Éfɛsɔs 1:11 - Kálara Zyɛ̌m Edwán é mpʉ̌n

¹¹ Bɨh oYʉden, bɨ syɛŋa é Yesʉs-Krɨst tʉŋlʉ ebe pɛha Zyɛm a pɛh bɨh ó, bɨh diʼe baa be, lé edu mɨtiila mɨ leme we. Nye ó mʉr lé egba nyʉl é sa ye yiyɛh, waa ndɨ esa ó, bɨsa bibyɛh, byé duʼo bɨgwɨma bɨ leme we e.

Kálar Nzyɛ̌m : Ejwán é Sáá

¹¹ Mɨná bɨ́ pûhla gá e Yésʉs-Krîst ɨ́ twárá Nzyɛ̌m á twâr mɨná gá yɨ́. Nye á boo twâr mɨná gâ ó, kʉ́ e sí dína apǎ bě kuhá. Yé á be ó mpʉ nyé á boo jwɨʼ yɨ́, nyɨɛ mʉr dí egbâ nkûl ɨ́ sá yɨ́yɛ̂h, le esâ ó, bijwɨʼ le mitíʼá mí lémé wé, byé lwɨ́ŋlɨɨ nyá.

Éfɛsɔs 1:11 ပူးပေါင်းရင်းမြစ်များ

Rôm 8:28

Bɨna bé egʉa ga ó, Zyɛm, nye ebɛa cye bɨsa bibyɛh ó, byé diʼe e nyɔm é l'efu e bʉr o ndɨ ekpɛl nye, baa nye a jebe, duho é tiʼa nye a nʉa ɛ.

1 Pyɛr 1:4

Nye a bya bɨna ga jɔʼ mba nteme ó, é l'efu le edwe bɨna ga tiʼ molu mo mpoʼ mɨmɛh mu koma é jobo kʉ ɨ. Sa ndɨ koma é l'efu lɨn ɨ, yé aŋa bo, nkʉ lœʼ mʉr é mih mo Zyɛm, nkʉ kuna.

Éfɛsɔs 1:14

Wé nteme, wé ó tɔɔ bɛn, sa lé elɛʼle tiʼ molu mo mpoʼ mɨmɛh nye lé ekomo bɨna ga ɛ. Bɨna bé óbi ga tiʼ molu mo mpoʼ mɨmɛh ó, jɔʼ nye óbe si sil lé edwih bɨna ga é mpila ebebe lɨna é pololo e. Bɨna dwiibɨ ga nye ebe mpwaʼ kum we.

Éfɛsɔs 3:11

É jɔʼ kʉ e si, byé a baapa be e, Zyɛm a bɛa tiʼe é leme we ó, nye óze dira jwɨʼ ye ó, é zi mo Tî ga wina Yesʉs-Krɨst.

Éfɛsɔs 1:5

nye a bɛa tiile é leme we ó, nye cyel bɨna ga é dia bwan o mobœʼa be ó, dumo e Yesʉs-Krɨst. Nye a sa no ó, njɨ ebe kpɛl ye ndwe e bɨgwɨma bɨ leme we.

Galásia 3:18

Nkʉ Zyɛm a be ó be, dwe bʉr tiʼ molu mo mpoʼ mɨmɛh ebe mbi bé lé edu motie nɛʼɛ, mpa nye asa be no ebe nkɛʼ we. To kœb ó, Zyɛm a dwe Abraham tiʼ molu mo mpoʼ mɨmɛh ó, ebe nkɛʼ nye a taare liʼe nye e wa ɛ.

Ebrœ̂ 6:17

Zyɛm a nʉa tiʼa ó, bʉr, bé ógʉa cyecye ó, nye aŋa jɨha mbɨambɨa nkɛʼ we. No yaa ó nye a de mɨnkɛla é jɔʼ nye a liʼe bʉr e monkɛʼ me e. Bʉr o ndɨ ejala le ebi bɨsa bibyɛh Zyɛm a kɛʼ be e, bé ògʉa cyecye ó, nye ókʉ dira monkɛʼ me.

