Éfɛsɔs 2:8 - Kálara Zyɛ̌m Edwán é mpʉ̌n

⁸ Ebe, bɨn bé a bi tiʼ molu mo mpoʼ mɨmɛh ó, é zi ncwɨncwɨa mo Zyɛm, é zi buʼo. Tiʼ yaa, yé aduho é bɨn bʉr o tɨ. Yé ó etʉm Zyɛm a ntɨh bɨn ɨ.

Kálar Nzyɛ̌m : Ejwán é Sáá

⁸ Ebě, mpam mé Nzyɛ̌m ó b'á tiʼ bɨ̌n, lɨ́ nzɨ̌ búʼó. Twiʼ yaá, yé aduho kwá nyɨ́n, bɨ̌n bʉr o tɨ̂. Yé ó ndwéá mé Nzyɛ̌m.

Éfɛsɔs 2:8 ပူးပေါင်းရင်းမြစ်များ

Éfɛsɔs 2:5

É jɔʼ bɨna bé a be ga odwè é nko paʼ sisim, duho é motie bɨna bé a ntaa ga ɛ, nye a si bana pɛ̀h bɨna ga é mofoo é jɔʼ nye a pɛ̀h Krɨst é we foo e,— bɨn bé a bi tiʼ molu mo mpoʼ mɨmɛh ó, é zi ncwɨncwɨa Zyɛm a lɛʼle bɨn ɨ.

Rôm 4:16

Ebe no ó Zyɛm a dwe Abraham bé e l'onta be, tiʼ molu mo mpoʼ mɨmɛh ebe taa buʼo bé a jyɛʼ boo nye e. Tiʼ molu mo mpoʼ mɨmɛh Zyɛm a kɛʼ bɨna ga ɛ, yé ó sa lé elɛʼle ncwɨncwɨa we e. Nkɛʼ waa, wé ó sa ebuʼlɔ é paʼ bʉr o mpoŋbʉr mo Abraham bɨbɛh. Yé a baadwɛʼ njɨ mʉr a du motie e. Yé a dwɛʼ nteme ó, mʉr a be e buʼo gwar mo Abraham ɨ. Yé ó, ebe, Abraham, nye ó sɔŋ ga wina, bɨna ga bɨbɛh.

Rôm 10:17

No ó, gʉŋa ga ó, é jɔʼ mʉr lé ejyɛʼ taa buʼo ye boo Krɨst ɨ, buʼo ye, yé eduho ó, é njoʼa nye a taare joʼo lɔɔ waa ɛ. Njoʼa we waa, wé eduho ó, é l'ekan bé lé elɛɛ nye, tiibe e Krɨst ɨ.

Mɨlʉmlʉ 16:31

Bé ntɔʼ bɨha e nye ó: «Jyɛʼɛ taa buʼo yo boo Da Yesʉs, go nkʉʼ bi tiʼ molu mo mpoʼ mɨmɛh, bɨn e mbɛr bʉr go wiwɛh!»

Yʉanes 6:37

Mʉr nyiwɛh Sɔŋ wam lé elomlo me e, nye óze boo me. Ndwe nteme, me abe e nkul ekubra waa nyiwɛh lé eze boo me e.

Yʉanes 5:24

«Me elɛɛ bɨn cyecye ó nɛɛ: mʉr ójoʼo lwib yam le ejyɛʼ taa buʼo ye boo mʉr a ntɨh me e, nyi bi tiʼ molu mo mpoʼ mɨmɛh. Zyɛm, nye aŋa ka dwe nye mobe. Nyi bɛa dwihɔ é l'efie, ntɔʼ dweŋɔ tiʼ molu mo mpoʼ mɨmɛh.

Yʉanes 4:10

Yesʉs ntɔʼ lɛɛ e nye ó: «Nkʉ go be ó be, gʉa etʉm Zyɛm lé entɨh-ntɨh bʉr ɨ, ndwe e mʉr lé ejaʼ go modibe nɛʼɛ, mpa go ô jaʼ nye modibe lé esah ɛ. Nye si ngbaa dwe nteme go ma.»

Lʉkas 7:50

Yesʉs ntɔʼ lɛɛ e mʉma ó: «Buʼo yo, yi tiʼ go! Toʼ é motala.»

Markus 16:16

Waa ójyɛʼ taa buʼo ye boo me, ntɔʼ nʉa ndubo e, nye óbi tiʼ molu mo mpoʼ mɨmɛh. Waa óbe, ajyɛʼ taa buʼo ye boo me e, nye ókabɔ bɨntɨʼa ndɨ é laŋle bebe e.

Yʉanes 3:36

Mʉr lé ejyɛʼ taa buʼo ye boo mwan waa ɛ, nye ó ngo bi tiʼ molu mo mpoʼ mɨmɛh. No ó, waa ndɨ esa Mwan mo Zyɛm ebɨh ɨ, nye aŋa bi tiʼ molu mo mpoʼ mɨmɛh yaa, ebe, Zyɛm ókpaa empime e nye.»

