Éfɛsɔs 2:1 - Kálara Zyɛ̌m Edwán é mpʉ̌n

¹ Molu pihe, bɨn bé a be ó odwè é nko paʼ sisim, duho é motie bɨn bé a ntaa ɛ, le mɨsyem min.

Kálar Nzyɛ̌m : Ejwán é Sáá

¹ Ɨ́ mimbú mí píhe, bɨ̌n bé á be ó odwe nkǒ páʼ sísǐm, tɨ̂ ɨ́ bidyɛʼ bín, le misyóm bɨ́n á sâ mí.

Éfɛsɔs 2:1 ပူးပေါင်းရင်းမြစ်များ

Kolosi 2:13

Molu pihe, bɨn bé a be ó mɨmuu é nko paʼ sisim, duho é motie bɨn bé a ntaa ɛ, ndwe e mbi bɨn bé a baateʼle nkul bɨpuno win ɨ. No ó, banana, Zyɛm, nyi sa ó, bɨn e boo Krɨst tiʼa zyɛŋa. Nyi pɛʼ bɨbaa bibyɛh nye a niʼe bɨna é lɔb motie mɨmɛh bɨna bé a ntaa ga ɛ.

Rôm 8:2

Bɨna bé a be ga ó mɨmɛra é mpila mɨsyem. Mɨsyem myaa, myé ó b'a liŋ bɨna ga odwè é mih mo Zyɛm. Mbɨambɨa Sisim ze dwe bɨna ga tiʼ molu mo mpoʼ mɨmɛh é zyɛŋa ga wina boo Yesʉs-Krɨst.

Éfɛsɔs 4:18

Bé ejeʼe mɨlɔb ndɨ edwɛʼ Zyɛm ɨ. Bé e boo nɔɔ, bé abe e nduula. Bé egʉʼla é mɨlɔb mye, le elɨl mɨlʉ myɔɔ.

Yʉanes 5:21

ebe, jwɨʼ gwar mpʉ Sɔŋ lé epɛ̀h bʉr é mofoo, dwe be tiʼ ɨ, no nteme ó Mwan mo Zyɛm ótiʼ baa nye lé ekpɛl ɨ.

1 Yʉanes 3:14

Bɨna bé egʉa ga ó, bɨna bé a pàh, ntɔʼ bi tiʼ molu mo mpoʼ mɨmɛh ó, ebe kpɛl bɨna lé ekpɛl ga obuʼla ɛ. Mʉr ndɨ akpɛl bʉr ɨ, nye dina ó ndwè.

Yʉanes 14:6

Yesʉs, nye e nye ó: «Me ó ndɨ zi. Me ó ndɨ é l'ocyecye. Me ó ndɨ Etin e tiʼ. Mʉr, nye abe e nkul eto nko Sɔŋ wam ndɨ ɨ, cwɨɨ é nuu zi fih, nkʉ yé abe é me.

Éfɛsɔs 5:14

ebe, sa yiyɛh myɛn lé ekʉn ɨ, yé mu ó lé epan mɨmbah. Ebe no ó bé lé elɛɛ ó: «Gwɔɔ mʉr ndɨ é dwo e, jɨma. Pàha é foo. Krɨst pana go mɨmbah, gba go é myɛn tʉŋlʉ.»

1 Timotɛ 5:6

Guu mbi kuho nteme, wé ekpɛl nkul bɨtiʼ. Wiha, wi bɛa dwè, dam be ó, wé dina ó kʉ.

Yʉanes 5:25

Me elɛɛ bɨn cyecye ó nɛɛ: ewala, lé eze—lé mu ó si pyal—jɔʼ odwè, bé ójoʼo twii Mwan mo Zyɛm ɨ. Baa bé ójoʼo nye e, bé óbi tiʼ molu mo mpoʼ mɨmɛh,

1 Korɛnt 15:45

Yé ó mpʉ yé ndɨ tila é Kalara Zyɛm ɨ. Yé ó tila ó: «Mʉr efoʼ, Adam, a be ó kublakubla.» Adam a fuʼla ka ze e, nye ó Sisim lé etiʼ bʉr ɨ.

Yʉanes 10:10

Ndiblʉ, wé eze ó, lé eze díbe, le ejʉ, le egbah. Mɛm a ze ó, bʉr biʼe tiʼ molu mo mpoʼ mɨmɛh, ndwe nteme ó, bé buʼba é bɨtiʼ byɔɔ é me.

Mɨngwiha 3:1

«Tila kalara. Go à cen engles lé edwiile mbɛr Zyɛm ndɨ ɨ Sardɛs ɨ. Lɛŋɨ nye ó: Waa lé emɛr mɨsisim mo Zyɛm tambɛl ndwe e baatwitwɛn tambɛl ɨ, nye elɛɛ ó: “Me egʉa sa yiyɛh go lé esa ɛ. Bʉr bé eseʼle go, lé elɛɔ ó, go ó kublakubla, to kœb ó, gwɔɔ, go ó mpʉ muu!

Lʉkas 15:32

Sa gwar, yé ejala ó, bɨna cyelɨ ga zɔɔ bɨsʉhʉ muh, ebe, ncyomo a be ndwè e, nyi pàh! Nye a si dim zi. Nye mu ó bɨna é mobo!”»

Lʉkas 15:24

ebe, mwan wam nwaʼ a be ó si sil dwè. No ó, nyi bâʼle tiʼe! Nye a bɛa ó dim muh mɨmbu mɨmbu. No ó, mɨ bâʼle bee nye!” Bé ntɔʼ taare lé ebwal zɔɔ.

Mataos 8:22

Yesʉs ze bɨha e nye ó: «Duʼo me. Birɨ odwè, bé dɨlɨ mɨmuu myɔɔ.»

2 Korɛnt 5:14

Sa lé etine bɨh ɨ, yé ó kpɛl Krɨst a gba bɨh é mɨleme e. Bɨh bɨ bee ó, mpʉ mʉr ngwar a dwè, jala e bʉr bɨbɛh ɛ, yé elɛʼle bɨna ga ó, bʉr bɨbɛh, bé a si dwè.