Ebrœ̂ 6:12 - Kálara Zyɛ̌m Edwán é mpʉ̌n

¹² Bɨh bé agwɨm ó, bɨn saʼ ontwii. Bɨh bé ekʉ ka gwɨm ó njɨ bɨn nʉŋa dweʼle tiʼ mo bʉʉ obuʼla mo Zyɛm. Bé e buʼo ndwe e bihbe. Bɛɛ nteme ó ngo bi sa Zyɛm a kɛʼ be, jala e nkɔb wɔɔ ɛ.

Kálar Nzyɛ̌m : Ejwán é Sáá

¹² Bɨ̌h bé akpɛl ó, bɨ̌n díʼee mipwɨ́pwɨ̂h mí ósyɛ̂l o mésâ. Bɨ̌h jaá gwɨ̂m ó, njɨ bɨ̌n sâʼ mpʉ bʉ́ʉ́ óbûʼla mé Nzyɛ̌m dí eboó sɨsâ yɨ́: bé e búʼó ndu e bíhwó. Bɨ́ɛ ntémé ó ngá nʉǎ sá Nzyɛ̌m á kɛʼ bé yɨ́, jala e nkɔb líʼe nyɔ́ɔ́.

Ebrœ̂ 6:12 ပူးပေါင်းရင်းမြစ်များ

Ebrœ̂ 13:7

Toŋla ga ocyɛb be efoʼ bɨn, baa b'a lɛɛ-lɛɛ bɨn lɔɔ Zyɛm ɨ. Toŋla ga ebò e cyen bé a kœʼ œ, e ndumlo bɨtiʼ byɔɔ. Jyɛʼɛ ga taa buʼo yin boo Zyɛm mpʉ bé a sa ɛ.

Ebrœ̂ 10:36

Sa lé ejɨŋɔ é nko paʼ win ɨ, yé ó bihbe. ǃBɨn si be e bihbe waa nɛʼɛ, bɨn bé ósa gwɨma mo Zyɛm é jɔʼ yaa. Bɨn bé óbi sa nye a kɛʼ bɨn ɨ.

1 Yʉanes 2:25

No ó, Zyɛm Sɔŋ nye mʉr tɨʼ a be ó si kɛʼ bɨna ga tiʼ molu mo mpoʼ mɨmɛh.

Rôm 12:11

Gbaʼ ga monyʉl lé esa syɛɛ, abe e l'epɨh. Mbɨambɨa Sisim, nye kubla é mɨleme min tʉŋlʉ. Sea ga e Da Yesʉs.

Ebrœ̂ 5:11

Bɨh bé é buo bɨsikʉlʉ bɨ edwe é lɔb wi. Sa gwar, yé é bul kɔbla lé edwe bɨn bya é banana, é lɔb elele e mɨlʉ min.

2 Pyɛr 1:10

Obɨɔ ga bam aa! Me elɛɛ bɨn ó nɛɛ: gbaʼ ga monyʉl lé esea é dwiii é l'efu ó, bɨn gʉŋa cyecye ó, Zyɛm a si jebe bɨn, le epɛh bɨn, ebe, ǃbɨn si sa no nɛʼɛ, bɨn bé ákwoʼ duma é syem.

Jacques 1:3

ebe, bɨn bé ejala le egʉa ó, é jɔʼ yaa, sa ndɨ enyin bɨn é mih é pono e, yé ó mpʉ bɨn bé a jyɛʼ taa buʼo yin boo Zyɛm ɨ. Yé be ó, bɨn bé a kʉ nʉa pim é buʼo yin nɛʼɛ, yé ódwe bɨn leme bihbe.

Ebrœ̂ 12:1

É paʼ ga wina, bɨna ga bé ó é sama bʉr baa tʉŋlʉ. Bé ebʉmra bɨna ga é nka, lé eboʼlo lɔɔ Zyɛm. Mpʉ bɨna ga ndɨ no e, gʉa ó, bɨna bé ejala le eliʼe ga mɨmbeʼ modile mimyɛh pihe, ndwe e mɨsyem ndɨ ejɨ kwable bɨna ga ɛ, mimyɛh. Bɨna dihba ga lé esa jwɨʼla mɨkam mokʉ, to pyal é njɨ Zyɛm a tulo e.

