Ebrœ̂ 6:2 - Kálara Zyɛ̌m Edwán é mpʉ̌n

² edu sikʉlʉ lé edwɛʼ mpʉ bé lé enʉa mɨndubo e, egʉa mpʉ bé lé ekɛl bʉr mobo e, egʉa mpʉ odwè, bé ópàh é foo e, le egʉa mpʉ Zyɛm ótiʼe bʉr mɨlɔb etiʼ le epihe e.

Kálar Nzyɛ̌m : Ejwán é Sáá

² milɛ́ʼlá mi dí edwɛ̂ʼ míndubó mí, myaá mi dí edwɛ̂ʼ kɛlá mébô mí, nkʉ̂ ɨ́ lɔ̌b pahá ódwe, nkʉ̂ ɨ́ tíʼá mílɔ̌b, waá mésíé.

Ebrœ̂ 6:2 ပူးပေါင်းရင်းမြစ်များ

Mɨlʉmlʉ 6:6

Bʉr o mbɛr Zyɛm ntɔʼ cyel be é mih mɨlʉmlʉ. Myé ze jwɨʼla e Zyɛm, le ekɛl be mobo é mɨlʉ.

Mɨlʉmlʉ 24:25

Pol ze taare lé eyeʼle nye mɨlɔb mo Zyɛm, taare é mpʉ mʉr lé ejala le ekœʼ ebò e cyen é l'ocɨcyel ɨ, le mpʉ mʉr lé ejala le emɛr leme é lɔb ebebe e, to pyal é mbi Zyɛm ótiʼe bʉr bɨbɛh mɨlɔb ɨ. Felik ntɔʼ joʼo bʉa. Nye e nye ó: «Go ejala le efiʼ é banana! É jɔʼ me óbe e l'epʉla ɛ, me óbaŋle go.»

Mɨlʉmlʉ 23:6

Sa gwar, é jɔʼ Pol a ka gʉa ó, bʉr o Bʉm Nɨnɨ, bé a be ó monkɔm moba, oSadwisyɛŋ, nwaʼ nkɔm, oFarizyɛŋ, nuu ɨ, no ó nye a lwib lé eyɨm twii é mih mo bʉr o Bʉm Nɨnɨ. Nye ó: «Obɨɔ ga bam ɔɔ! Me wâʼ ó Farizyɛŋ ɔɔ! Oda, bé a be nteme ó, oFarizyɛŋ ɔɔ! Leme wam, wé ó lwɨŋla e mbɛla ó, odwè, bé ópàh ɔɔ! Yé ó ebe mbɛla waa ó me lé ecyɛb tɨʼ é nkar wiʼ yi ɔɔ!»

Mɨlʉmlʉ 17:18

Oyeʼle o Epikʉrʉs ndwe e baa o Stoyɨke, bé a be ó lé edo e Pol. Baʼ, lé edîila é lʉ we ó: «Agologolo nwa, nye epa kʉ gwɨm lɛɛ yé?» Bʉʉ, bé a lɛɛ-lɛɛ ó: «Yé ó mpʉ sa cɨŋɔ ó, nye elɛʼle bɨna ga ozyɛm o guu lal fih.» Bé a lɛɛ no ó, ebe, nye a be ó lé elɛɛ Mbɨambɨa Lɔɔ lé etiibe e Yesʉs, ndwe e pɛ̀ha foo we e.

Mɨlʉmlʉ 16:33

Mbɔʼlʉ waa ze nʉa be é l'ewala e pum laa, ze jwɨ̀ɨ be mopɨɨ. Jɨh tɨʼ nye a kʉ sil jomo be mopɨɨ, nye mʉr tɨ, bé e mbɛr bʉr we wiwɛh, bé ntɔʼ ze nʉa ndubo.

Mɨlʉmlʉ 16:15

Nye ze nʉa ndubo, bé e mbɛr bʉr we nteme. No ó nye a ze jwɨʼla e bɨh ó: «ǃBɨn si mɛʼle ó, me ó é zyɛŋa wih boo Da Yesʉs, le mʉr ebuʼla nɛʼɛ, ntaʼ, ze ni ga be ɨ modwii mam.» No ó nye a yɨm bɨh ó, bɨh mɛʼla ɛ.

Mɨlʉmlʉ 10:47

«Zê mʉr, nye e nkul eka kamle bʉr baʼ lé enʉa ndubo modibe ɛ? Banana, bé mu ó lé ebi Mbɨambɨa Sisim nteme, jwɨʼ gwar mpʉ bɨna ga!»

Mɨlʉmlʉ 2:41

Buobuo bʉr é sama yɔɔ, bé ntɔʼ mɛʼle sa Pyɛr a lɛɛ ɛ, ntɔʼ nʉa ndubo. É moho waa, bʉr kwoʼ be otɔɔyin olɛl, bé a si ni é l'esama le obuʼla.

