Éfɛsɔs 1:19 - Kálara Zyɛ̌m Edwán é mpʉ̌n

¹⁹ Me ejwɨʼla nteme ó, bɨn gʉŋa mpwaʼ nkul we, waa lé elaa sa yiyɛh ɛ. Bɨn gʉŋa nteme mpʉ nye lé eze bɨna ga é nkɔm e mpwaʼ nkul waa ɛ. Nye egba nyʉl lé efuʼo bɨna ga, bʉr o b'a jyɛʼ taa buʼo yina boo nye e.

Kálar Nzyɛ̌m : Ejwán é Sáá

¹⁹ Mě jɨʼlá ntémé ó, bɨ̌n gʉ́ŋaa nkǔl nɨ́nɨ́ɨ́ nyé, nyaá dí entaǎ sá yɨ́yɛ̂h nyɨ́. Bɨ̌n gʉ́ŋaa ntémé mpʉ nyé dí enze mɨ́ná gá ɨ́ nkɔ̌m e nkǔl nɨ́nɨ́ɨ́ nyaá yɨ́. Nyě gbɨ́gbá nkûl nyé nyɨnyɛ̂h ó, lɨ́ esúʼo mɨ́ná gâ, bʉr o b'á dyêʼ koo e né bá.

Éfɛsɔs 1:19 ပူးပေါင်းရင်းမြစ်များ

Filipi 2:13

Ebe, Zyɛm ó ndɨ edwe bɨn gwɨma edu mpaŋ zi waa. Nye nteme ó ndɨ edwe bɨn nkul ó, bɨn kœʼœ tɨʼ mbɨmbɨa.

Éfɛsɔs 3:20

Kum diʼe e Zyɛm, waa ndɨ e nkul esa sa yiyɛh, laa bim bɨna lé edî ga, nkʉ jwɨʼ ɨ. Kum diʼe e nye, waa ndɨ e nkul nɨnɨ lé esea e bɨna ga ɛ!

Kolosi 2:12

É zi ndubo bɨn bé a nʉa ɛ, bɨn bé a si debe, bɨn e boo Krɨst é jɔʼ gwar e gwar yaa, bɨn e boo nɔɔ nteme ntɔʼ pàh, ebe, bɨn bé ebuʼla nkul nɨnɨ mo Zyɛm Sɔŋ, mʉr a pɛ̀h nye é foo e.

2 Korɛnt 4:7

To kœb ó, bɨh bʉr o ndɨ egʉa kum mo Zyɛm waa ɛ, bɨh bé ebaʼle okum waa ó, é mɨkaʼ mɨ deʼe tʉŋlʉ, é mbi ndɨ ó, yé nkʉʼ gʉa nyin é sʉlʉlʉ ó, nkul waa, nye ekʉ duho ó boo Zyɛm, abe é bɨh bʉr o tɨ.

Kolosi 1:29

Ebe no ó me lé ejaʼra e syɛɛ yiʼ ɨ. Me ebaran e mɨtuu bɨsyɛɛ ó, é nkul ndɨ eduho boo Krɨst ɨ. Nkul we waa ó ndɨ esea é me tʉŋlʉ.

Éfɛsɔs 6:10

Sa me lé eka tile bɨn é l'epihe e, yé ó: lela ga nkul é zyɛŋa win boo Da Yesʉs tʉŋlʉ, é mpwaʼ nkul we.

Éfɛsɔs 3:7

Zyɛm a si kʉ bul sea e nkul é me tʉŋlʉ, ebe ncwɨncwɨa we. Bwaʼbwaʼ etʉm nye a ntɨh me e, lé ó dia syɛl mosa we me ndɨ tɨʼ ɨ. Syɛɛ me lé esea nye e, yé ó etuno Mbɨambɨa Lɔɔ.

Éfɛsɔs 2:10

Bɨna ga bé ó baa Zyɛm a kpaʼ e mobo me nye mʉr tɨʼ ɨ. Nye ntɔʼ ze dil bɨna ga é Yesʉs-Krɨst dil dilɨ é l'efu ó, bɨna diʼe ga bʉr bé ósa bɨsyɛɛla bɨ ncwɨncwɨa ɛ. Zyɛm nye mʉr tɨʼ ó b'a bɛa tiʼe é leme we ó, bɨna saʼ ga nye bya.

