Ebrœ̂ 9:12 - Kálara Zyɛ̌m Edwán é mpʉ̌n

¹² É jɔʼ Yesʉs a ni é gumo yé a be e l'ekɛn ɨ, nye a baanʉa fua motié bɨkɨla, nkʉ maa mo bwa bɨntɛɛ. Motié nye a nʉa, ze ni e me e, mé a be ó maa me nye mʉr tɨ! Nye ze to ni tɨʼ é jɔʼ gwar é bɨjɔʼ bibyɛh, ó nye nkʉʼ dwih bɨna ga é mpila ebebe lɨna é pololo.

Kálar Nzyɛ̌m : Ejwán é Sáá

¹² Jɔ̌ʼ Yésʉs á nî mpáh Nzyɛ̌m nyaá yɨ́, nye á bé anʉa sʉ́á métié mé óntamakǎ, nkʉ̂ maá bíntœœ. Metié nyé á nʉa, nî e mé má, mé á be ó maá mé nye mʉr tɨ̂. Nye nzě tó nî ɨ́ ntɔ́ɔ á be ɨ́ buú buǒ tí nyɨ́. Nye á nî ó, jɔʼ gwár lɨ́ esú é bíjɔʼ bíbyɛ̂h, ó nye nkʉ̂ táa góo, le edwih mɨ́ná gá ɨ́ mpila ébébe, ó mɨná díʼee gá onzyɛh o bʉ̂r, njʉ̌m dǐ e njʉ̌m dǐ.

Ebrœ̂ 9:12 ပူးပေါင်းရင်းမြစ်များ

Ebrœ̂ 10:4

Ebe, motié mɨnjʉm bɨntɛɛ ndwe e maa bɨkɨla, mé ákwoʼ sa ó, Zyɛm pɛʼɛ baa nye a niʼe mʉr é lɔb mɨsyem mye e.

Ebrœ̂ 9:15

Ebe no ó Krɨst ndɨ mosàa-mɔm lé eduula paʼra wina boo Zyɛm ɨ. Nye a cyelɔ é dia mosàa-mɔm yaa ó, Zyɛm nkʉʼ de edwan e mpʉn ɨ. Nye a de mpʉn waa ó, e bʉr nye a jebe e, ó bé biʼe tiʼ molu mo mpoʼ mɨmɛh nye a kɛʼ be e. Ebe, Krɨst a si kɛha tiʼ ye lé ejala e mɨsyem ga mina, ó nye kʉrɨ bɨna ga. Mɨsyem myaa, myé a dɨ mɛr bɨna ga ó, taare é jɔʼ bɨna bé a be ga é mpʉn nye a taare de e bɨmpam ga bina ɛ.

Éfɛsɔs 1:7

Mwan waa ó b'a pyɛl motié me, ntɔʼ jɛna mobyaʼ, le edwih bɨna ga é mpila ebebe é pololo. Nye a sa no ó, Zyɛm pɛʼɛ bɨbaa nye a bɛa niʼe bɨna ga é lɔb motie bɨna bé a ntaa ɛ. Zyɛm a sa bɨna ga bɨsyɛɛla byaa bibyɛh ó, lé elɛʼle bɨna ga mpwaʼ ncwɨncwɨa we.

Ebrœ̂ 5:9

Pie mɨtuu myaa ó nye a be, nye mu si kumo é l'ombɨmbɨa é mɨpaʼ mimyɛh ɛ. No ó nye a ze fuʼla Etin e tiʼ é l'efu e bʉr bɨbɛh bé ósa nye mojoʼo e.

Mɨngwiha 1:5

Mocyɛʼ mo mpom le motala mo Yesʉs-Krɨst, mé swɨŋɨ é bɨn. Nye ó ndɨ mpaŋ mboʼla, le mʉr ebuʼlɔ. Nye ó mwan modweʼe mo Zyɛm a pàh é foo e. Nye ó ndɨ ejwɨʼ mɨnjwɨɨbʉr mɨ si nwa. Nye a si kpɛl bɨna ga, nye ze sʉ motié me si, lé edwih bɨna ga é mpila mɨsyem ga mina é pololo.

