Éfɛsɔs 2:2 - Kálara Zyɛ̌m Edwán é mpʉ̌n

² Bɨn bé a taare kœʼ ó, njɨ ebò e cyen le ebebe laa, jwɨʼ gwar e gwar e bʉr o mbi jɔʼ yiʼ bɨbɛh. Bɨn bé a tiʼe no ó, lé edu motɨɨ mo njwɨɨ mbi jɔʼ yi, waa ndɨ cyela é dia taʼa ye paʼra jobo e l'ejyoo le ebantɛn ɨ. Sisim waa ó lé ecyɛb bʉr é mɨleme é banana, baa lé esa Zyɛm ebɨh ɨ...

Kálar Nzyɛ̌m : Ejwán é Sáá

² Bɨ̌n bé á be lɨ́ edudû kʉ̌ tyen ébébe bʉ̂r ó sí yɨ̂ʼ bɨ́bɛ̂h. Bɨ̌n bé á dudû ɨ́ bíi yaá ó, sísǐm édúrʉ́ʉ́ dí tyélá ɨ́ diá jwɨ́ɨ́ yé páʼ jʉ́o le ejwoo wɨ́. Sísǐm waá ó dí etyɛ̂b bʉ̂r ɨ́ miléme ɨ́ báánâʼ ó, bé bénaa edyɛ̂ʼwo e Nzyɛ̌m.

Éfɛsɔs 2:2 ပူးပေါင်းရင်းမြစ်များ

Éfɛsɔs 6:12

Ebe, yé abe ó, bɨna tɛl ga ó e bʉr o bɨpuno le motié. É l'ocyecye, bɨna bé elwimla ga ó e bɨcye bɨnɨnɨ bɨnâ mɨsisim mɨ apum: le mɨsisim mɨnɨnɨ, le myaa mɨ nkul, le myaa ndɨ e mojwɨ̀ʼa mo edurʉ ɨ, le myaa ndɨ é jobo e l'ejyoo le ebantɛn ɨ.

1 Yʉanes 5:19

Bɨna bé egʉa ga ó, bɨna ga bé ó, bwan mo Zyɛm. Bʉr o si nwaʼ nyiwɛh bɛɛ, bé ejaʼra ó e mpel mo Bɨbla-mʉr.

Éfɛsɔs 2:3

Bɨna bɨbɛh, bé a taare kœʼ ga ó, ebò e cyen egwar laa. Bɨna bé a kʉ saa-saa ga ó, njɨ edu bɨgwɨma bɨ nyʉl bɨpuno ga wina. Bɨgwɨma byaa ó b'a bul pebre-pebre bɨna ga é mɨleme. Sa yé a kʉ jala e bɨh oYʉden ɨ, yé a be ó, Zyɛm kpaŋa empime le e bɨh, jwɨʼ gwar e gwar mpʉ nye a jala le ekpaa e bʉr o ndɨ abe oYʉden ɨ.

Yʉanes 12:31

Bananaʼ mu ó jɔʼ bʉr o ndɨ egumo e si nwaʼ ɛ, muno ze dweŋɔ mobe e! Banana, Njwɨɨ mbi jɔʼ yiʼ muno ze foŋɔ!

Éfɛsɔs 5:6

Mʉr beʼ l'agomlo bɨn diʼ é zi lwib ndɨ mbɛh ɛ. Bɨsyɛɛla bɨ ebebe bɨnɨ, byé ó ndɨ egba Zyɛm empime é leme. Empime laa ó nye ókpaa e bʉr o ndɨ esa nye ebɨh ɨ.

Yʉanes 8:44

Sɔŋ win, nye ó Njwɨɨ moleme! Ebe no ó bɨn lé ebul kpɛl sa njɨ gwɨma mo sɔŋ win ɨ. Nye a bɛa be ó njʉl bʉr, duho é l'etɔɔrʉ. Nye abe e nkul elɛɛ ocyecye lʉʉ dobo, ebe, ocyecye, wé abe é nye tʉŋlʉ. É jɔʼ nye lé elɛɛ mɨlɔɔ ɛ, nye elɛɛ ó, sa ye anta nye, ebe, nye ó mpʉmpʉl. Nye nteme, nye ó sɔŋ mɨmpʉmpʉl.

