Éfɛsɔs 1:4 - Kálara Zyɛ̌m Edwán é mpʉ̌n

⁴ Nye esa bɨna ga no ó, bɨna gumla ga nye, ebe, nye a si bɛa pɛh bɨna ga, taare é jɔʼ kʉ e si, byé a baapa cyeŋɔ ɛ. Nye a pɛh bɨna ga ó, bɨna diʼe ga mɨsaŋ mɨ bʉr be, dumo e Krɨst, abe e sa ebebe nye a ngbaa nwahle bɨna ga e tɨ. Ebe nye ndɨ e leme ncwɨncwɨa ó

Kálar Nzyɛ̌m : Ejwán é Sáá

⁴ mɨná gúmlaa gá nye, ebě, nye á si boo twâr mɨná gâ, táare ɨ́ jɔ̌ʼ kʉ́ e sí, byé á be apǎ bě kuhá yɨ́. Nye á twâr mɨná gá ó, mɨná gúmaa gá e né, ɨ́ nzɨ̌ mé Krîst, abe e sá ébébe nyé ónwâhle mɨ́ná gá e tɨ̂.

Éfɛsɔs 1:4 ပူးပေါင်းရင်းမြစ်များ

2 Timotɛ 1:9

Nye a baajebe bɨna ebe mɨmpaŋ bɨsyɛɛla bina. Nye a dwe bɨna ga tiʼ molu mo mpoʼ mɨmɛh le ejebe bɨna ó, bɨna diʼe mɨsaŋ mɨ bʉr be. Nye a sa no ó, ebe pɛhla we nye mʉr tɨ, le ncwɨncwɨa nye a be e nye, waa nye a be ó, nye ólɛʼle bɨna ɛ. Nye a bɛa lɛʼle bɨna ncwɨncwɨa ó, kʉ e si apa cyeŋɔ, é zi mo Yesʉs-Krɨst.

Éfɛsɔs 2:10

Bɨna ga bé ó baa Zyɛm a kpaʼ e mobo me nye mʉr tɨʼ ɨ. Nye ntɔʼ ze dil bɨna ga é Yesʉs-Krɨst dil dilɨ é l'efu ó, bɨna diʼe ga bʉr bé ósa bɨsyɛɛla bɨ ncwɨncwɨa ɛ. Zyɛm nye mʉr tɨʼ ó b'a bɛa tiʼe é leme we ó, bɨna saʼ ga nye bya.

Mataos 25:34

«É jɔʼ yaa, njwɨɨbʉr, wé ólɛɛ e baa ndɨ nye é mbo ejʉm ó: “Ntaʼ ga, bʉr Sɔŋ wam a sʉ mocyɛʼ mo mpom me e. Ntaʼ, ze nʉa ga bɨdia é jwɨ̀ʼa nye a bɛa komlo bɨn, duho é l'etɛɛrɨ e si nwaʼ ɛ,

Jacques 2:5

Obɨɔ o kpɛl bam aa! Lɛŋɨ ga me: zê Zyɛm a baapɛh baanteʼenteʼe é si nwaʼ ó, bé diʼe obil é nko paʼ buʼo, é mbi ndɨ ó, bé nʉŋa bɨdia é jwɨ̀ʼa ye ɛ? Nye a baasi bul kɛʼ be bɨdia é jwɨ̀ʼa ye, bé e mʉr nyiwɛh lé ekpɛl nye e?

1 Pyɛr 2:9

Sa gwar, bɨn bé ó bʉr nye a bɛa pɛh ó, bɨn diʼe nye opara le kul bʉr ndɨ ti ɨ. Bɨn bé ó kul bʉr ndɨ yaa ye e, é l'efu ó, bɨn gumla mbɨambɨa njwɨr mo Mʉr a jebe bɨn ɨ. Njɨblɨ we waa, wé ó b'a dwih bɨn é l'edurʉ, cen bɨn é myɛn ndɨ é nge-ngɨ-nge e.

Mɨngwiha 13:8

No ó, odil o si nwaʼ bɨbɛh, bé ódwiibɨ tir waa, pɛʼ njɨ baa Zyɛm a bɛa tile mie mɔɔ é kalara tiʼ we e. Kalara waa a bɛa be tila ó, duho é l'etɛɛrɨ e si nwaʼ ɛ. Nye ó é mobo mo Ma Ntœme bé a bɛa jʉ ɨ.

