Ebrœ̂ 7:19 - Kálara Zyɛ̌m Edwán é mpʉ̌n

¹⁹ (Ebe, motie mo efoʼ maa, mé a baabe e nkul esa ó, mʉr kuma é l'ombɨmbɨa é mɨpaʼ mimyɛh.) No ó, sa lé elaa motie maa ɛ, yi pyal! Yé ó mbɛla ndɨ bɨna ga é mɨleme e. Wé ó ndɨ esa ó, bɨna dihla ga kunokuno e Zyɛm.

Kálar Nzyɛ̌m : Ejwán é Sáá

¹⁹ Ebě, metié mé ésôʼ maá, mé á bé abe e nkul epubo syɛ̂l misyóm ɨ́ mipáʼ mímyɛ̂h. Nó ó, mpǎŋ sá dí elaa métié maá yɨ́, yɨ́ pyâl: mpûʼla mɨ́ná mû e nye ɨ́ léme nyɨ́. Nye ó dí esâ ó, mɨná sîhlaa gá bǎʼ e Nzyɛ̌m.

Ebrœ̂ 7:19 ပူးပေါင်းရင်းမြစ်များ

Mɨlʉmlʉ 13:39

Bʉr bɨbɛh ndɨ ejyɛʼ taa buʼo yɔɔ boo nye e, bé óbi mokebe é mih mo Zyɛm. Mʉr, nye epɛʼɔ bɨbaa bɨ ebebe bibyɛh, dam be byaa motie mo Moyiz, mé a baakoʼo epɛʼ ɛ.

Ebrœ̂ 4:16

Ebe no, bɨna dihla ga kunokuno e dia taʼa ye, abaawe sɔʼɔ e Zyɛm. Mɨleme ga mina, myé diʼe mɨlwɨŋla e mbɛla ó, bɨna bé óbi ga njwɨʼa-nkoo ndwe e ncwɨncwɨa. ǃBɨna si to ga é dia taʼa ye no nɛʼɛ, bɨna bé óbi ga ncwɨncwɨa é jɔʼ yé óbul jɨŋɔ ɛ.

Ebrœ̂ 9:9

Yiʼ, yé ó dweʼle, sa lé elɛʼle bɨna ga mpʉ yé ndɨ é bananaʼ ɛ. Bʉr, bé dam dwe Zyɛm wáa mbi mɨndwɛa e motwina, byé abe e nkul epubo be é mɨpaʼ mimyɛh. Mɨpɛhla mɨleme myɔɔ, myé abe e nkul ebula di é pyɛɛɛ é zi waa.

Rôm 8:3

Yé ó no! Ebe, yé a baabana ó, bɨna biʼe tiʼ molu mo mpoʼ mɨmɛh ebe mbi bɨna lé edu ga motie e, ebe, nyʉl bɨpuno ga wina a be ó é cyɛʼ. Sa motie mo Moyiz, mé a baakoʼo lé esa ɛ, Zyɛm nyɛɛ a si bana sa ye. Nye a si ntɨh Mwan we é si nwa, nyʉl we lé ekʉ nwɨɨla e waa ga wina, osyɛl o mɨsyem. Nye a ze é lɔb syem ga wina waa ó, nye ntaʼ, ze pɛʼ we. Zyɛm a si dwe Yesʉs mobe é lɔb syem waa.

Ebrœ̂ 11:40

Jwɨʼ Zyɛm a bà é l'efu ga lɨna ɛ, yé é embɨa, laa yaa nye a bà é l'efu lɔɔ ɛ, ebe, nye a tiʼe é leme we ó, nye ósa ó, bé kuma é l'ombɨmbɨa é mɨpaʼ mimyɛh, njɨ é jɔʼ bɨna ga e boo nɔɔ, bé ókumo tɨʼ ɨ.

Ebrœ̂ 10:1

Motie Zyɛm a ntɨh Moyiz ɨ, mé ó dweʼle, sa lé elɛʼle mpʉ bɨsa bɨ embɨa, byé ójala le ebe é jɔʼ byé ópyal ɨ. Motie maa, mé adila mɨkubo bɨsa byaa. Opara, bé ediʼ Zyɛm otir tɔɔ motwina mompwar ó, é mbu wiwɛh é l'efu e bʉr o ndɨ egwɨm dwiibɨ Zyɛm ɨ. Sa gwar, motwina mɔɔ, mé ákwoʼ sa ó, bé kuma é l'ombɨmbɨa é mɨpaʼ mimyɛh.