Éfɛsɔs 4:22

Bɨn bé a yeʼlɔ ó, bɨn bé ejala le ebir mɨnjʉ̌m motum mɨn, sa lé eduho é l'ebò e cyen bɨn bé a kœʼ œ. Bɨgwɨma bɨ nyʉl bɨpuno byaa, byé egomlo bʉr é bebebebe zi.

1 Korɛnt 6:11

No nteme ó, bʉʉ bʉr o mbɛr Zyɛm win, bé a be-be e! Sa gwar, bɨn bé a si sohlɔ, pubɔ. Bɨn bɨ bi mokebe é mih mo Zyɛm lé ejyɛʼ taa buʼo yin boo Da Yesʉs-Krɨst, cwɨɨ é zi Mbɨambɨa Sisim.

2 Korɛnt 4:4

Bʉr o ndɨ abuʼla ɛ, bé abe e pɨʼ ndɨ ó, bé joʼa lɔɔ wih, ntɔʼ buʼla we, ebe, Njwɨɨ mbi jɔʼ yiʼ a si dimle be pɨʼ. Nye esa no ó, nye kamla be lé ebee mɨmbah lé epan, duho é moncɛnba mo Krɨst ɨ. Nye ebene ó, bé amu bee moncɛnba maa é zi Mbɨambɨa Lɔɔ mo Yesʉs, bé ntɔʼ gʉa ó, Yesʉs ó ndɨ bana kʉ be gulo mo Zyɛm.

1 Yʉanes 5:4

ebe, mʉr nyiwɛh ndɨ mbyɛla é zi nkul mo Zyɛm ɨ, nye entaa ebebe e si nwaʼ é nkul. Nkul nye ndɨ e nye, waa lé esa ó, nye bula e l'esaa é koo e, nye ó buʼo ga yina.

1 Yʉanes 3:10

Ebe, mbɛʼ, wé enyin paʼra bwan mo Zyɛm e baa mo Njwɨɨ moleme ó, é mbi wi: mʉr nyiwɛh ndɨ asa mɨmpaŋ bɨsyɛɛla ɛ, nkʉ waa ndɨ akpɛl mɨɔ we e, nye a baabyɛl é zi nkul mo Zyɛm.

1 Pyɛr 1:14

Mpʉ bɨn lé ebɛa sa-sa Zyɛm mojoʼo e, adu ga bɨbebebebe bɨgwɨma bɨn bé a taare be-be e bye é jɔʼ bɨn bé a be, agʉa Zyɛm ɨ.

Mɨngwiha 20:2

Nye a si to mɛr kʉʼrʉ myɔɔ ndɨ e die Njwɨɨ moleme, nkʉ Satan ɨ. Engles waa ntɔʼ naʼ nye mobo é nyʉl, kaʼ nye e kʉkob. Nye ódi kɛʼa e kʉkob ó, tɔɔ tɔɔyin mɨmbu.

1 Yʉanes 4:4

Bɨn bɛɛ bwan bam, bɨn bé ó baa mo Zyɛm. Bɨn bɨ ntaa bʉr o dɔm mo Krɨst onɨ, ebe, Sisim bɨn ndɨ e we e, wé ó, é lele nkul, laa waa ndɨ é bʉr o si nwaʼ ɛ.

1 Pyɛr 4:3

Bʉr, bɨ bul lɛŋ buobuo jɔʼ lé eloŋlo bɨgwɨma bɨ nyʉl bɨpuno, lé edu ebò e cyen mo bʉr o ndɨ abe oYʉden ɨ. Byé ó bi: egba monyʉl mɔɔ lé esa bɨmala zam e l'ekomo, ebe e bɨgwɨma bɨsa, egba monyʉl lé ebɛble monwoʼ, elɔʼba lé ebwalɔ mozɔɔ, efwaʼ monwoʼ, le edwiibɨ bɨbaŋabaŋa bɨdweʼle. (Sa nɨ, yé ó sa ndɨ kɔmlʉ ɨ!) Bim syɛɛla nɨ, yé kaʼ jala!

Kolosi 1:21

Molu pihe, bɨn bé a be ó é ncɛra e Zyɛm. Taare é mɨleme min, kumo e bɨsyɛɛla bɨ ebebe bɨn bé a sa-sa ɛ, bɨn bé a be ó njɨ bʉr o dɔm mo Zyɛm.

Galásia 1:4

Yesʉs-Krɨst nye mʉr tɨʼ a si dwè, jala e mɨsyem ga mina. Nye a sa no ó, nye nkʉʼ syɛb bɨna ga é mbi jɔʼ yi, yaa ndɨ é bul bebe e. Yesʉs a sa no ó, mpʉ Zyɛm Sɔŋ ga wina a gwɨm ɨ.

