Ebrœ̂ 9:10 - Kálara Zyɛ̌m Edwán é mpʉ̌n

¹⁰ Zyɛm a nʉa tiʼa ó, bʉr, bé ódu mbi motie myaa ó, to pyal é jɔʼ nye óka komlo mozi bʉr, bé ójala le edu ɨ. Motie mo efoʼ monɨ, mé a kʉ dwɛʼ ó, njɨ bɨsa bɨ tiʼ mʉr kaʼ si. Mé a lɛʼle nye ó, mɨmbi monyɔmlʉ le monyʉla myé a jala le edeŋɔ ɛ, ndwe mpʉ bʉr lé ejala le edubo bɨsɔʼɔ é modibe lé epub bye e.

Kálar Nzyɛ̌m : Ejwán é Sáá

¹⁰ Nzyɛ̌m á tíʼe ɨ́ lémé wé ó, bʉr, bé ósɨsâ nyé mbǐ yébé nɨ̌ ó, tó pyâl ɨ́ jɔʼ nyé ókǎ tyêl bʉ̂r metié me dí tîtyěl má yɨ́. Metié le mempéné mé ésôʼ, mé á jaa dwɛ̂ʼ ó, njɨ ɨ́ páʼ nyʉ̂l mʉr. Metié maá, mé á jaa tɨ́e mʉr ó, njɨ mimbi méde le menyoʼ myé á jala ó, nye dêʼ mí, le mimbi míndubó myé á jala ó, nye dúŋɔɔ mí.

Ebrœ̂ 9:10 ပူးပေါင်းရင်းမြစ်များ

Kolosi 2:16

Ebe no, abir ga ó, mʉr láŋa bɨn baa ebebe é lɔb monyɔmlʉ mɨn le monyʉla mɨn. Bé l'ayi dwe bɨn mobe tɨ, nkʉ é lɔb mobʉʼ bɛɛ lé ebwal lé edu sa buʼo yɔɔ ɛ. Bé l'ayi láa bɨn baa ebebe é lɔb ebʉʼ le ebam le alomo bɛɛ lé ebwal ɨ, nkʉ é mbi bɛɛ lé edu motie mo moho saba ɛ.

Éfɛsɔs 2:15

Nye a gba motala paʼra ga wina ó, é jɔʼ nye a pɛʼ motie mo Moyiz le mompene ndwe e mɨtiʼa mimyɛh ɛ. Nye a pɛʼ bye ó, nye nkʉʼ nʉa bɨkul bɨba ga bina, ntɔʼ syɛŋ bye é nye mʉr tɨ, byé nkʉʼ fuʼla edwan e kul, nwɨɨla e mʉr ngwar.

Ebrœ̂ 7:16

Nye a baanʉa dia para ye ebe mbyɛla we. Nye a cyelɔ é dia njwɨɨ opara ó, é lɔb nkul we, le tiʼ ye ndɨ njʉmdia e njʉmdia ɛ.

Ebrœ̂ 10:22

no ó bɨna lé ejala le edihle ga kunokuno e nye e, lwɨŋla e mbɛla e buʼo ndɨ eduho é mɨmo si ɨ. Mɨleme ga mina, myé mu ó si pubɔ. Mɨpɛhla mɨleme ga mina, myé abe lé eka nwahle bɨna ga ó, bɨna bé ó e mobe. Monyʉl ga mɨna, mé ó mɨnjwɨ̀a e modibe ndɨ é ncyɛh-ncyɛh ɛ.

Ebrœ̂ 9:1

Sàa Zyɛm a cyel dumo e Moyiz ɨ, a be ó e we mbi motum e mɨtiʼa lé edwɛʼ mpʉ mʉr lé ejala le edwiibɨ Zyɛm ɨ. Nye a lɛɛ nteme ó, yé ó e yʉʉ gumo é si nwaʼ é l'efu le Odia mo Zyɛm ndɨ e l'ekɛn ɨ.

Ebrœ̂ 2:5

Jwɨ̀ʼa Zyɛm ófuʼla cyel cyecye, yaa lɔb we bɨh lé elwib ɨ, yé óbe ó é jwɨ̀ʼa mo nuu mʉr. Ntʉʼ beengles nye a cyel é bɨdia bɨ taʼa é l'efu le ejwɨʼ bʉr o ndɨ é jwɨ̀ʼa yaa ɛ.

Ebrœ̂ 13:9

Gʉa di ga ncye. Abir ga ó, bʉr gomla bɨn é zi fih, é zi mɨmbi bɨsikʉlʉ bé lé elɛʼle, myaa bɨn ndɨ agʉa ɛ. Ncwɨncwɨa mo Zyɛm nye ome ó ndɨ egba bʉr nkul é monyʉl. Yé é mbɨa ó, bɨn biʼe nkul tɨ. Nyɔmlʉ bab lé elɛɛ ó, mʉr, nye ejala le ede é l'efu le edwiibɨ Zyɛm e nye e, nye abe e nyɔm é nko paʼ mo bʉr o lé ede nye e.

Ebrœ̂ 6:2

edu sikʉlʉ lé edwɛʼ mpʉ bé lé enʉa mɨndubo e, egʉa mpʉ bé lé ekɛl bʉr mobo e, egʉa mpʉ odwè, bé ópàh é foo e, le egʉa mpʉ Zyɛm ótiʼe bʉr mɨlɔb etiʼ le epihe e.

Éfɛsɔs 1:10

Jwɨʼ ye yaa, yé a ka ze gwihɔ ó, pie bɨjɔʼ byé a jala le etaare laa ɛ, byé a si sil lé elaa. Zyɛm a bɛa tiʼe é leme we ó, bɨsa ndɨ é jobo e l'ejyoo le ebantɛn ɨ, bé e byaa bɨ si nwa, bibyɛh, byé ejala le efwal ó, é jwɨ̀ʼa mo mʉr ngwar, Krɨst.

Galásia 4:9

Dam be no, banana, bɨn bɨ gʉa mpaŋ Zyɛm. (Me be lé ejɨ lɛɛ ó, Zyɛm, nyi gʉa bɨn!) Ebe yé bɨn lé eka bâʼle du sikʉlʉ bʉr o si nwaʼ lé ekuhlo, yaa ndɨ abe e nkul ɨ? Ebe yé bɨn lé ebâʼle kpɛl di molʉa mɔɔ ɛ?

Markus 7:4

É jɔʼ bé lé ebula-bula lé eto bwam bɨsɔʼɔ é mobɨm bɨnkana ɛ, bé abe e nkul ede, apa sa ndubo mobo mpʉ oYʉden lé elɛɛ ɛ. OFarizyɛŋ, bé ebaʼle myʉʉ mɨnjwɨr mɨfih, mpʉ myaa lé elɛʼle mpʉ mʉr lé ejala le efuʼro mompele, mɨkaʼ, le mompɨ bɨnkoho mbɨmbɨa ɛ.

Ebrœ̂ 7:12

Yé be ó, lɨʼ esama le opara, lé mu ó si siila lʉʉ nɛʼɛ, yé ekʉ jala nteme ó, yé beʼ ndwe e modwan motie.