Ebrœ̂ 8:10 - Kálara Zyɛ̌m Edwán é mpʉ̌n

¹⁰ Ebe no ó Da lé elɛɛ ó: “Pie molu maa, mpʉn me óde e bwa b'Ɨzraɛl ɨ, nye óbe ó, é mbi wi: Me ógba motie mam é mɨpɛhla myɔɔ. Motie maa, mé óbe nteme ó mɨtila é mɨleme myɔɔ. Me óbe ó Zyɛm wɔɔ; bɛɛ, bé óbe ó baa bam.

Kálar Nzyɛ̌m : Ejwán é Sáá

¹⁰ Ebě, Dâ Nzyɛ̌m lɛ́ɛ́ ó: «Píe melû maá, saá mé ngá tyêl páʼ nyɨ́h e kúl bʉ̂r o b'Ɨ́zraɛ̂l nyɨ́, nye óbe ó, mbi wɨ̂: Me ólíʼe métié mâm ɨ́ lʉ́ wɔ́ɔ́. Me ócɛma bé mǎ ɨ́ miléme. Me óbe ó Nzyɛ̌m wɔ́ɔ́. Bɨ́ɛ, bé óbe ó bʉr bâm.

Ebrœ̂ 8:10 ပူးပေါင်းရင်းမြစ်များ

2 Korɛnt 3:3

Bɨn bé elɛʼle é kpɛŋlɛm ó, bɨn bé ó kalara Krɨst a tile e. Kalara waa, nye elɛʼle nteme ó, syɛɛ bɨh bé a sa é l'esama lɨn ɨ. Bɨn bé abe kalara nuu mʉr a tile e nkus ndwe e modibe mo lwab ɨ. Bɨn bé ó kalara a tilɔ é zi Sisim mo Zyɛm ndɨ kublakubla ɛ. Nye a baatilɔ é bɨbah mokoʼ, njɨ é mɨleme min tʉŋlʉ.

1 Pyɛr 2:9

Sa gwar, bɨn bé ó bʉr nye a bɛa pɛh ó, bɨn diʼe nye opara le kul bʉr ndɨ ti ɨ. Bɨn bé ó kul bʉr ndɨ yaa ye e, é l'efu ó, bɨn gumla mbɨambɨa njwɨr mo Mʉr a jebe bɨn ɨ. Njɨblɨ we waa, wé ó b'a dwih bɨn é l'edurʉ, cen bɨn é myɛn ndɨ é nge-ngɨ-nge e.

Rôm 11:27

Yé ó tila nteme ó: «Me óde mpʉn e be no ó, é jɔʼ me ópɛʼ bɨbaa bibyɛh me a niʼe é lɔb mɨsyem myɔɔ ɛ.»

Jacques 1:21

Diʼe ga bʉr o ndɨ é cyɛʼ mɨnjwɨr ɨ. Pɛʼɛ ga ebɨ-leme ndwe e bɨsyɛɛla bibyɛh ndɨ elœʼ bɨn é mih mo Zyɛm ɨ. Yé ó, é laŋle buo! ǃBɨn si sa no nɛʼɛ, bɨn bé ógʉa nʉa lwib ocyecye Zyɛm a ntɨh é mɨleme min tʉŋlʉ ɨ. Lwib ye yaa ó ndɨ e nkul edwe bɨn tiʼ molu mo mpoʼ mɨmɛh.

Títos 2:14

Nye a si jala e bɨna ga, lé eze kʉr bɨna ga, le edwih bɨna ga é bɨbla ebò e cyen bɨna bé a dɨ kœʼ œ. Nyi pubo bɨna ga ó, bɨna diʼe kul bʉr ndɨ yaa ye e. Mɨleme, myé óbe ó bɨna ga é ntɨɨɨŋ ó, bɨna gba ga ó nyʉl lé esa mɨmpaŋ bɨsyɛɛla.

1 Pyɛr 1:23

No ó, bɨn mu ó si bâʼle byɛl. Bɨn bé a baabyɛl ebe mpœʼ ndɨ e nkul ebo e. Mpœʼ yé a sa ó, bɨn byɛlɨ ɨ, yé ó mpœʼ ndɨ abe e nkul ebo e. Mpœʼ yaa, yé ó lwib mo Zyɛm. Yé ekubla bɨn é mɨleme. Abe e yʉʉ jɔʼ yé ópʉʼa tɨ.

Jacques 1:18

Nye mʉr tɨʼ ó b'a bya bɨna ga é zi gwɨma ye. Nye a sa no ó, é jɔʼ nye a lɛʼle bɨna ga lwib ye ndɨ cyecye e, bɨna ntɔʼ buʼla ga ye. Ebe no, é nko paʼ mɨcyea bɨsa bibyɛh, bɨna ga ó ndɨ mpʉ tom nye a pɛʼ é peme ye e.

Mataos 22:32

“Me ó Zyɛm mo Abraham, Zyɛm mo Ɨzak, le Zyɛm mo Yakɔb.”» Yesʉs ze ko mokan maʼ ó: «No, yé elɛʼle ó, Zyɛm, nye ó Zyɛm bʉr o ndɨ mɨkubla ɛ. Nye abe waa odwè.»

Ebrœ̂ 11:16

Sa gwar, bé a be ó e dweh edi é mpaŋ lal, waa ndɨ é jobo kʉ ɨ. Zyɛm, nyi komlo be mpaŋ nkana, sa lé elɛʼle ó, nye ajoʼo fwon é jɔʼ bé lé egban nye e.

1 Korɛnt 6:16

Zê bɨn bé agʉa ó, mʉr lé enara e mɨmbambama ɛ, bé e nɔɔ bɨbɛh, bé mu ó nyʉl ngwar ɛ? Ebe, yé ó tila ó: «Bɨbɛh oba, bé óbe ó nya e puno, sʉn ngwar.»