Ebrœ̂ 6:18

Yé e bɨsa bɨba ndɨ abe e nkul esiilɔ ɛ: monkɛʼ mo Zyɛm, ndwe e mɨnkɛla nye a de e. Zyɛm nteme, nye abe e nkul esa mpʉl tɨ. No ó, bɨna ga bé ó bʉr o mu si fim mɨkam é l'efu ó, bɨna biʼe ga sa nye a kɛʼ, yaa ndɨ esa ó, mɨleme ga mina loŋla e mbɛla ɛ. Nye a liʼe bɨna ga e monkɛʼ maa ó, bɨna nʉŋa ga pim é buʼo.

Rôm 5:2

Yesʉs-Krɨst ó b'a kar zi é l'efu ó, Zyɛm nkʉʼ lɛʼle bɨna ga ncwɨncwɨa we. Bɨna mu ó lé ebi ga ncwɨncwɨa waa ó, é zi buʼo ga yina, lé ekʉ mɨɨla e mbɛla mu lé eloŋlo mɨleme ga mina ɛ. Bɨna bé ga e mbɛla é mɨleme ó, bɨna bé ópyal ga é dia kum mo Zyɛm.

Ebrœ̂ 8:6

Syɛɛ para Yesʉs lé esea é l'efu ga lɨna é bananaʼ ɛ, yé e nyɔm é buobuo, laa syɛɛ para yé a duho mya ɛ. Nye ó ndɨ mosàa-mɔm lé esa ó, Zyɛm deʼ Edwan e mpʉn e bwa b'Ɨzraɛl ɨ. Edwan e mpʉn nye a de e, lé é bul mbɨa, laa mpʉn Zyɛm a de e be e. Lé nteme, lé ó e molele ebe monkɛʼ bɨna bé a bi ga ɛ. Monkɛʼ maa, mɨ laa maa mo mpʉn efoʼ é l'embɨa.

Ebrœ̂ 7:25

Ebe no, bʉr o ngo dihle kunokuno e Zyɛm dumo e nye e, nye e nkul edwe be tiʼ molu mo mpoʼ mɨmɛh. Nye ekʉ pɛʼ mobebe mɔɔ mɨmɛh. Mpʉ nye lé edi njʉmdia e njʉmdia ɛ, no nteme ó nye ndɨ e nkul esa Zyɛm mɨnjwɨʼla é l'efu lɔɔ é jɔʼ yiyɛh ɛ.

Galásia 2:16

To kœb ó, bɨna mu lé egʉa ga ó, mʉr, nye aŋa bi mokebe é mih mo Zyɛm ebe mbi nye lé edu motie e. Mʉr, nye ebi mokebe é mih mo Zyɛm ó, ebe taa buʼo nye lé ejyɛʼ boo Yesʉs-Krɨst ɨ. Bɨna bɨ jyɛʼ ga taa buʼo yina nteme boo Krɨst é l'efu ó, bɨna nkʉʼ bi ga mokebe é zi buʼo gwar yaa. Abe e mʉr lé ebi mokebe ebe mbi nye lé edu motie e. Mʉr ákwoʼ bi mokebe é mih mo Zyɛm ebe mbi nye lé edu motie me e.

Yʉanes 14:6

Yesʉs, nye e nye ó: «Me ó ndɨ zi. Me ó ndɨ é l'ocyecye. Me ó ndɨ Etin e tiʼ. Mʉr, nye abe e nkul eto nko Sɔŋ wam ndɨ ɨ, cwɨɨ é nuu zi fih, nkʉ yé abe é me.

Ebrœ̂ 7:11

Dia para bʉr o b'eveh mo Levi, bé a di-di ɨ, yé ó b'a be etin e motie mé a cyelɔ bwa b'Ɨzraɛl ɨ. Nkʉ oLevit baa, bé a be ó be, be e nkul epubo bʉr é mɨpaʼ mimyɛh nɛʼɛ, mpa yé a baaka be e nyɔm ó, nuu para fih dila be, nyɛɛ nteme lé ecyelɔ para é l'esama le opara mo Mɛlkisedɛk. Nye a ngbaa be ó é l'esama le opara mo Arɔn.

1 Timotɛ 1:1

Mɛm Pol lʉmlʉ mo Yesʉs-Krɨst, ó lé etile go kalara nwa. Zyɛm, Tiʼbʉr ga wina, bé e Yesʉs-Krɨst, waa lé egba bɨna ga mbɛla é mɨleme e, bé ó b'a nʉa tiʼa ó, me diʼe lʉmlʉ.

