Ebrœ̂ 6:19 - Kálara Zyɛ̌m Edwán é mpʉ̌n

¹⁹ Mbɛla waa, wé ó waa ebuʼlɔ. Wé emɛr mɨleme ga mina ó, mpʉ monkwab bɨnkoho lé emɛr titima é sʉm dibe é larada ɛ. Wé ó mpʉ kol lé entaa kan ebe é l'odia mo Zyɛm tʉŋlʉ ɨ. Guu odumo o kol waa, wé ó tiila é Tiʼe ndɨ e l'ekɛn é buobuo e.

Kálar Nzyɛ̌m : Ejwán é Sáá

¹⁹ Mpûʼla nyaá, nye lɨ́ esúʼo míléme gá míná e nkul. Nyé abá tyɛ̂b. Nyě súʼó mílémé gá míná ó, ɨ́ kpɨ́ɨ́ɨ́ mpʉ̌ kǒl dí emɛ̂r byɛ̂l ɨ́ sʉ̌m díbé wɨ́. Mpûʼla nyaá, nye ó mpʉ̌ kǒl dí entaǎ kán ébê dí tyelá ɨ́ mpáh Nzyɛ̌m wɨ́. Wɨ̂ʼ ódumo ó kǒl waá, wê tyeelá ó, ɨ́ mɨná gâ. Gúú ódumo wɨ́ɛ, wé ó ɨ́ gúmó dí tí yɨ́, ɨ́ mpáh Nzyɛ̌m tʉ́ŋlʉ̌.

Ebrœ̂ 6:19 ပူးပေါင်းရင်းမြစ်များ

Ebrœ̂ 9:7

Sa gwar, njwɨɨ opara nye ome ó b'a ni-ni é Tiʼe yé a be e l'ekɛn é buobuo e. Nye a kʉ ni-ni tɨʼ ó, njɨ é jɔʼ gwar é mbu. Nye a to-to gʉʼ ó e fua motié mo otir, ó Zyɛm nkʉʼ pɛʼ bɨbaa bɨ ebebe nye a pa niʼe e: le byaa mo para, é lɔb mɨsyem mye nye mʉr tɨ, ndwe e byaa bɨ bʉʉ bʉr é lɔb mɨsyem bé a sa, bɛɛ l'agʉa ɛ.

Ebrœ̂ 9:3

Yé ó e guu kan ndɨ ela ebe e. Wiha kan ebe, wé ó waa mba para a be lé ebɔma e we é jɔʼ nye a ni é Saʼ Nɨnɨ mo Zyɛm ɨ. É kan ebe waa pihe, yé a be ó e tiʼe yé a be die ó, Tiʼe ndɨ e l'ekɛn é buobuo e.

Mataos 27:51

É jɔʼ yaa, kan ebe, wé a be-be cyèla é Mpah Zyɛm tʉŋlʉ ɨ, wé ntɔʼ nyɛɛ é wɛɛɛb bɨpeh bɨba, taare kʉ, pyal si. Si a be ó si ncyeŋa, mokoʼ dɨ bʉl,

Kolosi 3:1

Ebe no, é mpʉ bɨn e boo Krɨst mu ó si pɛ̀hɔ é mofoo e, gʉŋa ga ó, bɨn bé ejala le esaa bɨsa ndɨ é jobo kʉ ɨ. Byé ó é gumo Krɨst lé edi é mbo ejʉm mo Zyɛm ɨ.

2 Timotɛ 2:19

Dam be no, nkan Zyɛm a cyel ɨ, nye dina ó, lé ecyɛb é nkʉʼʉ. Mokan nye a tile e nkan waa ɛ, mé ó ma: «Da, nye egʉa baa ndɨ baa be e.» Mʉʉ mo tɨ, mé ó: «Mʉr lé etɨʼ bɨr, le elɛɛ ó, nye ó ndɨ waa mo Da ɛ, nye ejala le esyɛhle sa ndɨ ozyɛhozyɛh ɛ!»

Mɨlʉmlʉ 27:29

Bé a kpɛɛ ó, titima yɔɔ, yé amu jaa mɛʼa é mokoʼ. Ebe no ó bé a to é ndʉa é titima, ntɔʼ fil monkwab bɨnkoho bɨnâ é modibe e. Pie tɨ, bé a fuo ka gwɨm njɨ ó, mɛn, wé lama.

Rôm 4:16

Ebe no ó Zyɛm a dwe Abraham bé e l'onta be, tiʼ molu mo mpoʼ mɨmɛh ebe taa buʼo bé a jyɛʼ boo nye e. Tiʼ molu mo mpoʼ mɨmɛh Zyɛm a kɛʼ bɨna ga ɛ, yé ó sa lé elɛʼle ncwɨncwɨa we e. Nkɛʼ waa, wé ó sa ebuʼlɔ é paʼ bʉr o mpoŋbʉr mo Abraham bɨbɛh. Yé a baadwɛʼ njɨ mʉr a du motie e. Yé a dwɛʼ nteme ó, mʉr a be e buʼo gwar mo Abraham ɨ. Yé ó, ebe, Abraham, nye ó sɔŋ ga wina, bɨna ga bɨbɛh.