Rôm 12:2

Aka du ga mɨnjwɨr bʉr o mya wiʼ lé ekuhlo e. Yé ejala ó, Zyɛm dweʼ bɨn mɨpɛhla mɨdwan, ó nye dwirɨ bɨn mɨleme. É mbi waa ó bɨn bé ógʉa sa Zyɛm lé egwɨm ɨ, é kpɛhla. Bɨn bé ógʉa sa ndɨ é mbɨa ɛ, ndwe e yaa nye lé emɛʼle e, ka kɛl sa ndɨ mbɨmbɨa é mɨpaʼ mimyɛh ɛ.

Jacques 4:4

Odul be ozyɛm ofih ba! Zê bɨn bé apa gʉa ó, é jɔʼ bɨn lé etia efo e si nwaʼ ɛ, bɨn mu ó lé elɛʼle Zyɛm ó, bɨn bɨ tumo nye koo ɛ? ǃBɨn si nʉa tiʼa é leme win ó, bɨn bé ótia efo e si nwaʼ nɛʼɛ, yé elɛʼle ó, bɨn bɨ lihba bʉr o dɔm mo Zyɛm.

1 Korɛnt 5:10

Me a baagum lɛɛ ó: «osyɛl o bɨmala bɨbɛh», nkʉ «bʉr bɨbɛh ndɨ ecen mih é bɨsa byoonkan ɨ», nkʉ «bʉr bɨbɛh ndɨ edɛn bɨmɔn byoonkan ɨ», nkʉ «baa bɨbɛh ndɨ edwiibɨ bɨbaŋabaŋa bɨdweʼle e». Nkʉ bɨna bé a be ó be, tiʼe nduula wiwɛh e l'osyɛl o mɨsyem nɛʼɛ, mpa bɨna bɨ fuo pʉʼa ga é si nwa!

Mɨlʉmlʉ 5:3

No ó Pyɛr a ze lɛɛ e nye ó: «Ananias, ebe yé Satan bana cyɛb go é leme, ze sa ó, go lɛŋɨ Mbɨambɨa Sisim mpʉl mpʉnʉ nɨ ɨ? Ebe, gɨ nara e guu paʼ mɔn Mbɛr-Zyɛm go a nʉa é l'ebom e peme yo e, komo é l'empàh!

Yʉanes 15:19

Nkʉ bɨn bé a be ó be, be bʉr o si nwaʼ nɛʼɛ, mpa bʉr o si nwa, bé a be ó si kʉ kpɛl bɨn, bʉr o ndɨ egumo e be e. To kœb ó, me a be ó si pɛh bɨn, pɛʼ bɨn é nkɔm bʉr o si nwa, gba bɨn é nkɔm wam. Ebe no ó bʉr o si nwaʼ mu si nwim bɨn ɨ.

Yʉanes 14:30

Me aŋa ka bâʼle bul lwib e bɨn, ebe, “njwɨɨ mbi jɔʼ yi”, nye mu ó lé eze. Nye abe e nkul ejwɨɨ yɛɛ e mɛm.

2 Pyɛr 2:14

mih mɔɔ lé esaa bʉba bé saʼ mɨfyɛba e be e. Bé agbala ba lé esa mɨsyem. Bé ekwab bʉr o ndɨ é pɨŋla é l'ebò e cyen lɔɔ ɛ. Bɨ gba nyʉl lé ejwɨʼ edu bɨgwɨma bɨ nyʉl bɨpuno wɔɔ é dwiii. Zyɛm, nyi káale be.

Yʉanes 16:11

Nye ólɛʼle be mpʉ Zyɛm lé edwe bʉr mobe e, ebe, nyi bɛa dwe Njwɨɨ mbi jɔʼ yiʼ mobe.

Yʉanes 13:27

Enʉa Yʉdas a kʉ nʉa peh bler yaa nɛʼɛ, cye e cye yaa Satan ntɔʼ ze ni é nye. Yesʉs, nye e nye ó: «Kpahba sa sa go lé egwɨm sa nɨ.»

Yʉanes 13:2

Yesʉs bé e l'ompʉn be, bé a be ó lé ede é bii kʉʼ. É jɔʼ yaa, Njwɨɨ moleme a be ó si cyɛb Yʉdas Iskariot, mwan mo Simɔn, é leme, dwe nye jwɨʼ ó, nye kɛha Yesʉs.