Kolosi 1:27

Zyɛm a be ó si bà jwɨʼ ndɨ e buobuo nyɔm é l'efu lɨn, bʉr o ndɨ abe oYʉden ɨ. Nye a be ó si gwih lwib odim ye ó, lé elɛʼle bʉr be ya. Nye a be si gwɨm ó, bé gʉŋa ye é kpɛhla. Lwib odim yaa, yé ó yi: Krɨst, nye mu ó é bɨn nteme! Mɨleme min, mi loŋlo e mbɛla ó, bɨn bé óbi kum tɨ.

Éfɛsɔs 3:12

É zyɛŋa ga wina boo Krɨst, bɨna mu ó lé ecyɛb ga Zyɛm é mih, abe e bʉa, é zi ejyɛʼ taa buʼo ga yina boo nye. Bɨna ga mu ó e cɨcyel zi lé eto cyɛb é mih me e.

Galásia 3:24

Motie maa, mé a be-be ó mbɔʼlʉ ga wina a liʼle bɨna ga boo Krɨst ɨ. Yé a syɛɛlɨ no ó, bɨna nkʉʼ pʉʼa ga é nkar, sɔba é feerɨ é zi buʼo.

Yʉanes 1:17

Zyɛm a si tiile bɨna ga motie, cwɨɨ é Moyiz. No ó, ncwɨncwɨa we e l'ocyecye byɛɛ, byé a ze é bɨna ga ó, dumo e Yesʉs-Krɨst.

Rôm 7:7

Yé be no nɛʼɛ, bɨna bé ólɛɛ ga é yé? Zê motie mo Moyiz, mé ó sa lé esa ó, mʉr saʼ syem ɨ? Hɨʼɨ, yé abe ba no! Me abe e nkul egʉa sa ndɨ «syem» ɨ, nkʉ yé abe é zi motie maa. Nkʉ motie, mé a be ó be, alɛɛ ó: «Acen mih é sa yoonkan, nkʉ gwɨm ye» nɛʼɛ, mpa me agʉa lɔb esa bɨgwɨma.

Galásia 3:21

Yé be no nɛʼɛ, zê yé lé elɛɛ ó, motie le nkɛʼ mo Zyɛm waa, byé e ziila? Hɨʼɨ, yé abe ba no! Ziila, nye abe tɨ. Nkʉ yé a be ó be, be e lʉʉ etie lé edwe bʉr tiʼ molu mo mpoʼ mɨmɛh nɛʼɛ, mpa bʉr mu ó lé ebi mokebe é mih mo Zyɛm é zi etie laa.

Ebrœ̂ 3:6

To kœb ó, Krɨst nyɛɛ a si cyelɔ é dia Mwan a jala le edi lʉ mbɛr bʉr waa ɛ. Mbɛr bʉr waa, wé ejoʼo nteme ó e nye. ǃƗ mɨleme ga mina si loŋlo e mbɛla, le ekʉ gʉa sa bɨna lé ebuʼla ga, abaawe sɔʼɔ e bʉr nɛʼɛ, bɨna ga ó ndɨ bʉr o mbɛr bʉr we waa.

Ebrœ̂ 7:20

Yʉʉ sɔʼɔ nteme ó yi: cyela Zyɛm a cyel Da é dia para ɛ, wé a be ó, nye osi taare de mɨnkɛla! To kœb ó, é jɔʼ bʉʉ bʉr bɛɛ, bé a nʉa-nʉa dia yaa ɛ, Zyɛm a baade mɨnkɛla.

Ebrœ̂ 11:6

Zyɛm ákwoʼ kpɛl mʉr ndɨ abe e buʼo e. Buʼo ó ndɨ esa ó, bɨna gʉŋa ga ó, Zyɛm, nye ó tɨʼ cyecye. Buʼo nteme ó lé elɛʼle bɨna ga ó, nye edwe myɛna mo embɨa ó, njɨ bʉr o ndɨ edu nye e.

Jacques 4:8

Dihla ga kunokuno e Zyɛm, nye nteme óze gʉʼ bɨn ye kunokuno. Jwɨ̀ŋɨ ga mobo mɨn, bɨn osyɛl o mɨsyem. Puba ga mɨleme min, bɨn bʉr o ndɨ kʉ kwɨh ɨ.