Ebrœ̂ 8:13 - Kálara Zyɛ̌m Edwán é mpʉ̌n

¹³ É mpʉ Zyɛm a jebe mpʉn mba nye a de ó, «edwan» ɨ, nye a si liŋ mpʉn efoʼ mbor. No ó, sa mu mbor, nkʉ yaa mu si jwɨm ɨ, yé mu nteme ó kunokuno le edim yiyɛh.

Kálar Nzyɛ̌m : Ejwán é Sáá

¹³ Ɨ́ mpʉ̌ Nzyɛ̌m á jébe saá mbá «edwán é sáá» yɨ́, nye á si liŋ nyaá esôʼ mbǒr. Nó ó, sá mû mbǒr, nkʉ̂ yaá mû sí jwɨm yɨ́, yé mû ntémé ó kúno edîm yɨ́yɛ̂h!

Ebrœ̂ 8:13 ပူးပေါင်းရင်းမြစ်များ

2 Korɛnt 5:17

Yé be ó, nuu mʉr, nye ó é zyɛŋa wɔɔ boo Krɨst cyecye nɛʼɛ, lɛɛ ó, nye mu ó edwan e cyea sɔʼɔ. Mɨnjʉ̌m bɨsɔʼɔ mimyɛh, mi laa; bɨsa bibyɛh mu ó, njɨ modwan e modwan.

Ebrœ̂ 9:15

Ebe no ó Krɨst ndɨ mosàa-mɔm lé eduula paʼra wina boo Zyɛm ɨ. Nye a cyelɔ é dia mosàa-mɔm yaa ó, Zyɛm nkʉʼ de edwan e mpʉn ɨ. Nye a de mpʉn waa ó, e bʉr nye a jebe e, ó bé biʼe tiʼ molu mo mpoʼ mɨmɛh nye a kɛʼ be e. Ebe, Krɨst a si kɛha tiʼ ye lé ejala e mɨsyem ga mina, ó nye kʉrɨ bɨna ga. Mɨsyem myaa, myé a dɨ mɛr bɨna ga ó, taare é jɔʼ bɨna bé a be ga é mpʉn nye a taare de e bɨmpam ga bina ɛ.

1 Korɛnt 13:8

Kpɛl, yé ásie. Mɨlɛa mɨ ogwiha o mɨlɔb myɛɛ, myé ósie. Bʉr o mu lé elwib bɨlɔblɔb ɨ, bé ógwaʼ lé esa no. Ngwɨa bʉr, bé a taare be e we e, wé ósie.

Mataos 24:35

Kʉ e si, byé ólaa; mɨlɔb myam myɛɛ, myé ódi njʉmdia e njʉmdia.»

Lʉkas 22:20

Jwɨʼ gwar yaa, é jɔʼ bé a sil de e, nye ntɔʼ bâʼle dwe be bele monwoʼ mo rezɛŋ. Nye ó: «Bele monwoʼ yi, yé elɛʼle edwan e mpʉn Zyɛm lé ede e bʉr é zi motié mam, maa lé eswɨɨ si ebe bɨn ɨ.

2 Korɛnt 3:6

Nye ó b'a dwe bɨh nkul ó, bɨh nkʉʼ di bʉr o ndɨ ejala le esea nye syɛɛ ye e. Bɨh mu ó osyɛl o mosa be, lé enyiŋ bʉr ó, bé nʉŋa Edwan e Mpʉn nye a de e bʉr ɨ. Nye a de mpʉn waa e be ó, é zi Sisim we, abe é zi motie ndɨ mɨtila ɛ, ebe, motie maa, mé ejʉ ó, jʉʼo. Sisim we ó ndɨ edwe bʉr tiʼ molu mo mpoʼ mɨmɛh.

Ebrœ̂ 1:11

Bɨsa byaa bibyɛh, byé ódim. Gwɔɔ, go ódi ó, njɨ njʉmdia e njʉmdia. Bɨsa bibyɛh byɛɛ, byé ójwɨm mpʉ mɨkan.

Ebrœ̂ 7:22

Mpʉ Zyɛm a de mɨnkɛla no e, nyi ze cyel Yesʉs é cye mʉr ndɨ ekamle e mpʉn nye a de e bʉr, waa ndɨ é mbɨa, laa njʉ̌m sàa ɛ.

Ebrœ̂ 8:6

Syɛɛ para Yesʉs lé esea é l'efu ga lɨna é bananaʼ ɛ, yé e nyɔm é buobuo, laa syɛɛ para yé a duho mya ɛ. Nye ó ndɨ mosàa-mɔm lé esa ó, Zyɛm deʼ Edwan e mpʉn e bwa b'Ɨzraɛl ɨ. Edwan e mpʉn nye a de e, lé é bul mbɨa, laa mpʉn Zyɛm a de e be e. Lé nteme, lé ó e molele ebe monkɛʼ bɨna bé a bi ga ɛ. Monkɛʼ maa, mɨ laa maa mo mpʉn efoʼ é l'embɨa.

Ebrœ̂ 8:8

Sa gwar, Zyɛm a be ó si tɛɛ bʉr o mpʉn efoʼ waa, lé elɛɛ ó: «Da, nye elɛɛ ó: “É molu mé ndɨ eze e, me óde edwan e mpʉn e bwa b'Ɨzraɛl bé e bʉr o Yʉda.

Ebrœ̂ 12:24

Bɨn bɨ ze nteme boo Yesʉs, mosàa-mɔm a sa ó, Zyɛm deʼ Edwan e Mpʉn e bʉr ɨ. Bɨn bé epyal é mih me ó, cwɨɨ é zi motié me, maa nye a pubo bɨn e me e. Motié me maa, mé ekʉ lwib-lwib ó, njɨ mokan ndɨ é mbɨa ɛ, laa maa Abɛl nyɛɛ a lɛɛ ɛ.