Mɨlʉmlʉ 27:40

Bé ntɔʼ tiʼɔ okulu bé a mɛr-mɛr titima gumo gwar ɨ, liʼɔ monkwab bɨnkoho tɨʼ é modibe. É jɔʼ yaa nteme ó bé a tii okulu bé a sa-sa ó, titima dwibra ɛ. Bé ntɔʼ bɨn kan é titima nko ndʉa, lé ecen titima nko ebʉm laa.

Ebrœ̂ 4:16

Ebe no, bɨna dihla ga kunokuno e dia taʼa ye, abaawe sɔʼɔ e Zyɛm. Mɨleme ga mina, myé diʼe mɨlwɨŋla e mbɛla ó, bɨna bé óbi ga njwɨʼa-nkoo ndwe e ncwɨncwɨa. ǃBɨna si to ga é dia taʼa ye no nɛʼɛ, bɨna bé óbi ga ncwɨncwɨa é jɔʼ yé óbul jɨŋɔ ɛ.

Éfɛsɔs 2:6

Zyɛm a si pɛ̀h bɨna ga e boo Yesʉs-Krɨst é mofoo, ntɔʼ dil bɨna ga e boo nɔɔ é dia taʼa é jobo kʉ, é zyɛŋa wina boo Krɨst.

1 Korɛnt 15:58

Ebe no, obɨɔ o kpɛl bam aa! Cyɛba ga é nkʉʼʉ. Gbaʼ ga monyʉl lé esea syɛɛ mo Da Yesʉs é jɔʼ yiyɛh. Gʉŋa ga ó, syɛɛ bɨn lé esea nye e, yé ákwoʼ dwè ntuʼ.

Mɨlʉmlʉ 23:6

Sa gwar, é jɔʼ Pol a ka gʉa ó, bʉr o Bʉm Nɨnɨ, bé a be ó monkɔm moba, oSadwisyɛŋ, nwaʼ nkɔm, oFarizyɛŋ, nuu ɨ, no ó nye a lwib lé eyɨm twii é mih mo bʉr o Bʉm Nɨnɨ. Nye ó: «Obɨɔ ga bam ɔɔ! Me wâʼ ó Farizyɛŋ ɔɔ! Oda, bé a be nteme ó, oFarizyɛŋ ɔɔ! Leme wam, wé ó lwɨŋla e mbɛla ó, odwè, bé ópàh ɔɔ! Yé ó ebe mbɛla waa ó me lé ecyɛb tɨʼ é nkar wiʼ yi ɔɔ!»

Rôm 4:18

Sa Abraham a baajala le ebuʼla ó, yé e nkul epyal ɨ, nye a si buʼla sa gwar e gwar yaa e mbɛla wé a be nye é leme e. Nye ntɔʼ fuʼla sɔŋ buobuo bɨkul. Zyɛm a kɛʼ nye ó: «Mpoŋbʉr go óbuo, jala e baatwitwɛn.»

Rôm 5:4

É jɔʼ bɨna bé óbe si di ga e bihbe waa ɛ, bɨna bé ócyɛb ga é nkʉʼʉ é mobʉbla. ǃBɨna si cyɛb ga é mobʉbla nɛʼɛ, mbɛla, wé óloŋlo mɨleme ga mina é tur.

1 Korɛnt 13:13

No ó, banana, buʼo e mbɛla ndwe e kpɛl, byé ó tɨ: bɨsa bɨlɛl. É bɨsa bɨlɛl byaa, yaa lé elaa bibyɛh ɛ, yé ó kpɛl.

Kolosi 1:27

Zyɛm a be ó si bà jwɨʼ ndɨ e buobuo nyɔm é l'efu lɨn, bʉr o ndɨ abe oYʉden ɨ. Nye a be ó si gwih lwib odim ye ó, lé elɛʼle bʉr be ya. Nye a be si gwɨm ó, bé gʉŋa ye é kpɛhla. Lwib odim yaa, yé ó yi: Krɨst, nye mu ó é bɨn nteme! Mɨleme min, mi loŋlo e mbɛla ó, bɨn bé óbi kum tɨ.

1 Pyɛr 1:3

Bɨna gumla ga Zyɛm Sɔŋ mo Tî ga wina Yesʉs-Krɨst. Nyi bul jwɨʼ bɨna ga nkoo, ntɔʼ dwe bɨna ga nkul ebyɛl jɔʼ mba é l'efu ó, mɨleme ga mina, myé diʼe lwɨŋla e mbɛla. Mbɛla waa, wé ekubla é mɨleme ga mina. Wé eduho ó, é nkul pɛ̀ha nye a pɛ̀h Yesʉs-Krɨst é foo e.