Yʉanes 15:16

Ntʉʼ bɨn bé a pɛh me. Mɛm ó b'a pɛh bɨn. Me ó b'a lomo bɨn ó, bɨn toʼ, to gumo mpumo. Mpumo waa ódi njʉmdia e njʉmdia. No ó, Sɔŋ wam ódwe bɨn sa yiyɛh bɨn bé ódî le ejaʼ nye, pere e die lam ɨ.

1 Pyɛr 1:2

Zyɛm Sɔŋ ó b'a pɛh bɨn, bʉr o nye a bɛa gʉa ɛ. Jɨh tɨʼ nye a kʉ pɛh bɨn, Sisim we, wé ntɔʼ ze pubo bɨn. Wé a pubo bɨn ó, lé emyɛʼ bɨn e motié mo Yesʉs-Krɨst é l'efu ó, bɨn saʼ nye mojoʼo. Mocyɛʼ mo mpom le motala mo Zyɛm, mé swɨŋɨ é bɨn é ntuʼ-ntu-ntuʼ.

1 Pyɛr 1:20

Zyɛm Sɔŋ a be ó si bɛa gʉa ó, Krɨst ójɛna mobyaʼ maa, taare é jɔʼ kʉ e si, byé a baapa cyeŋɔ ɛ. Nye ze nyin é jɔʼ yi, é l'esie e mbi jɔʼ yiʼ ó, é l'efu lɨn.

Kolosi 3:12

Ebe no, é mpʉ bɨn mu mɨsaŋ mɨ bʉr mo Zyɛm, myaa nye a pɛh, myaa nye ndɨ ebul kpɛl ɨ, diʼe ga e njwɨʼa-nkoo paʼra win ndwe e ncwɨncwɨa. Filɨ ga monyʉl si. Diʼe ga bʉr o ndɨ é tala njwɨr ɨ, le bʉr o bihbe.

Kolosi 1:22

No ó, banana, Zyɛm, nyi sa sàa paʼra win boo nɔɔ, ó nye nkʉʼ cyel bɨn é mih me mɨsaŋ mɨ bʉr, abe e mobe, abe e sa ebebe nye a ngbaa nwahle bɨn e tɨ. Nye a sa sàa waa ó, é zi mo Mwan we é jɔʼ Mwan we a bir tiʼ ye, le emɛʼle ó, nyʉl we, nye dwèʼ e.

Éfɛsɔs 5:27

Ebe, nye a kpɛl ó, wé nkʉʼ cyɛb é mih me é ncyɛh-ncyɛh: abe e l'ebar, nkʉ mɨlur, nkʉ yʉʉ sɔʼɔ ndɨ é bebe e. Wé ókʉ ka gumo ó njɨ e nye, abe e sa ebebe nye a ngbaa nwahle we e tɨ.

Mɨngwiha 17:8

Tir go a bee e, a bɛa ó be é jɔʼ mya. To kœb ó, nye aka be. Yi ka liʼ titia, nye ópàh, ze pʉʼa é Bɨ-siʼe. ǃNye si pʉʼa tɨʼ nɛʼɛ, nye òdwè. Zyɛm a si tile mie mo bʉr é kalara tiʼ tʉŋlʉ, duho é l'etɛɛrɨ e si nwa. No ó, bʉr o mie mɔɔ ndɨ l'anyin é kalara tiʼ waa ɛ, bé óbul jehe tir waa, ebe, bé óbee ó, nye a be ó si taare tiʼe. Nye ze dwè. Bé óbee nye nteme lé ebula pàh.

Mɨlʉmlʉ 13:48

Bʉr o ndɨ abe oYʉden ɨ, é jɔʼ bɛɛ, bé a joʼo mɨlɔb mo Da lé elɛɔ ɛ, bé a be ó si soho mye le edwaabe nye ebe lɔɔ we. Baa bɨbɛh Zyɛm a bɛa pɛh ó, bé biʼe tiʼ molu mo mpoʼ mɨmɛh ɛ, bé ntɔʼ buʼla.

Yʉanes 17:24

«Da, go a be ó si dwe me ba. Me ekpɛl ó, bé diʼe gumo me ódi ɨ. Bé óbee me é dia moncɛnba mam, dia go a bɛa dwe me ebe kpɛl yo, taare é jɔʼ kʉ e si, byé a baapa cyeŋɔ ɛ.