Ebrœ̂ 10:19

Ebe no, obɨɔ ga bam aa! Eswɨɨ e motié mo Yesʉs, lɨ sa ó, mɨleme ga mina diʼe mɨlwɨŋla e mbɛla. Bɨna toʼ ga ó, to pyal é l'Odia mo Zyɛm ndɨ e l'ekɛn ɨ, tʉŋlʉ.

Ebrœ̂ 9:28

Jwɨʼ gwar e gwar yaa nteme e Krɨst. Nye a kʉ ka dwè ó njɨ é jɔʼ gwar é l'efu ó, nye jala e mɨsyem mɨ bʉr é buobuo. É dobo nye óbula ze e, nye aŋa bâʼle dwih bʉr é mpila ebebe lɔɔ. Zea nye óze e, wé óbe ó, lé edwe bʉr o ndɨ ebono nye e, tiʼ molu mo mpoʼ mɨmɛh.

Ebrœ̂ 7:27

Nye abe mpʉ bʉʉ ojwɨɨ be opara, bé a be-be e. Nye abe é nkara ó, nye taara dwe motwina é dobo lɨlɛh lé ejɛna mobyaʼ é lɔb mɨsyem mye, pie tɨ, é lɔb myaa mɨ bʉʉ bʉr, ebe, nye a si kʉ bɛa dwe Zyɛm tiʼ ye tɔɔ motwina é jɔʼ gwar é bɨjɔʼ bibyɛh é lɔb mɨsyem ga mina mimyɛh.

Ebrœ̂ 9:13

É mpʉ ontɔɔ o motie, bé lé elœʼ bé bʉr o tɨʼ é mih mo Zyɛm ɨ, bé lé eka pubɔ é nko paʼ monyʉl mɔɔ ó, e motié bɨntɛɛ ndwe e maa bɨtab, le mofii mo ma myɛl ntɛɛ. Sa opara onɨ, bé a koʼo e, yé a be ó epubo be monyʉl e motié maa.

Ebrœ̂ 1:3

Moncɛnba mo Zyɛm, mé enyin ó, é nye. Nye ó ndɨ gulo lé elɛʼle mpʉ Zyɛm nye mʉr tɨʼ ndɨ ɨ. Nye ebaʼle si nwaʼ nyiwɛh ó, é zi lwib ye ndɨ e nkul ɨ. Nye a si dib zi epubo bʉr é lɔb mɨsyem myɔɔ. Nye ze to é jobo kʉ, to di si é mbo ejʉm mo waa ndɨ e mojwɨ̀ʼa monɨnɨ é jobo kʉ ɨ.

1 Tesalonika 1:10

Bé elɛɛ-lɛɛ nteme ó, bɨn mu ó lé ebono Mwan mo Zyɛm óduho é lal mo Zyɛm, waa nye a pɛ̀h é foo e. No, yé ó Yesʉs, waa ndɨ esyɛb bɨna ga é mɨtuu mɨ epihe é jɔʼ Zyɛm ókpaa empime e bʉʉ bʉr ɨ.

Kolosi 1:14

Zyɛm a jɛna mobyaʼ, le edwih bɨna ga é mpila mɨsyem ga mina é pololo ó, é zi Mwan we. Mwan waa ó b'a sa ó, Zyɛm pɛʼɛ bɨbaa bɨ ebebe nye a niʼe bɨna ga ɛ.

Mɨlʉmlʉ 20:28

Diʼe ga ncye, taare é bɨn bʉr o tɨ, ndwe e Mbɛr-Zyɛm. Mbɨambɨa Sisim a si cyel bɨn é dia obɔʼlʉ é Mbɛr-Zyɛm tʉŋlʉ. No ó, kobla ga daa e bɨntœme, bʉr Zyɛm a siila motié me e be e.

Markus 3:29

Sa gwar, ǃɨ mʉr si pyeh Mbɨambɨa Sisim nɛʼɛ, baa ebebe Zyɛm óniʼe nye é lɔb gwìh yaa ɛ, yé aŋa pɛʼɔ. Yé ódi ó, diʼe, amboʼlonkono.»

