Ebrœ̂ 9:28 - Kálara Zyɛ̌m Edwán é mpʉ̌n

²⁸ Jwɨʼ gwar e gwar yaa nteme e Krɨst. Nye a kʉ ka dwè ó njɨ é jɔʼ gwar é l'efu ó, nye jala e mɨsyem mɨ bʉr é buobuo. É dobo nye óbula ze e, nye aŋa bâʼle dwih bʉr é mpila ebebe lɔɔ. Zea nye óze e, wé óbe ó, lé edwe bʉr o ndɨ ebono nye e, tiʼ molu mo mpoʼ mɨmɛh.

Kálar Nzyɛ̌m : Ejwán é Sáá

²⁸ Jwɨʼ gwár e gwár e Krîst. Nye á si dwe jɔʼ gwár, ó nye búraa le misyóm lɨ́ esú é bʉ̂r ɨ́ buo buo. Ɨ́ jɔʼ mbá nyé ókǎ nze yɨ́, nye ákǎ báʼǎ nze ɨ́ lɔ̌b ébúra e misyóm. Nye ónze ó, lɨ́ enzě tíʼ bʉ̂r o dí ebóno nyé bá.

Ebrœ̂ 9:28 ပူးပေါင်းရင်းမြစ်များ

Títos 2:13

Bɨna bé ódi ga no ó, lé ebono mʉr lé egba bɨna mbɛla é mɨleme, waa lé esʉ bɨna mocyɛʼ mo mpom ɨ. Nye ó Zyɛm nɨnɨ ga wina, Tiʼbʉr ga wina Yesʉs-Krɨst, waa óbâʼle lɛʼle bɨna ga moncɛnba me e.

1 Pyɛr 2:24

Krɨst nye mʉr tɨʼ a si nkɛɛ mɨsyem ga mina é nyʉl we, ntɔʼ dwè é klos. Nye a sa no ó, bɨna dwèʼ ga é nko paʼ mo Syem, bɨna nkʉʼ kœʼ ga ebò e cyen ndɨ cɨcyel ɨ. Bɨna bé a be ga ó mɨsyoblʉ. Bɨna ntɔʼ ka tiʼe ga ebe mopɨɨ me,

Rôm 6:10

É jɔʼ nye a dwè e, nye a dwè ó, é jɔʼ gwar é bɨjɔʼ bibyɛh, é lɔb ejala e mɨsyem mɨ bʉr. Banana, nye mu kʉ ka tiʼe ó njɨ é l'efu mo Zyɛm.

2 Timotɛ 4:8

Yi kʉ ka liʼ me ó njɨ ebœrɔ epʉʼlʉ é lʉ, laa ndɨ koma é l'efu lam ɨ. Epʉʼlʉ laa, lé ó ngo lɛʼle ó, mɨ bi mokebe é mih mo Zyɛm. Da Yesʉs óbœr me la ó, é dobo nye óbula ze e. Nye ó tiʼà mɨlɔb ndɨ etiʼe é l'ocɨcyel ɨ. Nye aŋa dwe yɛɛ njɨ me e me. Mopʉʼlʉ maa, mé óbœrɔ nteme ó, bʉr bɨbɛh lé esoho dobo Yesʉs-Krɨst óbula ze e.

Rôm 8:23

Sa gwar, yé abe njɨ mɨcyea bɨsɔʼɔ ndɨ é tuu é banana. Yé ó ndwe e bɨna ga bʉr o tɨ, baa Zyɛm a taare lé elɛʼle dweʼle nkul mo Sisim we e. Bɨna ga ó ndɨ é tuu waa é mɨsisim ga mina tʉŋlʉ. Bɨna bé óto dolo lé esime no, cye yiyɛh bɨna dina lé ebono jɔʼ nye ódil bɨna ga é dia bwan o mobœʼa be e. Yé óbe ó é dobo nye ósil dwih monyʉl ga mɨna é mpila ebebe e.

1 Yʉanes 3:2

Obɨɔ o kpɛl bam aa! Banana, bɨna mu ó bwan mo Zyɛm. Yé dam be no, mbi bʉr bɨna bé ódi ga ɛ, wé apa gʉa gʉŋɔ. Sa bɨna lé egʉa ga ɛ, yé ó, é dobo Yesʉs-Krɨst óbula ze e, bɨna bé ónwɨɨla ga e nye, ebe, bɨna bé óbee ga nye mbi nye ndɨ ɨ.

Mɨlʉmlʉ 1:11

Bʉr baa ntɔʼ lɛɛ e be ó: «Bʉr o Galɨle ee! Ebe yé bɨn lé ecyɛb naa, lé edwɛʼ jobo kʉ ɨ? Yesʉs, mʉr pɛʼɔ é l'esama lɨn ɨ, nye óbula ze ó, mbi ngwar e ngwar bɨn bee nye lé ebere é jobo kʉ nɨ.»