Rôm 4:5

To kœb ó, mʉr ngwar é sama bʉr o ndɨ asa mɨmpaŋ bɨsyɛɛla ɛ, nye óbɛm jyɛʼ taa buʼo ye boo Zyɛm, ebe, nye ó waa ndɨ edwe bʉr o ndɨ adwaabe nye e, mokebe e. Zyɛm óbee mpʉ nye ndɨ ejyɛʼ taa buʼo ye boo nye e, ntɔʼ nʉa buʼo ye mpʉ bɨsyɛɛla bɨ ocɨcyel.

Éfɛsɔs 2:10

Bɨna ga bé ó baa Zyɛm a kpaʼ e mobo me nye mʉr tɨʼ ɨ. Nye ntɔʼ ze dil bɨna ga é Yesʉs-Krɨst dil dilɨ é l'efu ó, bɨna diʼe ga bʉr bé ósa bɨsyɛɛla bɨ ncwɨncwɨa ɛ. Zyɛm nye mʉr tɨʼ ó b'a bɛa tiʼe é leme we ó, bɨna saʼ ga nye bya.

Galásia 3:22

Ebe, yé ó tila é Kalara Zyɛm ó, bʉr o si nwaʼ bɨbɛh, bé ó, é mpila mɨsyem myɔɔ. Mɨsyem myɔɔ, myé a si kaʼ bɨbɛh monkara. Sa gwar, Zyɛm, nye ekɛʼ ó, baa bɨbɛh lé ejyɛʼ taa buʼo yɔɔ boo Yesʉs-Krɨst ɨ.

Mɨlʉmlʉ 13:39

Bʉr bɨbɛh ndɨ ejyɛʼ taa buʼo yɔɔ boo nye e, bé óbi mokebe é mih mo Zyɛm. Mʉr, nye epɛʼɔ bɨbaa bɨ ebebe bibyɛh, dam be byaa motie mo Moyiz, mé a baakoʼo epɛʼ ɛ.

Galásia 3:14

Yesʉs-Krɨst a dwih bɨna ga é mpila ebebe no ó, é l'efu e bɨkul bɨfih. Nye mu ó lé eze ntɛŋ bɨn mocyɛʼ mo mpom Zyɛm a kɛʼ Abraham ɨ. Nye a dwih bɨna ga nteme é mpila mɨsyem ó, Zyɛm nkʉʼ dira nkɛʼ we é l'efu ga lɨna, lé entɨh bɨna ga Mbɨambɨa Sisim. Nye entɨh nye ó, ebe taa buʼo bɨna lé ejyɛʼ ga boo nye e.

Yʉanes 6:40

ebe, Sɔŋ wam, nye egwɨm ó, bʉr bɨbɛh bé óbee Mwan mo Zyɛm, jyɛʼ taa buʼo yɔɔ boo nye e, bé biʼe tiʼ molu mo mpoʼ mɨmɛh. Mɛm, me ópɛ̀h be é mofoo é moho epihe, ntible-bɨkaŋa.»

Yʉanes 6:35

Yesʉs, nye e be ó: «Me ó ndɨ mode lé etiʼ bʉr ɨ. Mʉr nyiwɛh lé eze boo me e, nye abe e nkul eka joʼo za. Mʉr nyiwɛh lé ejyɛʼ taa buʼo ye boo me e, nye abe e nkul eka joʼo dweh modibe.

Éfɛsɔs 1:19

Me ejwɨʼla nteme ó, bɨn gʉŋa mpwaʼ nkul we, waa lé elaa sa yiyɛh ɛ. Bɨn gʉŋa nteme mpʉ nye lé eze bɨna ga é nkɔm e mpwaʼ nkul waa ɛ. Nye egba nyʉl lé efuʼo bɨna ga, bʉr o b'a jyɛʼ taa buʼo yina boo nye e.

Mɨlʉmlʉ 14:27

É jɔʼ bé a pyal Antios ɨ, bé ze baŋle bʉr o mbɛr Zyɛm waa, lɛɔ be bɨsa bibyɛh Zyɛm a sa é zi wɔɔ ɛ. Bé a lɛɛ nteme ó, Zyɛm a si cwɨa nteme e bʉr o ndɨ abe oYʉden ɨ, le edib be zi ejyɛʼ taa buʼo yɔɔ boo nye.

Yʉanes 6:65

Nye ntɔʼ bâʼle lɛɛ e be ó: «Ebe no, me elɛɛ e bɨn ó nɛɛ: mʉr, nye abe e nkul eze boo me, nyɛɛ l'apa bi nkul boo Sɔŋ wam.»

Kolosi 2:12

É zi ndubo bɨn bé a nʉa ɛ, bɨn bé a si debe, bɨn e boo Krɨst é jɔʼ gwar e gwar yaa, bɨn e boo nɔɔ nteme ntɔʼ pàh, ebe, bɨn bé ebuʼla nkul nɨnɨ mo Zyɛm Sɔŋ, mʉr a pɛ̀h nye é foo e.

