Ebrœ̂ 9:7 - Kálara Zyɛ̌m Edwán é mpʉ̌n

⁷ Sa gwar, njwɨɨ opara nye ome ó b'a ni-ni é Tiʼe yé a be e l'ekɛn é buobuo e. Nye a kʉ ni-ni tɨʼ ó, njɨ é jɔʼ gwar é mbu. Nye a to-to gʉʼ ó e fua motié mo otir, ó Zyɛm nkʉʼ pɛʼ bɨbaa bɨ ebebe nye a pa niʼe e: le byaa mo para, é lɔb mɨsyem mye nye mʉr tɨ, ndwe e byaa bɨ bʉʉ bʉr é lɔb mɨsyem bé a sa, bɛɛ l'agʉa ɛ.

Kálar Nzyɛ̌m : Ejwán é Sáá

⁷ Sâ gwár, njwɨ́ɨ opara nye omér ó b'á ninî ɨ́ ntɔ́ɔ mbá. Nye á jaa ninî tɨ̂ʼ ó, njɨ jɔʼ gwár ɨ́ mbû. Nye á tʉ̂to gʉ̂ʼ ó e sʉ́á métié mé ótír, ó Nzyɛ̌m pɛ́ʼɛɛ bibaa bí ébébe nyé á pa niʼe bí, byaá ɨ́ lɔ̌b ébébe lé nye mʉr tɨ̂, ti e laá e bʉ̂r oswîh, bé á sâ, bɨ́ɛ l'agʉ́a lɨ́.

Ebrœ̂ 9:7 ပူးပေါင်းရင်းမြစ်များ

Ebrœ̂ 7:27

Nye abe mpʉ bʉʉ ojwɨɨ be opara, bé a be-be e. Nye abe é nkara ó, nye taara dwe motwina é dobo lɨlɛh lé ejɛna mobyaʼ é lɔb mɨsyem mye, pie tɨ, é lɔb myaa mɨ bʉʉ bʉr, ebe, nye a si kʉ bɛa dwe Zyɛm tiʼ ye tɔɔ motwina é jɔʼ gwar é bɨjɔʼ bibyɛh é lɔb mɨsyem ga mina mimyɛh.

Ebrœ̂ 10:3

To kœb ó, yé abe no. É mbu wiwɛh, mɨndwɛa myaa, myé ekʉ jɨm-jɨm bɨtoŋla mɨsyem myɔɔ ó, jɨm jɨmɨ.

Éfɛsɔs 4:18

Bé ejeʼe mɨlɔb ndɨ edwɛʼ Zyɛm ɨ. Bé e boo nɔɔ, bé abe e nduula. Bé egʉʼla é mɨlɔb mye, le elɨl mɨlʉ myɔɔ.

Ebrœ̂ 6:19

Mbɛla waa, wé ó waa ebuʼlɔ. Wé emɛr mɨleme ga mina ó, mpʉ monkwab bɨnkoho lé emɛr titima é sʉm dibe é larada ɛ. Wé ó mpʉ kol lé entaa kan ebe é l'odia mo Zyɛm tʉŋlʉ ɨ. Guu odumo o kol waa, wé ó tiila é Tiʼe ndɨ e l'ekɛn é buobuo e.

Ebrœ̂ 9:3

Yé ó e guu kan ndɨ ela ebe e. Wiha kan ebe, wé ó waa mba para a be lé ebɔma e we é jɔʼ nye a ni é Saʼ Nɨnɨ mo Zyɛm ɨ. É kan ebe waa pihe, yé a be ó e tiʼe yé a be die ó, Tiʼe ndɨ e l'ekɛn é buobuo e.