Mɨngwiha 5:9

Bé a jɛɛ-jɛɛ ó, edwan e jɛɛ. Bé ó: «Go ó lé ejala le enʉa mbom kalara wi, bʉ oluʼ bé a ŋmɛhɔ sitam ɨ, le egwìh mbom kalara, ebe, go a si jʉŋɔ. Go ntɔʼ jɛna bwaʼbwaʼ tɔɔ, lé ekʉr bʉr. Motié mo, mé a si bwam Zyɛm Sɔŋ sa yé a jala e nye e: bʉr o moveh mɨmɛh, ndwe e bɨlwib bibyɛh, bʉr o mɨlal mimyɛh, ndwe e bɨkul bibyɛh.

Títos 2:14

Nye a si jala e bɨna ga, lé eze kʉr bɨna ga, le edwih bɨna ga é bɨbla ebò e cyen bɨna bé a dɨ kœʼ œ. Nyi pubo bɨna ga ó, bɨna diʼe kul bʉr ndɨ yaa ye e. Mɨleme, myé óbe ó bɨna ga é ntɨɨɨŋ ó, bɨna gba ga ó nyʉl lé esa mɨmpaŋ bɨsyɛɛla.

Ebrœ̂ 9:7

Sa gwar, njwɨɨ opara nye ome ó b'a ni-ni é Tiʼe yé a be e l'ekɛn é buobuo e. Nye a kʉ ni-ni tɨʼ ó, njɨ é jɔʼ gwar é mbu. Nye a to-to gʉʼ ó e fua motié mo otir, ó Zyɛm nkʉʼ pɛʼ bɨbaa bɨ ebebe nye a pa niʼe e: le byaa mo para, é lɔb mɨsyem mye nye mʉr tɨ, ndwe e byaa bɨ bʉʉ bʉr é lɔb mɨsyem bé a sa, bɛɛ l'agʉa ɛ.

Lʉkas 1:68

«Bɨna dwiibɨ ga Da, Zyɛm mpoʼo Ɨzraɛl, ebe, nye mu ó si fulo, lé eze kʉr kul bʉr ye.

Ebrœ̂ 9:14

No ó, Krɨst nyɛɛ, nye elaa naa! Nye ópubo mɨleme ga mina e me motié, ó mɨpɛhla mɨleme ga mina nkʉʼ liʼ é pyɛɛɛ, myé l'aka toŋlo bɨsyɛɛla bɨ ebebe ga bina. É mbi waa ó bɨna bé ódwiibɨ ga Zyɛm ndɨ kublakubla ɛ. Ebe, é zi Mbɨambɨa Sisim lé edi njʉmdia e njʉmdia ɛ, nye a be ó si dwe Zyɛm Sɔŋ nyʉl we. Ndwɛa nyʉl we, wé ó b'a kʉ jala e bɨna, lé epɛʼ mɨsyem bɨna bé a sa ga ɛ. Wé nteme ó ndɨ e l'ombɨmbɨa é mɨpaʼ mimyɛh.

Ebrœ̂ 9:19

É jɔʼ Moyiz a be, nye mu si láa bwa b'Ɨzraɛl bɨbɛh motie mo Zyɛm mɨmɛh ɛ, nye a si tiʼe bwa bɨntɛɛ ndwe e bɨkɨla, ze nʉa motié mɔɔ, ze syɛŋ me e modibe. Nye ze nʉa ebuho le ɨzɔb ndwe e mye bɨntœme, mé a dubɔ é kaa ɛ, ze nʉa ebuho laa, dubo le é motié, ze dɨ pubo mbom okalara o motie baa, ndwe e bʉr baa bɨbɛh.

Ebrœ̂ 13:12

Yesʉs a be nteme ó no. Nye a to sia e mɨtuu ó, é nkana kʉl. Nye a sa no ó, nye nkʉʼ nʉa motié me, ze pubo kul bʉr ye e tɨ.