Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ebrœ̂ 9:24 - Kálara Zyɛ̌m Edwán é mpʉ̌n

24 Ebe, odia mo Zyɛm ndɨ e l'ekɛn, waa bʉr, bé a fumo e, ntʉʼ odia waa Krɨst a ni ɨ. Wiha, wé a be ó zɨze dweʼle, sa lé elɛʼle mpaŋ odia mo Zyɛm ndɨ é jobo kʉ ɨ. Mpaŋ odia waa ó nye a ni. Nye mu ó lé edi tɨʼ é jobo kʉ é l'efu ga lɨna, lé ecyɛb é mih mo Zyɛm Sɔŋ.

အခန်းကိုကြည့်ပါ။ ကော်ပီ

Kálar Nzyɛ̌m : Ejwán é Sáá

24 Ebě, Krîst á bé anî mbɛ̌r kán bʉ̂r, bé á sumo Nzyɛ̌m wɨ́, waá dí enwɨɨla e mpǎŋ mpáh Nzyɛ̌m wɨ́. Mbɛ̌r waá, wé ó njɨ mveʼle, lɨ́ enwɨɨla e mpáh mpâ. Nye á nî ó, ɨ́ jʉ́o kʉ́. Nye mû ó lɨ́ etyɛ̂b ɨ́ jʉ́o kʉ́ ɨ́ míh mé Nzyɛ̌m lɨ́ elwib ɨ́ nkɔ̌m gá nyɨ́ná.

အခန်းကိုကြည့်ပါ။ ကော်ပီ




Ebrœ̂ 9:24
32 ပူးပေါင်းရင်းမြစ်များ  

Mih ga mɨna, mé dwɛʼa sɔʼɔ, njɨ Yesʉs, ebe, nye ó etin e buʼo ga yina. Nye nteme ó b'a sa ó, buʼo ga yina diʼe é l'ombɨmbɨa é mɨpaʼ mimyɛh. Nye a mɛʼle ó, nye sia e mɨtuu, bé jʉʼo nye, lé ecyèl nye é klos kʉ. Nye a si pyeh fwon mʉr lé ebi é mbi efie laa ɛ. Nye a fuo mɛʼle ó, nye dwèʼ no ó, nye nkʉʼ bi bɨsʉhʉ Zyɛm a bɛa komo nye e. Banana, nye mu ó si é die é mbo ejʉm mo Zyɛm Sɔŋ, mʉr ndɨ é dia taʼa ɛ.


Ebe no, yé a kʉ jala ó, bʉr puba bɨsa bɨ si nwaʼ e motié mo otir, ebe, byaa bɨ si nwaʼ, byé ó njɨ bɨdweʼle, bɨsa lé elɛʼle byaa bɨmpa ndɨ é jobo kʉ ɨ. No ó, yé a kʉ jala ó, bɨsa bɨ jobo kʉ, byé pubɔ é zi mpaŋ motwina. Mɨha motwina, mé ó ndɨ é bul buo dime, laa maa mo efoʼ.


Nye esea syɛɛ njwɨɨ opara ye ó, é l'Odia mo Zyɛm ndɨ e l'ekɛn ɨ. Tina, yé ó, nye esea ó, é mpaŋ Saʼ Nɨnɨ, yaa Da nye mʉr tɨʼ a fumo e. Yé abe fuma mobo mo bʉr.


Me a si kʉ duho nye ye, ze pyal kaʼ é si nwa. Me óbula mʉa, liʼe si nwa, bere nko Sɔŋ wam ndɨ ɨ.»


Bɨsa lé epebre bɨn é mɨleme e, byé diʼe njɨ byaa bɨ jobo kʉ, abe byaa bɨ si nwa,


Zé ndɨ e nkul epur mɨpɛha mɨ bʉr mo Zyɛm? Zyɛm nyɛɛ, nye abe e nkul esa no, ebe, nye mʉr tɨʼ ó b'a sa ó, bɨna biʼe ga mokebe é mih me!


Banana, nye ejala le edi é jobo kʉ, é di di di, to pyal é jɔʼ Zyɛm óbâʼle cyel bɨsa bibyɛh é bɨcye byɔɔ, mpʉ nye a bɛa kɛʼ, duho mya, é zi mɨsaŋ mɨ ogwiha o mɨlɔb mye e.


Ngbaa le eka be, nye dina lé esʉ be mocyɛʼ mo mpom nɛʼɛ, nye ze duho gumo bé a cyɛb ɨ, ze bɨnɔ é jobo kʉ.


No ó, é jɔʼ Da Yesʉs a be, nye osi lwib e be no e, nye ze bɨnɔ é jobo kʉ, ntɔʼ to nʉa dia ye é mbo ejʉm mo Zyɛm Sɔŋ.


