Ebrœ̂ 6:4 - Kálara Zyɛ̌m Edwán é mpʉ̌n

^4-6 Bʉr o b'a taare kʉnɔ mɨmbah, bé a be ó lé etaare bi-bi mɨndwɛa lé eduho é jobo kʉ ɨ. É til molu yaa, Mbɨambɨa Sisim, bé e boo nɔɔ ó b'a be-be. Bé a be nteme ó, lé ejoʼo-joʼo lɔɔ Zyɛm ndɨ é bul mbɨa ɛ, joʼo monwam mo tɨ. Bɛɛ, bé a si taare dweŋɔ mbi nkul óka kabɔ pie e l'esie e mbi jɔʼ yiʼ ɨ. É jɔʼ mbi bʉr baa ka lɨŋa é buʼo e, bé abe e nkul ebâʼle gbɛlɔ, ó bé óbula gwɨma mobebe mɔɔ, le edwir mɨleme myɔɔ, ebe, bé bʉr o tɨ, bɨ kʉ gbaa ó, bé ócyèl Mwan mo Zyɛm é klos é jɔʼ mba, le esa ó, nye bul lwɨɔ é nkɛŋlɛm.

Kálar Nzyɛ̌m : Ejwán é Sáá

⁴ Nó ó, bʉr o b'á nyɛɛ kʉnɔɔ mimbah bá, bé á be lɨ́ enyɛɛ́ bibi míndwéá mi dí eduho ɨ́ jʉ́o kʉ́ mí. Ɨ́ jɔʼ yaá, Sísǐm mé Nzyɛ̌m bé e boo nɔ́ɔ́ ó b'á bɨbe.

Ebrœ̂ 6:4 ပူးပေါင်းရင်းမြစ်များ

Mataos 5:13

«Bɨn ó ndɨ ekpa e si nwa. Sa gwar, ǃɨ ekpa, lé si dimle mojómo me nɛʼɛ, bé óka bula dwe le mojómo nyá ɛ? Yé ókʉ ka liʼ sɔʼɔ njɨ ó, lé sʉŋɔ kʉl, bʉr tíile le e mokʉ.»

Yʉanes 15:6

Mʉr bɨh e nɔɔ ndɨ abe é zyɛŋa ɛ, nye ómyahɔ kʉl mpʉ lɔɔ rezɛŋ ndɨ agumo e, wé lé emyahɔ ɛ. Wé efwâh. Bé ntɔʼ syɛŋ mɨlɔɔ myaa, é syɛŋ, syɛŋ, guho mye é l'ebeʼe e siʼe. Myé ntɔʼ sie lé ediʼe.

Éfɛsɔs 2:8

Ebe, bɨn bé a bi tiʼ molu mo mpoʼ mɨmɛh ó, é zi ncwɨncwɨa mo Zyɛm, é zi buʼo. Tiʼ yaa, yé aduho é bɨn bʉr o tɨ. Yé ó etʉm Zyɛm a ntɨh bɨn ɨ.

Yʉanes 3:27

Yʉanes, nye e be ó: «ǃƗ Zyɛm si bene lé edwe mʉr sɔʼɔ nɛʼɛ, nye abe e nkul ebi ye.

Ebrœ̂ 10:32

Toŋla ga mpʉ bɨn bé a be, é jɔʼ bɨn bé a kʉnɔ myɛn tiʼ ɨ, bɨn ze baran e mɨtuu e mɨndɛl le ekʉ dihbe.

Mataos 12:45

Yé ntɔʼ ze bâʼle to, to nʉa mɨsisim mɨfih tambɛl, myaa ndɨ é laŋle bebe e. Myé e boo nɔɔ ntɔʼ bula nye ye, ze komlɔ odia wɔɔ é mʉr waa tʉŋlʉ. É jɔʼ nɨ, tiʼ mʉr waa a sia e ye e, yé óbula bebe-bebe beba, laa mbi yaa efoʼ, yé a taare be e. Mbi ngwar e ngwar waa nteme ó, yé óbe é l'efu e bɨbɨbla bɨ bʉr o mya wiʼ ɨ.»

