Ebrœ̂ 9:27 - Kálara Zyɛ̌m Edwán é mpʉ̌n

²⁷ Sa Zyɛm a komo é l'efu e bʉr ɨ, yé ó efie. Mʉr, nye edwè njɨ é jɔʼ gwar, ntɔʼ to tiʼɔ mɨlɔb é mih mo Zyɛm.

Kálar Nzyɛ̌m : Ejwán é Sáá

²⁷ Sâ Nzyɛ̌m á komo lɨ́ esú é mʉ̂r nyɨnyɛ̂h yɨ́, yé ó, nye dwêʼ jɔʼ gwár. Píe tɨ̂, mʉr waá ótô kwá mé Nzyɛ̌m, ó nye tôʼ pahlɔɔ.

Ebrœ̂ 9:27 ပူးပေါင်းရင်းမြစ်များ

2 Korɛnt 5:10

Ebe, bɨna bé ó yɨma ó, bɨna pyala ga é mih mo Krɨst é dia tiʼà mɨlɔb ye. Mʉr nyiwɛh óbi myɛna nkʉ ntɨʼa ó, du mpʉ bɨsyɛɛla bye, byé a be nye é jɔʼ nye a be, nye dina é tiʼ si nwaʼ ɛ: nkʉ byé a be ó é mbɨa, nkʉ ó, byé a be ó é bebe.

Mɨlʉmlʉ 17:31

No ó nye a cyel dobo nye ótiʼe bʉr o si nwaʼ bɨbɛh mɨlɔb myɔɔ é l'ocɨcyel ɨ. Nyi bɛa pɛh nteme mʉr ótiʼe mɨlɔb myɔɔ é dobo laa ɛ. Nyi pɛ̀h mʉr waa é foo. Pɛ̀ha foo waa, wé ó dweʼle, sa lé elɛʼle bʉr bɨbɛh ó, mʉr a pɛ̀hɔ é foo e, nye ó ngo tiʼe mɨlɔb myɔɔ.»

Yʉ̂d 1:15

é l'efu ó, nye tiʼa bʉr bɨbɛh mɨlɔb le edwe bʉr bɨbɛh ndɨ adwaabe nye e, mobe. Mɨsyem myɔɔ, myé enyin é bɨsyɛɛla bɨ ebebe byɔɔ bibyɛh. Zyɛm ólɛʼle osyɛl o mɨsyem, baa ndɨ adwaabe nye e, mpʉ bé a sa syem lé elwib bɨlwib bɨ mpyoo, tiibe e nye e.»

2 Timotɛ 4:1

Me entɛŋ go mɨnkɛla é mih mo Zyɛm bé e Yesʉs-Krɨst waa óze tiʼe mɨkubla le odwè mɨlɔb ó, go lɛŋɨ Mbɨambɨa Lɔɔ. Nye óbula ze, ntɔʼ cyel jwɨ̀ʼa ye. Leme, wé diʼe go é ntɨɨɨŋ ó, go lɛɛ ó njɨ lɔɔ waa é bɨjɔʼ lé ejala ɛ, ndwe e byaa ndɨ ajala e we e. Láŋa bʉr bɨbaa é lɔb mobebe mɔɔ. Bâma e bʉr. Gbaʼ be nkul é monyʉl. Saʼ no e bihbe, ndwe e sikʉlʉ mpa.

Rôm 5:12

Ebe no ó syem, wé a duho é mʉr ngwar, ze jʉŋla é si nwaʼ ɛ. Syem waa, wé ó b'a daʼre efie é bʉr, lé emɛr bʉr bɨbɛh, ebe, bʉr bɨbɛh, bé a be ó si sa syem.

1 Korɛnt 4:5

No ó, atiʼe ga lɔb mo nuu mʉr cye yiyɛh yé l'apa pyal jɔʼ elab ɨ. Bona ga ó, Da, nye ntaʼ. Nye ópyɛl sa ndɨ é l'edurʉ ɨ, cen ye é myɛn. Nye ógwih bɨjwɨʼ bʉr lé ebà é mɨmo si ɨ. É jɔʼ yaa ó Zyɛm óseʼle bʉr be, dwe mʉr nyiwɛh kum ójala e nye e.

Ebrœ̂ 6:2

edu sikʉlʉ lé edwɛʼ mpʉ bé lé enʉa mɨndubo e, egʉa mpʉ bé lé ekɛl bʉr mobo e, egʉa mpʉ odwè, bé ópàh é foo e, le egʉa mpʉ Zyɛm ótiʼe bʉr mɨlɔb etiʼ le epihe e.

Mɨngwiha 20:11

No ó, me ze bee dia taʼa nɨnɨ, yé a be é pumo-pumo e. Me ze bee nteme waa a be tɨʼ ndindil ɨ. Si nwaʼ ndwe e jobo, byé a si dim é mih me.

Rôm 2:5

Cye yiyɛh go dina lé esa elele e lʉ, nkʉ bene lé edwir leme e, go ebul bɨbaa bɨ ebebe Zyɛm lé eniʼe go e. Byé óka láŋɔ ó, é dobo Zyɛm ókpaa empime le e bʉr bɨbɛh ɛ. Dobo laa nteme ó nye ólɛʼle mʉr nyiwɛh mpʉ nye lé etiʼe bʉr mɨlɔb é l'ocɨcyel ɨ.

Ebrœ̂ 10:27

Mʉr lé entaa motie no e, yé eka liʼ nye ó, njɨ ejoʼo bʉa, le ebono ebee mbi mobe Zyɛm ódwe nye e. Nye óto é Bɨ-siʼe ndɨ é diʼa diʼa, yé ódiʼ bʉr o dɔm mo Zyɛm ɨ.

1 Yʉanes 4:17

ǃBɨna si be ga é zyɛŋa ga wina boo Zyɛm nɛʼɛ, kpɛl ga yina, yé ókumo é l'ombɨmbɨa é mɨpaʼ mimyɛh. Bɨna bé ótʉm ga monyʉl é dobo le etiʼ e mɨlɔb, ebe, ebò e cyen bɨna lé ekœʼ ga é mbi jɔʼ yiʼ ɨ, lé enwɨɨla ó e laa nye a kœʼ œ.

Lʉkas 20:32

Pie tɨ, mʉma waa nteme ka ze dwè.