Éfɛsɔs 1:1 - Kálara Zyɛ̌m Edwán é mpʉ̌n

¹ Mɛm Pol, lʉmlʉ mo Yesʉs-Krɨst é gwɨma mo Zyɛm ó lé etile bɨn kalara nwa. Me etile ó mɨsaŋ mɨ bʉr mimyɛh [ndɨ ɨ Efɛɛz], myaa ndɨ é zyɛŋa wɔɔ boo Yesʉs-Krɨst, myaa ndɨ bʉr be ebuʼlɔ ɛ.

Kálar Nzyɛ̌m : Ejwán é Sáá

¹ Yé ó mɛm Pɔ̂l, mʉr milʉ́mlʉ́ mé Yésʉs-Krîst ɨ́ lɔ̌b gwɨ́má mé Nzyɛ̌m ó dí ecɛma bɨ́n mekaná mâ. Mě cɛmá ó, bɨ̌n, bʉr o dí egúmo e Yésʉs-Krîst, baá o dí bʉr o bé ébûʼlɔɔ, o dí [Éfɛsɔs] bá.

Éfɛsɔs 1:1 ပူးပေါင်းရင်းမြစ်များ

Kolosi 1:2

Me etile ó, mɨsaŋ mɨ bʉr o ndɨ Kolosi, bɨɔ bɨh é zyɛŋa ga wina boo Krɨst, myaa ndɨ bʉr be ebuʼlɔ ɛ. Mocyɛʼ mo mpom e motala mo Zyɛm Sɔŋ ga wina, mé swɨŋɨ é bɨn.

2 Korɛnt 1:1

Mɛm Pol, lʉmlʉ mo Yesʉs-Krɨst é gwɨma mo Zyɛm ó lé etile bɨn kalara nwa, bɨh e mɨɔ ga wina Timote. Bɨh bé etile ó, mbɛr Zyɛm ndɨ ɨ Korɛnt ɨ, ndwe e mɨsaŋ mɨ bʉr mimyɛh ndɨ Akayi ɨ.

Galásia 1:1

Mɛm Pol, lʉmlʉ mo Yesʉs-Krɨst, ó lé etile bɨn kalara nwa. Me abe lʉmlʉ mo nuu mʉr fih. Abe e mʉr a cen me mpaŋla ó, me mu ó lʉmlʉ. Yesʉs-Krɨst nye mʉr tɨʼ ó b'a lomo me, bé e Zyɛm Sɔŋ, waa a pɛ̀h nye é foo e.

Rôm 1:1

Mɛm Pol, syɛl mosa mo Yesʉs-Krɨst ó lé etile bɨn kalara nwa. Zyɛm a jebe me ó, me diʼe lʉmlʉ we, le ecyel me é syɛɛ ó, me toʼ le elɛɛ Mbɨambɨa Lɔɔ we.

Rôm 1:7

Me etile ó, bʉr bɨbɛh ndɨ Rom, baa Zyɛm a bul kpɛl ndwe le epɛh ó, bé diʼe mɨsaŋ mɨ bʉr be e. Mocyɛʼ mo mpom e motala mo Zyɛm Sɔŋ ga wina bé e Da Yesʉs-Krɨst, mé swɨŋɨ é bɨn.

Éfɛsɔs 6:21

Mɨɔ kpɛl ga wina Tisikos, ndɨ syɛl mosa é zyɛŋa wɔɔ boo Da Yesʉs ɨ, nye nteme mʉr ebuʼla. Nye ólɛɛ bɨn sa yiyɛh lé etiibe e me e, le é lɔb syɛɛ me mu lé esea ɛ.

1 Korɛnt 4:17

Ebe no ó me a lomlo bɨn Timote, mwan kpɛl wam ɨ. Nye nteme ó é zyɛŋa wɔɔ boo Tî ga wina, le mʉr ebuʼla. Nye ó ngo jɨm bɨtoŋla bin é lɔb ebò e cyen me lé ekœʼ é zyɛŋa wih boo Yesʉs-Krɨst ɨ. Me edwe mɨmbɛr mɨ Zyɛm mimyɛh sikʉlʉ yaa ó, bé kœʼœ ebò e cyen egwar laa.

Lʉkas 16:10

«Mʉr lé egʉa kʉ baʼle bɨsa ndɨ abuo e, nye nteme ókʉ gʉa baʼle ntwiha bɨsa. Ozyɛhozyɛh o bʉr, bé ejeʼe esa lé ebaʼle bɨsa ndɨ abuo e. Bé nteme, bé ójeʼe ebaʼle ntwiha bɨsa.

Mɨngwiha 2:10

Ajoʼo ga bʉa e bɨntɨʼa bé ódwe bɨn ɨ. Mbe ga: Njwɨɨ moleme ómɛr bɨn bʉʉ bʉr, gba be é mbʉʼ, lé eboblo bɨn! Bɨn bé ósia e mɨtuu myaa ó, to pyal é molu ewʉm. Diʼe ga bʉr be ebuʼla, to pyal é l'efie. Ebe no ó me óbœr bɨn mopʉʼlʉ mo tiʼ é mɨlʉ.”

Mɨngwiha 17:14

Bé ólʉo dɔm e Ma Ntœme, Ma Ntœme nyɛɛ lé entaa be é nkul dɔm, ebe, nye ó ndɨ Tî otî le Njwɨɨ ojwɨɨ. Bʉr o bé e boo nɔɔ lé entaa, bula e l'esaa é koo e, bé ó baa nye a jebe, le epɛh ɛ. Bé nteme, bé ó bʉr be ebuʼla.»