Mɨlʉmlʉ 2:38

No ó Pyɛr a bɨha e be ó: «Gwɨma ga mobebe mɨn. Bɨn bé à dwir mɨleme. Mʉr nyiwɛh é sama yin, nye nʉŋa ndubo é nkul die mo Yesʉs-Krɨst, ó Zyɛm pɛʼɛ nye bɨbaa nye lé eniʼe é lɔb mɨsyem mye e. No ó bɨn bé òka ntɨhɔ Mbɨambɨa Sisim, sa Zyɛm a bɛa kɛʼ bɨn ɨ,

Yʉanes 1:33

Mɛm mʉr tɨʼ a baataare gʉa nye. No ó, Zyɛm, waa a lomo me ó, me ntaʼ, ze dù bʉr e modibe e, a tɨe me ó: “Mʉr go óbee Sisim wam fulo, ze bebre nye é nyʉl ɨ, mʉr waa ó ndɨ edù bʉr é Mbɨambɨa Sisim.”

Markus 16:16

Waa ójyɛʼ taa buʼo ye boo me, ntɔʼ nʉa ndubo e, nye óbi tiʼ molu mo mpoʼ mɨmɛh. Waa óbe, ajyɛʼ taa buʼo ye boo me e, nye ókabɔ bɨntɨʼa ndɨ é laŋle bebe e.

Mataos 28:19

Ebe no, toʼ ga é si nwaʼ nyiwɛh. Bɨn bé à sa bɨkul bibyɛh ompʉn bam. Bɨn bé òdù be é die mo Sɔŋ e Mwan ndwe e Mbɨambɨa Sisim.

2 Pyɛr 3:7

Lwib mo Zyɛm gwar e gwar yaa ó ndɨ ebaʼle jobo, le ejyoo le si nwa. Yé ódɨ baʼle bye ó, to pyal é dobo le etiʼ e mɨlɔb. Byé òdiʼɔ. Bʉr o ndɨ adwaabe Zyɛm ɨ, bé ódim cyecye é moho waa.

Ebrœ̂ 11:35

É zi buʼo yɔɔ, bʉʉ bʉba, bé a bâʼle beŋle bʉr bɔɔ bé a taare dwè, ka pàh é foo e. Bʉʉ bʉr bɛɛ, bé a si sia e bɨntɨʼa, amɛʼle ó, bé pɛʼɔ é dia olʉa yɔɔ, ebe, bé a kpɛl ó, bé pàha é foo, bé nkʉʼ bi tiʼ ndɨ é bul mbɨa ɛ.

Ebrœ̂ 9:10

Zyɛm a nʉa tiʼa ó, bʉr, bé ódu mbi motie myaa ó, to pyal é jɔʼ nye óka komlo mozi bʉr, bé ójala le edu ɨ. Motie mo efoʼ monɨ, mé a kʉ dwɛʼ ó, njɨ bɨsa bɨ tiʼ mʉr kaʼ si. Mé a lɛʼle nye ó, mɨmbi monyɔmlʉ le monyʉla myé a jala le edeŋɔ ɛ, ndwe mpʉ bʉr lé ejala le edubo bɨsɔʼɔ é modibe lé epub bye e.

2 Timotɛ 2:18

Bé a gʉmla ó, é bebebebe zi, bé osi gwaʼ lé eka buʼla ocyecye. Bé elɛɛ ó, Zyɛm, nyi bɛa pɛ̀h bʉr é mofoo. Lɔɔ wɔɔ waa, wi sa ó, bʉʉ obuʼla, bé duma é nko paʼ buʼo yɔɔ.

Kolosi 2:12

É zi ndubo bɨn bé a nʉa ɛ, bɨn bé a si debe, bɨn e boo Krɨst é jɔʼ gwar e gwar yaa, bɨn e boo nɔɔ nteme ntɔʼ pàh, ebe, bɨn bé ebuʼla nkul nɨnɨ mo Zyɛm Sɔŋ, mʉr a pɛ̀h nye é foo e.

Filipi 3:21

ntɔʼ dwir bɨsa monyʉl ga bina bi. Monyʉl ga mɨna, mé òka nwɨɨla e nyʉl we ndɨ e kum ɨ. Nye e buobuo nkul ndɨ esa ó, bɨsa bibyɛh, byé saʼ nye mojoʼo e.

1 Korɛnt 12:13

Bɨna ga bɨbɛh bé a si nʉa ndubo ngwar, ntɔʼ ka di nyʉl ngwar é zi Sisim ngwar. Sisim ngwar ó b'a ze di é mɨleme ga mina. Bɨna ga bé ó jwɨʼ gwar yaa, mʉr dam be Yʉden, nkʉ mʉr kul fih, nye dam be elʉa, nkʉ mʉr ndɨ é dia otî ɨ.

1 Korɛnt 10:2

Bɨbɛh, bé a si syɛŋa é Moyiz é jɔʼ bé e boo nɔɔ, bé a kœʼ é nkur tʉŋlʉ, le é jɔʼ bé a ntaa maŋ ɨ. Tɨʼ ó bé a ze nʉa ndubo é Moyiz ɨ.

