Ebrœ̂ 7:18 - Kálara Zyɛ̌m Edwán é mpʉ̌n

¹⁸ Zyɛm a si gbɛɛ motie mo efoʼ, ebe, mé a baabe e nkul. Mé nteme, mé a baabe bʉr e ma nyɔm.

Kálar Nzyɛ̌m : Ejwán é Sáá

¹⁸ Nzyɛ̌m á si dyɛ̂ʼ metié mé ésôʼ lɨ́ empah, ebě, mé á bé abe e nkul. Mé ntémé, mé á bé abe bʉ̂r e bá mâ nyɔm.

Ebrœ̂ 7:18 ပူးပေါင်းရင်းမြစ်များ

Rôm 8:3

Yé ó no! Ebe, yé a baabana ó, bɨna biʼe tiʼ molu mo mpoʼ mɨmɛh ebe mbi bɨna lé edu ga motie e, ebe, nyʉl bɨpuno ga wina a be ó é cyɛʼ. Sa motie mo Moyiz, mé a baakoʼo lé esa ɛ, Zyɛm nyɛɛ a si bana sa ye. Nye a si ntɨh Mwan we é si nwa, nyʉl we lé ekʉ nwɨɨla e waa ga wina, osyɛl o mɨsyem. Nye a ze é lɔb syem ga wina waa ó, nye ntaʼ, ze pɛʼ we. Zyɛm a si dwe Yesʉs mobe é lɔb syem waa.

Mɨlʉmlʉ 13:39

Bʉr bɨbɛh ndɨ ejyɛʼ taa buʼo yɔɔ boo nye e, bé óbi mokebe é mih mo Zyɛm. Mʉr, nye epɛʼɔ bɨbaa bɨ ebebe bibyɛh, dam be byaa motie mo Moyiz, mé a baakoʼo epɛʼ ɛ.

Ebrœ̂ 7:19

(Ebe, motie mo efoʼ maa, mé a baabe e nkul esa ó, mʉr kuma é l'ombɨmbɨa é mɨpaʼ mimyɛh.) No ó, sa lé elaa motie maa ɛ, yi pyal! Yé ó mbɛla ndɨ bɨna ga é mɨleme e. Wé ó ndɨ esa ó, bɨna dihla ga kunokuno e Zyɛm.

Galásia 4:9

Dam be no, banana, bɨn bɨ gʉa mpaŋ Zyɛm. (Me be lé ejɨ lɛɛ ó, Zyɛm, nyi gʉa bɨn!) Ebe yé bɨn lé eka bâʼle du sikʉlʉ bʉr o si nwaʼ lé ekuhlo, yaa ndɨ abe e nkul ɨ? Ebe yé bɨn lé ebâʼle kpɛl di molʉa mɔɔ ɛ?

1 Timotɛ 4:8

Ebe, pɨʼa nyʉl wɛɛ, wé ó e ma nyɔm é guu paʼ. Edwaabe Zyɛm lɛɛ, lé e nyɔm é nko paʼ bɨsa bibyɛh, ebe, mʉr lé edwaabe Zyɛm ɨ, Zyɛm ódira monkɛʼ nye a liʼe mʉr waa e ma ɛ, é nko paʼ tiʼ yaa banana, to pyal é tiʼ yé óbe pie e l'esie e mbi jɔʼ yi.

Ebrœ̂ 13:9

Gʉa di ga ncye. Abir ga ó, bʉr gomla bɨn é zi fih, é zi mɨmbi bɨsikʉlʉ bé lé elɛʼle, myaa bɨn ndɨ agʉa ɛ. Ncwɨncwɨa mo Zyɛm nye ome ó ndɨ egba bʉr nkul é monyʉl. Yé é mbɨa ó, bɨn biʼe nkul tɨ. Nyɔmlʉ bab lé elɛɛ ó, mʉr, nye ejala le ede é l'efu le edwiibɨ Zyɛm e nye e, nye abe e nyɔm é nko paʼ mo bʉr o lé ede nye e.

Galásia 3:17

Me elɛɛ ó, Zyɛm a si liʼe Abraham e nkɛʼ. Pie e mɨmbu mɨnter mɨnâ e mɨmbu mowʉm molɛl (430), Zyɛm ze tiile oYʉden motie. Motie maa, mé a baabe e nkul egbɛɛ mpʉn Zyɛm a bɛa de e Abraham ɨ. Mé a baabe e nkul elɨr nkɛʼ nye a bɛa liʼe nye e wa ɛ.

Galásia 4:21

Joʼla ga, bɨn bʉr lé elɛɛ ó, bɨn bé emɛʼle bula di é monkara mo mɛra motie e. Lɛŋɨ ga me sa yi: Zê bɨn bé ajoʼo sa motie mo Moyiz lé elɛɛ ɛ?

Galásia 3:15

Obɨɔ ga bam aa! Sa yi, yé ó kʉ be syɛɛla bʉr lé esa-sa ɛ. É jɔʼ mʉr si tile kalara bɨliʼ ɨ, abe e mʉr óka gbɛɛ mɨtila myaa, nkʉ ko lʉʉ ekan tɨ.

Rôm 3:31

É jɔʼ bɨh lé elɛɛ lɔɔ buʼo ga yina ɛ, zê bɨh bé lé egbɛɛ motie ɛ? Hɨʼɨ, yé abe ba no. Bɨh bé elɨl motie maa ó, lɨl lɨlɨ.

Galásia 3:21

Yé be no nɛʼɛ, zê yé lé elɛɛ ó, motie le nkɛʼ mo Zyɛm waa, byé e ziila? Hɨʼɨ, yé abe ba no! Ziila, nye abe tɨ. Nkʉ yé a be ó be, be e lʉʉ etie lé edwe bʉr tiʼ molu mo mpoʼ mɨmɛh nɛʼɛ, mpa bʉr mu ó lé ebi mokebe é mih mo Zyɛm é zi etie laa.