Ebrœ̂ 9:13 - Kálara Zyɛ̌m Edwán é mpʉ̌n

¹³ É mpʉ ontɔɔ o motie, bé lé elœʼ bé bʉr o tɨʼ é mih mo Zyɛm ɨ, bé lé eka pubɔ é nko paʼ monyʉl mɔɔ ó, e motié bɨntɛɛ ndwe e maa bɨtab, le mofii mo ma myɛl ntɛɛ. Sa opara onɨ, bé a koʼo e, yé a be ó epubo be monyʉl e motié maa.

Kálar Nzyɛ̌m : Ejwán é Sáá

¹³ Bʉr o b'á pa syel biti bá, bé á ka pubɔɔ ɨ́ páʼ ményʉ̂l ó e metié. Metié bíntœœ ndu e maá mé óntamakǎ, le meswií bwá bíntœœ, pǎ nyɛɛ́ pubo mʉ̂r,

Ebrœ̂ 9:13 ပူးပေါင်းရင်းမြစ်များ

Mɨlʉmlʉ 15:9

Nye agba mbɛʼ paʼra ga wina boo nɔɔ. Nye a be ó si pubo mɨleme myɔɔ ebe taa buʼo bé a jyɛʼ boo Krɨst ɨ.

1 Pyɛr 1:22

Njoʼa bɨn bé a joʼo ocyecye e, wi pubo bɨn é nko paʼ mɨsyem min ndwe le elɛʼle bɨn mpʉ bɨn lé ejala le ekpɛla paʼra win ɨ. Yé ó mpaŋ kpɛl: kpɛl lé eduho é mɨmo si ɨ.

Ebrœ̂ 9:19

É jɔʼ Moyiz a be, nye mu si láa bwa b'Ɨzraɛl bɨbɛh motie mo Zyɛm mɨmɛh ɛ, nye a si tiʼe bwa bɨntɛɛ ndwe e bɨkɨla, ze nʉa motié mɔɔ, ze syɛŋ me e modibe. Nye ze nʉa ebuho le ɨzɔb ndwe e mye bɨntœme, mé a dubɔ é kaa ɛ, ze nʉa ebuho laa, dubo le é motié, ze dɨ pubo mbom okalara o motie baa, ndwe e bʉr baa bɨbɛh.

Ebrœ̂ 10:4

Ebe, motié mɨnjʉm bɨntɛɛ ndwe e maa bɨkɨla, mé ákwoʼ sa ó, Zyɛm pɛʼɛ baa nye a niʼe mʉr é lɔb mɨsyem mye e.

Ebrœ̂ 10:29

Bʉr pa taare jʉŋɔ é lɔb ebɨh bé lé esa motie mo Moyiz ɨ, a dwɛʼra e mʉr lé etíile Mwan mo Zyɛm é mobò me si ɨ? Nye ókʉ jala e bɨbebebebe bɨntɨʼa, laa naa! Mpʉ jwɨʼ ye ndɨ ɨ, yé ó yi: motié Krɨst a pyɛl é l'efu ó, Zyɛm deʼ edwan e mpʉn ɨ, mé mu nye ó tɨtoʼo, nyɛɛ yɛɛ si pa pubɔ e tɨ! Bɨn bé ejwɨʼ é yé, tiibe e mʉr a pyeh nteme Mbɨambɨa Sisim, a bɛa lɛʼle nye ncwɨncwɨa ɛ? Mʉr tɨʼ ósaŋɔ nyá ɛ?