1 Tesalonika 4:7

Zyɛm a jebe bɨna ga ó, bɨna diʼe ga bʉr o ndɨ ti ɨ, abe baa ndɨ elama fwon njɨ lé edu bɨjyɛʼ byɔɔ ɛ.

Filipi 2:15

Ebe no ó bɨn bé óbe e mɨleme é sɔɔɔ ɛ. Ebò e cyen lɨn, lé óbe ó, alɨŋa ba. Bɨn bé óbe ó bwan mo Zyɛm, abe e sa ebebe bé a ngbaa nwahle bɨn e tɨ. Bɨn bé óbul pan mpʉ baatwitwɛn ndɨ é jobo kʉ, teme ozyɛhozyɛh o bʉr o b'a lɨŋa, jyɛl ɨ diʼ ɨ.

2 Timotɛ 2:19

Dam be no, nkan Zyɛm a cyel ɨ, nye dina ó, lé ecyɛb é nkʉʼʉ. Mokan nye a tile e nkan waa ɛ, mé ó ma: «Da, nye egʉa baa ndɨ baa be e.» Mʉʉ mo tɨ, mé ó: «Mʉr lé etɨʼ bɨr, le elɛɛ ó, nye ó ndɨ waa mo Da ɛ, nye ejala le esyɛhle sa ndɨ ozyɛhozyɛh ɛ!»

Mɨlʉmlʉ 18:10

Ebe, bɨna e go ó ndɨ. Abe e mʉr ndɨ e nkul emɛr go, nkʉ waa ngbaa sa go sa cere. Mɛm, me e bʉr é buobuo é nkana nɨ.»

2 Timotɛ 2:10

Ebe no ó me ndɨ edihbe mɨtuu mimyɛh ɛ. Yé ó é l'efu e bʉr o Zyɛm a pɛh ɛ, ó bé biʼe tiʼ molu mo mpoʼ mɨmɛh ndwe e kum é zyɛŋa wɔɔ boo Yesʉs-Krɨst.

Éfɛsɔs 4:2

Filɨ ga monyʉl si paʼra win. Diʼe ga bʉr o ndɨ é tala njwɨr ɨ, le bʉr o bihbe. Dihba ga paʼra win e leme ncwɨncwɨa.

1 Korɛnt 1:8

Nye waa nteme ó ngo gba bɨn nkul é monyʉl, to pyal é l'esie, abe e sa ebebe nye a ngbaa nwahle bɨn e tɨʼ é dobo Tî ga wina Yesʉs-Krɨst óbula ze e.

Mataos 24:31

É jɔʼ yaa, nye ólomo beengles be e sebe ndɨ é laŋle bwaʼ twii ɨ, bé ntɔʼ to é modumo mo si mɨmɛh monâ. Bé ósyɛŋ baa nye a bɛa pɛh ɛ, taare é wiʼ odumo o jobo kʉ, to kumo é guu.»

Éfɛsɔs 5:2

Kœʼœ ga ebò e cyen ndɨ elɛʼle leme ncwɨncwɨa win ɨ, mpʉ Krɨst a taare cwɨa e bɨna ga ɛ. Nye a si dwè, jala e bɨna ga, ó nye diʼe mpʉ mɨndwɛa ndwe e motwina. Motwina me maa, mé a be ó e monumo Zyɛm lé ebul kpɛl ɨ.

Yʉanes 10:16

Me e byʉʉ bɨntœme l'apa ni é nkal bɨntœme nwaʼ ɛ. Yé ekʉ jala ó, me toʼ, to nʉa bye, niŋle bye é nkal. Byé ójoʼo ecel lam. Bɨn e boo nɔɔ, bé óbe ó daa egwar, kobla bɨntœme ngwar.

1 Tesalonika 3:12

Da Yesʉs cyɛba bɨn é mɨleme, ó leme ncwɨncwɨa bɨn ndɨ e we e, wé nyinɨ. Nye saʼ nteme ó, bɨn kpɛlɨ nteme bʉr ofih é buobuo, kpɛl yaa, yé nkʉʼ bwaʼ. Yé syɛŋɨ no, bɨn kpɛlɨ be mpʉ bɨh lé ekpɛl bɨn ɨ.

