Éfɛsɔs 2:10 - Kálara Zyɛ̌m Edwán é mpʉ̌n

¹⁰ Bɨna ga bé ó baa Zyɛm a kpaʼ e mobo me nye mʉr tɨʼ ɨ. Nye ntɔʼ ze dil bɨna ga é Yesʉs-Krɨst dil dilɨ é l'efu ó, bɨna diʼe ga bʉr bé ósa bɨsyɛɛla bɨ ncwɨncwɨa ɛ. Zyɛm nye mʉr tɨʼ ó b'a bɛa tiʼe é leme we ó, bɨna saʼ ga nye bya.

Kálar Nzyɛ̌m : Ejwán é Sáá

¹⁰ Mɨná gá bé ó bʉr ó Nzyɛ̌m á sâ e mebó mé nye mʉr tɨ̂ʼ bá. Nye á komlo mɨná gá ɨ́ nzɨ̌ mé Yésʉs-Krîst ó, mɨná díʼee gá bʉr o dí esâ nyé bisyɛ́ɛla bimpâ bá. Nzyɛ̌m mʉr tɨ̂ʼ ó b'á boo tíʼe ɨ́ lémé wé ó, mɨná sâʼ gá nye byǎ.

Éfɛsɔs 2:10 ပူးပေါင်းရင်းမြစ်များ

Filipi 2:13

Ebe, Zyɛm ó ndɨ edwe bɨn gwɨma edu mpaŋ zi waa. Nye nteme ó ndɨ edwe bɨn nkul ó, bɨn kœʼœ tɨʼ mbɨmbɨa.

Kolosi 1:10

É mbi waa ó bɨn bé ókœʼ ebò e cyen lé ejala e Da Yesʉs ɨ, le esa sa nye lé ebul kpɛl ɨ. Bɨn bé óto dolo lé esa mɨmpaŋ bɨsyɛɛla bin bibyɛh, le egumo mɨmpaŋ mɨ mpumo lé ejala e nye e. Toʼ ga dolo lé egwɨe é pɨʼ, lé egʉa Zyɛm é kpɛhla.

Ebrœ̂ 13:21

Nye komla bɨn é mɨpaʼ mimyɛh, ó bɨn saʼ bɨsyɛɛla bɨ embɨa bɨn lé ebee ó, byé lé edu gwɨma ye e, nye gʉa cyel bɨna ga é mih me dumo e Yesʉs-Krɨst, ndɨ e kum njʉmdia e njʉmdia ɛ. Amɛn.

2 Korɛnt 5:17

Yé be ó, nuu mʉr, nye ó é zyɛŋa wɔɔ boo Krɨst cyecye nɛʼɛ, lɛɛ ó, nye mu ó edwan e cyea sɔʼɔ. Mɨnjʉ̌m bɨsɔʼɔ mimyɛh, mi laa; bɨsa bibyɛh mu ó, njɨ modwan e modwan.

2 Korɛnt 9:8

Zyɛm, nye ó e nkul esʉ bɨn mocyɛʼ mo mpom mɨmbi mimyɛh ó, bɨn diʼe é jɔʼ yiyɛh e sa yiyɛh bɨn bé ójɨ ɨ. No ó bɨn bé óbe é tɨʼlɨ é l'efu ó, bɨn sea bɨsyɛɛla bɨ ncwɨncwɨa mɨmbi mimyɛh ɛ.

Éfɛsɔs 4:24

Bɨn bé ófuʼla modwan mo bʉr, tiʼ yin lé enwɨɨla e yaa mo Zyɛm. Nye óbâʼle cye bɨn mɨsaŋ mɨ bʉr mye, baa ndɨ ekœʼ ebò e cyen é l'ocyecye e.

Filipi 1:6

Mɨ kʉ gʉa ó, Zyɛm, nyi taare lé esa mpaŋ syɛɛla é mɨleme min tʉŋlʉ. Mɨ kʉ gʉa nteme ó, nye óto le esa no, to pyal é jɔʼ nye ósil komlo bɨn é dobo Yesʉs-Krɨst óbula ze e.

