Ebrœ̂ 7:11 - Kálara Zyɛ̌m Edwán é mpʉ̌n

¹¹ Dia para bʉr o b'eveh mo Levi, bé a di-di ɨ, yé ó b'a be etin e motie mé a cyelɔ bwa b'Ɨzraɛl ɨ. Nkʉ oLevit baa, bé a be ó be, be e nkul epubo bʉr é mɨpaʼ mimyɛh nɛʼɛ, mpa yé a baaka be e nyɔm ó, nuu para fih dila be, nyɛɛ nteme lé ecyelɔ para é l'esama le opara mo Mɛlkisedɛk. Nye a ngbaa be ó é l'esama le opara mo Arɔn.

Kálar Nzyɛ̌m : Ejwán é Sáá

¹¹ Dǐ pára bʉ̂r o bó ónzweh mé Levî, bé á didi yɨ́, yé ó b'á be etín é métié mé á tyélɔɔ bʉr o b'Ɨ́zraɛ̂l má. Yé bé oLevît, bé á si lóŋlo syɛ́ɛ́ yɔ́ɔ́ mbɨ̂mbɨá nó, lɛ́ɛ́, yé á bé akǎ be e nyɔm ó, nyʉ́ʉ́ pára swîh dílaa bê, nwɨɨla e Mɛlkisédɛk. Nye ntémé á bé abyɛ̂l ɨ́ mpóʼo mé Árɔn.

Ebrœ̂ 7:11 ပူးပေါင်းရင်းမြစ်များ

Ebrœ̂ 8:7

Nkʉ mpʉn Zyɛm a taare de e bwa b'Ɨzraɛl ɨ, a be ó be, alɨŋa ba nɛʼɛ, mpa nye a baade mpʉn, cwɨɨ é motié mo Yesʉs.

Galásia 2:21

Me abe e nkul epyeh ncwɨncwɨa mo Zyɛm. Yé be ó, mʉr fih mʉr kɛ̀l, nyi pʉʼa é nkar, sɔba é feerɨ ebe mbi nye lé edu motie nɛʼɛ, lɛɛ ó, Yesʉs-Krɨst a kʉ dwè ó, mbɛh!»

Ebrœ̂ 7:21

Zyɛm a de mɨnkɛla é lɔb we ó, é jɔʼ nye a lwib e nye e. Yé ó tila ó: «Da a si de mɨnkɛla. Nye aŋa siila tiʼa nye a nʉa ɛ. Nye a lɛɛ ó: “Go ódi para ó njʉmdia e njʉmdia.”»

Ebrœ̂ 7:15

Sa bɨh lé elɛɛ ɛ, ocyecye o tɨ, wi nyin bʉr é mih é pono, ebe, para fih mu ó si pyal é l'efu le esea syɛɛ yaa, nye nteme lé ecyelɔ mpʉ Mɛlkisedɛk a cyelɔ ɛ!

Ebrœ̂ 5:6

É yʉʉ peh Kalara Zyɛm fih, Zyɛm a lɛɛ nteme ó: «Go ódi para ó njʉmdia e njʉmdia. Go ó é l'esama le opara mo Mɛlkisedɛk.»

Galásia 4:9

Dam be no, banana, bɨn bɨ gʉa mpaŋ Zyɛm. (Me be lé ejɨ lɛɛ ó, Zyɛm, nyi gʉa bɨn!) Ebe yé bɨn lé eka bâʼle du sikʉlʉ bʉr o si nwaʼ lé ekuhlo, yaa ndɨ abe e nkul ɨ? Ebe yé bɨn lé ebâʼle kpɛl di molʉa mɔɔ ɛ?

Ebrœ̂ 6:20

É tiʼe yaa ó Yesʉs a ni ɨ. Nye a si ni efoʼ e bɨna ga, ze to é mih mo Zyɛm é l'efu ga lɨna. Nye mu bɨna ga ó Njwɨɨ opara é l'esama le opara mo Mɛlkisedɛk. Nye ódi nteme ó no njʉmdia e njʉmdia.

Ebrœ̂ 5:10

No ó Zyɛm a cyel nye njwɨɨ opara é l'esama le opara mo Mɛlkisedɛk ɨ.

Galásia 4:3

Jwɨʼ gwar e gwar yaa nteme, bɨna bé a be ga ó, mpʉ bwɔɔncyom. Bɨna bé a di ga é dia olʉa ó, bɨna duʼo ga sikʉlʉ bʉr o si nwaʼ lé ekuhlo e.

Ebrœ̂ 7:10

Ebe, mpʉ Levi a be, apa byɛl ɨ, yé a be ó mpʉ sa lɛɛ ó, nye a be ó, nye dina é nyʉl mo sɔŋ mpam we Abraham tʉŋlʉ é jɔʼ Abraham bé e Mɛlkisedɛk, bé a bɔma ɛ.

Ebrœ̂ 7:12

Yé be ó, lɨʼ esama le opara, lé mu ó si siila lʉʉ nɛʼɛ, yé ekʉ jala nteme ó, yé beʼ ndwe e modwan motie.

Ebrœ̂ 7:13

Bɨna bé egʉa ga ó, mʉr lé elwibɔ é lʉ we e, a baabyɛl é l'eveh mo Levi. Nye a byɛl ó, é l'eveh efih. Yé abe e mʉr eveh laa a cyelɔ é dia ediʼ mɨndwɛa é taa mɨndwɛa.

Ebrœ̂ 9:6

Jɔʼ bé a sil komlo bɨsa byaa bibyɛh ndwe le etaʼ bye é bɨcye byɔɔ ɛ, opara bɛɛ ze taare lé eni-ni é l'Epɛn ndɨ e l'ekɛn ɨ. Bé a dɨ sa no ó, é tititi, lé eto le eloŋlo syɛɛ yɔɔ gʉ.