Éfɛsɔs 3:17

Me ejwɨʼla nteme e nye ó, Krɨst komla odia we é mɨleme min tʉŋlʉ, ebe buʼo yin. Me ejwɨʼla nteme e nye ó, bɨn cyɛba é nkʉʼʉ ebe leme ncwɨncwɨa win.

Galásia 5:13

Obɨɔ ga bam aa! Zyɛm a jebe bɨn ó, bɨn diʼe é dia otî. É dia otî yin yaa, amɛʼle ga ó, bɨn saʼ bɨsyɛɛla bɨ ebebe nyʉl bɨpuno ga wina lé egwɨm ɨ. Kpɛla ga. Sea ga nteme paʼra win.

Rôm 8:33

Zé ndɨ e nkul epur mɨpɛha mɨ bʉr mo Zyɛm? Zyɛm nyɛɛ, nye abe e nkul esa no, ebe, nye mʉr tɨʼ ó b'a sa ó, bɨna biʼe ga mokebe é mih me!

Mataos 24:24

ebe, mɨmpʉmpʉl mɨlœma mɨ mulo mo Zyɛm, myé e mɨmpʉmpʉl mɨ ogwiha o mɨlɔb, myé óbuo. Bé ósa bɨbwaʼbwaʼ bɨdweʼle bɨ nkul wɔɔ ndwe e bɨsa bɨ jehe lé esaa egomlo mɨpɛha mɨ bʉr mye é bebebebe zi, ǃbé ókoʼo wa.

Mataos 24:22

Yé be ó, Da atuŋlo molu maa nɛʼɛ, lɛɛ ó, mʉr ákwoʼ tiʼe. Sa gwar, nye ótuŋlo me ó, é l'efu e bʉr o nye a pɛh ɛ.

1 Yʉanes 4:16

É mbi waa ó bɨna mu lé egʉa ga leme ncwɨncwɨa Zyɛm lé elɛʼle bɨna ga ɛ. Bɨna bé ekʉ buʼla ga ó, nye ecwɨa e bɨna ga. Zyɛm, nye ó kpɛl. Mʉr lé ekpɛl bʉʉ bʉr ɨ, nye edi ó, é zyɛŋa wɔɔ boo Zyɛm; Zyɛm nteme, nye etiʼe é mʉr waa.

2 Pyɛr 3:14

Ebe no, obɨɔ o kpɛl bam aa! É mpʉ bɨna mu lé eka bono ga moho waa ɛ, nye ókœb bɨn nyá ɛ? Gbaʼ ga monyʉl lé edi abe e l'ebar, nkʉ ebebe bé a ngbaa nwahle bɨn e la ɛ. Diʼe ga é motala é jɔʼ nye óbula ɛ.

Kolosi 2:2

Me ejaʼra e mɨtuu myaa ó, me gbaʼ bɨn nkul é monyʉl, le esa ó, bɨn syɛŋa é leme ncwɨncwɨa. Bɨn nkʉʼ gʉa buʼo ga yina é kpɛhla, sa ndɨ bɨn e buobuo nyɔm ɨ. Bɨn gʉŋa nteme Krɨst, mʉr Zyɛm a fol é lwib odim ɨ.

Galásia 5:22

Sa gwar, Mbɨambɨa Sisim, nye e bɨsyɛɛla nye lé esa e bɨna ga ɛ. Mpumo lé egumo é zi mo Mbɨambɨa Sisim ɨ, nye ó: kpɛl, bɨsʉhʉ, motala, bihbe, njwɨʼa-nkoo, ncwɨncwɨa, edira monkɛʼ,

Galásia 5:6

Yé be ó, mʉr fih mʉr kɛ̀l, nyi di é zyɛŋa wɔɔ boo Yesʉs-Krɨst nɛʼɛ, lɛɛ ó, esaŋɔ mpʉn, lé aŋa ka be nye e nyɔm. Yé nteme, yé aŋa ntɨʼ, nkʉ nye óbe, l'asaŋɔ nye. Sa ndɨ nye e nyɔm ɨ, yé ó mbi buʼo lé enyin é bɨsyɛɛla bɨ ncwɨncwɨa ɛ.

Mɨlʉmlʉ 15:18

waa lé ebɛa gʉa bye, taare mya ɛ.”»