Éfɛsɔs 2:12 - Kálara Zyɛ̌m Edwán é mpʉ̌n

¹² Toŋla ga nteme mpʉ bɨn bé a taare be-be e. É til molu yaa, Lœma mulo mo Zyɛm a baakunbo e bɨn. É nko paʼ kul bwa b'Ɨzraɛl, bɨn bé a si pɨmɔ é sama yɔɔ, duho mya. É nko paʼ mpʉn Zyɛm a de e bɨmpam byɔɔ ɛ, ndwe e monkɛʼ nye a liʼe bye e ma ɛ, bɨn bé a baabe ba e nkɔb tɨ. É til molu yaa yiyɛh, mɨleme min, myé a baabe ba e mbɛla. É si nwaʼ nyiwɛh, bʉr o bɨkul bin, bé a be ó, lé ejeʼe Zyɛm.

Kálar Nzyɛ̌m : Ejwán é Sáá

¹² Símsáá gá ntémé mpʉ bɨ́n á nyɛɛ bɨbě dǐ gwár yɨ́. Bɨ̌n e Krîst, bé á bé apǎ pûhla. Bɨ̌n bé á si pɨ́mɔɔ ɨ́ kúl bʉ̂r o b'Ɨ́zraɛ̂l. Ɨ́ nkǒ páʼ sáá Nzyɛ̌m á sâ nyɨ́, ti e menkɛ̌ʼ mé, bɨ̌n bé á be ó, bʉr o bíkúl bíswîh, abe e bá nkɔ̂b tɨ̂. Ɨ́ jɔʼ yaá yɨ́yɛ̂h, bɨ̌n bé á bé abe e mpûʼla ɨ́ miléme. Ɨ́ sí yɨ́yɛ̂h, bʉr o bíkúl bín, bé á bé agʉ́ǎ Nzyɛ̌m.

Éfɛsɔs 2:12 ပူးပေါင်းရင်းမြစ်များ

Galásia 4:8

Molu pihe, bɨn bé a baapa gʉa Zyɛm. Bɨn bé a be-be ó, mpʉ molʉa, lé edu bɨbaŋabaŋa bɨdweʼle ndɨ mɨkpɛʼa ɛ, sa ndɨ abe ozyɛm ompa ɛ.

Kolosi 1:21

Molu pihe, bɨn bé a be ó é ncɛra e Zyɛm. Taare é mɨleme min, kumo e bɨsyɛɛla bɨ ebebe bɨn bé a sa-sa ɛ, bɨn bé a be ó njɨ bʉr o dɔm mo Zyɛm.

1 Pyɛr 1:3

Bɨna gumla ga Zyɛm Sɔŋ mo Tî ga wina Yesʉs-Krɨst. Nyi bul jwɨʼ bɨna ga nkoo, ntɔʼ dwe bɨna ga nkul ebyɛl jɔʼ mba é l'efu ó, mɨleme ga mina, myé diʼe lwɨŋla e mbɛla. Mbɛla waa, wé ekubla é mɨleme ga mina. Wé eduho ó, é nkul pɛ̀ha nye a pɛ̀h Yesʉs-Krɨst é foo e.

1 Tesalonika 4:13

No ó, obɨɔ ga bam aa! Me ekpɛl ó, bɨn gʉŋa efehle e bʉr mu si dwè e, é kpɛhla. Me akpɛl ó, bɨn bilɨ myoo mpʉ bʉʉ bʉr, bé lé ebil-bil myoo e, bɛɛ l'abe e buʼo é mɨleme.

Éfɛsɔs 4:18

Bé ejeʼe mɨlɔb ndɨ edwɛʼ Zyɛm ɨ. Bé e boo nɔɔ, bé abe e nduula. Bé egʉʼla é mɨlɔb mye, le elɨl mɨlʉ myɔɔ.

1 Tesalonika 4:5

Nye amu jyɛnba lé ecen mih é monyʉl mo bʉʉ bʉr, mpʉ sa lɛɛ ó, nye ejeʼe Zyɛm.

