Ebrœ̂ 9:9 - Kálara Zyɛ̌m Edwán é mpʉ̌n

⁹ Yiʼ, yé ó dweʼle, sa lé elɛʼle bɨna ga mpʉ yé ndɨ é bananaʼ ɛ. Bʉr, bé dam dwe Zyɛm wáa mbi mɨndwɛa e motwina, byé abe e nkul epubo be é mɨpaʼ mimyɛh. Mɨpɛhla mɨleme myɔɔ, myé abe e nkul ebula di é pyɛɛɛ é zi waa.

Kálar Nzyɛ̌m : Ejwán é Sáá

⁹ Yɨ̂ʼ, yé ó mveʼle dí elɛ̂ʼle mɨ́ná gá ɨ́ jɔʼ yɨ̂ʼ ó, bʉ̌r damá tíʼe ótír, táǎ Nzyɛ̌m mebyaʼ mɔ́ɔ́ ɨ́ nzɨ̌ mindwéá myaá, myé abe e nkul epubo míléme mi bʉ̂r o dí edîʼ nyé myǎ bá. Myé abe lɨ́ esâ ntémé ó, mipahlá mílémé myɔ́ɔ́, myé díʼee ɨ́ pyɛɛɛ.

Ebrœ̂ 9:9 ပူးပေါင်းရင်းမြစ်များ

1 Pyɛr 3:21

Modibe maa, mé edweʼle ó, ndubo mu lé edwe bɨn tiʼ é bananaʼ ɛ. Wé esa no ó, ebe, wé ó gwɨma bɨna lé egwɨm ga ɛ, ó Zyɛm puba bɨna ga, to pyal é mɨleme ga mina tʉŋlʉ, ó mɨpɛhla mɨ tɨʼ nkʉʼ di é pyɛɛɛ. Nye epubo bɨna ga mɨleme myaa ó, ebe pɛ̀ha foo mo Yesʉs-Krɨst. Ndubo ga wina, wé atiʼ bɨna ga ebe mobomo wé lé epɛʼ é nyʉl ɨ.

Ebrœ̂ 5:1

Ebe, bé epɛh njwɨɨ opara nyiwɛh ó, é sama bʉr tʉŋlʉ. Nye ó cyela é dia para ye ó, nye cyɛba é modila mo bʉr é mɨlɔb lé edwɛʼ Zyɛm ɨ. Nye ó mʉr lé ejɛna mobyaʼ mɔɔ ɛ, le ediʼ Zyɛm otir tɔɔ motwina ndwe e mɨndwɛa myɔɔ é lɔb mɨsyem myɔɔ.

Rôm 5:14

Dam be no, taare é Adam, to pyal é Moyiz, Efie, lé a be ó lé ejwɨʼ mʉr nyiwɛh. Yé cyecye ó, bʉr bɨbɛh bé a baasa syem mpʉ mo Adam, mʉr a taare ntaa etie mo Zyɛm ɨ. Adam, nye ó dweʼle, sa lé elɛʼle mʉr Zyɛm a tiʼe é leme we ó, nye óntɨh bɨna ga ɛ.

Ebrœ̂ 11:19

Nye a jwɨʼ ó, Zyɛm óbɛm pɛ̀h Ɨzak é foo. Bɨna bé óbɛm lɛɛ ga ó, nye a si bâʼle nʉa Ɨzak pie e l'efie le.

Ebrœ̂ 10:11

Opara, bé esea ó, dobo lɨlɛh. Bé ecyɛb ocɨcyel lé ediʼ otir tɔɔ motwina ndwe e motwina é tititi, dam be mpʉ mɨndwɛa mɨnɨ ndɨ mbɛh, abe e nkul esa ó, Zyɛm pɛʼɛ baa gwar é bim bɨbaa nye a niʼe é lɔb mɨsyem ɨ.

Ebrœ̂ 9:24

Ebe, odia mo Zyɛm ndɨ e l'ekɛn, waa bʉr, bé a fumo e, ntʉʼ odia waa Krɨst a ni ɨ. Wiha, wé a be ó zɨze dweʼle, sa lé elɛʼle mpaŋ odia mo Zyɛm ndɨ é jobo kʉ ɨ. Mpaŋ odia waa ó nye a ni. Nye mu ó lé edi tɨʼ é jobo kʉ é l'efu ga lɨna, lé ecyɛb é mih mo Zyɛm Sɔŋ.

Ebrœ̂ 7:11

Dia para bʉr o b'eveh mo Levi, bé a di-di ɨ, yé ó b'a be etin e motie mé a cyelɔ bwa b'Ɨzraɛl ɨ. Nkʉ oLevit baa, bé a be ó be, be e nkul epubo bʉr é mɨpaʼ mimyɛh nɛʼɛ, mpa yé a baaka be e nyɔm ó, nuu para fih dila be, nyɛɛ nteme lé ecyelɔ para é l'esama le opara mo Mɛlkisedɛk. Nye a ngbaa be ó é l'esama le opara mo Arɔn.

Galásia 3:21

Yé be no nɛʼɛ, zê yé lé elɛɛ ó, motie le nkɛʼ mo Zyɛm waa, byé e ziila? Hɨʼɨ, yé abe ba no! Ziila, nye abe tɨ. Nkʉ yé a be ó be, be e lʉʉ etie lé edwe bʉr tiʼ molu mo mpoʼ mɨmɛh nɛʼɛ, mpa bʉr mu ó lé ebi mokebe é mih mo Zyɛm é zi etie laa.

Ebrœ̂ 8:4

Nkʉ Yesʉs be ó be, be é si nwaʼ nɛʼɛ, mpa nye asea syɛɛ para ka, ebe, yé e l'opara ofih lé edwe Zyɛm mɨndwɛa, lé edu mpʉ motie lé elɛɛ ɛ.