Éfɛsɔs 2:14 - Kálara Zyɛ̌m Edwán é mpʉ̌n

¹⁴ Ebe, Krɨst nye mʉr tɨʼ ó b'a ze dwe bɨna ga motala. Nye ó b'a sa ó, oYʉden ndwe e baa ndɨ abe oYʉden ɨ, bé diʼe kul gwar. Mpʉ nye a bir nyʉl we ó, nye dwèʼ e, tɨʼ ó nye a buʼo pɨpɨm yé a bɛʼ-bɛʼ bɨna ga ó, bɨna siila ga paʼra ga wina ɛ.

Kálar Nzyɛ̌m : Ejwán é Sáá

¹⁴ Ebě, Krîst mʉr tɨ̂ʼ ó b'á nze gbâ mɨná gá mepyɛbla ɨ́ miléme. Nye ó b'á sâ ó, oYúden ti e baá o dí abe óYúden bá, bé díʼee kûl gwár. Mpʉ nyé á bîr nyʉ̂l nyé ó, nye dwêʼ yɨ́, tɨ̂ʼ ó nyé á búʼo kóʼ wé á bɨbɛ̂ʼ mɨná gá ó, mɨná nwímlaa gá páʼ gá nyɨ́ná wɨ́.

Éfɛsɔs 2:14 ပူးပေါင်းရင်းမြစ်များ

Galásia 3:28

Ziila, nye aka gʉa be paʼra Yʉden bé e mʉr kul fih. Yé aka gʉa be ziila paʼra elʉa bé e mʉr ndɨ é dia otî ɨ, nkʉ paʼra mʉma bé e mʉrʉm, ebe, bɨn bɨ di é zyɛŋa win boo Yesʉs-Krɨst. Bɨn bɨbɛh mu ka di ó é dia mʉr ngwar: Yesʉs-Krɨst.

Kolosi 3:11

É tiʼ edwan yaa, adu ga bwa mɨmbɛʼ ba: Nkʉ mʉr fih mʉr kɛ̀l, nye ó mʉr Grɛs, nkʉ nye ó Yʉden, nkʉ nye a be ó si saŋɔ mpʉn, nkʉ nye a baasaŋɔ mpʉn, nkʉ nye ó mʉr kul bʉr lé ebul cyɛlɔ ɛ, nkʉ nye ó mʉr kul bʉr o ndɨ ebul feha ɛ, nkʉ nye ó elʉa, nkʉ nye ó mʉr ndɨ é dia otî ɨ, ebe, Krɨst ó ndɨ lʉ sa yiyɛh é mɨpaʼ mimyɛh.

Kolosi 3:15

Krɨst cyɛba bɨn é mɨleme, ó mɨleme min loŋla e motala. Ebe no ó Zyɛm a jebe bɨn ó, bɨn syɛŋa é nyʉl ngwar ɨ. Dweʼ ga nye kum é jɔʼ yiyɛh é bɨsa nye lé esa bɨn ɨ.

Éfɛsɔs 2:15

Nye a gba motala paʼra ga wina ó, é jɔʼ nye a pɛʼ motie mo Moyiz le mompene ndwe e mɨtiʼa mimyɛh ɛ. Nye a pɛʼ bye ó, nye nkʉʼ nʉa bɨkul bɨba ga bina, ntɔʼ syɛŋ bye é nye mʉr tɨ, byé nkʉʼ fuʼla edwan e kul, nwɨɨla e mʉr ngwar.

Kolosi 1:20

Nye a nʉa tiʼa ó, mɨlɔb ndɨ paʼra wɔɔ e bʉr bɨbɛh ɛ, nye esa sàa ó, é zi we. Zyɛm a gba motala paʼra wɔɔ e bʉr ó, dumo e nye, é zi motié mo Mwan we a dwè é klos kʉ ɨ, dam be bɨsa ndɨ kaʼ é si nwaʼ ɛ, dam be byaa ndɨ é jobo kʉ ɨ.

Kolosi 2:20

Bɨn e boo Krɨst, bé a si dwè efie egwar. É mpʉ bɨn ndɨ no e, gʉŋa ga ó, sikʉlʉ bʉr o si nwaʼ lé ekuhlo e, yé aka be e nkul é bɨn. Ebe no, mʉr beʼ l'aka bâʼle du motie mo sikʉlʉ yaa, nkʉ bâʼle sa mpʉ sa lɛɛ ó, bɨn dina ó é nkɔb bʉr o si nwa.

Rôm 5:1

Zyɛm mu ó si dwe bɨna ga mokebe ebe taa buʼo bɨna lé ejyɛʼ boo Krɨst ɨ. Ebe no ó bɨna ga e boo Zyɛm mu mbɨmbɨa, dumo e Tî ga wina Yesʉs-Krɨst ɨ.

Mɨlʉmlʉ 10:36

Bɨn bé egʉa lɔɔ Zyɛm a ntɨh bwa b'Ɨzraɛl ɨ. Mbɨambɨa Lɔɔ waa, wé ó wi: Zyɛm óbula gba mʉr motala é leme ó, dumo e Yesʉs-Krɨst, ndɨ Tî bʉr bɨbɛh ɛ.

