Éfɛsɔs 1:21 - Kálara Zyɛ̌m Edwán é mpʉ̌n

²¹ Zyɛm a dil nye é dia taʼa yaa ó, é mɨsisim mɨ apum kʉ, taare é myaa mɨ jwɨɨ, bé e myaa mɨ nkul ndwe e myaa ndɨ e monkul monɨnɨ ɨ, to pyal é myaa ndɨ mɨlʉ ɨ. Krɨst ó ndɨ elaa bɨbɛh é mpwaʼ nkʉŋ. Nkʉŋ we ó lé elaa bwaʼbwaʼ nkʉŋ ndɨ e nkul egwimlɨ é mbi jɔʼ yi, nkʉ é jwɨ̀ʼa ye, yé óka cyelɔ ɛ.

Kálar Nzyɛ̌m : Ejwán é Sáá

²¹ Nzyɛ̌m á dil nye ɨ́ mecwɨ́ɨ́ mé jwɨ́ɨ yaá ó, kʉ́ misísǐm mí édúrʉ́ʉ́ mi dí milʉ̂ mí, le myaá mi dí e nkul jwɨ́ɨ mí, le myaá mi dí e pîm mí, le myaá mi dí e menkul ménɨ́nɨ́ɨ́ mí. Krîst ó dí e díe e dí ɨ́ buú gúmlɔɔ lɨ́. Díe laá ó dí elaa míé mɨ́mɛ̂h bʉ̂r dí ekɛn ɨ́ mpóʼo sí yɨ̂ʼ má, le maá bé ókɛn ɨ́ mpóʼo ngá tyélɔɔ nyɨ́ má.

Éfɛsɔs 1:21 ပူးပေါင်းရင်းမြစ်များ

Kolosi 2:10

É mpʉ bɨn ndɨ é zyɛŋa win boo Krɨst ɨ, bɨn bɨ gwɨe é mɨpaʼ mimyɛh. Krɨst ó ndɨ lʉ, waa lé ejwɨʼ mɨsisim mɨ apum mimyɛh ɛ.

1 Pyɛr 3:22

Nye a si bere é jobo kʉ. Nye mu ó é mbo ejʉm mo Zyɛm Sɔŋ, gumo nye lé ejwɨʼ beengles, le mɨsisim ndɨ e mojwɨ̀ʼa ndwe e myaa ndɨ e nkul ɨ.

Ebrœ̂ 1:4

Ebe no ó Mwan we mu mbɨna kʉ, laa beengles ɨ. Ebe no nteme ó, Zyɛm a dwe nye bwaʼbwaʼ nkʉŋ, laa waa wɔɔ ɛ.

Mɨlʉmlʉ 4:12

«Bʉr o ndɨ ebi tiʼ molu mo mpoʼ mɨmɛh ɛ, bé ebi ye ó, é zi mo Yesʉs, ebe, é si nwaʼ nyiwɛh, yé abe e lʉʉ die efih Zyɛm a lɛʼle bʉr ó, lé ó e nkul edwe be tiʼ molu mo mpoʼ mɨmɛh ɛ, nkʉ yé abe laa le.»

Kolosi 2:15

Mokʉa mo dɔm mɨsisim mɨ apum le moleme bé a be e me e, Zyɛm, nyi dɛʼ me. Nye a ntaa be é nkul dɔm ó, é jɔʼ Krɨst a dwè é klos ɨ. Nyi liʼe mɨsisim myaa é gœʼra-gœʼra, fwon wɔɔ lé enyin bʉr bɨbɛh é pono.

Éfɛsɔs 3:10

Banana, yi ka liʼ ó, njɨ epɛʼle jwɨʼ ye yaa, ndwe le ebal mɨsisim mɨ apum le myaa mɨ nkul, myaa ndɨ é jobo e l'ejyoo e. Myé mu lé eka joʼo jwɨʼ yaa ó, boo bɨna, bʉr o Mbɛr-Zyɛm, ndwe le egʉa mpʉ ocyoo mo Zyɛm ndɨ é buo mɨmbi ɨ.

Éfɛsɔs 6:12

Ebe, yé abe ó, bɨna tɛl ga ó e bʉr o bɨpuno le motié. É l'ocyecye, bɨna bé elwimla ga ó e bɨcye bɨnɨnɨ bɨnâ mɨsisim mɨ apum: le mɨsisim mɨnɨnɨ, le myaa mɨ nkul, le myaa ndɨ e mojwɨ̀ʼa mo edurʉ ɨ, le myaa ndɨ é jobo e l'ejyoo le ebantɛn ɨ.

Ebrœ̂ 4:14

Bɨna ga mu ó e njwɨɨ opara ndɨ lʉ sa yiyɛh ɛ: Yesʉs, Mwan mo Zyɛm. É mpʉ yé ndɨ no e, bɨna toʼ ga dolo lé emɛʼle buʼo ga yina. Nye a be ó si ntaa jobo e l'ejyoo le ebantɛn, lé ebula to di é jobo kʉ.

Mataos 12:32

Mʉr nyiwɛh lé elwib ebebe é lʉ Mwan mo Mʉr ɨ, baa ebebe yaa, yé óbɛm pɛʼɔ. Sa gwar, mʉr ólwib ebebe é lʉ Mbɨambɨa Sisim ɨ, baa ebebe yaa, yé ákwoʼ pɛʼɔ, dam be é jɔʼ yi, dam be pie e l'esie e mbi jɔʼ yi.»

Ebrœ̂ 2:5

Jwɨ̀ʼa Zyɛm ófuʼla cyel cyecye, yaa lɔb we bɨh lé elwib ɨ, yé óbe ó é jwɨ̀ʼa mo nuu mʉr. Ntʉʼ beengles nye a cyel é bɨdia bɨ taʼa é l'efu le ejwɨʼ bʉr o ndɨ é jwɨ̀ʼa yaa ɛ.

Éfɛsɔs 2:2

Bɨn bé a taare kœʼ ó, njɨ ebò e cyen le ebebe laa, jwɨʼ gwar e gwar e bʉr o mbi jɔʼ yiʼ bɨbɛh. Bɨn bé a tiʼe no ó, lé edu motɨɨ mo njwɨɨ mbi jɔʼ yi, waa ndɨ cyela é dia taʼa ye paʼra jobo e l'ejyoo le ebantɛn ɨ. Sisim waa ó lé ecyɛb bʉr é mɨleme é banana, baa lé esa Zyɛm ebɨh ɨ...