Éfɛsɔs 1:17 - Kálara Zyɛ̌m Edwán é mpʉ̌n

¹⁷ Me ejwɨʼla e Zyɛm Sɔŋ mo Tî ga wina Yesʉs-Krɨst, nye nteme Zyɛm Sɔŋ ga wina ndɨ e kum ɨ, ó nye ntɨhɨ bɨn Sisim we ó, bɨn cyebla, le nteme ó, nye gwihɨ bɨn mɨfela mɨlɔb mye. Myé óbe bɨn e nyɔm é l'efu ó, bɨn gʉŋa nye.

Kálar Nzyɛ̌m : Ejwán é Sáá

¹⁷ Me lɨ́ ejɨʼla e Nzyɛ̌m dí e kûm, waá dí Sɔ́ŋ mé Tî gá wɨ́ná, Yésʉs-Krîst nyá, ó nye tyɛ́bɨɨ bɨ̌n ɨ́ miléme, ó bɨ̌n twólwaa, le ntémé ó, nye gwíhɨɨ bɨ̌n misolá mílɔ̌b myé. Myé óbe bɨ́n e nyɔm, lɨ́ esú ó, bɨ̌n gʉ́ŋaa nye.

Éfɛsɔs 1:17 ပူးပေါင်းရင်းမြစ်များ

2 Pyɛr 1:3

Zyɛm a si dwe bɨna ga sa yiyɛh ndɨ e nyɔm é l'efu ó, bɨna biʼe tiʼ molu mo mpoʼ mɨmɛh le ekœʼ ebò e cyen é mbi nye ndɨ ekpɛl ɨ. Nye a sa no ó, é zi nkul nye ndɨ e nye ebe tiʼ nye ndɨ e ye e. Bɨna bi ga tiʼ molu mo mpoʼ mɨmɛh yaa ó, é zi ngwɨa bɨna lé egʉa ga nye e. Nye ó b'a jebe bɨna ga, lé elɛʼle mbɨambɨa njwɨr we ndwe e kum we.

2 Pyɛr 3:18

Toʼ le egwɨe ga ebe ncwɨncwɨa Tî ga wina le Tiʼbʉr ga wina Yesʉs-Krɨst lé elɛʼle bɨn ɨ. Bɨn bé à gwɨe nteme ebe bɨn bɨ gʉa nye. Nye ome ó ndɨ ejala e kum, taare é banana, to pyal é njʉmdia e njʉmdia. Amɛn.

Éfɛsɔs 1:3

Bɨna gumla ga Zyɛm, waa ndɨ Sɔŋ mo Tî ga wina Yesʉs-Krɨst ɨ. Zyɛm, nyi sʉ bɨna ga mocyɛʼ mo mpom me é zyɛŋa ga wina boo Krɨst. Nyi mɛʼle nteme ó, bɨna sʉŋɔ ga mocyɛʼ mo mpom mo Mbɨambɨa Sisim mɨmɛh, lé eduho é jobo kʉ.

Yʉanes 17:3

Tiʼ molu mo mpoʼ mɨmɛh, yé ó, bé gʉŋa go, ó go ó ndɨ mpaŋ Zyɛm ndɨ ngwar e ngwar ɨ. Bé gʉŋa nteme Yesʉs, mɛm, mʉr go a lœm mulo, waa go a ntɨh kaʼ ɛ.

Mataos 11:27

«Sɔŋ wam a si dwe me bɨsa bibyɛh. Abe e mʉr lé egʉa Mwan mo Zyɛm, pɛʼ njɨ Zyɛm Sɔŋ nye ome. Abe e mʉr ndɨ egʉa Zyɛm Sɔŋ, pɛʼ njɨ Mwan mo Zyɛm ndwe e baa Mwan lé ekpɛl lɛʼle e.

1 Korɛnt 2:10

Bɨna ga ó ndɨ baa Zyɛm a gwih sa yiyɛh é zi Sisim we e. Sisim we, wé ó ndɨ egʉa sa yiyɛh, dam be bɨjwɨʼ nye ndɨ e bye é mo si ɨ.

Éfɛsɔs 3:5

Molu pihe, buobuo mɨmya mɨ bʉr, bé a baagʉa pɛʼle lwib odim yaa. No ó, banana, Zyɛm, nyi ka gwih ye é zi Sisim we. Nye a ka gwih lwib odim ye ó, lé etaare lɛʼle mɨsaŋ mɨlʉmlʉ mo Yesʉs-Krɨst bé e l'ogwiha o mɨlɔb.