1 Tesalonika 1:10

Bé elɛɛ-lɛɛ nteme ó, bɨn mu ó lé ebono Mwan mo Zyɛm óduho é lal mo Zyɛm, waa nye a pɛ̀h é foo e. No, yé ó Yesʉs, waa ndɨ esyɛb bɨna ga é mɨtuu mɨ epihe é jɔʼ Zyɛm ókpaa empime e bʉʉ bʉr ɨ.

Mataos 26:28

ebe, motié mam ó ma, motié mu lé eswɨɨ é l'efu ó, Zyɛm deʼ mpʉn e bʉr é buobuo, ó nye pɛʼɛ be bɨbaa bɨ ebebe byɔɔ.

2 Pyɛr 3:12

Cye yiyɛh bɨna dina lé ekœʼ ga ebò e cyen laa ɛ, yé elɛʼle ó, bɨna bé ebono ga dobo Zyɛm óbula ze e. Bɨna bé esea ga nteme ó, syɛɛ yé ósa ó, nye kpahba ze e. É moho waa ó jobo e l'ejyoo le ebantɛn, byé ójɔa siʼe, ntɔʼ dinba.

1 Pyɛr 3:18

Ebe, Krɨst nye mʉr tɨʼ a si dwè jɔʼ gwar é bɨjɔʼ bibyɛh, é lɔb mɨsyem min. Cɨcyel mʉr waa a bana jala ó e l'ozyɛhozyɛh o bʉr, lé esaa ó, nye pyala e bɨna ga é mih mo Zyɛm. Nye a si jʉŋɔ é nko paʼ nyʉl we, nye ze tiʼe pie tɨʼ ebe nkul mo Mbɨambɨa Sisim.

1 Korɛnt 15:54

É jɔʼ nyʉl lé ebo e, óbe si lihba waa ndɨ abo e, é jɔʼ nyʉl lé edwè e, óbe si lihba waa ndɨ adwè e, é jɔʼ yaa ó sa ndɨ tila é Kalara Zyɛm ɨ, yé ólwɨŋlɨ ɨ: «Efie, lɨ gbahɔ! Zyɛm, nyi bula e l'esaa é koo!»

Rôm 8:3

Yé ó no! Ebe, yé a baabana ó, bɨna biʼe tiʼ molu mo mpoʼ mɨmɛh ebe mbi bɨna lé edu ga motie e, ebe, nyʉl bɨpuno ga wina a be ó é cyɛʼ. Sa motie mo Moyiz, mé a baakoʼo lé esa ɛ, Zyɛm nyɛɛ a si bana sa ye. Nye a si ntɨh Mwan we é si nwa, nyʉl we lé ekʉ nwɨɨla e waa ga wina, osyɛl o mɨsyem. Nye a ze é lɔb syem ga wina waa ó, nye ntaʼ, ze pɛʼ we. Zyɛm a si dwe Yesʉs mobe é lɔb syem waa.

Yʉanes 14:3

É jɔʼ me óbe si to, sil to komlo bɨn modia maa ɛ, me óbula ze nʉa bɨn é l'efu ó, bɨn toʼ, to di gumo me ódi ɨ.

Mɨngwiha 1:7

Mbe ga: nye ó ma ze é nkur tʉŋlʉ nɨ! Bʉr bɨbɛh, to kumo kuma e baa b'a kar nye ekʉa é bɨmpah ɛ, bé óbee nye. Bʉr o moveh mo si nwaʼ bɨbɛh, bé ósa efie le. Eee, yé óbe ó no! Amɛn!

Ebrœ̂ 4:15

Ebe, njwɨɨ opara bɨna ga ndɨ e nye e, nye ó waa ndɨ e nkul ejwɨʼ bɨna ga nkoo é jɔʼ nye lé ebee ecyɛʼ ga lɨna ɛ. Nye a si boblɔ mɨmbi mimyɛh, jwɨʼ gwar e gwar e bɨna ga; sa gwar, nyɛɛ l'aduma, nkʉ sa ba syem.

1 Yʉanes 3:5

Bɨn bé egʉa: Yesʉs-Krɨst a ze é si nwaʼ ó, nye nkʉʼ ze pɛʼ mɨsyem tɨ. Bɨn bé egʉa nteme ó, abe e guu syem ndɨ é nye.

2 Tesalonika 2:1

Obɨɔ ga bam aa! Bɨh bé ejɨ tɨe bɨn yʉʉ sɔʼɔ. Yé etiibe ó, e Tî ga wina Yesʉs-Krɨst, é mpʉ nye ópyal, ntɔʼ syɛŋ bɨna ga é mih me e.

1 Korɛnt 1:7

Bɨntɔɔ Zyɛm lé enol bwan be e, nyi nol bɨn nteme bya. É jɔʼ bɨn dina lé ebono zea Tî ga wina Yesʉs-Krɨst óze e, bɨn mu ó e bɨntɔɔ Zyɛm a nol bɨn binɨ.

