Ebrœ̂ 8:1 - Kálara Zyɛ̌m Edwán é mpʉ̌n

¹ Lʉ ekan é bɨsa bɨh lé elɛɛ bɨn ɨ, wé ó wi: bɨna ga bé ó e mbi njwɨɨ opara waa, ndɨ e nkul eloŋlo syɛɛ yaa yiyɛh ɛ. Nye ó ndindil é mbo ejʉm mo waa ndɨ e mojwɨ̀ʼa monɨnɨ é jobo kʉ ɨ.

Kálar Nzyɛ̌m : Ejwán é Sáá

¹ Lʉ́ ékǎn e bísá bɨ́h dí elɛ́ɛ bɨ́n bí, wé ó wɨ̂: mɨná gá bé ó e mbi njwɨ́ɨ opara waá. Nye ó ndîndǐl ɨ́ jʉ́o kʉ́ ɨ́ mbó éjʉ́m mé Nzyɛ̌m Sɔ́ŋ nkul nyɨnyɛ̂h.

Ebrœ̂ 8:1 ပူးပေါင်းရင်းမြစ်များ

Kolosi 3:1

Ebe no, é mpʉ bɨn e boo Krɨst mu ó si pɛ̀hɔ é mofoo e, gʉŋa ga ó, bɨn bé ejala le esaa bɨsa ndɨ é jobo kʉ ɨ. Byé ó é gumo Krɨst lé edi é mbo ejʉm mo Zyɛm ɨ.

Ebrœ̂ 1:3

Moncɛnba mo Zyɛm, mé enyin ó, é nye. Nye ó ndɨ gulo lé elɛʼle mpʉ Zyɛm nye mʉr tɨʼ ndɨ ɨ. Nye ebaʼle si nwaʼ nyiwɛh ó, é zi lwib ye ndɨ e nkul ɨ. Nye a si dib zi epubo bʉr é lɔb mɨsyem myɔɔ. Nye ze to é jobo kʉ, to di si é mbo ejʉm mo waa ndɨ e mojwɨ̀ʼa monɨnɨ é jobo kʉ ɨ.

Mɨngwiha 3:21

Mʉr óbe si ntaa, bula e l'esaa é koo e, me ódwe nye nkul ó, bɨh e nɔɔ baʼra lé edi é dia taʼa yam, ebe, mɛm nteme, me a si ntaa, bula e lam esaa é koo, me ntɔʼ nʉa dia kunokuno e Sɔŋ wam é dia taʼa ye.

Ebrœ̂ 12:2

Mih ga mɨna, mé dwɛʼa sɔʼɔ, njɨ Yesʉs, ebe, nye ó etin e buʼo ga yina. Nye nteme ó b'a sa ó, buʼo ga yina diʼe é l'ombɨmbɨa é mɨpaʼ mimyɛh. Nye a mɛʼle ó, nye sia e mɨtuu, bé jʉʼo nye, lé ecyèl nye é klos kʉ. Nye a si pyeh fwon mʉr lé ebi é mbi efie laa ɛ. Nye a fuo mɛʼle ó, nye dwèʼ no ó, nye nkʉʼ bi bɨsʉhʉ Zyɛm a bɛa komo nye e. Banana, nye mu ó si é die é mbo ejʉm mo Zyɛm Sɔŋ, mʉr ndɨ é dia taʼa ɛ.

Ebrœ̂ 2:17

Ebe, yé a jala ó, nye diʼe kʉ be mpʉ jyɛɛ ye é mɨpaʼ mimyɛh. Nye a nwɨɨla e bɨna ga é l'efu ó, nye nkʉʼ lɛʼle bɨna ga ncwɨncwɨa, le edi njwɨɨ opara ndɨ mʉr ebuʼla ɛ. Nye ó lé ejala le esea é mɨlɔb mimyɛh ndɨ edwɛʼ Zyɛm ɨ. Nye ó mʉr a dwè, jala e mɨsyem ga mina ɛ. Efie le, lé ó b'a leʼe empime mo Zyɛm.

Ebrœ̂ 10:12

To kœb ó, Krɨst nyɛɛ a si dwe Zyɛm motwina mompwar é jɔʼ gwar lé epɛʼ mɨsyem é l'efu e bɨjɔʼ bibyɛh. Nye ze to di si é mbo ejʉm we.

Ebrœ̂ 1:13

Zyɛm a baalɛɛ é lʉʉ dobo, tiibe e nuu engles we ó: «Ntaʼ, ze di si wâ, é mbo ejʉm wam, to pyal é jɔʼ me ósa bʉr o dɔm bo ó, bé diʼe cyela mokʉ yo e.»

Éfɛsɔs 6:20

Yé ó é modila mo Krɨst ó me mu é nkara é lɔb Mbɨambɨa Lɔɔ ɛ. Jwɨʼla ga e Zyɛm, ó me pɛʼla we é kpɛŋlɛm, abe e bʉa, mpʉ wé lé ejala le epɛʼlɔ ɛ.

Markus 16:19

No ó, é jɔʼ Da Yesʉs a be, nye osi lwib e be no e, nye ze bɨnɔ é jobo kʉ, ntɔʼ to nʉa dia ye é mbo ejʉm mo Zyɛm Sɔŋ.

Ebrœ̂ 3:1

Ebe no, obɨɔ ga bam, mɨsaŋ mɨ bʉr mo Zyɛm, baa mu si jebɔ, njɨblɨ wɔɔ lé eduho é jobo kʉ ɨ, toŋla ga mpʉ Yesʉs ndɨ ɨ: nye ó mwa mɨlʉmlʉ mo Zyɛm, ndwe e njwɨɨ opara ga wina, waa bɨna ndɨ ekʉ mɛʼle ga ɛ.

Ebrœ̂ 4:14

Bɨna ga mu ó e njwɨɨ opara ndɨ lʉ sa yiyɛh ɛ: Yesʉs, Mwan mo Zyɛm. É mpʉ yé ndɨ no e, bɨna toʼ ga dolo lé emɛʼle buʼo ga yina. Nye a be ó si ntaa jobo e l'ejyoo le ebantɛn, lé ebula to di é jobo kʉ.