Ebrœ̂ 9:11 - Kálara Zyɛ̌m Edwán é mpʉ̌n

¹¹ Krɨst, nye mu ó si nʉa dia njwɨɨ opara, ntɔʼ ze kab bɨna ga bɨsa bɨ embɨa bɨna lé ebono ga ɛ. Nye esea syɛɛ ye yaa ó, é Saʼ Nɨnɨ mo Zyɛm yé a be, afumɔ e mobo mo bʉr ɨ. No yé ó, yé abe lé egumo e si nwa. Yé elaa Saʼ Nɨnɨ mo Zyɛm yé a taare be e, é l'ompwaʼ ndwe e l'ombɨmbɨa é mɨpaʼ mimyɛh.

Kálar Nzyɛ̌m : Ejwán é Sáá

¹¹ Krîst, nye mû ó sí nʉǎ dǐ njwɨ́ɨ opara. Nye á nze ó, lɨ́ enzě kab mɨ́ná gá bisá bí émbɨa mɨ́ná mû kúno enʉa gá bí. Nyě séá ó ɨ́ mpǎŋ mpáh Nzyɛ̌m, nyaá dí ɨ́ buo kûm nyɨ́. Yé abe e sá dí esâ sɔ́ɔlʉ tɨ̂. Nye á bé asumɔɔ e mebô. Nye ntémé, nyé abe lɨ́ egúmo e sí yɨ̂. Nye lɨ́ elaa mpáh nyé á nyɛɛ be nyɨ́ ɨ́ mpwaʼ.

Ebrœ̂ 9:11 ပူးပေါင်းရင်းမြစ်များ

2 Korɛnt 5:1

Bɨna bé egʉa ga ó, monyʉl ga mɨna, mé ó mpʉ bɨsaʼ. ǃMe si dwihɔ é saʼ yam, ndɨ nyʉl wam nwaʼ nɛʼɛ, me óbi odia ofih, waa óduho boo Zyɛm, ndɨ é jobo kʉ ɨ. Ntʉʼ bʉr bé a fumo odia waa. Wé ó ngo di njʉmdia e njʉmdia,

Ebrœ̂ 10:1

Motie Zyɛm a ntɨh Moyiz ɨ, mé ó dweʼle, sa lé elɛʼle mpʉ bɨsa bɨ embɨa, byé ójala le ebe é jɔʼ byé ópyal ɨ. Motie maa, mé adila mɨkubo bɨsa byaa. Opara, bé ediʼ Zyɛm otir tɔɔ motwina mompwar ó, é mbu wiwɛh é l'efu e bʉr o ndɨ egwɨm dwiibɨ Zyɛm ɨ. Sa gwar, motwina mɔɔ, mé ákwoʼ sa ó, bé kuma é l'ombɨmbɨa é mɨpaʼ mimyɛh.

Markus 14:58

«Bɨh bé a si joʼo nye lé elɛɛ ó, nyɛɛ, nye ógbɛɛ Odia mo Zyɛm bʉr, bé a fumo e mobo wi, ntɔʼ fumo fih njɨ é molu molɛl. Wiha, abe fuma e mobo mo bʉr.»

1 Yʉanes 5:20

Bɨna bé egʉa ga nteme ó, Mwan mo Zyɛm a si ze, ze gba bɨna ga pɨʼ é mɨleme, ó bɨna gʉŋa ga Zyɛm ndɨ cyecye e. Bɨna bé edi ga é zyɛŋa ga wina boo mʉr ndɨ cyecye e, ebe, bɨna bé edi ga é zyɛŋa ga wina boo Mwan we, Yesʉs-Krɨst. Nye ó ndɨ Zyɛm cyecye ndwe e l'Etin e Tiʼ.

Ebrœ̂ 2:17

Ebe, yé a jala ó, nye diʼe kʉ be mpʉ jyɛɛ ye é mɨpaʼ mimyɛh. Nye a nwɨɨla e bɨna ga é l'efu ó, nye nkʉʼ lɛʼle bɨna ga ncwɨncwɨa, le edi njwɨɨ opara ndɨ mʉr ebuʼla ɛ. Nye ó lé ejala le esea é mɨlɔb mimyɛh ndɨ edwɛʼ Zyɛm ɨ. Nye ó mʉr a dwè, jala e mɨsyem ga mina ɛ. Efie le, lé ó b'a leʼe empime mo Zyɛm.