Títos 3:7

Nye a dwe bɨna tiʼ molu mo mpoʼ mɨmɛh ó, bɨna pʉʼa ga é nkar, sɔba é feerɨ ebe ncwɨncwɨa we. Bɨna ga mu ó baa nye a kɛʼ tiʼ molu mo mpoʼ mɨmɛh ɛ. Nkɛʼ waa ó lé esa ó, mɨleme ga mina, myé loŋla e mbɛla.

Rôm 8:17

Yé be ó, bɨna ga mu ó bwan mo Zyɛm nɛʼɛ, kʉ gʉa ó, bɨna ó ngo bi ga monkɛʼ mo Zyɛm, jala e nkɔb ga wina. Bɨna bé óbi ga me ó, é zyɛŋa ga wina boo Krɨst. ǃBɨna ga e boo nɔɔ, bé óbe si sia e mɨtuu mɨmpwar nɛʼɛ, bɨna bé óbi ga nteme kum, é zyɛŋa ga wina boo nɔɔ.

Kolosi 1:12

Bɨh bé edwe Zyɛm Sɔŋ kum, ebe, bɨn bé a si bi dia yin é jwɨ̀ʼa ye jwɨʼ gwar e gwar e mɨsaŋ mɨ bʉr be bɨbɛh, baa bɨn e boo nɔɔ mu si cenɔ é myɛn tʉŋlʉ ɨ.

Kolosi 3:24

Gʉŋa ga ó, Tî ga wina ókʉ dwe bɨn myɛna tɨ. Bɨn bé óbi tiʼ molu mo mpoʼ mɨmɛh nye lé ekomo bʉr be e. Mpaŋ njwɨʼa bɨn lé esea e nye e, nye ó ndɨ Krɨst.

Mɨlʉmlʉ 26:18

Me elomo go ó, go bɛŋɨ bʉr mih. Go dwihɨ be é l'edurʉ, cen be é myɛn; dwih be é mpel mo Satan, cen be nko bé e Zyɛm, bé ódɨ di ɨ. Me ópɛʼ bɨbaa me a niʼe é lɔb mɨsyem myɔɔ ɛ, lé edwe be dia é l'esama e bʉr o b'a jyɛʼ taa buʼo yɔɔ boo me, mɛm ntɔʼ pubo e.”

Mɨlʉmlʉ 20:32

«No ó, banana, me etimle bɨn é mobo mo Zyɛm. Nyi lɛʼle bɨn ncwɨncwɨa we é zi mokan me. Nye baʼla bɨn e mokan maa. Mé ó e nkul egba bɨn nkul é monyʉl ndwe le edwe bɨn tiʼ molu mo mpoʼ mɨmɛh jwɨʼ gwar e gwar e mɨsaŋ mɨ bʉr be bɨbɛh.

Mɨlʉmlʉ 2:23

Zyɛm a bɛa gʉa ó, bɨn bé ókɛha nye é mobo mo bʉr o ndɨ entaa motie e. Bɨn bé a kʉ du ó, mpʉ nye a bɛa tiʼe é leme we e. Bé ze cyèl nye é klos kʉ, jʉŋɔ nye.

Mɨlʉmlʉ 20:27

ebe, me a baaliʼa lé egwih bɨn sa yiyɛh Zyɛm a tiʼe é leme we e.

Mɨlʉmlʉ 4:28

To kœb ó, syɛɛla bé a sa ɛ, yé ó b'a dira sa go a bɛa tiʼe é leme go, lé edu mpʉ nkul go le gwɨma yo ndɨ ɨ.

1 Pyɛr 3:9

Mʉr beʼ l'abala ebebe e l'ebebe. Laa ó, go bala molwɨɨ go lwɨɔ ɛ, fuo sʉ yɛɛ baanya-molwɨɨ mocyɛʼ mo mpom. Zyɛm a jebe bɨn ó, bɨn saʼ no, bɨn nkʉʼ sʉŋɔ nkɔb é mocyɛʼ mo mpom nye lé esʉ bʉr be e.