Yʉanes 6:44

ǃƗ Sɔŋ wam, mʉr a lomo me e, si bene lé edulo mʉr nɛʼɛ, mʉr waa l'aze boo me. To kœb ó, waa ódulɔ ɛ, me ópɛ̀h nye é foo é moho epihe, ntible-bɨkaŋa.

1 Pyɛr 1:5

Zyɛm mu ó lé ebaʼle bɨtiʼ bin e nkul we é zi buʼo. Nye ebaʼle bɨn no ó, é l'efu le edwe bɨn tiʼ molu mo mpoʼ mɨmɛh ndɨ ebono bɨn zi dolo e. Nye ólɛʼle bʉr bɨbɛh ya ó, é l'esie e mbi jɔʼ yi.

Filipi 1:29

Nye a dwe bɨn tiʼ molu mo mpoʼ mɨmɛh ó, bɨn gumla Krɨst, abe njɨ é jɔʼ bɨn lé ejyɛʼ taa buʼo yin boo nye e, kʉ bul be é jɔʼ bɨn mu lé ebɔma e mɨtuu ebe zyɛŋa win boo nɔɔ ɛ.

Rôm 10:14

Sa gwar, bé e nkul ejwɨʼla e waa bé a baajyɛʼ taa buʼo yɔɔ boo nye e, wáa mbi? No ó, bé e nkul ejyɛʼ taa buʼo yɔɔ boo mʉr bé a baajoʼo die le e, wáa mbi? Bé ó e nkul ejoʼo die laa, abe e mʉr lɛɛ be la nyá ɛ?

Mataos 16:17

Yesʉs ntɔʼ lɛɛ e nye ó: «Mocyɛʼ mo mpom, mé ó e go, Simɔn, mwan mo Yʉanes! Ntʉʼ mʉr bɨpuno le motié gwih go sa yaa. Yé be ó Sɔŋ wam ndɨ é jobo kʉ ɨ. Nye ô lɛʼle go ya.

Mɨlʉmlʉ 16:14

Nuu mʉma a be ó tɨʼ é bʉba baa, die le Lidia, sile nkana Tiatir. Nye a bɛma-bɛma ó, bɨdime mɨkan mɨ akaa-e-kaa. Nye a be ó si taare lé edwaabe Zyɛm oYʉden. Nye ze joʼo bɨh, Da ze dib nye zi ó, nye gʉa joʼlo sa Pol a lwib-lwib ɨ.

2 Tesalonika 1:9

Bé ósia e bɨntɨʼa. Nye ódimle be. Bé ódim ó njʉmdia e njʉmdia. Bé ócenɔ é l'ejaa, bɛɛ l'aka pyal é mih mo Da Yesʉs. Bé aŋa ka kunbo e gumo nkul e kum we ndɨ ɨ.

Mɨlʉmlʉ 15:11

To kœb ó, bɨna bɛɛ, bé ebuʼla ga ó, bɨna bé óbi tiʼ molu mo mpoʼ mɨmɛh ó, njɨ ebe ncwɨncwɨa mo Da Yesʉs, jwɨʼ gwar e gwar e mbi bé óbi nteme nye e.»

Rôm 9:16

No ó, é jɔʼ Zyɛm lé ejebe mʉr ɨ, nye ejebe nye ó, ebe, nye ejwɨʼ nye nkoo. Yé abe ebe gwɨma mʉr tɨʼ ndɨ e ye e, nkʉ ebe nye egba nyʉl lé esa mɨmpaŋ bɨsyɛɛla.

Ebrœ̂ 6:4

Bʉr o b'a taare kʉnɔ mɨmbah, bé a be ó lé etaare bi-bi mɨndwɛa lé eduho é jobo kʉ ɨ. É til molu yaa, Mbɨambɨa Sisim, bé e boo nɔɔ ó b'a be-be. Bé a be nteme ó, lé ejoʼo-joʼo lɔɔ Zyɛm ndɨ é bul mbɨa ɛ, joʼo monwam mo tɨ. Bɛɛ, bé a si taare dweŋɔ mbi nkul óka kabɔ pie e l'esie e mbi jɔʼ yiʼ ɨ. É jɔʼ mbi bʉr baa ka lɨŋa é buʼo e, bé abe e nkul ebâʼle gbɛlɔ, ó bé óbula gwɨma mobebe mɔɔ, le edwir mɨleme myɔɔ, ebe, bé bʉr o tɨ, bɨ kʉ gbaa ó, bé ócyèl Mwan mo Zyɛm é klos é jɔʼ mba, le esa ó, nye bul lwɨɔ é nkɛŋlɛm.

Mataos 20:9

«Baa b'a nʉŋɔ é mowala motɛn ɨ, ze pyal efoʼ. Bé a jɛna e be ó, mʉr ngwar, saŋ denie ngwar.