn nkul é monyʉl é zi Sisim we é l'efu ó, bɨn diʼe e tɨʼ lwɨŋla, lé edu mpwaʼ kum we.

Kálar Nzyɛ̌m : Ejwán é Sáá

¹⁶ Mě jɨʼlá e né ó, nye gbâʼ bɨ̌n nkul ɨ́ milémé mín tʉ́ŋlʉ̌ e nzɨ̌ Sísǐm wé lɨ́ esú ó, bɨ̌n díʼee e nkul nyaá ɨ́ miléme lwɨ́ŋlá, lɨ́ edû mpwâʼ kûm nyé.

Éfɛsɔs 3:16 ပူးပေါင်းရင်းမြစ်များ

Kolosi 1:11

Bɨh bé esa nye mɨnjwɨʼla nteme ó, nye gulɨ bɨn é mɨleme, ó bɨn sea bɨsyɛɛ bɨ nkul mɨmbi mimyɛh é zi nkul we bɨna lé egumlo ga ɛ. Bɨn bé esea-sea no ó e bihbe, lé ejaʼra e mɨtuu, bɨn yɛɛ e bɨsʉhʉ.

Filipi 4:13

Me ó e nkul esa bɨsa bibyɛh no é Krɨst, mʉr lé edwe me nkul ɨ.

2 Timotɛ 4:17

Tî wam ó b'a ze me é nkɔm, ndwe le egba me nkul é nyʉl. Nye a sa no ó, nye nkʉʼ cen mpaŋla waa é zi wam, mɛm cyela mɨtuno we, lé esa ó, bʉr o bɨkul bibyɛh nkʉʼ joʼo nye. No nteme ó me a syɛbɔ é nʉm ngbampwɨɨ ɨ.

2 Korɛnt 4:16

Ebe no, bɨh bé adimle nkul é monyʉl. Bɨh mu ó lé ekʉ bo é nko paʼ nyʉl lé enyin kʉl ɨ, sa gwar, sa ndɨ é nyʉl waa tʉŋlʉ ɨ, yé eto le edwanba moho wiwɛh,

Éfɛsɔs 6:10

Sa me lé eka tile bɨn é l'epihe e, yé ó: lela ga nkul é zyɛŋa win boo Da Yesʉs tʉŋlʉ, é mpwaʼ nkul we.

2 Korɛnt 12:9

Nye ntɔʼ bɨha ó: «Ncwɨncwɨa me lé elɛʼle go e, nye si jala go, ebe, nkul wam, nye ekʉ nyin ntinɨ e ntinɨ ó, é jɔʼ me lé eze é nkɔm mo mʉr ndɨ é cyɛʼ ɛ.» Ebe no ó me ódoʼo e l'ecyɛʼ lam, sahle e! Nkul mo Krɨst nteme, nye òdi é me.

Filipi 4:19

No ó, Zyɛm Sɔŋ wam óloŋlo bɨn e bɨsa bɨn lé esaa ɛ, dwe bɨn bya ntuʼba, lé edu mpwaʼ okum we. Nye ósa no ebe zyɛŋa win boo Yesʉs-Krɨst.

Rôm 7:22

Gwɨma, yé eduho me é mo si ó, me duʼo motie mo Zyɛm.

1 Korɛnt 16:13

Diʼe ga nkehe. Cyɛba ga é nkʉʼʉ é buʼo. Diʼe ga e leme onkɔɔ. Lela ga nkul.

Rôm 9:23

Zyɛm, nye esa no, bʉr gʉŋa ó, nye e mpwaʼ kum. Nye ókab bɨna ga kum waa, bɨna ga, bʉr nye a kpɛl cwɨa e be e, ebe, bɨna ga ó ndɨ baa nye a bɛa cye ó, nye ókab be kum waa ɛ.

Kolosi 1:27

Zyɛm a be ó si bà jwɨʼ ndɨ e buobuo nyɔm é l'efu lɨn, bʉr o ndɨ abe oYʉden ɨ. Nye a be ó si gwih lwib odim ye ó, lé elɛʼle bʉr be ya. Nye a be si gwɨm ó, bé gʉŋa ye é kpɛhla. Lwib odim yaa, yé ó yi: Krɨst, nye mu ó é bɨn nteme! Mɨleme min, mi loŋlo e mbɛla ó, bɨn bé óbi kum tɨ.

