Éfɛsɔs 3:10 - Kálara Zyɛ̌m Edwán é mpʉ̌n

¹⁰ Banana, yi ka liʼ ó, njɨ epɛʼle jwɨʼ ye yaa, ndwe le ebal mɨsisim mɨ apum le myaa mɨ nkul, myaa ndɨ é jobo e l'ejyoo e. Myé mu lé eka joʼo jwɨʼ yaa ó, boo bɨna, bʉr o Mbɛr-Zyɛm, ndwe le egʉa mpʉ ocyoo mo Zyɛm ndɨ é buo mɨmbi ɨ.

Kálar Nzyɛ̌m : Ejwán é Sáá

¹⁰ Yé ka lîʼ ɨ́ báánâʼ ó, njɨ epâʼlǎ jwɨʼ yé yaá, pyêl yé ɨ́ myɛ́n lɨ́ esú lé écɨ̂l mísísǐm mí édúrʉ́ʉ́ mi dí e jwɨ́ɨ mí le myaá mi nkûl, myaá mi dí páʼ jʉ́o le ejwoo mí. Myé mû ó lɨ́ ekǎ jɨ̂ʼ yé kwá gá nyɨ́ná, bʉr ó Mbɛ̌r-Nzyɛ̌m, le egʉ́ǎ mpʉ ócwóó mé Nzyɛ̌m dí ɨ́ buo mímbi wɨ́.

Éfɛsɔs 3:10 ပူးပေါင်းရင်းမြစ်များ

1 Pyɛr 1:12

Zyɛm a ka lɛɛ ogwiha o mɨlɔb baa ó, lɔɔ bé a to le elɛɛ ɛ, wé a baabe é l'efu lɔɔ, bé bʉr o tɨ, ó bé gʉŋa we é kpɛhla. Bé a ze lé elɛɛ we ó, é l'efu lɨn. Bɨn ó ndɨ edira nyɔm e lɔɔ waa é banana, é nkul mo Mbɨambɨa Sisim a ntɨhɔ bɨn, duho é jobo kʉ ɨ. Lɔɔ bé a lɛɛ-lɛɛ bɨn ɨ, wé ó waa beengles lé ebul gwɨm gʉa ɛ.

Éfɛsɔs 6:12

Ebe, yé abe ó, bɨna tɛl ga ó e bʉr o bɨpuno le motié. É l'ocyecye, bɨna bé elwimla ga ó e bɨcye bɨnɨnɨ bɨnâ mɨsisim mɨ apum: le mɨsisim mɨnɨnɨ, le myaa mɨ nkul, le myaa ndɨ e mojwɨ̀ʼa mo edurʉ ɨ, le myaa ndɨ é jobo e l'ejyoo le ebantɛn ɨ.

1 Korɛnt 2:7

Bɨh bé eyeʼle bʉr ó, ocyoo mo Zyɛm. Wé a taare be ó é lwib odim, sa Zyɛm a bɛa fol ɨ. Nye l'apa cye kʉ e si, nye a bɛa bà jwɨʼ ó, nye dwe ó bɨna ga ocyoo waa ndwe e kum tɨ.

Rôm 11:33

A ndwe e l'okum mo Zyɛm ee! Ocyoo we e ngwɨa we, byé abe e l'odumo. Zé ndɨ e nkul egʉa mɨtiʼa mɨ leme we ɛ? Zé ndɨ e nkul egʉa bɨsyɛɛla nye lé esa ɛ?

Éfɛsɔs 1:21

Zyɛm a dil nye é dia taʼa yaa ó, é mɨsisim mɨ apum kʉ, taare é myaa mɨ jwɨɨ, bé e myaa mɨ nkul ndwe e myaa ndɨ e monkul monɨnɨ ɨ, to pyal é myaa ndɨ mɨlʉ ɨ. Krɨst ó ndɨ elaa bɨbɛh é mpwaʼ nkʉŋ. Nkʉŋ we ó lé elaa bwaʼbwaʼ nkʉŋ ndɨ e nkul egwimlɨ é mbi jɔʼ yi, nkʉ é jwɨ̀ʼa ye, yé óka cyelɔ ɛ.

