Ebrœ̂ 9:19 - Kálara Zyɛ̌m Edwán é mpʉ̌n

¹⁹ É jɔʼ Moyiz a be, nye mu si láa bwa b'Ɨzraɛl bɨbɛh motie mo Zyɛm mɨmɛh ɛ, nye a si tiʼe bwa bɨntɛɛ ndwe e bɨkɨla, ze nʉa motié mɔɔ, ze syɛŋ me e modibe. Nye ze nʉa ebuho le ɨzɔb ndwe e mye bɨntœme, mé a dubɔ é kaa ɛ, ze nʉa ebuho laa, dubo le é motié, ze dɨ pubo mbom okalara o motie baa, ndwe e bʉr baa bɨbɛh.

Kálar Nzyɛ̌m : Ejwán é Sáá

¹⁹ Jɔ̌ʼ Moyɨ̂z á be, nye mû sí láa bʉ̂r o b'Ɨ́zraɛ̂l bɨ́bɛ̂h metié mé Nzyɛ̌m mɨ́mɛ̂h yɨ́, nye á si tíʼe bwá bíntœœ le ontamakǎ, nʉa métié mɔ́ɔ́, nzě pûhla mé e medíbé. Nye nzě sâ ébúhó é bíká bí lɨ́ ésɔp ndu e myě bínteme, mé á dubɔɔ ɨ́ bikaá má, nzě nʉa ébúho laá, dubo lé ɨ́ metié, nzě pupubo mekaná métié maá, ndu e bʉr baá bɨ́bɛ̂h.

Ebrœ̂ 9:19 ပူးပေါင်းရင်းမြစ်များ

Ebrœ̂ 9:12

É jɔʼ Yesʉs a ni é gumo yé a be e l'ekɛn ɨ, nye a baanʉa fua motié bɨkɨla, nkʉ maa mo bwa bɨntɛɛ. Motié nye a nʉa, ze ni e me e, mé a be ó maa me nye mʉr tɨ! Nye ze to ni tɨʼ é jɔʼ gwar é bɨjɔʼ bibyɛh, ó nye nkʉʼ dwih bɨna ga é mpila ebebe lɨna é pololo.

Ebrœ̂ 10:4

Ebe, motié mɨnjʉm bɨntɛɛ ndwe e maa bɨkɨla, mé ákwoʼ sa ó, Zyɛm pɛʼɛ baa nye a niʼe mʉr é lɔb mɨsyem mye e.

1 Pyɛr 1:2

Zyɛm Sɔŋ ó b'a pɛh bɨn, bʉr o nye a bɛa gʉa ɛ. Jɨh tɨʼ nye a kʉ pɛh bɨn, Sisim we, wé ntɔʼ ze pubo bɨn. Wé a pubo bɨn ó, lé emyɛʼ bɨn e motié mo Yesʉs-Krɨst é l'efu ó, bɨn saʼ nye mojoʼo. Mocyɛʼ mo mpom le motala mo Zyɛm, mé swɨŋɨ é bɨn é ntuʼ-ntu-ntuʼ.

Yʉanes 19:5

Yesʉs ze pyal kʉl e epʉʼlʉ e kol modwaʼ laa é lʉ ndwe e len kʉr akaa-e-kaa é nyʉl. Pilat, nye e be ó: «Nye be!»

Yʉanes 19:2

Bɨzima ze pene nye epʉʼlʉ e kol modwaʼ, ntɔʼ dilɔ nye la é lʉ, ze bœrɔ nye len kʉr akaa-e-kaa.

Markus 15:20

É jɔʼ byé a be, byé mu si bul kpeʼle nye e, byé ze fo len kʉr akaa-e-kaa, ze bula bœrɔ nye mɨkan mye, ntɔʼ toŋɔ e nye ó, nye toʼ, to cyèlɔ é klos kʉ.

Markus 15:17

No ó byé a ze bœr nye len kʉr mo njwɨɨbʉr akaa-e-kaa, ze pene epʉʼlʉ e kol modwaʼ, dilɔ nye la é lʉ.

Mataos 27:28

Bé ntɔʼ fo Yesʉs mɨkan mye, ze bœrɔ nye len kʉr mo njwɨɨbʉr akaa-e-kaa.

Ebrœ̂ 12:24

Bɨn bɨ ze nteme boo Yesʉs, mosàa-mɔm a sa ó, Zyɛm deʼ Edwan e Mpʉn e bʉr ɨ. Bɨn bé epyal é mih me ó, cwɨɨ é zi motié me, maa nye a pubo bɨn e me e. Motié me maa, mé ekʉ lwib-lwib ó, njɨ mokan ndɨ é mbɨa ɛ, laa maa Abɛl nyɛɛ a lɛɛ ɛ.

Ebrœ̂ 1:1

Molu pihe, Zyɛm a lwib-lwib e bɨmpam ga bina ó, é zi ogwiha o mɨlɔb. Nye a lwib-lwib e be ó é buobuo mozi.

Ebrœ̂ 9:13

É mpʉ ontɔɔ o motie, bé lé elœʼ bé bʉr o tɨʼ é mih mo Zyɛm ɨ, bé lé eka pubɔ é nko paʼ monyʉl mɔɔ ó, e motié bɨntɛɛ ndwe e maa bɨtab, le mofii mo ma myɛl ntɛɛ. Sa opara onɨ, bé a koʼo e, yé a be ó epubo be monyʉl e motié maa.

Ebrœ̂ 9:18

Njʉ̌m Sàa Zyɛm a cyel paʼra wɔɔ boo bwa b'Ɨzraɛl ɨ, wé a taare nʉa nkul ó no, é jɔʼ motié mo otir, mé a swɨɨ si ɨ.

Ebrœ̂ 10:22

no ó bɨna lé ejala le edihle ga kunokuno e nye e, lwɨŋla e mbɛla e buʼo ndɨ eduho é mɨmo si ɨ. Mɨleme ga mina, myé mu ó si pubɔ. Mɨpɛhla mɨleme ga mina, myé abe lé eka nwahle bɨna ga ó, bɨna bé ó e mobe. Monyʉl ga mɨna, mé ó mɨnjwɨ̀a e modibe ndɨ é ncyɛh-ncyɛh ɛ.