Éfɛsɔs 3:8

É sama mɨsaŋ mɨ bʉr mo Zyɛm bɨh e boo nɔɔ ndɨ ɨ, bʉʉ bɨbɛh, bé ejala le etaare nʉŋɔ, gbaŋɔ é nkɔb. Dam be no, Zyɛm a si lɛʼle me ncwɨncwɨa we, ó me lɛŋɨ Mbɨambɨa Lɔɔ mo Yesʉs-Krɨst boo bʉr o ndɨ abe oYʉden ɨ, ó bé gʉŋa okum e l'ogbaa Krɨst lé eze bɨna ga e wa ɛ, dam be ó, wé ákwoʼ gʉŋɔ wiwɛh.

Éfɛsɔs 1:18

Nye bɛŋɨ bɨn mih, maa ndɨ bɨn é mɨleme tʉŋlʉ ɨ, ó bɨn biʼe mbɛla ɨ mɨleme é l'efu e motʉm Zyɛm lé ekomo baa nye a jebe e. Bɨn gʉŋa nteme tiʼ molu mo mpoʼ mɨmɛh bɨn bé óbi, jala e mopoʼ min ɨ. Nye ekomo mopoʼ monɨ ó, é l'efu le edwe mɨsaŋ mɨ bʉr be.

Mataos 6:13

Ato e bɨh é mobʉbla tʉŋlʉ. Syɛbɨ bɨh é mobo mo Bɨbla-mʉr. [Ebe, mojwɨ̀ʼa e nkul ndwe e moncɛnba, byé ó byo, to pyal é mɨmya mimyɛh. Amɛn!]”

Éfɛsɔs 1:7

Mwan waa ó b'a pyɛl motié me, ntɔʼ jɛna mobyaʼ, le edwih bɨna ga é mpila ebebe é pololo. Nye a sa no ó, Zyɛm pɛʼɛ bɨbaa nye a bɛa niʼe bɨna ga é lɔb motie bɨna bé a ntaa ɛ. Zyɛm a sa bɨna ga bɨsyɛɛla byaa bibyɛh ó, lé elɛʼle bɨna ga mpwaʼ ncwɨncwɨa we.

Ebrœ̂ 11:34

Bé a si dime modiʼe, le ecɨŋ mɨfòŋ é zi buʼo yɔɔ. Bé a taare be ó é cyɛʼ, bé ntɔʼ bula nʉa nkul é monyʉl. Bé a si lwimla mɔm, ndwe le efo mosama mo dɔm é zi buʼo yɔɔ.

1 Pyɛr 3:4

Laa ó, ojaa win, wé diʼe no, fuo gba ga yɛɛ ojaa é leme tʉŋlʉ. Ojaa waa, wé abe e nkul esie. Leme win diʼe é pyɛɛɛ. Diʼe ga é tala njwɨr. Ojaa waa, wé é buo dime é mih mo Zyɛm.

Éfɛsɔs 2:7

Nye a cwɨa e bɨna ga no ó, nye nkʉʼ lɛʼle kpɛl ye ndɨ apurapura sɔʼɔ ɛ, sa lé elaa yʉʉ sɔʼɔ é mpwaʼ ɛ. Kpɛl ye yaa, yé ónyin pie e l'esie e mbi jɔʼ yi. Bɨna bé ebi ga ncwɨncwɨa we ó, é zyɛŋa ga wina boo Yesʉs-Krɨst.

Rôm 2:29

Yʉden, nye ó mpaŋ Yʉden é jɔʼ nye ndɨ no, duho é mo si ɨ. Mpaŋ sɛa mpʉn, wé ó waa Mbɨambɨa Sisim lé esa é leme mʉr tʉŋlʉ ɨ. Wé asaŋɔ é lɔb ebaʼle motie mo Moyiz. Mʉr ndɨ e mbi sɛa mpʉn waa ɛ, ntʉʼ bʉr, bé ógumlo nye. Kum we óduho ó boo Zyɛm.

Éfɛsɔs 3:15

Nyɛɛ Zyɛm Sɔŋ ó ndɨ edwe bʉr o ndɨ é jobo kʉ ɨ, e bɨbɛn ndɨ é si nwaʼ ɛ, bɨbɛh mɨnjwɨr myɔɔ.

Kolosi 2:2

Me ejaʼra e mɨtuu myaa ó, me gbaʼ bɨn nkul é monyʉl, le esa ó, bɨn syɛŋa é leme ncwɨncwɨa. Bɨn nkʉʼ gʉa buʼo ga yina é kpɛhla, sa ndɨ bɨn e buobuo nyɔm ɨ. Bɨn gʉŋa nteme Krɨst, mʉr Zyɛm a fol é lwib odim ɨ.