«Bɨh bé a si joʼo nye lé elɛɛ ó, nyɛɛ, nye ógbɛɛ Odia mo Zyɛm bʉr, bé a fumo e mobo wi, ntɔʼ fumo fih njɨ é molu molɛl. Wiha, abe fuma e mobo mo bʉr.»


Nuu engles fih a be ó e bele gol é mbo, bele bé lé ediʼ ndwam e tɨʼ jɔʼ yiyɛh ɛ. Nye a si ze cyɛb kunokuno e taa mɨndwɛa ndɨ é l'efu e motwina ɛ. Tina, yé ó, taa mɨndwɛa yaa, yé a saŋɔ ó e gol. Nye a be ó é l'empom e dia taʼa mo Zyɛm. Bé a si dwe nye bele le buobuo ndwam, ó nye diʼ ó we.


Nye a si bere é jobo kʉ. Nye mu ó é mbo ejʉm mo Zyɛm Sɔŋ, gumo nye lé ejwɨʼ beengles, le mɨsisim ndɨ e mojwɨ̀ʼa ndwe e myaa ndɨ e nkul ɨ.


Yiʼ, yé ó dweʼle, sa lé elɛʼle bɨna ga mpʉ yé ndɨ é bananaʼ ɛ. Bʉr, bé dam dwe Zyɛm wáa mbi mɨndwɛa e motwina, byé abe e nkul epubo be é mɨpaʼ mimyɛh. Mɨpɛhla mɨleme myɔɔ, myé abe e nkul ebula di é pyɛɛɛ é zi waa.


Opara bɛɛ, bé esea-sea ó, é tiʼe ndɨ é l'efu le edwe Zyɛm kum ɨ. Tiʼe yaa, yé a saŋɔ ó, lé edu dweʼle Saʼ Nɨnɨ mo Zyɛm ndɨ é jobo kʉ ɨ. No ó, é jɔʼ Moyiz a be ó, nye fumo ó Saʼ Nɨnɨ mo Zyɛm ɨ, Zyɛm a lɛɛ e nye ó: «Gʉa komlo sa yiyɛh lé edu dweʼle saʼ go a lɛʼlɔ é l'ecwɨʼ kʉ ɨ.»


É tiʼe yaa ó Yesʉs a ni ɨ. Nye a si ni efoʼ e bɨna ga, ze to é mih mo Zyɛm é l'efu ga lɨna. Nye mu bɨna ga ó Njwɨɨ opara é l'esama le opara mo Mɛlkisedɛk. Nye ódi nteme ó no njʉmdia e njʉmdia.


Moncɛnba mo Zyɛm, mé enyin ó, é nye. Nye ó ndɨ gulo lé elɛʼle mpʉ Zyɛm nye mʉr tɨʼ ndɨ ɨ. Nye ebaʼle si nwaʼ nyiwɛh ó, é zi lwib ye ndɨ e nkul ɨ. Nye a si dib zi epubo bʉr é lɔb mɨsyem myɔɔ. Nye ze to é jobo kʉ, to di si é mbo ejʉm mo waa ndɨ e mojwɨ̀ʼa monɨnɨ é jobo kʉ ɨ.


A yé óka sa bɨn nyá é jɔʼ bɨn bé óbee Mwan mo Mʉr lé ebula, fiʼ, to nko nye a taare be e?


«Gʉa di ga ncye! Apyeh mwan ngwar é bwan ba, ebe, me elɛɛ bɨn ó nɛɛ: beengles bɔɔ ndɨ é jobo kʉ ɨ, bé ebee mpom mo Sɔŋ wam ndɨ é jobo kʉ ɨ, é sʉlʉlʉ jɔʼ yiyɛh. [


Bɨna bé egʉa ga ó, monyʉl ga mɨna, mé ó mpʉ bɨsaʼ. ǃMe si dwihɔ é saʼ yam, ndɨ nyʉl wam nwaʼ nɛʼɛ, me óbi odia ofih, waa óduho boo Zyɛm, ndɨ é jobo kʉ ɨ. Ntʉʼ bʉr bé a fumo odia waa. Wé ó ngo di njʉmdia e njʉmdia,


Bɨna ga mu ó e njwɨɨ opara ndɨ lʉ sa yiyɛh ɛ: Yesʉs, Mwan mo Zyɛm. É mpʉ yé ndɨ no e, bɨna toʼ ga dolo lé emɛʼle buʼo ga yina. Nye a be ó si ntaa jobo e l'ejyoo le ebantɛn, lé ebula to di é jobo kʉ.


Sàa Zyɛm a cyel dumo e Moyiz ɨ, a be ó e we mbi motum e mɨtiʼa lé edwɛʼ mpʉ mʉr lé ejala le edwiibɨ Zyɛm ɨ. Nye a lɛɛ nteme ó, yé ó e yʉʉ gumo é si nwaʼ é l'efu le Odia mo Zyɛm ndɨ e l'ekɛn ɨ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