Éfɛsɔs 2:9 - Kálara Zyɛ̌m Edwán é mpʉ̌n

⁹ Nye a baacwɨa e bɨn ebe yʉʉ mpaŋ syɛɛla yin. Ndwe nteme, yé ajala ó, mʉr doʼa e nye mʉr tɨ.

Kálar Nzyɛ̌m : Ejwán é Sáá

⁹ Nye á bé acwɨ́a e bɨ̌n ɨ́ lɔ̌b yʉ́ʉ́ syɛ́ɛla mpâ yɨ́n. Nó ntémé, yé ajala ó, mʉr nkʉ́naa ɨ́ nye mʉr tɨ̂.

Éfɛsɔs 2:9 ပူးပေါင်းရင်းမြစ်များ

2 Timotɛ 1:9

Nye a baajebe bɨna ebe mɨmpaŋ bɨsyɛɛla bina. Nye a dwe bɨna ga tiʼ molu mo mpoʼ mɨmɛh le ejebe bɨna ó, bɨna diʼe mɨsaŋ mɨ bʉr be. Nye a sa no ó, ebe pɛhla we nye mʉr tɨ, le ncwɨncwɨa nye a be e nye, waa nye a be ó, nye ólɛʼle bɨna ɛ. Nye a bɛa lɛʼle bɨna ncwɨncwɨa ó, kʉ e si apa cyeŋɔ, é zi mo Yesʉs-Krɨst.

Rôm 11:6

Nye a pɛh be ó, ebe ncwɨncwɨa we; nye a baapɛh be ebe mɨmpaŋ bɨsyɛɛla byɔɔ. Nkʉ nye a be ó be, pɛh be ebe bɨsyɛɛla byɔɔ nɛʼɛ, mpa ncwɨncwɨa a baaka be ncwɨncwɨa.

Rôm 9:16

No ó, é jɔʼ Zyɛm lé ejebe mʉr ɨ, nye ejebe nye ó, ebe, nye ejwɨʼ nye nkoo. Yé abe ebe gwɨma mʉr tɨʼ ndɨ e ye e, nkʉ ebe nye egba nyʉl lé esa mɨmpaŋ bɨsyɛɛla.

Rôm 3:20

Mʉr ákwoʼ bi mokebe é mih mo Zyɛm ebe mbi nye lé edu motie e. Motie, mé ekʉ ka sea syɛɛ ó njɨ yaa elɛʼle bɨna ga ó, bɨna ga bé ó bʉr o mɨsyem.

Rôm 9:11

Zyɛm a lɛɛ nye ó: «Tʉl óbe ó syɛl mosa mo ncyom we.» É jɔʼ Zyɛm a lɛɛ no e, lʉʉ egbah, lé a baapa byɛl, apa sa syɛɛla gwar, nkʉ mpaŋ syɛɛla ngwar, nkʉ syɛɛla ebebe gwar. Zyɛm a sa no ó, lé elɛʼle ó, nye esa bɨsa bye ó mpʉ nye lé ekpɛl ɨ. Nye epɛh mʉr, le ejebe nye ó, lé edu mɨtiʼa mɨ leme we nye mʉr tɨ. Nye apɛh mʉr é dɔɔ mɨmpaŋ bɨsyɛɛla mʉr waa a taare sa ɛ.

Rôm 4:2

Nkʉ Abraham a be ó be, bi mokebe é mih mo Zyɛm ebe mɨmpaŋ bɨsyɛɛla bye nɛʼɛ, mpa nye a si bi sa edoʼo e tɨ. Sa gwar, nye a baangbaa doʼo e bye é mih mo Zyɛm,