Galásia 3:2

Me ódî bɨn tia ngwar nwa: Zê Zyɛm a ntɨh bɨn Sisim we ó, ebe mbi bɨn lé edu motie wi ɛ? Zê nye a ntɨh bɨna ga wa ó, ebe buʼo bɨn bé a bi lé ejoʼo Mbɨambɨa Lɔɔ bé a lɛɛ bɨn wi ɛ?

2 Timotɛ 2:25

Yé ejala ó, nye gʉa tɨe bʉr o ndɨ edo e nye e, e njwɨr é tala tala. ǃNye si sa no nɛʼɛ, Zyɛm óbɛm cyɛb be é mɨleme, ó bé gwɨma mobebe mɔɔ, le edwir mɨleme. Bé ògʉa ocyecye é jɔʼ yaa.

1 Yʉanes 5:16

Yé be ó, mʉr, nyi bee mɨɔ we lé esa syem, gʉa nteme ó, mbi syem waa, wé abe lé esa ó, mʉr dwèʼ amboʼlonkono nɛʼɛ, nye jwɨʼla e Zyɛm é l'efu le. Zyɛm ókʉ tiʼ mɨɔ we waa. Yé e nyɔm ó, é nko paʼ mo mɨɔ ndɨ si sa mbi syem ndɨ abe lé esa ó, bʉr dwèʼ amboʼlonkono e. Sa gwar, guu mbi syem, wé yɛɛ ó tɨ, waa lé eto e mʉr é l'efie cyecye e. Me alɛɛ ó, bɨn jwɨʼla e Zyɛm é l'efu e mbi mʉr lé esa syem é mbi waa ɛ.

Ebrœ̂ 2:4

Zyɛm, nyi ze boʼlo nteme ó, mpaŋla waa, nye ó cyecye, ebe, nye a si ntɨh bɨdweʼle bɨ nkul we, e bɨsa bɨ jehe ndwe e mosima mɨmbi mɨmbi, to kumo kuma e mɨndwɛa Mbɨambɨa Sisim lé entɨh bɨna ga ɛ, du mpʉ nye lé egwɨm sa ɛ.

1 Timotɛ 4:14

Anyamle pyeh ndwɛa go, waa Zyɛm a dwe go é jɔʼ ocyɛb be efoʼ o mbɛr Zyɛm win, bé a kɛl go mobo, le egwih mɨlɔb mo Zyɛm é l'efu lo e.

Mɨlʉmlʉ 11:17

To kœb ó, Zyɛm a si dwe nteme be sa gwar e gwar nye a taare dwe bɨna ga é jɔʼ bɨna bé a jyɛʼ ga taa buʼo ga yina boo Da Yesʉs-Krɨst ɨ. É syɛɛla ye yaa, me a baangbaa kamle nye lé edwe be Sisim we.»

Éfɛsɔs 4:7

Bɨna ga bɨbɛh, bé a be ó si bi mɨndwɛa mɨmbi mɨmbi lé edu mpʉ Krɨst nyɛɛ lé entɨh bɨna ga mya ɛ.

Éfɛsɔs 3:7

Zyɛm a si kʉ bul sea e nkul é me tʉŋlʉ, ebe ncwɨncwɨa we. Bwaʼbwaʼ etʉm nye a ntɨh me e, lé ó dia syɛl mosa we me ndɨ tɨʼ ɨ. Syɛɛ me lé esea nye e, yé ó etuno Mbɨambɨa Lɔɔ.

Mɨlʉmlʉ 10:45

Obuʼla bé e boo Pyɛr bé a ze, baa b'a saŋɔ mpʉn ɨ, bé a si bul laŋle jehe lé ebee bʉr o ndɨ abe oYʉden ɨ, lé ebi Mbɨambɨa Sisim nteme.

