Ebrœ̂ 8:3 - Kálara Zyɛ̌m Edwán é mpʉ̌n

³ Njwɨɨ opara nyiwɛh, nye cyela é dia para ye ó, nye dweʼ Zyɛm mɨndwɛa ndwe e motwina. Ebe no, yé ekʉ jala ó, nye pyala boo Zyɛm e sa nye ódwe nye e.

Kálar Nzyɛ̌m : Ejwán é Sáá

³ Njwɨ́ɨ opara nyɨnyɛ̂h, nye tyélá ɨ́ dǐ pára yé ó, nye táŋaa mebyaʼ me bʉ̂r le edwidwě Nzyɛ̌m mindwéá. Nó ntémé ó Yésʉs á be ɨ́ bi ó, nye tôʼ dwě Nzyɛ̌m yʉ́ʉ́ sɔ̂ʼ.

Ebrœ̂ 8:3 ပူးပေါင်းရင်းမြစ်များ

Ebrœ̂ 5:1

Ebe, bé epɛh njwɨɨ opara nyiwɛh ó, é sama bʉr tʉŋlʉ. Nye ó cyela é dia para ye ó, nye cyɛba é modila mo bʉr é mɨlɔb lé edwɛʼ Zyɛm ɨ. Nye ó mʉr lé ejɛna mobyaʼ mɔɔ ɛ, le ediʼ Zyɛm otir tɔɔ motwina ndwe e mɨndwɛa myɔɔ é lɔb mɨsyem myɔɔ.

Éfɛsɔs 5:2

Kœʼœ ga ebò e cyen ndɨ elɛʼle leme ncwɨncwɨa win ɨ, mpʉ Krɨst a taare cwɨa e bɨna ga ɛ. Nye a si dwè, jala e bɨna ga, ó nye diʼe mpʉ mɨndwɛa ndwe e motwina. Motwina me maa, mé a be ó e monumo Zyɛm lé ebul kpɛl ɨ.

Ebrœ̂ 9:14

No ó, Krɨst nyɛɛ, nye elaa naa! Nye ópubo mɨleme ga mina e me motié, ó mɨpɛhla mɨleme ga mina nkʉʼ liʼ é pyɛɛɛ, myé l'aka toŋlo bɨsyɛɛla bɨ ebebe ga bina. É mbi waa ó bɨna bé ódwiibɨ ga Zyɛm ndɨ kublakubla ɛ. Ebe, é zi Mbɨambɨa Sisim lé edi njʉmdia e njʉmdia ɛ, nye a be ó si dwe Zyɛm Sɔŋ nyʉl we. Ndwɛa nyʉl we, wé ó b'a kʉ jala e bɨna, lé epɛʼ mɨsyem bɨna bé a sa ga ɛ. Wé nteme ó ndɨ e l'ombɨmbɨa é mɨpaʼ mimyɛh.

Ebrœ̂ 7:27

Nye abe mpʉ bʉʉ ojwɨɨ be opara, bé a be-be e. Nye abe é nkara ó, nye taara dwe motwina é dobo lɨlɛh lé ejɛna mobyaʼ é lɔb mɨsyem mye, pie tɨ, é lɔb myaa mɨ bʉʉ bʉr, ebe, nye a si kʉ bɛa dwe Zyɛm tiʼ ye tɔɔ motwina é jɔʼ gwar é bɨjɔʼ bibyɛh é lɔb mɨsyem ga mina mimyɛh.

Títos 2:14

Nye a si jala e bɨna ga, lé eze kʉr bɨna ga, le edwih bɨna ga é bɨbla ebò e cyen bɨna bé a dɨ kœʼ œ. Nyi pubo bɨna ga ó, bɨna diʼe kul bʉr ndɨ yaa ye e. Mɨleme, myé óbe ó bɨna ga é ntɨɨɨŋ ó, bɨna gba ga ó nyʉl lé esa mɨmpaŋ bɨsyɛɛla.

Yʉanes 6:51

Me ó ndɨ kublakubla mode, maa mé a duho é jobo kʉ, ze kaʼ é si nwaʼ ɛ. ǃƗ mʉr si de mode maa nɛʼɛ, gʉŋa ó, nyi bi tiʼ molu mo mpoʼ mɨmɛh. Mode me ódwe nye e, mé ó bɨpuno byam! Me edwe bʉr bɨbɛh bya ó, é l'efu ó, bé biʼe tiʼ molu mo mpoʼ mɨmɛh.»

Rôm 4:25

Nye waa bʉr, bé a kɛha ɛ. Nye ze jala e motie bɨna bé a ntaa ga ɛ. Pie tɨ, Zyɛm ze pɛ̀h nye é foo ó, bɨna biʼe ga mokebe é nye pɛʼɛ bɨna ga é nkar, ó bɨna sɔba ga é feerɨ.

Rôm 5:6

Molu pihe, é jɔʼ bɨna bé a baapa bi nkul ɨ, Krɨst a ka ze jala e mobyaʼ ga mɨna, bɨna bʉr o b'a baadwiibɨ Zyɛm ɨ. Nye a dwè ó, é mpaŋ jɔʼ Zyɛm a bɛa pɛh ɛ.

Rôm 5:8

Yesʉs-Krɨst nyɛɛ a dwè, jala e bɨna ga ó, é jɔʼ bɨna bé a be ga lé ekʉ sa njɨ mɨsyem ɨ! No ó Zyɛm ndɨ elɛʼle bɨna ga kpɛl ye e.

Galásia 2:20

É jɔʼ bé a cyèl Yesʉs-Krɨst é klos kʉ ɨ, me nteme, me a si bomlɔ tɨ, bɨh e nɔɔ. Ntʉʼ me ndɨ etiʼe é banana. Yesʉs-Krɨst ó ndɨ etiʼe é me tʉŋlʉ. Tiʼ me lé eka tiʼe é si nwaʼ ɛ, me etiʼe ye ó, ebe taa buʼo me lé ejyɛʼ boo Mwan mo Zyɛm ɨ. Nye a si kpɛl me, ze dwe tiʼ ye é ziila e me.

Ebrœ̂ 2:17

Ebe, yé a jala ó, nye diʼe kʉ be mpʉ jyɛɛ ye é mɨpaʼ mimyɛh. Nye a nwɨɨla e bɨna ga é l'efu ó, nye nkʉʼ lɛʼle bɨna ga ncwɨncwɨa, le edi njwɨɨ opara ndɨ mʉr ebuʼla ɛ. Nye ó lé ejala le esea é mɨlɔb mimyɛh ndɨ edwɛʼ Zyɛm ɨ. Nye ó mʉr a dwè, jala e mɨsyem ga mina ɛ. Efie le, lé ó b'a leʼe empime mo Zyɛm.

Ebrœ̂ 3:1

Ebe no, obɨɔ ga bam, mɨsaŋ mɨ bʉr mo Zyɛm, baa mu si jebɔ, njɨblɨ wɔɔ lé eduho é jobo kʉ ɨ, toŋla ga mpʉ Yesʉs ndɨ ɨ: nye ó mwa mɨlʉmlʉ mo Zyɛm, ndwe e njwɨɨ opara ga wina, waa bɨna ndɨ ekʉ mɛʼle ga ɛ.

Ebrœ̂ 8:4

Nkʉ Yesʉs be ó be, be é si nwaʼ nɛʼɛ, mpa nye asea syɛɛ para ka, ebe, yé e l'opara ofih lé edwe Zyɛm mɨndwɛa, lé edu mpʉ motie lé elɛɛ ɛ.