2 Timotɛ 3:17

Myé ó ndɨ ekomlo mʉr mo Zyɛm nyiwɛh, lé esa ó, leme, wé diʼe nye é ntɨɨɨŋ ó, nye sa ó bɨsyɛɛla bɨ ncwɨncwɨa, mɨmbi mimyɛh.

Éfɛsɔs 4:1

Ebe no, mɛm, mʉr ndɨ mbʉʼ é zyɛŋa wɔɔ boo Da Yesʉs ɨ, me ejwɨʼla e bɨn ó, bɨn kœʼœ mbɨambɨa ebò e cyen Zyɛm a lɛɛ bɨn ó, bɨn kœʼœ œ.

2 Timotɛ 2:21

Ebe no, ǃɨ mʉr óbe si puba ndwe le ebene bɨsyɛɛla byaa nɛʼɛ, Zyɛm ópɛh nye é l'efu e bɨsyɛɛ bɨ duu, le ecyel nye é dia mʉr we ndɨ saŋ ɨ. Da óbee ó, mʉr waa, nye é bul buo nyɔm é nko paʼ we. Leme, wé óbe ó mʉr waa é ntɨɨɨŋ ó, nye saʼ bɨsyɛɛla bɨ ncwɨncwɨa bibyɛh nye ótimle nye e.

Títos 2:14

Nye a si jala e bɨna ga, lé eze kʉr bɨna ga, le edwih bɨna ga é bɨbla ebò e cyen bɨna bé a dɨ kœʼ œ. Nyi pubo bɨna ga ó, bɨna diʼe kul bʉr ndɨ yaa ye e. Mɨleme, myé óbe ó bɨna ga é ntɨɨɨŋ ó, bɨna gba ga ó nyʉl lé esa mɨmpaŋ bɨsyɛɛla.

Éfɛsɔs 1:4

Nye esa bɨna ga no ó, bɨna gumla ga nye, ebe, nye a si bɛa pɛh bɨna ga, taare é jɔʼ kʉ e si, byé a baapa cyeŋɔ ɛ. Nye a pɛh bɨna ga ó, bɨna diʼe ga mɨsaŋ mɨ bʉr be, dumo e Krɨst, abe e sa ebebe nye a ngbaa nwahle bɨna ga e tɨ. Ebe nye ndɨ e leme ncwɨncwɨa ó

1 Timotɛ 6:18

Lɛŋɨ be ó, bé saʼ embɨa. Okum wɔɔ, wé diʼe é nko paʼ mɨmpaŋ bɨsyɛɛla bé lé esa ɛ. Mɨleme, myé diʼe be é ntɨɨɨŋ ó, bé cwɨa e bʉr, lé eto gul be é zi mobi mɔɔ.

Títos 3:14

Yé ejala ó, bʉr o ndɨ paʼra ga wina ɛ, bé jwɨʼɨ lé esa mɨmpaŋ bɨsyɛɛla. Ebe no ó bɨn bé ógʉa egul baanteʼenteʼe, é mbi ndɨ ó bɨn beʼ l'aka baʼ mobo e.

Ebrœ̂ 10:24

Mʉr nyiwɛh cwɨa e l'obɨɔ ga bɨna. Yé ó ngo sa ó, mɨɔ nyiwɛh toʼ dolo lé ekpɛl bʉr ofih, le esa be mɨmpaŋ bɨsyɛɛla.

Títos 3:8

Lɔɔ nɨ, wé ó lɔɔ ebuʼla. Me ekpɛl ó, go boʼla e bʉr ó, wé ó tɨʼ cyecye. Yé ó ngo sa ó, bʉr o b'a jyɛʼ taa buʼo yɔɔ boo Zyɛm ɨ, bé dɨʼe sa mɨmpaŋ bɨsyɛɛla ɛ. Bɨsyɛɛla byaa, byé e nyɔm é nko paʼ bʉr bɨbɛh.

Kolosi 3:10

Bɨn bɨ bwar mɨkan modwan: nyʉl dwan ndɨ edwanba é ngwɨa ocyecye e. Nyʉl dwan waa, nye edu dweʼle mo Zyɛm Kwihbʉr.

Títos 2:7

Kœʼœ ebò e cyen empa, lé esa mɨmpaŋ bɨsyɛɛla é buobuo. Sikʉlʉ yo, yé beʼ l'abe mbaʼra e bɨkʉʉŋʉ, ó bʉr beŋɨ go nteme e modile.

