Ebrœ̂ 8:5 - Kálara Zyɛ̌m Edwán é mpʉ̌n5 Opara bɛɛ, bé esea-sea ó, é tiʼe ndɨ é l'efu le edwe Zyɛm kum ɨ. Tiʼe yaa, yé a saŋɔ ó, lé edu dweʼle Saʼ Nɨnɨ mo Zyɛm ndɨ é jobo kʉ ɨ. No ó, é jɔʼ Moyiz a be ó, nye fumo ó Saʼ Nɨnɨ mo Zyɛm ɨ, Zyɛm a lɛɛ e nye ó: «Gʉa komlo sa yiyɛh lé edu dweʼle saʼ go a lɛʼlɔ é l'ecwɨʼ kʉ ɨ.» အခန်းကိုကြည့်ပါ။Kálar Nzyɛ̌m : Ejwán é Sáá5 Opara bɨ́ɛ, bé sɨ́séá ó, ɨ́ mpáh Nzyɛ̌m, nyaá sí yɨ̂. Nye ó njɨ lɨ́ ebaŋa mpáh Nzyɛ̌m mpâ dí ɨ́ jʉ́o kʉ́ nyɨ́. Nó ɨ́ jɔ̌ʼ Moyɨ̂z á be ó, nyě sumó ó mbɛ̌r kán mé Nzyɛ̌m yɨ́, Nzyɛ̌m á lɛ́ɛ e né ó: «Gwá sumǒ sá yɨ́yɛ̂h lɨ́ edû mveʼlě mbɛ̌r gó á lɛ̂ʼlɔɔ lɨ́ ecwɨ̂ʼ kʉ́ yɨ́.» အခန်းကိုကြည့်ပါ။ |
Ebrœ̂ 8:5
18 ပူးပေါင်းရင်းမြစ်များ
Motie Zyɛm a ntɨh Moyiz ɨ, mé ó dweʼle, sa lé elɛʼle mpʉ bɨsa bɨ embɨa, byé ójala le ebe é jɔʼ byé ópyal ɨ. Motie maa, mé adila mɨkubo bɨsa byaa. Opara, bé ediʼ Zyɛm otir tɔɔ motwina mompwar ó, é mbu wiwɛh é l'efu e bʉr o ndɨ egwɨm dwiibɨ Zyɛm ɨ. Sa gwar, motwina mɔɔ, mé ákwoʼ sa ó, bé kuma é l'ombɨmbɨa é mɨpaʼ mimyɛh.
Ebe no, gʉa di ga ncye, ó bɨn beʼ l'abene mʉr mu lé ebal bɨn ɨ. Molu pihe, bé a si bene lé ejoʼo mʉr a ze é si nwaʼ ɛ. Nye a ze ó, nye bal ó be, bɛɛ l'akpɛl joʼo. É jɔʼ yé a ka be ó, ebebe laa pyala be e, yé a baabana ó, bé syɛhla le. No ó, mʉr a ka ze lwib e bɨna ga bɛɛ ɛ, nye ó ndɨ mʉr a duho é jobo kʉ ɨ. ǃBɨna si bene ga ejoʼo lɔɔ we nɛʼɛ, zê bɨna bé ósyɛhle ga bɨntɨʼa bɨ tɨ, laa be ɛ?
É zi buʼo, Noe a si joʼo é jɔʼ Zyɛm a bal nye é lɔb sa yé a be ó, yé ósyɛɛlɨ ɨ. Nye l'apa bee ye e dih, nye a be ó si nʉa lwib mo Zyɛm yaa, gba é nkɔb, ntɔʼ kpaʼ byɛl, du mpʉ Zyɛm a tɨe nye ó, nye saʼ ɛ. Nye ze ni tɨ, bé e mbɛr bʉr we, bɨbɛh ntɔʼ tiʼe. É mbi waa ó nye a dwe bʉʉ bʉr mobe e, nyɛɛ ntɔʼ bi mokebe é mih mo Zyɛm, maa lé eduho é buʼo e.
ကြော်ငြာတွေ