Éfɛsɔs 1:20 - Kálara Zyɛ̌m Edwán é mpʉ̌n

²⁰ Mpwaʼ nkul we, nye esea é bɨna ga tʉŋlʉ, mpʉ nye a taare sea nteme é Krɨst é jɔʼ Sɔŋ a pɛ̀h nye é foo, dil nye é jobo kʉ é mbo ejʉm we e.

Kálar Nzyɛ̌m : Ejwán é Sáá

²⁰ Nkul nyé, nye lɨ́ eséa ɨ́ mɨná gâ mpʉ nyé á séa ntémé ɨ́ Krîst ɨ́ jɔʼ Sɔ́ŋ á pɛh nye lɨ́ odwe, dil nyé ɨ́ jʉ́o kʉ́ ɨ́ mbó éjʉ́m wé yɨ́.

Éfɛsɔs 1:20 ပူးပေါင်းရင်းမြစ်များ

Ebrœ̂ 10:12

To kœb ó, Krɨst nyɛɛ a si dwe Zyɛm motwina mompwar é jɔʼ gwar lé epɛʼ mɨsyem é l'efu e bɨjɔʼ bibyɛh. Nye ze to di si é mbo ejʉm we.

Markus 16:19

No ó, é jɔʼ Da Yesʉs a be, nye osi lwib e be no e, nye ze bɨnɔ é jobo kʉ, ntɔʼ to nʉa dia ye é mbo ejʉm mo Zyɛm Sɔŋ.

Ebrœ̂ 1:3

Moncɛnba mo Zyɛm, mé enyin ó, é nye. Nye ó ndɨ gulo lé elɛʼle mpʉ Zyɛm nye mʉr tɨʼ ndɨ ɨ. Nye ebaʼle si nwaʼ nyiwɛh ó, é zi lwib ye ndɨ e nkul ɨ. Nye a si dib zi epubo bʉr é lɔb mɨsyem myɔɔ. Nye ze to é jobo kʉ, to di si é mbo ejʉm mo waa ndɨ e mojwɨ̀ʼa monɨnɨ é jobo kʉ ɨ.

Mataos 28:18

Yesʉs ntɔʼ dihle nko bé a be e. Nye e be ó: «Mɨ bi nkul mojwɨ̀ʼa mo kʉ ndwe e maa mo si nwaʼ nyiwɛh.

Kolosi 3:1

Ebe no, é mpʉ bɨn e boo Krɨst mu ó si pɛ̀hɔ é mofoo e, gʉŋa ga ó, bɨn bé ejala le esaa bɨsa ndɨ é jobo kʉ ɨ. Byé ó é gumo Krɨst lé edi é mbo ejʉm mo Zyɛm ɨ.

Filipi 3:10

Sa me lé egwɨm ɨ, yé ó, me gʉŋa Krɨst é kpɛhla. Me egwɨm nteme ó, Zyɛm sea é me, mpʉ nye a sea e nkul é jɔʼ nye a pɛ̀h Yesʉs-Krɨst é foo e. Me biʼe mɨtuu mɨmpwar Krɨst a bi ɨ, efie lam nkʉʼ nwɨɨla nteme e laa le.

Rôm 8:34

Zé óláa mɨpɛha mɨ bʉr be bɨbaa bɨ ebebe, le ekab be bɨntɨʼa bɨ tɨ? Abe e mʉr! Yesʉs-Krɨst a si dwè, jala e bɨna ga. Yé abe njɨ no. Nye a si pàh, to é dia taʼa, é mbo ejʉm mo Zyɛm Sɔŋ. Nye mu nteme ó mʉr ndɨ esa mɨnjwɨʼla é l'efu ga lɨna ɛ.

Mɨlʉmlʉ 5:31

To kœb ó, Zyɛm nyɛɛ, nyi bɨr nye kʉ, dil nye é mbo ejʉm we, cyel nye é dia Cyɛb efoʼ ndwe e Tiʼbʉr é l'efu e bʉr bɨbɛh. Nye a sa no ó, nye nkʉʼ dib bwa b'Ɨzraɛl zi egwɨma mobebe mɔɔ, le edwir mɨleme, ó nye nkʉʼ pɛʼ bɨbaa nye lé eniʼe-niʼe é lɔb mɨsyem myɔɔ ɛ.

Markus 14:62

Yesʉs ntɔʼ bɨha e nye ó: «Nɔɔɔ, me ó nye! Bɨn bé óbee Mwan mo Mʉr ndindil é nko paʼ mbo ejʉm mo Zyɛm Nkul nyiwɛh. Bɨn bé óbee nye lé eze é nkur tʉŋlʉ.»

Mataos 26:64

Yesʉs ntɔʼ bɨha e nye ó: «Yé ó mpʉ go lɛɛ nɨ. Me elɛɛ bɨn, pie jɔʼ yi, bɨn bé óbee Mwan mo Mʉr, “ndindil é nko paʼ mbo ejʉm mo Zyɛm Nkul nyiwɛh”. Bɨn bé óbee nye lé eze é nkur tʉŋlʉ.»