Yʉanes 20:17

Yesʉs, nye e nye ó: «Daʼ nara e me, ebe, me dina ó apa to é jobo kʉ, boo Sɔŋ. Toʼ, to lɛɛ obɨɔ bam ó: “Me mu ó lé ebere, bula to nko Sɔŋ wam ndɨ ɨ. Nye nteme, nye ó sɔŋ win. Nye ó Zyɛm wam. Nye ó Zyɛm win nteme.”»

Mɨlʉmlʉ 6:10

bé ze bee ó, bé a baabe e nkul etɨ mɨlɛa mye, ebe, nye a lwib ó e l'ocyoo ndwe e nkul mo Mbɨambɨa Sisim.

Mataos 6:13

Ato e bɨh é mobʉbla tʉŋlʉ. Syɛbɨ bɨh é mobo mo Bɨbla-mʉr. [Ebe, mojwɨ̀ʼa e nkul ndwe e moncɛnba, byé ó byo, to pyal é mɨmya mimyɛh. Amɛn!]”

Yʉanes 14:26

Mʉr ndɨ ekamle e bɨn ɨ, nye ó Mbɨambɨa Sisim. Sɔŋ wam ólomlo bɨn wa ó, é die lam. Nye óyeʼle bɨn sa yiyɛh, lé ejɨm bɨn bɨtoŋla é lɔb sa yiyɛh me a lɛɛ-lɛɛ bɨn ɨ.

2 Korɛnt 12:1

Yé ekʉ jala ó, me doʼa e me mʉr tɨ. Sa yaa, yé abe mɛm e ba nyɔm. Dam be no, me paʼ lɛɛ bɨn yɛɛ sa jehe me a bee é lima ɛ. Me lɛŋɨ bɨn nteme mɨfela mɨlɔb Da Yesʉs a gwih me e.

Lʉkas 21:15

ebe, me mʉr tɨ, me óbɛa dwe bɨn mokan e pɨʼ, é mbi ndɨ ó, bʉr o ndɨ esa bɨn mongan ɨ, bé óbe, abe e nkul eka pɨr, nkʉ tɨ mɨlɛa min ɨ.

1 Korɛnt 12:8

Mbɨambɨa Sisim, nye enol nwaʼ mʉr bɨntɔɔ ó, nye diʼe e l'ocyoo é lwib. Nye enol nuu mʉr bɨntɔɔ bɨ ngwɨa é bɨsa nye lé elwib ɨ.

1 Korɛnt 2:8

Abe e guu njwɨɨbʉr é mbi jɔʼ yi, wé a gʉa we. Nkʉ myé a be ó be, gʉa we nɛʼɛ, mpa myé a baacyèl Tî ga wina ndɨ e moncɛnba ɛ, é klos kʉ.

Rôm 15:6

é l'efu ó, bɨn diʼe twii ngwar lé egumlo Zyɛm, waa ndɨ Sɔŋ mo Tî ga wina Yesʉs-Krɨst ɨ.

Yʉanes 16:3

Bé ódɨ sa no ó, ebe, bé a baagʉa, dam be Sɔŋ wam, dam be me.

Yʉanes 14:17

Nye ó ndɨ Sisim Ocyecye. Bʉr o ndɨ egumo e si nwaʼ ɛ, bé abe e nkul enʉa nye é monyʉl mɔɔ, ebe, bé abe e nkul ebee nye, nkʉ gʉa nye. Bɨn ó ndɨ egʉa nye, ebe, nye edi ó, bɨn e boo nɔɔ. Nye nteme, nye ó é l'esama lɨn.

Mataos 16:17

Yesʉs ntɔʼ lɛɛ e nye ó: «Mocyɛʼ mo mpom, mé ó e go, Simɔn, mwan mo Yʉanes! Ntʉʼ mʉr bɨpuno le motié gwih go sa yaa. Yé be ó Sɔŋ wam ndɨ é jobo kʉ ɨ. Nye ô lɛʼle go ya.

Mataos 11:25

É jɔʼ yaa ó Yesʉs a ze lɛɛ ó: «Da, me edwiibɨ go, gwɔɔ Njwɨɨ kʉ e si, ebe, go a be ó si lɛʼle bʉr o ndɨ mpʉ bwɔɔncyom ɨ, bɨsa go a fol mɨcɨcyoo e l'ogwɨa o si nwaʼ ɛ.