Mɨlʉmlʉ 7:48

Zyɛm ndɨ Lʉ bɨsa bibyɛh ɛ, nye abe lé edi é sa lé efumɔ e mobo mo bʉr ɨ. Yé ó kʉ be mpʉ ngwiha mɨlɔb a tile e:

2 Yʉanes 1:7

Ebe, baanya-bɨkʉʉŋʉ, bé mu ó si buo é si nwaʼ nyiwɛh. Bé akpɛl mɛʼle ó, Yesʉs-Krɨst a ze é si nwaʼ ó e nyʉl bɨpuno. Mʉr lé esoŋlo ó, buʼo ga yina, yé abe cyecye e, nye ó ndɨ anya-bɨkʉʉŋʉ le mʉr dɔm mo Krɨst.

Ebrœ̂ 3:1

Ebe no, obɨɔ ga bam, mɨsaŋ mɨ bʉr mo Zyɛm, baa mu si jebɔ, njɨblɨ wɔɔ lé eduho é jobo kʉ ɨ, toŋla ga mpʉ Yesʉs ndɨ ɨ: nye ó mwa mɨlʉmlʉ mo Zyɛm, ndwe e njwɨɨ opara ga wina, waa bɨna ndɨ ekʉ mɛʼle ga ɛ.

Yʉanes 4:25

Mʉma, nye e nye ó: «Me egʉa ó, waa ndɨ Messie ɨ, óze—no, yé ó waa ndɨ ejebɔ ó, Krɨst: Lœma mulo mo Zyɛm ɨ. É jɔʼ nye óze e, nye ógʉa yeʼle bɨna ga bɨsa bɨnɨ bibyɛh.»

Yʉanes 1:14

Lwib a be ó si byɛl mʉr. Nye a si tiʼe paʼra ga wina. Bɨh bɨ bee moncɛnba me, moncɛnba mo Etiʼe e Mwan mo Zyɛm. Nye a duho boo Sɔŋ we ó, nye mu bɛa be lwɨŋla e ncwɨncwɨa e l'ocyecye mo Zyɛm.

Ebrœ̂ 7:1

Mɛlkisedɛk waa a be ó njwɨɨbʉr Salɛm. Nye nteme a be ó para mo Zyɛm ndɨ Lʉ bɨsa bibyɛh ɛ. É jɔʼ Abraham a to é dɔm, ntɔʼ bula, nye osi jʉ bʉr o dɔm be e, Mɛlkisedɛk a be ó si to, to bɔma e nye, ntɔʼ ze sʉ nye mocyɛʼ mo mpom le esyɛɛ nye mocyeele.

Ebrœ̂ 4:15

Ebe, njwɨɨ opara bɨna ga ndɨ e nye e, nye ó waa ndɨ e nkul ejwɨʼ bɨna ga nkoo é jɔʼ nye lé ebee ecyɛʼ ga lɨna ɛ. Nye a si boblɔ mɨmbi mimyɛh, jwɨʼ gwar e gwar e bɨna ga; sa gwar, nyɛɛ l'aduma, nkʉ sa ba syem.

Kolosi 2:11

É zyɛŋa win boo Krɨst, bɨn bé a si saŋɔ mpʉn ndɨ eduho boo Krɨst ɨ. Mpʉn waa ó ndɨ elɛʼle ó, bɨn bɨ dwih nyʉl bɨpuno é jɔʼ gwar. Bɨn bé a baasaŋɔ mpʉn bʉʉ bʉr lé esɛa e mobo e.

Mataos 11:3

«Zê go ó mʉr bɨh lé ebono ó, nye óze e? Zê bɨh bâʼla bono fih ɛ?»

Mataos 2:6

No ó, Betɛlɛhɛm, lal Yʉda, go abul twaʼbe é bɨnkana bɨ efoʼ bi lal Yʉda, ebe, njwɨɨ nɨnɨ óduho ó é go! Nye ó ngo koblo daa e bɨntœme lam, bwa b'Ɨzraɛl.»

2 Korɛnt 4:18

Bɨh bé agba mɨleme é bɨsa lé enyin ɨ, njɨ é bɨsa ndɨ anyin ɨ, ebe, byaa lé enyin ɨ, byé elaa mpʉ ngul mpaa. To kœb ó, byaa ndɨ anyin ɨ, byɛɛ ó ndɨ edi njʉmdia e njʉmdia.

Ebrœ̂ 12:27

É mpʉ nye a lɛɛ ó, nye ópɨʼ bye é jɔʼ gwar ɨ, yé elɛʼle ó, bɨsa nye a cye e, byé óncyeŋa, ntɔʼ dim. Sa ndɨ ecyɛb é nkʉʼʉ, ancyeŋa ɛ, yiha ó ngo liʼ.

Ebrœ̂ 13:14

ebe, é si nwa, bɨna bé abe ga e nkana lé edi njʉmdia e njʉmdia ɛ. Bɨna bé ejoʼo ga dweh eni é nkana fih é molu ndɨ eze e.