1 Korɛnt 3:9

Ebe, bɨh e Zyɛm ó ndɨ é l'empomo e syɛɛ egwar. No ó, bɨn bɛɛ ó ndɨ peme mo Zyɛm. Bɨn nteme, bé ó mbɛr mo Zyɛm.

1 Pyɛr 2:12

Kœʼœ ga mbɨambɨa ebò e cyen teme bʉr o ndɨ abuʼla ɛ. Bé dam fœʼ bɨn, bé óbana ka bee mɨmpaŋ bɨsyɛɛla bɨn lé esa-sa ɛ, ntɔʼ láa bɨn bɨbaa bɨ embɨa tɨʼ é dobo Zyɛm óbâʼle ze bee bɨna ga e boo nɔɔ ɛ.

Títos 3:1

Jɨmɨ bʉr bɨtoŋla é mɨlɔb mi: bé filɨ monyʉl mɔɔ si é mih mo bʉr o ndɨ e nkul mojwɨ̀ʼa ɛ. Bé saʼ be mojoʼo. Mɨleme, myé diʼe be é ntɨɨɨŋ ó, bé sa ó be bɨsyɛɛla bɨ ncwɨncwɨa mɨmbi mimyɛh.

1 Yʉanes 2:6

Mʉr lé elɛɛ ó, nye ó é zyɛŋa wɔɔ boo Zyɛm ɨ, nye ejala le ekœʼ ebò e cyen mo Yesʉs.

Mataos 5:16

No ó myɛn win, wé ejala le epan é bʉr, ó bé nkʉʼ gʉa bee mɨmpaŋ bɨsyɛɛla bin, le edwiibɨ Sɔŋ win ndɨ é jobo kʉ ɨ.»

Yʉanes 3:21

Waa nyiwɛh lé ekœʼ ebò e cyen é l'ocyecye e, nye ekpɛl to nko myɛn lé epan ɨ, bʉr nkʉʼ bee ó, bɨsyɛɛla bye, byé eduho ó, é gwɨma mo Zyɛm.»

2 Tesalonika 2:17

Nye cyɛba bɨn é mɨleme, ó bɨn saʼ bɨsyɛɛla bɨ ncwɨncwɨa, le elɛɛ mɨlɔɔ mɨmpa, mɨmbi mimyɛh.

Rôm 8:29

Ebe, baa Zyɛm a bɛa gʉa ɛ, nye a bɛa tiile é leme ó, bé ódɨ kœʼ ebò e cyen mpʉ mo Mwan we. ǃBé si nʉa dweʼle tiʼ mo Mwan we nɛʼɛ, Mwan waa ófuʼla mwa modweʼe, e l'oncyom e l'okɛl é buobuo.

Mɨlʉmlʉ 9:31

No ó, Zyɛm ze dwe bʉr o Mbɛr-Zyɛm jɔʼ ó, bé diʼe é motala é mɨlal mɨ Yʉda, Galɨle ndwe e Samari mimyɛh. Bé a si bul nʉa pim é buʼo, ebe, Mbɨambɨa Sisim a be ó lé egba be nkul é monyʉl. Mbɛr-Zyɛm ntɔʼ bwaʼ le gwɨe. Bé a tiʼe-tiʼe nteme ó, lé ekʉ dwaabe Da Yesʉs.

2 Korɛnt 5:5

No ó, mʉr a sa ó, bɨna diʼe ga no e, nye ó ndɨ Zyɛm. Nye ó b'a ntɨh bɨna ga Sisim we mpʉ bɛn, lé elɛʼle mbɨambɨa bɨkul nye lé ekomo bɨna ga ɛ.

1 Timotɛ 5:25

Jwɨʼ gwar e gwar yaa nteme e mɨmpaŋ bɨsyɛɛla. Byé ása dɨʼ. Byé dam di mɨfela é banana, byé ófuʼla ka beɔ.

1 Timotɛ 2:10

Bé ejala le elɛʼle bʉr ó, bé e bɨsyɛɛla bɨ ncwɨncwɨa lé ejala e bʉba lé edwaabe Zyɛm ɨ.

