Éfɛsɔs 1:5 - Kálara Zyɛ̌m Edwán é mpʉ̌n

⁵ nye a bɛa tiile é leme we ó, nye cyel bɨna ga é dia bwan o mobœʼa be ó, dumo e Yesʉs-Krɨst. Nye a sa no ó, njɨ ebe kpɛl ye ndwe e bɨgwɨma bɨ leme we.

Kálar Nzyɛ̌m : Ejwán é Sáá

⁵ Nye á be ɨ́ kpɛl mɨ́ná gâ, nye nzě tíʼe ɨ́ lémé wé ó, nyě tyél ó mɨná gá ɨ́ tyé bwán bé ɨ́ nzɨ̌ mé Yésʉs-Krîst. Nye á sâ nó ó, ɨ́ kpɛ̌l yé ti e mitíʼá myé nye mʉr tɨ̂.

Éfɛsɔs 1:5 ပူးပေါင်းရင်းမြစ်များ

Éfɛsɔs 1:11

Bɨh oYʉden, bɨ syɛŋa é Yesʉs-Krɨst tʉŋlʉ ebe pɛha Zyɛm a pɛh bɨh ó, bɨh diʼe baa be, lé edu mɨtiila mɨ leme we. Nye ó mʉr lé egba nyʉl é sa ye yiyɛh, waa ndɨ esa ó, bɨsa bibyɛh, byé duʼo bɨgwɨma bɨ leme we e.

1 Yʉanes 3:1

Mbe ga: é mpʉʼ ó Zyɛm Sɔŋ ndɨ ebul kpɛl bɨna ga ɛ! Nyi gban bɨna ga, le elɛɛ ó, bɨna ga bé ó bwan be. Bɨna ga bé ó baa be é l'ocyecye. Bʉr o si nwa, bé apa gʉa Sɔŋ ga wina. Ebe no ó bé ndɨ agʉa bɨna ga ɛ.

Yʉanes 1:12

Dam be no, bʉr o b'a nʉa nye e duu, jyɛʼɔ taa buʼo yɔɔ boo nye e, bé ó nye a dwe nkul ó, bé diʼe bwan mo Zyɛm ɨ.

Rôm 8:23

Sa gwar, yé abe njɨ mɨcyea bɨsɔʼɔ ndɨ é tuu é banana. Yé ó ndwe e bɨna ga bʉr o tɨ, baa Zyɛm a taare lé elɛʼle dweʼle nkul mo Sisim we e. Bɨna ga ó ndɨ é tuu waa é mɨsisim ga mina tʉŋlʉ. Bɨna bé óto dolo lé esime no, cye yiyɛh bɨna dina lé ebono jɔʼ nye ódil bɨna ga é dia bwan o mobœʼa be e. Yé óbe ó é dobo nye ósil dwih monyʉl ga mɨna é mpila ebebe e.

Galásia 3:26

Bɨn bɨbɛh mu ó bwan mo Zyɛm, ebe, bɨn bé a si jyɛʼ taa buʼo yin boo Yesʉs-Krɨst.

2 Korɛnt 6:18

Me óbe ó Sɔŋ win; bɨn bé óbe me ó bwan, mɨsile ndwe e mɨsoho. No ó Zyɛm Nkul nyiwɛh ndɨ elɛɛ ɛ.»

Mɨngwiha 21:7

Mʉr nyiwɛh óbe si ntaa, bula e l'esaa é koo e, nye óbi we nkɔb é bɨsa byaa bibyɛh. Me óbe ó Zyɛm we. Nye óbe me ó mwan.

Éfɛsɔs 1:9

Nye ecyɛb bɨna ga é mɨleme ó, bɨna gʉŋa ga jwɨʼ nye a bɛa bà, yaa yé a lɛɔ é lwib odim ɨ. Yé ó sa nye a ka sa é gwɨma ye nye mʉr tɨʼ ɨ.

Yʉanes 11:52

Abe njɨ é l'efu e bʉr o kul gwar yaa bé ome. Nye nteme a dwè ó, é l'efu e bwan mo Zyɛm bɨbɛh! Mpʉ bɨ myɛma é mɨlal myoonkan ɨ, nye ónʉa be, ntɔʼ syɛŋ be, ó bé diʼe njɨ sa gwar.)

2 Tesalonika 1:11

É paʼ waa nteme ó bɨh lé ejwɨʼla é bɨjɔʼ bibyɛh é l'efu lɨn ó, nye beŋɨ mbɨmbɨa ó, bɨn bé ekœʼ ebò e cyen nye a jebe bɨn ó, bɨn kœʼœ œ. Bɨh bé ejwɨʼla nteme ó, nye cyɛba bɨn é mɨleme ó, bɨn loŋla bɨsyɛɛ bibyɛh bɨn mu lé ebuʼla ó, bɨn bé ejala le esea nye e.