Galásia 3:9

Abraham ze jyɛʼ taa buʼo ye boo Zyɛm. Ebe no ó Zyɛm a sʉ nye mocyɛʼ mo mpom me e. Jwɨʼ gwar e gwar yaa nteme e bʉr bɨbɛh lé ejyɛʼ taa buʼo yɔɔ boo nye e: Zyɛm ósʉ be mocyɛʼ mo mpom me.

Rôm 8:1

Banana, bʉr o ndɨ é zyɛŋa wɔɔ boo Yesʉs-Krɨst ɨ, Zyɛm, nye aka láa be bɨbaa bɨ ebebe byɔɔ, nkʉ kab be bɨntɨʼa ndɨ ejala e le e.

Mɨlʉmlʉ 16:15

Nye ze nʉa ndubo, bé e mbɛr bʉr we nteme. No ó nye a ze jwɨʼla e bɨh ó: «ǃBɨn si mɛʼle ó, me ó é zyɛŋa wih boo Da Yesʉs, le mʉr ebuʼla nɛʼɛ, ntaʼ, ze ni ga be ɨ modwii mam.» No ó nye a yɨm bɨh ó, bɨh mɛʼla ɛ.

Mɨngwiha 2:13

“Me egʉa gumo bɨn lé edi ɨ. Tɨʼ ó ndɨ dia taʼa mo Satan ɨ, bɨn yɛɛ lé eseʼle die lam. Bɨn bé a baakɛla ó, bɨn bé agʉa me, dam be é jɔʼ bé a jʉ Antɨpas ɨ. Bɨn bé a kʉ mɛʼle ó, bɨn bé edwiibɨ die lam. Antɨpas ó ndɨ mpaŋ mboʼla wam, le mʉr ebuʼla. Ebe no ó bé a mɛr nye é l'esama lɨn, jʉŋɔ nye e. Tɨʼ nteme ó ndɨ odia mo Satan.

1 Korɛnt 4:12

Bɨh bé esea syɛɛ ndɨ é lele lele e, lé esaa tiʼ yih, bɨh bʉr o tɨ. É jɔʼ bé lé elwɨɨ bɨh ɨ, bɨh bɛɛ, bé esʉ be ó, mocyɛʼ mo mpom. É jɔʼ bé lé etíile bɨh ɨ, bɨh bé edihbe tíila yɔɔ.

Mɨlʉmlʉ 9:13

Ananias ntɔʼ bɨha ó: «Da, buobuo bʉr, bé a si lɛɛ me lɔb we. Bé be-be ó lé elɛɛ ebebe lɨlɛh nye a sa mɨsaŋ mɨ bʉr myo ndɨ ɨ Yerʉsalɛm ɨ.

Mɨlʉmlʉ 18:19

To kœb ó, titima yaa, yé a taare cyɛb ó, nkana Efɛɛz. Pol bé e sama cyen ye ze fulo tɨ. (Tɨʼ ɨ Efɛɛz ó Priska bé e Akilas, bé a ka liʼ ɨ.) Fula Pol a fulo tɨʼ ɨ, nye ze to é mpah mɨnjwɨʼla. Bé e l'oYʉden, bé ntɔʼ taare lé etimle mɨlɔb mo Zyɛm.

Mɨlʉmlʉ 18:21

No ó, é jɔʼ nye a mʉa é l'esama lɔɔ, to e, nye a lɛɛ ó: «ǃƗ Zyɛm si kpɛl nɛʼɛ, me óbula ze.» No ó nye a ze kable é yʉʉ titima ɨ Efɛɛz, ze tɨ cyen, ntɔʼ to pyal ɨ Sezare.

Galásia 3:26

Bɨn bɨbɛh mu ó bwan mo Zyɛm, ebe, bɨn bé a si jyɛʼ taa buʼo yin boo Yesʉs-Krɨst.

Galásia 3:28

Ziila, nye aka gʉa be paʼra Yʉden bé e mʉr kul fih. Yé aka gʉa be ziila paʼra elʉa bé e mʉr ndɨ é dia otî ɨ, nkʉ paʼra mʉma bé e mʉrʉm, ebe, bɨn bɨ di é zyɛŋa win boo Yesʉs-Krɨst. Bɨn bɨbɛh mu ka di ó é dia mʉr ngwar: Yesʉs-Krɨst.

Éfɛsɔs 1:15

Me a si joʼo mpʉ bɨn ndɨ ejyɛʼ taa buʼo yin boo Da Yesʉs le ekpɛl mɨsaŋ mɨ bʉr mo Zyɛm mimyɛh ɛ. Taare é jɔʼ me a joʼo no e,

Éfɛsɔs 2:6

Zyɛm a si pɛ̀h bɨna ga e boo Yesʉs-Krɨst é mofoo, ntɔʼ dil bɨna ga e boo nɔɔ é dia taʼa é jobo kʉ, é zyɛŋa wina boo Krɨst.

Éfɛsɔs 2:10

Bɨna ga bé ó baa Zyɛm a kpaʼ e mobo me nye mʉr tɨʼ ɨ. Nye ntɔʼ ze dil bɨna ga é Yesʉs-Krɨst dil dilɨ é l'efu ó, bɨna diʼe ga bʉr bé ósa bɨsyɛɛla bɨ ncwɨncwɨa ɛ. Zyɛm nye mʉr tɨʼ ó b'a bɛa tiʼe é leme we ó, bɨna saʼ ga nye bya.

Éfɛsɔs 2:13

To kœb ó, banana, bɨn mu ó é zyɛŋa win boo Yesʉs-Krɨst! Bɨn bʉr o b'a taare be é ncɛra e Zyɛm ɨ, bɨn mu ó kunokuno e nye, cwɨɨ é zi motié mo Krɨst.