Yʉanes 15:5

«Me ó ndɨ etin e rezɛŋ; bɨn bɛɛ, bé ó mɨlɔɔ. Mʉr bɨh e nɔɔ ndɨ é zyɛŋa ɛ, nye ó ndɨ egumo mpumo é buobuo, ebe, ǃme baabe tɨʼ nɛʼɛ, gʉŋa ga ó, bɨn bé abe e nkul esa yʉʉ mpaŋ sɔʼɔ.

Ebrœ̂ 6:18

Yé e bɨsa bɨba ndɨ abe e nkul esiilɔ ɛ: monkɛʼ mo Zyɛm, ndwe e mɨnkɛla nye a de e. Zyɛm nteme, nye abe e nkul esa mpʉl tɨ. No ó, bɨna ga bé ó bʉr o mu si fim mɨkam é l'efu ó, bɨna biʼe ga sa nye a kɛʼ, yaa ndɨ esa ó, mɨleme ga mina loŋla e mbɛla ɛ. Nye a liʼe bɨna ga e monkɛʼ maa ó, bɨna nʉŋa ga pim é buʼo.

Rôm 9:8

No, yé ó, é bim bwan Abraham a bya ɛ, ntʉʼ bɨbɛh ndɨ bwan mo Zyɛm. Zyɛm a láa ó, bʉr o mpoŋbʉr we, bé ó baa bé a byɛl, du mpʉ nye a kɛʼ Abraham ɨ.

1 Pyɛr 3:15

É mɨleme min tʉŋlʉ, cyelɨ ga Krɨst é dia ndɨ ti ɨ, lé elɛʼle ó, nye ó kʉ be tî win. ǃƗ mʉr si dî bɨn tia é lɔb sa lé egba bɨn mbɛla é mɨleme nɛʼɛ, bɨn bé òkpahbe bɨha nye tia waa.

Mɨlʉmlʉ 28:20

Ebe no ó me a be lé ekpɛl bee bɨn, le elwib e bɨn ɨ. Me mu é nkara ó, ebe mbɛla bɨna ga e boo bwa b'Ɨzraɛl ndɨ e tɨʼ é mɨleme e.»

Mɨlʉmlʉ 3:25

Bɨn bɛɛ ó ndɨ e nkɔb é monkɛʼ Zyɛm a bɛa liʼe bʉr be e ma ɛ, ntɔʼ fol, ogwiha o mɨlɔb bɛɛ ntɔʼ ka gwih ɨ. Bɨn nteme, bé e nkɔb é mpʉn Zyɛm a de e bɨmpam ga bina ɛ. Nye a lɛɛ e Abraham ó: “Bim mɨmbɛr mɨ bʉr ndɨ é si nwaʼ ɛ, me ósʉ mye mocyɛʼ mo mpom ó, ebe nta go.”

1 Yʉanes 3:3

Yé be ó, mʉr fih mʉr kɛ̀l, leme we, wé ó lwɨŋla e mbɛla waa nɛʼɛ, lɛɛ ó, mʉr waa, nye ekʉ puba, ó nye beʼ saŋ mʉr. Ebe no ó nye ónʉa dweʼle tiʼ mo Yesʉs, Mʉr ndɨ ti ɨ.

1 Pyɛr 1:21

Krɨst ó b'a sa ó, bɨn jyɛʼɛ taa buʼo yin boo Zyɛm, waa a pɛ̀h nye é foo, waa a dwiibɨ nye nteme e. Ebe no ó buʼo yin ndwe e mbɛla win lé etiibe njɨ e Zyɛm ɨ.

Ebrœ̂ 11:34

Bé a si dime modiʼe, le ecɨŋ mɨfòŋ é zi buʼo yɔɔ. Bé a taare be ó é cyɛʼ, bé ntɔʼ bula nʉa nkul é monyʉl. Bé a si lwimla mɔm, ndwe le efo mosama mo dɔm é zi buʼo yɔɔ.

1 Timotɛ 1:1

Mɛm Pol lʉmlʉ mo Yesʉs-Krɨst, ó lé etile go kalara nwa. Zyɛm, Tiʼbʉr ga wina, bé e Yesʉs-Krɨst, waa lé egba bɨna ga mbɛla é mɨleme e, bé ó b'a nʉa tiʼa ó, me diʼe lʉmlʉ.