Lʉkas 10:21

É jɔʼ gwar yaa, Mbɨambɨa Sisim ze loŋlo leme mo Yesʉs e bɨsʉhʉ. No ó nye a lɛɛ ó: «Da, me edwiibɨ go, gwɔɔ Njwɨɨ kʉ e si, ebe, go a be ó si lɛʼle bʉr o ndɨ mpʉ bwɔɔncyom ɨ, bɨsa go a fol mɨcɨcyoo e l'ogwɨa o si nwaʼ ɛ. Da, yé ó no! Me ekʉ dwiibɨ go, ebe, go a bɛa tiʼe é leme go ó, yé syɛŋɨ no.

1 Korɛnt 1:21

Zyɛm, é l'ocyoo nye ndɨ e we e, nyi nʉa tiʼa ó, bʉr o mbi jɔʼ yi, bé aŋa gʉa nye njɨ ebe ocyoo wɔɔ. Nye a bee embɨa é nko paʼ we ó, baa nye ódwe tiʼ molu mo mpoʼ mɨmɛh ó, ndɨ ebuʼla mpaŋla bɨh bé a cen be e, mpaŋla waa, nye yɛɛ sa bʉʉ bʉr lé ebee mpʉ lwib bɨgʉ ɨ.

Yʉanes 20:17

Yesʉs, nye e nye ó: «Daʼ nara e me, ebe, me dina ó apa to é jobo kʉ, boo Sɔŋ. Toʼ, to lɛɛ obɨɔ bam ó: “Me mu ó lé ebere, bula to nko Sɔŋ wam ndɨ ɨ. Nye nteme, nye ó sɔŋ win. Nye ó Zyɛm wam. Nye ó Zyɛm win nteme.”»

Mataos 11:26

Da, yé ó no! Me ekʉ dwiibɨ go, ebe, go a bɛa tiʼe é leme go ó, yé syɛŋɨ no.

Lʉkas 11:32

É dobo le etiʼ e mɨlɔb, bʉrʉm o nkana Niniv, bé ómʉa, nwahle bʉr o mya wi, ebe, bé a be ó si gwɨma mobebe mɔɔ, le edwir mɨleme lé ejoʼo mpaŋla Yonas a cen be e. No ó, paʼ bee ga: cyela mɨtuno lé elaa Yonas ɨ, nye ó bana kʉ be wâ!»

Filipi 2:13

Ebe, Zyɛm ó ndɨ edwe bɨn gwɨma edu mpaŋ zi waa. Nye nteme ó ndɨ edwe bɨn nkul ó, bɨn kœʼœ tɨʼ mbɨmbɨa.

1 Korɛnt 1:1

Mɛm Pol, mʉr Zyɛm a jebe é gwɨma ye ó, me diʼe lʉmlʉ mo Yesʉs-Krɨst ɨ, bɨh e mɨɔ ga wina Sostɛn, ó lé etile bɨn kalara nwa.

Mataos 1:25

Nye a be yɛɛ asyɛŋa duo e nye, to pyal é jɔʼ nye a bya mwan waa ɛ. Nye ntɔʼ jwɨr nye die ó Yesʉs.

Lʉkas 12:32

«Bɨn bʉr o ndɨ ma daa e bɨntœme lam ɨ, ajoʼo ga bʉa. Sɔŋ win, nye ebee embɨa lé eniŋle bɨn é jwɨ̀ʼa ye.

Mɨlʉmlʉ 13:48

Bʉr o ndɨ abe oYʉden ɨ, é jɔʼ bɛɛ, bé a joʼo mɨlɔb mo Da lé elɛɔ ɛ, bé a be ó si soho mye le edwaabe nye ebe lɔɔ we. Baa bɨbɛh Zyɛm a bɛa pɛh ó, bé biʼe tiʼ molu mo mpoʼ mɨmɛh ɛ, bé ntɔʼ buʼla.

Kolosi 1:19

Nye ecyɛb bye efoʼ ó, ebe, Zyɛm a ka bee embɨa é nko paʼ we ó, nye di ntinɨ e ntinɨ ó, é nye.

Ebrœ̂ 2:4

Zyɛm, nyi ze boʼlo nteme ó, mpaŋla waa, nye ó cyecye, ebe, nye a si ntɨh bɨdweʼle bɨ nkul we, e bɨsa bɨ jehe ndwe e mosima mɨmbi mɨmbi, to kumo kuma e mɨndwɛa Mbɨambɨa Sisim lé entɨh bɨna ga ɛ, du mpʉ nye lé egwɨm sa ɛ.