Rôm 11:34

Yé ó tila ó: «Zé lé egʉa mɨpɛhla mo Da ɛ? Zé ndɨ e nkul edwe nye motɨɨ ɛ?» Yé ó tila nteme ó:

Jacques 2:5

Obɨɔ o kpɛl bam aa! Lɛŋɨ ga me: zê Zyɛm a baapɛh baanteʼenteʼe é si nwaʼ ó, bé diʼe obil é nko paʼ buʼo, é mbi ndɨ ó, bé nʉŋa bɨdia é jwɨ̀ʼa ye ɛ? Nye a baasi bul kɛʼ be bɨdia é jwɨ̀ʼa ye, bé e mʉr nyiwɛh lé ekpɛl nye e?

Éfɛsɔs 1:8

Nye a bul lɛʼle bɨna ga ncwɨncwɨa we waa ó, é zi ocyoo we wiwɛh ndwe e pɨʼ we.

Mɨlʉmlʉ 13:48

Bʉr o ndɨ abe oYʉden ɨ, é jɔʼ bɛɛ, bé a joʼo mɨlɔb mo Da lé elɛɔ ɛ, bé a be ó si soho mye le edwaabe nye ebe lɔɔ we. Baa bɨbɛh Zyɛm a bɛa pɛh ó, bé biʼe tiʼ molu mo mpoʼ mɨmɛh ɛ, bé ntɔʼ buʼla.

Rôm 8:29

Ebe, baa Zyɛm a bɛa gʉa ɛ, nye a bɛa tiile é leme ó, bé ódɨ kœʼ ebò e cyen mpʉ mo Mwan we. ǃBé si nʉa dweʼle tiʼ mo Mwan we nɛʼɛ, Mwan waa ófuʼla mwa modweʼe, e l'oncyom e l'okɛl é buobuo.

Rôm 8:30

Baa nye a bɛa tiile é leme ó, bé ópɛhɔ ɛ, bé ó nye a jebe e. Baa nye a jebe e, bé ó nye a dwe mokebe é mih me e. Bʉr nye a dwe mokebe e, bé nteme ó nye a kab kum we e.

Rôm 9:11

Zyɛm a lɛɛ nye ó: «Tʉl óbe ó syɛl mosa mo ncyom we.» É jɔʼ Zyɛm a lɛɛ no e, lʉʉ egbah, lé a baapa byɛl, apa sa syɛɛla gwar, nkʉ mpaŋ syɛɛla ngwar, nkʉ syɛɛla ebebe gwar. Zyɛm a sa no ó, lé elɛʼle ó, nye esa bɨsa bye ó mpʉ nye lé ekpɛl ɨ. Nye epɛh mʉr, le ejebe nye ó, lé edu mɨtiʼa mɨ leme we nye mʉr tɨ. Nye apɛh mʉr é dɔɔ mɨmpaŋ bɨsyɛɛla mʉr waa a taare sa ɛ.

Éfɛsɔs 1:9

Nye ecyɛb bɨna ga é mɨleme ó, bɨna gʉŋa ga jwɨʼ nye a bɛa bà, yaa yé a lɛɔ é lwib odim ɨ. Yé ó sa nye a ka sa é gwɨma ye nye mʉr tɨʼ ɨ.

Éfɛsɔs 1:18

Nye bɛŋɨ bɨn mih, maa ndɨ bɨn é mɨleme tʉŋlʉ ɨ, ó bɨn biʼe mbɛla ɨ mɨleme é l'efu e motʉm Zyɛm lé ekomo baa nye a jebe e. Bɨn gʉŋa nteme tiʼ molu mo mpoʼ mɨmɛh bɨn bé óbi, jala e mopoʼ min ɨ. Nye ekomo mopoʼ monɨ ó, é l'efu le edwe mɨsaŋ mɨ bʉr be.

Títos 2:14

Nye a si jala e bɨna ga, lé eze kʉr bɨna ga, le edwih bɨna ga é bɨbla ebò e cyen bɨna bé a dɨ kœʼ œ. Nyi pubo bɨna ga ó, bɨna diʼe kul bʉr ndɨ yaa ye e. Mɨleme, myé óbe ó bɨna ga é ntɨɨɨŋ ó, bɨna gba ga ó nyʉl lé esa mɨmpaŋ bɨsyɛɛla.