Rôm 1:16

Me abe e nkul ejoʼo ba fwon lé elɛɛ Mbɨambɨa Lɔɔ, ebe, wé ó nkul mo Zyɛm é l'efu le etiʼ mʉr nyiwɛh óbuʼla we e, taare é l'oYʉden, to pyal é baa ndɨ abe oYʉden ɨ.

Jacques 1:18

Nye mʉr tɨʼ ó b'a bya bɨna ga é zi gwɨma ye. Nye a sa no ó, é jɔʼ nye a lɛʼle bɨna ga lwib ye ndɨ cyecye e, bɨna ntɔʼ buʼla ga ye. Ebe no, é nko paʼ mɨcyea bɨsa bibyɛh, bɨna ga ó ndɨ mpʉ tom nye a pɛʼ é peme ye e.

2 Tesalonika 1:11

É paʼ waa nteme ó bɨh lé ejwɨʼla é bɨjɔʼ bibyɛh é l'efu lɨn ó, nye beŋɨ mbɨmbɨa ó, bɨn bé ekœʼ ebò e cyen nye a jebe bɨn ó, bɨn kœʼœ œ. Bɨh bé ejwɨʼla nteme ó, nye cyɛba bɨn é mɨleme ó, bɨn loŋla bɨsyɛɛ bibyɛh bɨn mu lé ebuʼla ó, bɨn bé ejala le esea nye e.

1 Tesalonika 1:5

ebe, é jɔʼ bɨh bé a lɛɛ bɨn Mbɨambɨa Lɔɔ ɛ, bɨn bé a baanʉa lɔɔ waa e l'epɨh. Yé ó, ebe, é jɔʼ gwar yaa, Zyɛm a si lɛʼle bɨn nkul nɨnɨ we tɨ. Sisim we, wé a si fulo nteme é bɨn. Bɨn bé a ka gʉa é jɔʼ yaa ó, lɔɔ waa, wé a kʉ be ó cyecye. Bɨn bé egʉa nteme mpʉ bɨna bé a be-be ga ɛ. Bɨh bé a tiʼe-tiʼe no ó, é l'efu le edi bɨn e nyɔm.

2 Korɛnt 5:17

Yé be ó, nuu mʉr, nye ó é zyɛŋa wɔɔ boo Krɨst cyecye nɛʼɛ, lɛɛ ó, nye mu ó edwan e cyea sɔʼɔ. Mɨnjʉ̌m bɨsɔʼɔ mimyɛh, mi laa; bɨsa bibyɛh mu ó, njɨ modwan e modwan.

Mɨlʉmlʉ 26:18

Me elomo go ó, go bɛŋɨ bʉr mih. Go dwihɨ be é l'edurʉ, cen be é myɛn; dwih be é mpel mo Satan, cen be nko bé e Zyɛm, bé ódɨ di ɨ. Me ópɛʼ bɨbaa me a niʼe é lɔb mɨsyem myɔɔ ɛ, lé edwe be dia é l'esama e bʉr o b'a jyɛʼ taa buʼo yɔɔ boo me, mɛm ntɔʼ pubo e.”

Yʉanes 3:6

Sa mamʉr lé ebya ɛ, yé ó njɨ mamʉr bɨpuno e motié. To kœb ó, Mbɨambɨa Sisim ó ndɨ ebya mʉr ndɨ e sisim ndɨ kublakubla ɛ.

Filipi 3:21

ntɔʼ dwir bɨsa monyʉl ga bina bi. Monyʉl ga mɨna, mé òka nwɨɨla e nyʉl we ndɨ e kum ɨ. Nye e buobuo nkul ndɨ esa ó, bɨsa bibyɛh, byé saʼ nye mojoʼo e.

1 Pyɛr 4:11

ǃƗ mʉr si sa ó, nye pyɛl ó mokan nɛʼɛ, yé beʼ yɛɛ maa mé óntɛŋ bʉr mokan mo Zyɛm ɨ. Yé be ó, nye fuʼo ó bʉʉ bʉr nɛʼɛ, nye fuʼa be e nkul Zyɛm nye mʉr tɨʼ a ntɨh nye e. No ó Zyɛm ódwiibɔ é zyɛŋa ga wina boo Yesʉs-Krɨst ɨ. Kum e nkul, byé dweŋɔ nye, njʉmdia e njʉmdia. Amɛn.