Rôm 5:15

Sa gwar, ntaŋa etie mo Adam nɨ, wé abe mpʉ ndwɛa Zyɛm lé edwe bʉr edwɛna ɛ. Ntaŋa motie mo mʉr ngwar, wé a be ó si sa ó, bʉr dwèʼ é buobuo. To kœb ó, syɛɛla ncwɨncwɨa mo nuu mʉr ngwar, yé ó b'a bul dime sɔʼɔ. Ncwɨncwɨa mo Zyɛm ndwe e pɛʼa bɨbaa bɨ ebebe, bi pyal é bʉr, laa naa, lé ecwɨɨ e nuu mʉr ngwar, Yesʉs-Krɨst.

Ebrœ̂ 9:25

Njwɨɨ opara, nye eni-ni é Tiʼe ndɨ e l'ekɛn é buobuo e, lé esa no mbu wiwɛh. Motié nye lé enʉa é jɔʼ yaa ɛ, mé abe maa me. Krɨst nyɛɛ a baani-ni é jobo zɔʼ e zɔʼ, lé eto dwe Zyɛm nyʉl we.

Mataos 20:28

ebe, Mwan mo Mʉr nye mʉr tɨʼ a baaze ó, bʉr sea e nye. Nye a ze ó, lé eze sea e bʉr, ndwe le ekɛha tiʼ ye lé ejala e mobebe mɔɔ, le ekʉr be.»

Mataos 25:31

«É jɔʼ Mwan mo Mʉr óze é moncɛnba me, bé e beengles bɨbɛh ɛ, nye ódi é dia taʼa ye, yaa ndɨ é ncyɛn-nti-ncyɛn ɨ.

Rôm 3:25

Zyɛm a ntɨh Yesʉs ó, nye ntaʼ, ze dwè, jala e mɨsyem ga mina é l'efu ó, efie le nkʉʼ leʼe empime mo Sɔŋ. Nye a dwè ó, nye nkʉʼ kɛm bʉr, ó bé jyɛʼɛ taa buʼo yɔɔ boo nye é lɔb ndwɛa motié waa ɛ. É zea Yesʉs-Krɨst a ze e, Zyɛm a si lɛʼle mpʉ nye ndɨ cɨcyel ɨ. Mɨsyem bʉr, bé a bɛa sa-sa ɛ, Zyɛm a si bul dihbe mye, kʉ lɛŋ mye é buobuo, alwib.

Ebrœ̂ 1:14

Beengles bɛɛ, bé ozé? Bɨbɛh, bé ó mɨsisim lé esea e Zyɛm ɨ. Nye elomlo bɨna ga ba nteme ó, bé ntaʼ, ze fuʼo bʉr bé óbi tiʼ molu mo mpoʼ mɨmɛh ɛ.

Ebrœ̂ 2:3

Bɨna bɛɛ, bé a be ó si joʼo ga mpaŋla tiʼ lé elaa mpaŋla beengles bé a cenɔ ɛ. Mʉr a taare cen mpaŋla waa ɛ, a be ó Da Yesʉs nye mʉr tɨ. Nteme, bʉr o b'a taare joʼo mpaŋla tiʼ waa ɛ, bé ó b'a lɛɛ e bɨna ga ó, nye ó mpaŋla ndɨ e modile e. ǃBɨna si pyeh ga mpaŋla waa nɛʼɛ, wáa mbi bɨna bé óka syɛhle ga mo Zyɛm ɨ?

Ebrœ̂ 5:9

Pie mɨtuu myaa ó nye a be, nye mu si kumo é l'ombɨmbɨa é mɨpaʼ mimyɛh ɛ. No ó nye a ze fuʼla Etin e tiʼ é l'efu e bʉr bɨbɛh bé ósa nye mojoʼo e.

Ebrœ̂ 7:27

Nye abe mpʉ bʉʉ ojwɨɨ be opara, bé a be-be e. Nye abe é nkara ó, nye taara dwe motwina é dobo lɨlɛh lé ejɛna mobyaʼ é lɔb mɨsyem mye, pie tɨ, é lɔb myaa mɨ bʉʉ bʉr, ebe, nye a si kʉ bɛa dwe Zyɛm tiʼ ye tɔɔ motwina é jɔʼ gwar é bɨjɔʼ bibyɛh é lɔb mɨsyem ga mina mimyɛh.

Ebrœ̂ 10:10

Bɨna mu ó si pubɔ jɔʼ gwar é bɨjɔʼ bibyɛh ebe gwɨma yaa, ndwe e kɛha Yesʉs-Krɨst a ze kɛha nyʉl we tɔɔ motwina ɛ.

Ebrœ̂ 12:14

Gbaʼ ga monyʉl lé egba motala paʼra win boo bʉr bɨbɛh. Baʼla ga bɨn bʉr o tɨʼ ti. ǃƗ mʉr si lɨŋa é paʼ ebò e cyen le nɛʼɛ, nye ákwoʼ bee Da.

Yʉ̂d 1:21

Gbaʼ ga monyʉl lé edi é kpɛl mo Zyɛm. Bona ga dobo Tî ga wina Yesʉs-Krɨst óbula ze e. Nye óze ó, ze jwɨʼ bɨna ga nkoo, le eliʼle bɨn, to pyal é tiʼ molu mo mpoʼ mɨmɛh.