Mɨngwiha 7:12

Bé a lɛɛ-lɛɛ ó: «Amɛn! Eee, Zyɛm Sɔŋ ga wina, nye e moseʼla, le kum, le ocyoo, le ndwɛa ekiba, le duu, le nkul le onjɨh, njʉmdia e njʉmdia! Amɛn!»

Títos 1:1

Mɛm Pol, syɛl mosa mo Zyɛm, ndwe e lʉmlʉ mo Yesʉs-Krɨst ó lé etile go kalara nwa. Me esea syɛɛ yaa é l'efu e bʉr o Zyɛm a pɛh ɛ, ó me gbaʼ be nkul é monyʉl, ó bé jyɛʼɛ taa buʼo yɔɔ boo Zyɛm. Me elɛʼle be ocyecye ndɨ esa ó, mʉr dwaaba Zyɛm ɨ.

Jacques 2:1

Obɨɔ ga bam aa! É mpʉ bɨn lé ejyɛʼ taa buʼo yin boo Tî ga wina Yesʉs-Krɨst, Njwɨɨ ga wina ndɨ é kum ɨ, dɨʼe sa no abe lé edwaabe bʉr é lɔb mompom mɔɔ,

1 Korɛnt 14:6

Obɨɔ ga bam aa! Nkʉ me a be ó be, ze gʉʼ bɨn ye lé elɛʼle bɨn mpʉ me lé egʉa lwib bɨlɔblɔb nɛʼɛ, mpa me baagum be bɨn e nyɔm. Sa yé a kʉ jala e bɨn ɨ, yé a be ó, me ntaʼ, ze gʉʼ bɨn ye e mɨfela mɨlɔb mo Zyɛm, nkʉ e ngwɨa ngwiha mɨlɔb, nkʉ e ngwiha mɨfela bɨsɔʼɔ, nkʉ e yʉʉ sikʉlʉ fih.

Lʉkas 12:12

ebe, Mbɨambɨa Sisim ólɛʼle bɨn sa bɨn bé ójala le elɛɛ be é jɔʼ gwar yaa ɛ.»

Lʉkas 2:14

«Kum mo Zyɛm, nye bera kʉ, laa jobo e l'ejyoo le ebantɛn. Bʉr o si nwa, bé diʼe é motala, ebe, Zyɛm, nyi bee be mbɨmbɨa.»

2 Timotɛ 2:25

Yé ejala ó, nye gʉa tɨe bʉr o ndɨ edo e nye e, e njwɨr é tala tala. ǃNye si sa no nɛʼɛ, Zyɛm óbɛm cyɛb be é mɨleme, ó bé gwɨma mobebe mɔɔ, le edwir mɨleme. Bé ògʉa ocyecye é jɔʼ yaa.

Rôm 1:28

Bʉr baa, bé a baabee ó, yé ejala ó, bé gʉŋa Zyɛm. No ó Zyɛm a fuo ka bir be ó, pɨʼ wɔɔ beʼ ntul ɨ. Nye ebir be ó, bé saʼ bɨsa bɨ fwon byaa ndɨ ajala ɛ.

Mɨlʉmlʉ 7:2

Etyɛn ntɔʼ bɨha ó: «Mbɛngɛɛ! Bɨn obɨɔ bam e l'osɔŋ bam aa! Zyɛm ndɨ e moncɛnba ɛ, a si pyal boo sɔŋ mpam ga wina Abraham é jɔʼ nye a be Mezopotami, nye l'apa to di Aran ɨ.

Éfɛsɔs 4:13

É mbi waa, bɨna ga bɨbɛh, bé óbe ga ó zyɛŋa, cwɨɨ é zi buʼo gwar. Bɨna bé ógʉa ga Mwan mo Zyɛm é kpɛhla. Bɨna bé óbi ga pɨʼ otamabʉr, ntɔʼ gbabla le elele é mɨpaʼ mimyɛh, lé efuʼla nʉa cye mo Krɨst nye mʉr tɨ.

Filipi 3:15

Bʉr o ndɨ e pɨʼ otamabʉr ɨ, bé ejala le edi e mbi mbea nɨ. Yé be ó, bɨn bé ejala le ebee yʉʉ sɔʼɔ é guu mbi mbea nɛʼɛ, Zyɛm nteme ólɛʼle bɨn sa yaa.

Mataos 20:33

Bé e nye ó: «Da, paʼ kʉ sa ó, mih mɨh, mé beŋɨ ʉʉ!»