Mɨngwiha 1:17

É jɔʼ me a bee nye e, me ze bɨʼ mpom wam si é mih me, me mu mpʉ muu, mpur é sehe. Nye ntɔʼ kɛl mbo ejʉm we é nyʉl wam. Nye e me ó: «Ajoʼo bʉa. Me ó ndɨ mʉr efoʼ ndwe e mʉr epihe.

1 Pyɛr 1:3

Bɨna gumla ga Zyɛm Sɔŋ mo Tî ga wina Yesʉs-Krɨst. Nyi bul jwɨʼ bɨna ga nkoo, ntɔʼ dwe bɨna ga nkul ebyɛl jɔʼ mba é l'efu ó, mɨleme ga mina, myé diʼe lwɨŋla e mbɛla. Mbɛla waa, wé ekubla é mɨleme ga mina. Wé eduho ó, é nkul pɛ̀ha nye a pɛ̀h Yesʉs-Krɨst é foo e.

Ebrœ̂ 13:20

Neme Zyɛm Sɔŋ ndɨ egba motala paʼra ga wina, nye ó b'a pɛ̀h Tî ga wina ndwe e Kobla bɨntœme nɨnɨ, Yesʉs é foo, pɛ̀ha foo we lé elɛʼle ó, nyi mɛʼle motié nye a sʉ é l'efu ó, Sɔŋ we nkʉʼ de mpʉn njʉmdia e bɨna ga ɛ.

Ebrœ̂ 2:9

Sa bɨna lé ekʉ gʉa bee ga ɛ, yé ó: é ma peh jɔʼ, Zyɛm a si taare fil Yesʉs si, beengles laa nye ba é duu. Pie tɨ, nyi ka bœr nye epʉʼlʉ é lʉ, le edwe nye kum ndwe e duu, ebe, nye a si sia e mɨtuu, ntɔʼ dwè. Sa nɨ yiyɛh é l'efu ó, Zyɛm lɛʼla bʉr bɨbɛh ncwɨncwɨa, lé esa ó, Yesʉs jala e be.

Éfɛsɔs 1:3

Bɨna gumla ga Zyɛm, waa ndɨ Sɔŋ mo Tî ga wina Yesʉs-Krɨst ɨ. Zyɛm, nyi sʉ bɨna ga mocyɛʼ mo mpom me é zyɛŋa ga wina boo Krɨst. Nyi mɛʼle nteme ó, bɨna sʉŋɔ ga mocyɛʼ mo mpom mo Mbɨambɨa Sisim mɨmɛh, lé eduho é jobo kʉ.

Rôm 1:4

É nko paʼ mo Sisim we ndɨ ti ɨ, nye a si jwɨrɔ ó «Mwan mo Zyɛm» e bwaʼbwaʼ nkul ebe pɛ̀ha foo: Tî ga wina Yesʉs-Krɨst.

Mɨlʉmlʉ 26:8

Ebe yé bɨn oYʉden ndɨ abuʼla ó, Zyɛm, nye epɛ̀h bʉr é mofoo ɛ?

Mɨlʉmlʉ 10:40

Sa gwar, Zyɛm a si pɛ̀h nye é foo é l'elu elɛl. Nye ze sa ó, bʉr bâʼla bee nye.

Mɨlʉmlʉ 4:10

bɨn bɨbɛh le bwa b'Ɨzraɛl bɨbɛh, gʉŋa ga be ó, mʉr bɨn lé ebee lé ecyɛb cɨcyel nwa, nye mu mbɨmbɨa ó, é nkul die mo Yesʉs-Krɨst, mʉr Nazarɛt, waa bɨn bé a bomlo e mosen, bɨnɔ nye é klos kʉ ɨ. To kœb ó, Zyɛm a si pɛ̀h nye é foo!

Yʉanes 10:30

Bɨh e Sɔŋ wam, bé ó sa gwar.»

Yʉanes 10:18

Mʉr, nye aŋa nʉa me tiʼ yam. Me edwe ye ó dweʼ, e nkul wam me mʉr tɨ. Me e nkul edwe ye, bula nʉa. Yé ó syɛɛla Sɔŋ wam a dwe me nkul ó, me saʼ ɛ.»

Kolosi 1:16

ebe, Zyɛm a cye sa yiyɛh ó, é zi we: bɨsa ndɨ é jobo e l'ejyoo e, e byaa ndɨ é si nwaʼ ɛ, bɨsa lé enyin ndwe e byaa ndɨ anyin ɨ, mɨsisim mɨ apum ndɨ é dia taʼa ɛ, le myaa ndɨ e monkul monɨnɨ ɨ, le myaa ndɨ e jwɨɨ, nkʉ myaa ndɨ e nkul ɨ. Sa yiyɛh, yé a cyeŋɔ ó, njɨ lé ebœʼ kum we.