Éfɛsɔs 1:3

Bɨna gumla ga Zyɛm, waa ndɨ Sɔŋ mo Tî ga wina Yesʉs-Krɨst ɨ. Zyɛm, nyi sʉ bɨna ga mocyɛʼ mo mpom me é zyɛŋa ga wina boo Krɨst. Nyi mɛʼle nteme ó, bɨna sʉŋɔ ga mocyɛʼ mo mpom mo Mbɨambɨa Sisim mɨmɛh, lé eduho é jobo kʉ.

1 Korɛnt 1:24

É paʼ bʉr Zyɛm a jebe e, bé dam be oYʉden, nkʉ nteme bʉr o bɨkul bɨfih, bé ebee nkul e l'ocyoo mo Zyɛm ó, é Yesʉs-Krɨst,

1 Pyɛr 3:22

Nye a si bere é jobo kʉ. Nye mu ó é mbo ejʉm mo Zyɛm Sɔŋ, gumo nye lé ejwɨʼ beengles, le mɨsisim ndɨ e mojwɨ̀ʼa ndwe e myaa ndɨ e nkul ɨ.

Kolosi 1:16

ebe, Zyɛm a cye sa yiyɛh ó, é zi we: bɨsa ndɨ é jobo e l'ejyoo e, e byaa ndɨ é si nwaʼ ɛ, bɨsa lé enyin ndwe e byaa ndɨ anyin ɨ, mɨsisim mɨ apum ndɨ é dia taʼa ɛ, le myaa ndɨ e monkul monɨnɨ ɨ, le myaa ndɨ e jwɨɨ, nkʉ myaa ndɨ e nkul ɨ. Sa yiyɛh, yé a cyeŋɔ ó, njɨ lé ebœʼ kum we.

1 Timotɛ 3:16

Yé ejala ó, buʼo yina, yaa ndɨ é lwib odim ɨ, yé é laŋle bwaʼ. Yé ó: «Nye a ze nyin é si nwaʼ ó e nyʉl bɨpuno. Mbɨambɨa Sisim ze lɛʼle bɨna ga nya, bɨna gʉŋa ga ó, nye abe e mobe. Beengles, bé a si siŋle nye. Bʉr o bɨkul bɨfih, bé a si joʼo lɔɔ lé etiibe e nye e. Bʉr o si nwa, bé a si jyɛʼ taa buʼo yɔɔ boo nye. Nye a si to é jobo kʉ, é fum nye a dweŋɔ kum ɨ.»

Éfɛsɔs 1:8

Nye a bul lɛʼle bɨna ga ncwɨncwɨa we waa ó, é zi ocyoo we wiwɛh ndwe e pɨʼ we.

Rôm 8:38

Eee, mɨ kʉ gʉa ó, dam be efie, dam be tiʼ, dam be beengles, dam be mɨsisim mɨ apum, dam be mɨtuu mɨ banana, dam be myaa bɨjɔʼ lé eze e, dam be mɨnjɨh,

Éfɛsɔs 1:23

Mbɛr-Zyɛm, wé ó nyʉl mo Krɨst. Krɨst nyɛɛ, nye elɛʼle mpwaʼ we ó, njɨ ɨ Mbɛr-Zyɛm. Krɨst ó ndɨ ejwɨʼ mɨcyea bɨsɔʼɔ bibyɛh é mɨpaʼ mimyɛh.

Kolosi 2:10

É mpʉ bɨn ndɨ é zyɛŋa win boo Krɨst ɨ, bɨn bɨ gwɨe é mɨpaʼ mimyɛh. Krɨst ó ndɨ lʉ, waa lé ejwɨʼ mɨsisim mɨ apum mimyɛh ɛ.

Kolosi 2:15

Mokʉa mo dɔm mɨsisim mɨ apum le moleme bé a be e me e, Zyɛm, nyi dɛʼ me. Nye a ntaa be é nkul dɔm ó, é jɔʼ Krɨst a dwè é klos ɨ. Nyi liʼe mɨsisim myaa é gœʼra-gœʼra, fwon wɔɔ lé enyin bʉr bɨbɛh é pono.