1 Timotɛ 5:10

Go ótile kuho mʉma die ó, waa wé óbe si bul jwɨ̂ʼlɨ e mɨmpaŋ bɨsyɛɛla nye lé esa ɛ. Wé beʼ mbi mʉma wi: waa a bœʼ bwan, waa a bɨlan e l'ojyoo mbɨmbɨa, waa a jwɨ̀ɨ mɨsaŋ mɨ bʉr mokʉ, waa a kɛm bʉr o b'a bul sia e mɨtuu, le waa a gba nyʉl lé esa mɨmpaŋ bɨsyɛɛla mɨmbi mɨmbi ɨ.

1 Yʉanes 1:7

Yé be ó, bɨna bé ekœʼ ga mbɨambɨa ebò e cyen é myɛn tʉŋlʉ, du mpʉ Zyɛm nye mʉr tɨʼ ndɨ é myɛn nɛʼɛ, lɛɛ ó, bɨna bé óbe ga é mpaŋ zyɛŋa-mɨleme é jɔʼ yaa. Motié mo Mwan we Yesʉs, mé ópubo bɨna ga, pɛʼ mɨsyem mimyɛh.

Mɨlʉmlʉ 9:36

Nuu mpʉn mʉma a be ó ɨ Yope, die le Tabita. (No yé é lwib grɛk ó, Dɔrkas.) Jɔʼ yiyɛh, nye a be ó lé ebul sa bɨsyɛɛla bɨ ncwɨncwɨa, le efuʼo-fuʼo baanteʼenteʼe.

Galásia 6:15

Yé asiila sɔʼɔ nkʉ gɨ saŋɔ mpʉn, nkʉ go asaŋɔ nye. Bwaʼbwaʼ sɔʼɔ, yé ó, Zyɛm bula cye go.

Rôm 8:1

Banana, bʉr o ndɨ é zyɛŋa wɔɔ boo Yesʉs-Krɨst ɨ, Zyɛm, nye aka láa be bɨbaa bɨ ebebe byɔɔ, nkʉ kab be bɨntɨʼa ndɨ ejala e le e.

Éfɛsɔs 2:2

Bɨn bé a taare kœʼ ó, njɨ ebò e cyen le ebebe laa, jwɨʼ gwar e gwar e bʉr o mbi jɔʼ yiʼ bɨbɛh. Bɨn bé a tiʼe no ó, lé edu motɨɨ mo njwɨɨ mbi jɔʼ yi, waa ndɨ cyela é dia taʼa ye paʼra jobo e l'ejyoo le ebantɛn ɨ. Sisim waa ó lé ecyɛb bʉr é mɨleme é banana, baa lé esa Zyɛm ebɨh ɨ...

Éfɛsɔs 1:1

Mɛm Pol, lʉmlʉ mo Yesʉs-Krɨst é gwɨma mo Zyɛm ó lé etile bɨn kalara nwa. Me etile ó mɨsaŋ mɨ bʉr mimyɛh [ndɨ ɨ Efɛɛz], myaa ndɨ é zyɛŋa wɔɔ boo Yesʉs-Krɨst, myaa ndɨ bʉr be ebuʼlɔ ɛ.

Éfɛsɔs 2:6

Zyɛm a si pɛ̀h bɨna ga e boo Yesʉs-Krɨst é mofoo, ntɔʼ dil bɨna ga e boo nɔɔ é dia taʼa é jobo kʉ, é zyɛŋa wina boo Krɨst.

Éfɛsɔs 2:13

To kœb ó, banana, bɨn mu ó é zyɛŋa win boo Yesʉs-Krɨst! Bɨn bʉr o b'a taare be é ncɛra e Zyɛm ɨ, bɨn mu ó kunokuno e nye, cwɨɨ é zi motié mo Krɨst.

Éfɛsɔs 2:15

Nye a gba motala paʼra ga wina ó, é jɔʼ nye a pɛʼ motie mo Moyiz le mompene ndwe e mɨtiʼa mimyɛh ɛ. Nye a pɛʼ bye ó, nye nkʉʼ nʉa bɨkul bɨba ga bina, ntɔʼ syɛŋ bye é nye mʉr tɨ, byé nkʉʼ fuʼla edwan e kul, nwɨɨla e mʉr ngwar.