Ebrœ̂ 8:8 - Kálara Zyɛ̌m Edwán é mpʉ̌n

⁸ Sa gwar, Zyɛm a be ó si tɛɛ bʉr o mpʉn efoʼ waa, lé elɛɛ ó: «Da, nye elɛɛ ó: “É molu mé ndɨ eze e, me óde edwan e mpʉn e bwa b'Ɨzraɛl bé e bʉr o Yʉda.

Kálar Nzyɛ̌m : Ejwán é Sáá

⁸ Sâ gwár, Nzyɛ̌m á be ɨ́ kœb ó, bʉr, bé e bidyɛʼ. Sá tɨ̂ʼ ó nyé á lɛ́ɛ ó: «Dâ Nzyɛ̌m lɛ́ɛ́ ó: “Jɔʼ, yé ópyâl. Jɔʼ yaá ó mé ótyêl sáá swîh páʼ nyɨ́h e bʉr o b'Ɨ́zraɛ̂l yɨ́. Me ótyêl nyé ntémé ó, páʼ nyɨ́h e bʉr ó Yʉ́da.

Ebrœ̂ 8:8 ပူးပေါင်းရင်းမြစ်များ

Ebrœ̂ 12:24

Bɨn bɨ ze nteme boo Yesʉs, mosàa-mɔm a sa ó, Zyɛm deʼ Edwan e Mpʉn e bʉr ɨ. Bɨn bé epyal é mih me ó, cwɨɨ é zi motié me, maa nye a pubo bɨn e me e. Motié me maa, mé ekʉ lwib-lwib ó, njɨ mokan ndɨ é mbɨa ɛ, laa maa Abɛl nyɛɛ a lɛɛ ɛ.

Ebrœ̂ 9:15

Ebe no ó Krɨst ndɨ mosàa-mɔm lé eduula paʼra wina boo Zyɛm ɨ. Nye a cyelɔ é dia mosàa-mɔm yaa ó, Zyɛm nkʉʼ de edwan e mpʉn ɨ. Nye a de mpʉn waa ó, e bʉr nye a jebe e, ó bé biʼe tiʼ molu mo mpoʼ mɨmɛh nye a kɛʼ be e. Ebe, Krɨst a si kɛha tiʼ ye lé ejala e mɨsyem ga mina, ó nye kʉrɨ bɨna ga. Mɨsyem myaa, myé a dɨ mɛr bɨna ga ó, taare é jɔʼ bɨna bé a be ga é mpʉn nye a taare de e bɨmpam ga bina ɛ.

2 Korɛnt 3:6

Nye ó b'a dwe bɨh nkul ó, bɨh nkʉʼ di bʉr o ndɨ ejala le esea nye syɛɛ ye e. Bɨh mu ó osyɛl o mosa be, lé enyiŋ bʉr ó, bé nʉŋa Edwan e Mpʉn nye a de e bʉr ɨ. Nye a de mpʉn waa e be ó, é zi Sisim we, abe é zi motie ndɨ mɨtila ɛ, ebe, motie maa, mé ejʉ ó, jʉʼo. Sisim we ó ndɨ edwe bʉr tiʼ molu mo mpoʼ mɨmɛh.

1 Korɛnt 11:25

Jwɨʼ gwar yaa, jɔʼ bé a sil de e, nye ntɔʼ bâʼle dwe be bele monwoʼ mo rezɛŋ. Nye ó: «Bele monwoʼ yi, yé elɛʼle edwan e mpʉn Zyɛm lé ede e bʉr é zi motié mam ɨ. É jɔʼ yiyɛh bɨn bé ónyʉl-nyʉl sa ndɨ é bele yiʼ ɨ, bɨn bé ótoŋlo me.»

Lʉkas 22:20

Jwɨʼ gwar yaa, é jɔʼ bé a sil de e, nye ntɔʼ bâʼle dwe be bele monwoʼ mo rezɛŋ. Nye ó: «Bele monwoʼ yi, yé elɛʼle edwan e mpʉn Zyɛm lé ede e bʉr é zi motié mam, maa lé eswɨɨ si ebe bɨn ɨ.

Markus 14:24

Nye ó: «Motié mam ó ma, motié lé eswɨɨ é l'efu ó, Zyɛm deʼ mpʉn e bʉr é buobuo e.

Lʉkas 17:22

No ó nye a lɛɛ e l'ompʉn be ó: «Yé ópyal jɔʼ bɨn bé ógwɨm di e Mwan mo Mʉr sama ɛ, dam be moho ngwar. Sa gwar, yé aŋa ka bana.

Mataos 26:28

ebe, motié mam ó ma, motié mu lé eswɨɨ é l'efu ó, Zyɛm deʼ mpʉn e bʉr é buobuo, ó nye pɛʼɛ be bɨbaa bɨ ebebe byɔɔ.

Ebrœ̂ 7:22

Mpʉ Zyɛm a de mɨnkɛla no e, nyi ze cyel Yesʉs é cye mʉr ndɨ ekamle e mpʉn nye a de e bʉr, waa ndɨ é mbɨa, laa njʉ̌m sàa ɛ.

Ebrœ̂ 8:6

Syɛɛ para Yesʉs lé esea é l'efu ga lɨna é bananaʼ ɛ, yé e nyɔm é buobuo, laa syɛɛ para yé a duho mya ɛ. Nye ó ndɨ mosàa-mɔm lé esa ó, Zyɛm deʼ Edwan e mpʉn e bwa b'Ɨzraɛl ɨ. Edwan e mpʉn nye a de e, lé é bul mbɨa, laa mpʉn Zyɛm a de e be e. Lé nteme, lé ó e molele ebe monkɛʼ bɨna bé a bi ga ɛ. Monkɛʼ maa, mɨ laa maa mo mpʉn efoʼ é l'embɨa.

Ebrœ̂ 8:13

É mpʉ Zyɛm a jebe mpʉn mba nye a de ó, «edwan» ɨ, nye a si liŋ mpʉn efoʼ mbor. No ó, sa mu mbor, nkʉ yaa mu si jwɨm ɨ, yé mu nteme ó kunokuno le edim yiyɛh.

Lʉkas 5:38

Bé elwan modwan monwoʼ ó, é bɨntaʼ ndɨ modwan ɨ.