Éfɛsɔs 2:16 - Kálara Zyɛ̌m Edwán é mpʉ̌n

¹⁶ É jɔʼ nye a cyèlɔ é klos ɨ, nye a si sa sàa paʼra ga wina boo Zyɛm, lé esa ó, bʉr o bɨkul bɨba ga bina byaa, diʼe mpʉ mʉr ngwar. Bɨna bé a ka gwaʼ lé esiila paʼra ga wina ó, é jɔʼ nye a dwè e.

Kálar Nzyɛ̌m : Ejwán é Sáá

¹⁶ Ɨ́ jɔʼ nyé á bomlɔɔ ɨ́ kolôs kʉ́ yɨ́, nye á si sâ saá páʼ gá nyɨ́ná e Nzyɛ̌m, le esâ ó, bʉr o bíkúl bíbá gá bíná byaá, díʼee mpʉ mʉ̂r ngwár. Mɨná bé á ka gwâʼ enwimla páʼ gá nyɨ́ná ó, ɨ́ jɔʼ nyé á dwe yɨ́.

Éfɛsɔs 2:16 ပူးပေါင်းရင်းမြစ်များ

Rôm 5:10

É jɔʼ bɨna bé a be ga bʉr o dɔm mo Zyɛm ɨ, Mwan mo Zyɛm a si dwè é l'efu ga lɨna, lé esa sàa paʼra ga wina boo Zyɛm. Krɨst pa taare cwɨa e bʉr o dɔm be, a dwɛʼra e bɨna ga, bʉr o sàa waa! Zyɛm ókʉ baʼle bɨna ga bɨtiʼ ó, é zi nkul ndɨ é tiʼ mo Mwan we e.

Kolosi 2:14

Mɨtila myé a lɛʼle-lɛʼle mobe ga mɨna ɛ, nyi cyam mye é jɔʼ gwar, lé ebomlo mye é klos. Mɨtila myaa, myé ó b'a lɛʼle mompene bɨna bé a ntaa, maa mé a dɨ nwahle bɨna ga ɛ.

Éfɛsɔs 2:15

Nye a gba motala paʼra ga wina ó, é jɔʼ nye a pɛʼ motie mo Moyiz le mompene ndwe e mɨtiʼa mimyɛh ɛ. Nye a pɛʼ bye ó, nye nkʉʼ nʉa bɨkul bɨba ga bina, ntɔʼ syɛŋ bye é nye mʉr tɨ, byé nkʉʼ fuʼla edwan e kul, nwɨɨla e mʉr ngwar.

Galásia 2:20

É jɔʼ bé a cyèl Yesʉs-Krɨst é klos kʉ ɨ, me nteme, me a si bomlɔ tɨ, bɨh e nɔɔ. Ntʉʼ me ndɨ etiʼe é banana. Yesʉs-Krɨst ó ndɨ etiʼe é me tʉŋlʉ. Tiʼ me lé eka tiʼe é si nwaʼ ɛ, me etiʼe ye ó, ebe taa buʼo me lé ejyɛʼ boo Mwan mo Zyɛm ɨ. Nye a si kpɛl me, ze dwe tiʼ ye é ziila e me.

Rôm 8:3

Yé ó no! Ebe, yé a baabana ó, bɨna biʼe tiʼ molu mo mpoʼ mɨmɛh ebe mbi bɨna lé edu ga motie e, ebe, nyʉl bɨpuno ga wina a be ó é cyɛʼ. Sa motie mo Moyiz, mé a baakoʼo lé esa ɛ, Zyɛm nyɛɛ a si bana sa ye. Nye a si ntɨh Mwan we é si nwa, nyʉl we lé ekʉ nwɨɨla e waa ga wina, osyɛl o mɨsyem. Nye a ze é lɔb syem ga wina waa ó, nye ntaʼ, ze pɛʼ we. Zyɛm a si dwe Yesʉs mobe é lɔb syem waa.

Rôm 8:7

Baa ndɨ edu njɨ bɨgwɨma bɨ nyʉl bɨpuno e, bé ó bʉr o dɔm mo Zyɛm. Bé agum ka du motie Zyɛm a tiile bʉr ɨ. Bé ákwoʼ mɛʼle du me.

Rôm 6:6

Bɨna bé egʉa ga ó, é jɔʼ Yesʉs-Krɨst a cyèlɔ é klos ɨ, Zyɛm a si bomlo mɨnjʉ̌m motum ga mɨna tɨʼ nteme é l'efu ó, nye dwihɨ bɨna ga nyʉl ndɨ eyɨm bɨna ó, bɨna saʼ ga mɨsyem ɨ, ndwe nteme, bɨna l'ayi ka bâʼle di ga molʉa, lé esil lé esa mɨsyem mimyɛh bɨgwɨma ga bina ndɨ eyɨm bɨna ó, bɨna saʼ ɛ,

1 Korɛnt 10:17

Bler, yé ó njɨ gwar. Bɨna dam buo ga, bɨna ga bé yɛɛ ó nyʉl ngwar, ebe, bɨna ga bé ó e nkɔb e bler gwar.

Éfɛsɔs 3:6

Lwib odim yaa ó yi: Mbɨambɨa Lɔɔ bɨna lé etuno ga ɛ, wé esa ó, bɨn, bʉr o ndɨ abe oYʉden ɨ, biʼe nteme mopoʼ boo Zyɛm, jala e nkɔb win, jwɨʼ gwar e gwar mpʉ oYʉden, bé óbi me e. Bɨn e boo nɔɔ mu ó bɨfum bɨ nyʉl ngwar. Bɨn e boo nɔɔ nteme mu ó bʉr bé óliʼ lé ebee mpʉ Zyɛm ósil dira monkɛʼ me e. Nye ódira monkɛʼ maa ó, é zi Yesʉs-Krɨst, duho é Mbɨambɨa Lɔɔ bɨna lé etuno ga ɛ.

Éfɛsɔs 4:4

Nyʉl mo Krɨst, nye ó ngwar. Mbɨambɨa Sisim, nye ó ngwar. Mɨleme ga mina, myé ó mɨlwɨŋla e mbɛla ngwar, waa Zyɛm a gba bɨn é mɨleme é jɔʼ nye a jebe bɨn ɨ.

Kolosi 3:15

Krɨst cyɛba bɨn é mɨleme, ó mɨleme min loŋla e motala. Ebe no ó Zyɛm a jebe bɨn ó, bɨn syɛŋa é nyʉl ngwar ɨ. Dweʼ ga nye kum é jɔʼ yiyɛh é bɨsa nye lé esa bɨn ɨ.