Yʉanes 8:23

Yesʉs, nye e be ó: «Bɨn bé ó bʉr o si. Mɛm, me ó mʉr kʉ. Bɨn bé egumo ó e si nwa; mɛm, me agumo e nye.

Yʉanes 7:7

Bʉr o ndɨ egumo e si nwaʼ ɛ, bé abe e nkul enwim bɨn. Bé nwim ó me ome, ebe, me enwahle bɨsyɛɛla bɨ ebebe bé lé esa ɛ.

Mataos 13:38

Peme ye, yé ó si nwa. Mpaŋ mpœʼ, yé ó dweʼle, sa lé elɛʼle nkɔb bʉr o ndɨ é jwɨ̀ʼa mo Da ɛ. Bɨka ndɨ abe e mpi ɨ, byé ó bʉr o ndɨ baa mo Bɨbla-mʉr ɨ.

Mɨngwiha 13:8

No ó, odil o si nwaʼ bɨbɛh, bé ódwiibɨ tir waa, pɛʼ njɨ baa Zyɛm a bɛa tile mie mɔɔ é kalara tiʼ we e. Kalara waa a bɛa be tila ó, duho é l'etɛɛrɨ e si nwaʼ ɛ. Nye ó é mobo mo Ma Ntœme bé a bɛa jʉ ɨ.

1 Yʉanes 3:8

Mʉr lé eto dolo lé esa mɨsyem ɨ, nyiha, nye ó waa mo Njwɨɨ moleme, ebe, Njwɨɨ moleme ó ndɨ etin e mɨsyem, duho é l'etɔɔrʉ. To kœb ó, Mwan mo Zyɛm a ze é si nwaʼ ó, nye nkʉʼ gbɛɛ bɨsyɛɛla mo Njwɨɨ moleme.

Jacques 1:7

No ó, mʉr ndɨ kʉ kwɨh ɨ, nye ákwoʼ bi yʉʉ sɔʼɔ boo Da ebe mɨnjwɨʼla mye,

2 Timotɛ 4:10

Demas, nyi ntwiŋ me, ebe, nye ekpɛl mbi jɔʼ yi. Nyi to Tesalonika. Kresaŋ, nyi to lal Galat; Tit, nyɛɛ lé eto Dalmatia.

Mɨlʉmlʉ 19:35

ngoman nkana ze leʼe egolo. Nye ó: «Bɨn bʉr o Efɛɛz ee! Mʉr, nye ajeʼe ó, bɨna ga ó ndɨ e mbɛr lé ebaʼle dweʼle mo Artemis, bwaʼbwaʼ zyɛm wina ɛ. Dweʼle ye, yé ó b'a duho é jobo kʉ, duma si wâ. Yé ó tɨʼ é mbɛr waa tʉŋlʉ lé ebaʼlɔ.

Lʉkas 22:31

Yesʉs ntɔʼ lɛɛ Pyɛr ó: «Simɔn, Simɔn! Paʼ bee: Satan, nyi gban bɨn! Nye elɛɛ ó, nye óboblo bɨn. Nye egwɨm syɛʼre bɨn mpʉ mʉma lé esyɛʼre fufu ble e.

Lʉkas 16:8

Njwɨʼa waa ze seʼle bɨbla mbɔʼlʉ ekuro waa, ebe, nye a si kuhlo pɨʼ waa no, ebe, mʉr mbi jɔʼ yi, nye ábɛa le entaa bʉr o jyɛɛ ye é pɨʼ, laa bʉr mo Zyɛm.

Mataos 11:19

É jɔʼ yi, Mwan mo Mʉr, nyi ka pyal: nye ede mode le enyʉl monwoʼ. Bé ó: “Dwɛʼa ga. Nwaʼ mʉr, nye ó kʉ be ancyadoʼ, fufwɔʼ monwoʼ, fo onwɨa o tœa, fo bʉr o ndɨ é bul jwɨ̂ʼlɨ e mɨsyem ɨ!” Sa gwar, bʉr, bé eka mɛʼle ó, Zyɛm, nye ó cɨcyel é jɔʼ bé ndɨ ebee ebò e cyen mɨcɨcyoo ndɨ ekœʼ œ.»