Mɨlʉmlʉ 10:28

Nye e be ó: «Bɨn bé ekʉ gʉa ó, yé ó kɔmlʉ é nko paʼ wih oYʉden, ó bɨh syɛŋa zi e mʉr kul fih, nkʉ dihle ba nko nye ndɨ ɨ. Sa gwar, Zyɛm, nyi kʉ lɛʼle me ó, me l'ayi ka cyɛl mʉr nkʉ lɛɛ ó: “Mbi mʉr wi, wé e nkul elœʼ mʉr nduo we é mih mo Zyɛm.”

Ebrœ̂ 13:20

Neme Zyɛm Sɔŋ ndɨ egba motala paʼra ga wina, nye ó b'a pɛ̀h Tî ga wina ndwe e Kobla bɨntœme nɨnɨ, Yesʉs é foo, pɛ̀ha foo we lé elɛʼle ó, nyi mɛʼle motié nye a sʉ é l'efu ó, Sɔŋ we nkʉʼ de mpʉn njʉmdia e bɨna ga ɛ.

Lʉkas 2:14

«Kum mo Zyɛm, nye bera kʉ, laa jobo e l'ejyoo le ebantɛn. Bʉr o si nwa, bé diʼe é motala, ebe, Zyɛm, nyi bee be mbɨmbɨa.»

Yʉanes 10:16

Me e byʉʉ bɨntœme l'apa ni é nkal bɨntœme nwaʼ ɛ. Yé ekʉ jala ó, me toʼ, to nʉa bye, niŋle bye é nkal. Byé ójoʼo ecel lam. Bɨn e boo nɔɔ, bé óbe ó daa egwar, kobla bɨntœme ngwar.

Lʉkas 1:79

Mɨmbah, myé ókʉn bɨna ga bʉr o b'a be-be é l'edurʉ, baa b'a be-be é ka foo e. Nye ólɛʼle bɨna ga ebò e cyen bɨna lé ejala le ekœʼ ga ɛ, bɨna ga e boo nɔɔ nkʉʼ tiʼe é motala.»

Ebrœ̂ 7:2

É bɨsa bibyɛh Abraham a bula e bye, duho é dɔm laa ɛ, nye a be ó si pɛʼ nkɔb ewʉm, dwe Mɛlkisedɛk. Die le, lé lé edwirɔ ó, lé edwirɔ ó: «Njwɨɨ ndɨ etiʼe é l'ocɨcyel ɨ». Mpʉ nye a be njwɨɨbʉr Salɛm ɨ, nkʉŋ we, «njwɨɨbʉr Salɛm», wɛɛ, wé edwirɔ ó, «njwɨɨbʉr lé egba motala paʼra bʉr e bʉr ɨ.»

Éfɛsɔs 4:16

Nye ó mʉr ndɨ si syɛŋ bɨna ga bɨbɛh, ó bɨna diʼe ga nyʉl ngwar ɨ. Bɨfum bɨ nyʉl waa, nye edira bye é mobɨl e mɨsihe. Mɨsihe myaa ó ndɨ entɛŋ bɨfum bɨ nyʉl bɨsa ndɨ bye e nyɔm ɨ. Sihe wiwɛh, wé ejala le eze nyʉl é nkɔm, lé edu mpʉ Zyɛm a cye wiha ɛ. Nkul we ó ndɨ esa ó, nyʉl waa gwɨa mbɨmbɨa é jɔʼ bʉr o tɨʼ ndɨ e leme ncwɨncwɨa ɛ.

Éfɛsɔs 3:15

Nyɛɛ Zyɛm Sɔŋ ó ndɨ edwe bʉr o ndɨ é jobo kʉ ɨ, e bɨbɛn ndɨ é si nwaʼ ɛ, bɨbɛh mɨnjwɨr myɔɔ.

Yʉanes 16:33

Me elɛɛ bɨn mɨlɔb mɨnɨ ó, bɨn nkʉʼ di é zyɛŋa ga wina, bɨn nkʉʼ di é motala. Bɨn bé ósia e mɨtuu lé edi é bebebebe si nwa. Dam be no, tʉmɨ ga monyʉl. Mɛm, mɨ ntaa nye é nkul!»

Yʉanes 11:52

Abe njɨ é l'efu e bʉr o kul gwar yaa bé ome. Nye nteme a dwè ó, é l'efu e bwan mo Zyɛm bɨbɛh! Mpʉ bɨ myɛma é mɨlal myoonkan ɨ, nye ónʉa be, ntɔʼ syɛŋ be, ó bé diʼe njɨ sa gwar.)

Éfɛsɔs 2:17

Krɨst a ze é si nwaʼ ó, nye ntaʼ, ze tuno bɨn, bʉr o b'a be é ncɛra e nye e, lɔɔ wi: Zyɛm, nyi gba motala paʼra ga wina boo nɔɔ. Nye a tuno lɔɔ motala ngwar e ngwar waa nteme ó, boo bɨh oYʉden, dam be mpʉ bɨh bé a be-be kunokuno e Zyɛm ɨ.