2 Tesalonika 2:16

Tî ga wina Yesʉs-Krɨst nye mʉr tɨʼ bé e Zyɛm Sɔŋ ga wina, waa a lɛʼle bɨna ga kpɛl, waa lé egba bɨna ga nkul é monyʉl, waa ndɨ asie-sie, waa lé elɛʼle bɨna ga ncwɨncwɨa, le egba bɨna ga mbɛla é mɨleme e, nye gbaʼ bɨn nkul é monyʉl.

Kolosi 1:27

Zyɛm a be ó si bà jwɨʼ ndɨ e buobuo nyɔm é l'efu lɨn, bʉr o ndɨ abe oYʉden ɨ. Nye a be ó si gwih lwib odim ye ó, lé elɛʼle bʉr be ya. Nye a be si gwɨm ó, bé gʉŋa ye é kpɛhla. Lwib odim yaa, yé ó yi: Krɨst, nye mu ó é bɨn nteme! Mɨleme min, mi loŋlo e mbɛla ó, bɨn bé óbi kum tɨ.

Kolosi 1:5

Sa nɨ yiyɛh ó, ebe sa bɨn ndɨ ebɛla, yaa ndɨ koma é lal mo Zyɛm ɨ. Bɨn bé ó e mbɛla waa é mɨleme, duho é jɔʼ bɨn bé a taare joʼo Mbɨambɨa Lɔɔ ndɨ lɔɔ cyecye ndɨ eduho boo Zyɛm ɨ.

Yʉanes 10:16

Me e byʉʉ bɨntœme l'apa ni é nkal bɨntœme nwaʼ ɛ. Yé ekʉ jala ó, me toʼ, to nʉa bye, niŋle bye é nkal. Byé ójoʼo ecel lam. Bɨn e boo nɔɔ, bé óbe ó daa egwar, kobla bɨntœme ngwar.

Yʉanes 4:22

Bɨn bʉr o Samari, bɨn bé apa kʉ gʉa mʉr bɨn ndɨ edwiibɨ ɨ. Bɨh oYʉden ó ndɨ egʉa nye, ebe, tiʼ molu mo mpoʼ mɨmɛh, yé eduho ó, é l'oYʉden.

Lʉkas 1:72

Mpʉ nye a lɛɛ e bɨmpam ga bina ɛ, nyi lɛʼle bɨna ga ncwɨncwɨa we lé etoŋlo mpʉn nye a de e Abraham ɨ. Mpʉn waa a be ó ti.

Mɨlʉmlʉ 2:39

ebe, Zyɛm a kɛʼ ó, bɨn e bwan bɨn, ndwe e baa bɨbɛh ndɨ é l'ejaa ɛ, ze pyal é baa bɨbɛh Sɔŋ ga wina Da Zyɛm ójebe e.»

Éfɛsɔs 2:19

Ebe no, bɨn bé aka be mɨndìndìl nkʉ mɨngbaalaŋa. Bɨn mu ó bʉr mo Zyɛm jwɨʼ gwar e gwar e mɨsaŋ mɨ bʉr be. Bɨn e boo nɔɔ, bé mu ó bʉr o mbɛr bʉr mo Zyɛm.

Ebrœ̂ 8:6

Syɛɛ para Yesʉs lé esea é l'efu ga lɨna é bananaʼ ɛ, yé e nyɔm é buobuo, laa syɛɛ para yé a duho mya ɛ. Nye ó ndɨ mosàa-mɔm lé esa ó, Zyɛm deʼ Edwan e mpʉn e bwa b'Ɨzraɛl ɨ. Edwan e mpʉn nye a de e, lé é bul mbɨa, laa mpʉn Zyɛm a de e be e. Lé nteme, lé ó e molele ebe monkɛʼ bɨna bé a bi ga ɛ. Monkɛʼ maa, mɨ laa maa mo mpʉn efoʼ é l'embɨa.