Rôm 2:16

Sa me lé elwib lɔb we wâʼ ɛ, yé ónyin é pono é dobo le etiʼ e mɨlɔb. Mɨlɔb myé ótiʼ ó, é zi mo Yesʉs-Krɨst. Bɨsa ndɨ bʉr baa é mɨmo si ɨ, nye óka lɛʼle bibyɛh é kpɛŋlɛm. Mbɨambɨa Lɔɔ me lé elɛɛ ɛ, wé ó no.

Mɨlʉmlʉ 26:8

Ebe yé bɨn oYʉden ndɨ abuʼla ó, Zyɛm, nye epɛ̀h bʉr é mofoo ɛ?

Mɨlʉmlʉ 24:21

Sa bé ndɨ bɛm lɛɛ go e, yé óbe ó mpʉ me a lwib lé eyɨm twii é mih mɔɔ ó: “Me ebuʼla ó, odwè, bé ópàh! Ebe no ó me lé ecyɛb wâʼ é mih mɨn é nkar ɨ!”»

Mɨlʉmlʉ 24:15

Bɨh bʉr o tɨ, mɨleme mih boo nɔɔ, myé ó lwɨŋla e mbɛla é nko paʼ Zyɛm. Bɨh bé ebuʼla ó, nye ópɛ̀h bʉr, taare é l'ocɨcyel o bʉr, to pyal é l'ozyɛhozyɛh o bʉr.

Mɨlʉmlʉ 4:2

Bé a be ó é bul duo mɨleme, ebe, Pyɛr bé e Yʉanes, bé a be ó lé eyeʼle bʉr ndwe le etuno ó, Zyɛm a si pɛ̀h Yesʉs é foo!

Yʉanes 5:29

bé ntɔʼ pàh é mofoo e. Baa b'a sa embɨa ɛ, bé ópàh, ntɔʼ bi tiʼ molu mo mpoʼ mɨmɛh. Bʉr o b'a sa ebebe e, bɛɛ, bé ópàh nteme, ntɔʼ tiʼɔ mɨlɔb le edweŋɔ mobe.

Lʉkas 14:14

ǃGo si sa no nɛʼɛ, go ósʉŋɔ mocyɛʼ mo mpom, ebe, bé abe e nkul ebuulo go embɨa lo enɨ. Embɨa laa, lé óka buulɔ ó, é moho ocɨcyel o bʉr, bé ópàh ɛ.»

Lʉkas 12:50

Me a ze ó, me nʉŋa ndubo wam. Leme wam, wé ó kʉ é cyèl, to pyal é jɔʼ ndubo waa, wé óbe si syɛɛlɨ ɨ.

Lʉkas 11:38

Farizyɛŋ ntɔʼ jehe Yesʉs nʉm mbeʼ lé ebee ó, nye a bana ze é dina ó, apa jwɨ̀ɨ mobo.

Lʉkas 3:16

Yʉanes ze lɛɛ e bɨbɛh ó: «Mɛm, me edù bɨn ó e modibe. Sa gwar, mʉr ndɨ e nkul mojwɨ̀ʼa, laa me e, nye eze. Me abe mbi mʉr lé ejala le etii nye mɨkol mɨ osilpah be e. Nyɛɛ, nye ódù bɨn ó é Mbɨambɨa Sisim ndwe e siʼe.

Markus 7:8

Yesʉs ntɔʼ ko tɨʼ ó: «Bɨn bé ekʉ bene mɨtiila mo Zyɛm, ka kpɛl du-du sɔʼɔ, njɨ motum bɨmpam bin, byé a ntɛŋ bɨn ɨ.

Markus 7:4

É jɔʼ bé lé ebula-bula lé eto bwam bɨsɔʼɔ é mobɨm bɨnkana ɛ, bé abe e nkul ede, apa sa ndubo mobo mpʉ oYʉden lé elɛɛ ɛ. OFarizyɛŋ, bé ebaʼle myʉʉ mɨnjwɨr mɨfih, mpʉ myaa lé elɛʼle mpʉ mʉr lé ejala le efuʼro mompele, mɨkaʼ, le mompɨ bɨnkoho mbɨmbɨa ɛ.

Mataos 3:14

Sa gwar, Yʉanes a si ngbaa taare ebene. Nye e nye ó: «Da, yé ejala ó, gwɔɔ dùʼo me, abe ó, go ntaʼ ó mɛm dùʼo go!»

2 Korɛnt 5:10

Ebe, bɨna bé ó yɨma ó, bɨna pyala ga é mih mo Krɨst é dia tiʼà mɨlɔb ye. Mʉr nyiwɛh óbi myɛna nkʉ ntɨʼa ó, du mpʉ bɨsyɛɛla bye, byé a be nye é jɔʼ nye a be, nye dina é tiʼ si nwaʼ ɛ: nkʉ byé a be ó é mbɨa, nkʉ ó, byé a be ó é bebe.

Mɨlʉmlʉ 13:3

É jɔʼ bé a be, bé osi ti mode ndwe le esa Zyɛm mɨnjwɨʼla ɛ, bé ntɔʼ kɛl be mobo, le ebir be ó, bé toʼ.