Mɨlʉmlʉ 8:20

Pyɛr ze lɛɛ e nye ó: «Bɨn e mɔn yo bɨbɛh dimɨ é jɔʼ gwar, ebe, go si bana jwɨʼ ó, Zyɛm ónol mʉr bɨntɔɔ bye ó, é ziila bɨmɔn!

Yʉanes 6:32

Yesʉs, nye e be ó: «Me elɛɛ bɨn cyecye ó nɛɛ: ntʉʼ Moyiz a dwe bɨn mpaŋ mode mé a duho é jobo kʉ ɨ. Sɔŋ wam ó lé entɨh mpaŋ mode lé eduho é jobo kʉ ɨ,

Galásia 3:5

Ebe no, é jɔʼ Zyɛm lé entɨh bɨn Sisim we, le esa mosima paʼra win ɨ, zê nye lé esa no ó, ebe mbi bɨn lé edu motie wi ɛ? Zê yé a be ó, ebe, bɨn bé a si buʼla Mbɨambɨa Lɔɔ bɨn bé a joʼo e?

Mɨlʉmlʉ 15:8

No ó, Zyɛm, waa lé egʉa mɨleme mɨ bʉr ɨ, a si kʉ lɛʼle ó, nyi mɛʼle be, ebe, nyi ntɨh be Sisim we é mbi nye a ntɨh bɨna ga wa ɛ.

Yʉanes 4:10

Yesʉs ntɔʼ lɛɛ e nye ó: «Nkʉ go be ó be, gʉa etʉm Zyɛm lé entɨh-ntɨh bʉr ɨ, ndwe e mʉr lé ejaʼ go modibe nɛʼɛ, mpa go ô jaʼ nye modibe lé esah ɛ. Nye si ngbaa dwe nteme go ma.»

2 Timotɛ 4:14

Alɛksandros, ndɨ lul molul ɨ, a si bul sa me ebebe. Da Yesʉs óbala bɨsyɛɛla bye byaa.

Rôm 1:11

ebe, me ejoʼo dweh ebee bɨn é l'efu le eliʼe bɨn e byʉʉ bɨntɔɔ Mbɨambɨa Sisim lé enol bɨna ga ɛ, ó bɨn nʉŋa pim é buʼo.

2 Korɛnt 4:4

Bʉr o ndɨ abuʼla ɛ, bé abe e pɨʼ ndɨ ó, bé joʼa lɔɔ wih, ntɔʼ buʼla we, ebe, Njwɨɨ mbi jɔʼ yiʼ a si dimle be pɨʼ. Nye esa no ó, nye kamla be lé ebee mɨmbah lé epan, duho é moncɛnba mo Krɨst ɨ. Nye ebene ó, bé amu bee moncɛnba maa é zi Mbɨambɨa Lɔɔ mo Yesʉs, bé ntɔʼ gʉa ó, Yesʉs ó ndɨ bana kʉ be gulo mo Zyɛm.

2 Korɛnt 4:6

Ebe, Zyɛm a lɛɛ ó: «Myɛn, wé pana, duho é l'edurʉ tʉŋlʉ.» Waa a lwib no e, a sa nteme ó, myɛn pana é mɨleme ga mina tʉŋlʉ. Myɛn waa ó lé esa ó, bɨna beŋɨ ga moncɛnba mo Zyɛm lé ebee Krɨst nye mʉr tɨ.

Éfɛsɔs 1:18

Nye bɛŋɨ bɨn mih, maa ndɨ bɨn é mɨleme tʉŋlʉ ɨ, ó bɨn biʼe mbɛla ɨ mɨleme é l'efu e motʉm Zyɛm lé ekomo baa nye a jebe e. Bɨn gʉŋa nteme tiʼ molu mo mpoʼ mɨmɛh bɨn bé óbi, jala e mopoʼ min ɨ. Nye ekomo mopoʼ monɨ ó, é l'efu le edwe mɨsaŋ mɨ bʉr be.