Mɨngwiha 16:17

Engles tambɛl ntɔʼ to e bele ye, to sʉ ye é pubo. Bwaʼbwaʼ twii ze duho é dia taʼa ndɨ é l'odia mo Zyɛm ɨ. Nye ó: «Yi ka sie!»

Mɨngwiha 13:14

ebe, nye a si dweŋɔ nkul esa bɨdweʼle bɨ nkul we no é mih mo tir monyan efoʼ waa. Nye egomlo odil o si nwaʼ bɨbɛh é bebebebe zi é lɔb esa be mosima. Nye elɛɛ e be ó, bé kpaʼa dweʼle yé ónwɨɨla e tir monyan efoʼ, waa a pa kparɔ e fòŋ, nyɛɛ l'adwè e.

Mataos 13:22

Nuu nteme, nye enwɨɨla ó e mpœʼ yé a kur é mɨndwinʉ ɨ. Nye a si kʉ joʼo lɔɔ Zyɛm. Sa gwar, mɨtuu mɨ mbi jɔʼ yiʼ ndwe e gwɨma okum e l'ogbaa, byé a si dimle nye, ntɔʼ kaʼ lɔɔ Zyɛm, wé l'aka johlo.

Markus 4:19

Sa gwar, mɨtuu mɨ mbi jɔʼ yiʼ ndwe e gwɨma okum e l'ogbaa, byé a si dimle be. Bé ebul cyèl mɨleme kʉ é l'ebi e bɨsa bɨ jobo yi. Bɨsa byaa ntɔʼ kaʼ lɔɔ Zyɛm, wé l'aka johlo.

Éfɛsɔs 1:21

Zyɛm a dil nye é dia taʼa yaa ó, é mɨsisim mɨ apum kʉ, taare é myaa mɨ jwɨɨ, bé e myaa mɨ nkul ndwe e myaa ndɨ e monkul monɨnɨ ɨ, to pyal é myaa ndɨ mɨlʉ ɨ. Krɨst ó ndɨ elaa bɨbɛh é mpwaʼ nkʉŋ. Nkʉŋ we ó lé elaa bwaʼbwaʼ nkʉŋ ndɨ e nkul egwimlɨ é mbi jɔʼ yi, nkʉ é jwɨ̀ʼa ye, yé óka cyelɔ ɛ.

Éfɛsɔs 2:11

Toŋla ga ebyɛl lɨn. Bɨn, bʉr o ndɨ abe oYʉden ɨ, bɨn bé ó baa oYʉden lé ejebe ó, bʉr o ndɨ asaŋɔ mpʉn ɨ. Tina, yé ó, bʉr o ndɨ ejebe bɨn no e, bé ejebe bé bʉr o tɨʼ ó, baa b'a saŋɔ mpʉn ɨ. To kœb ó, mpʉn bé a saŋɔ ɛ, bʉr, bé a sa be nya ó, njɨ é nyʉl.

Éfɛsɔs 2:13

To kœb ó, banana, bɨn mu ó é zyɛŋa win boo Yesʉs-Krɨst! Bɨn bʉr o b'a taare be é ncɛra e Zyɛm ɨ, bɨn mu ó kunokuno e nye, cwɨɨ é zi motié mo Krɨst.

Éfɛsɔs 4:17

Ebe no ó me lé elɛɛ e bɨn, le eboʼlo é die mo Da Yesʉs ó, yé ajala ó, bɨn kœʼœ ebò e cyen egwar, bɨn e bʉr o ndɨ abuʼla ɛ. Bé ekʉ ka sa ó njɨ baambɛhambɛha o bɨsyɛɛla, ebe, mɨpɛhla myɔɔ, myé ó mbɛh e mbɛh.

Éfɛsɔs 5:8

Molu pihe, bɨn bé a be-be ó é l'edurʉ. No ó, banana, bɨn mu ó é myɛn, duho é zyɛŋa win boo Da Yesʉs. No ó, kœʼœ ga ebò e cyen ndɨ ejala e bʉr o ndɨ é myɛn ɨ.

Jacques 1:27

Mpaŋ buʼo ndɨ é ncyɛh-ncyɛh é mih mo Zyɛm Sɔŋ ɨ, yé ó, mʉr toʼ le egul bwɔɔnul ndwe e mɨkuho mɨ bʉba, bʉr o ndɨ é mɨtuu ɨ, sa nteme okan é mbi nyɛɛ lé etiʼe e, ebe, bɨsa bɨ jobo yi, byé amu jaa go nye é nyʉl mpʉ mobar.