Ebrœ̂ 1:14

Beengles bɛɛ, bé ozé? Bɨbɛh, bé ó mɨsisim lé esea e Zyɛm ɨ. Nye elomlo bɨna ga ba nteme ó, bé ntaʼ, ze fuʼo bʉr bé óbi tiʼ molu mo mpoʼ mɨmɛh ɛ.

Rôm 4:12

Nye nteme óbe ó sɔŋ é l'efu e bʉr o ndɨ ejyɛʼ taa buʼo yɔɔ boo Zyɛm é jɔʼ bé ndɨ si saŋɔ mpʉn ɨ. Bé abe lé esaŋɔ mpʉn nye ome. Bé ó baa ndɨ esaŋɔ mpʉn ndwe le ekœʼ ebò e cyen mo Abraham, laa nye a kœʼ, nye l'apa saŋɔ mpʉn ɨ.

Rôm 2:7

Baʼ bʉr, bé esaa ó, kum é mih mo Zyɛm, e duu le tiʼ ndɨ asie-sie e. Bé edihbe sɔɔlʉ waa e bihbe, lé esa bɨsyɛɛla bɨ ncwɨncwɨa. Bé ó baa Zyɛm ódwe tiʼ molu mo mpoʼ mɨmɛh ɛ.

Mɨngwiha 13:10

«Zyɛm, nye elɛɛ ó: “Yé be ó, yé ó tila ó, mʉr fih mʉr kɛ̀l ó jala le eto é l'okomo nɛʼɛ, nye óbana to. Yé be ó, yé ó tila ó, mʉr fih mʉr kɛ̀l ó jala le ejʉŋɔ e fòŋ nɛʼɛ, nye nteme óbana jʉŋɔ e fòŋ.”» (Wâʼ é gumo yi, yé elɛʼle ó, yé ejala é nko paʼ mɨsaŋ mɨ bʉr mo Zyɛm ó, bé diʼe nteme e bihbe ndwe e buʼo.)

Ebrœ̂ 11:33

É zi buʼo yɔɔ ó bé a lwimla e mɨlal mɨfih, bana ntaa mye e. Bé a si tiʼe bʉr mɨlɔb é l'ocɨcyel é zi buʼo yɔɔ. Bé a si bi nkɛʼ mo Zyɛm é zi buʼo yɔɔ. Bé a pɨr mɨngbampwɨɨ mɨnʉm nteme ó, é zi buʼo yɔɔ.

Ebrœ̂ 6:15

Abraham a be ó si dihbe mpono. Ebe no ó nye a bi sa Zyɛm a kɛʼ nye e.

2 Tesalonika 1:4

No ó, é nko paʼ wih, é jɔʼ bɨh lé epyal é myʉʉ mɨmbɛr mɨ Zyɛm ɨ, bɨh bé edoʼo e bihbe e buʼo bɨn ndɨ e bye e, ebe, é jɔʼ bé lé etíile bɨn, le esa bɨn jeele e laŋ ɨ, bɨn bé edihbe.

Lʉkas 8:15

No ó mʉʉ mompœʼ mɛɛ, mé a kur ó, é si mocyɛʼ, sa nɨ lé edweʼle bʉr o b'a be e mɨmpaŋ mɨleme. É jɔʼ bé a joʼo lɔɔ Zyɛm ɨ, bé a si baʼle we é mɨleme myɔɔ le egumo mpumo é bɨtiʼ byɔɔ, ndwe le esa bihbe.»

Mataos 22:32

“Me ó Zyɛm mo Abraham, Zyɛm mo Ɨzak, le Zyɛm mo Yakɔb.”» Yesʉs ze ko mokan maʼ ó: «No, yé elɛʼle ó, Zyɛm, nye ó Zyɛm bʉr o ndɨ mɨkubla ɛ. Nye abe waa odwè.»

1 Tesalonika 1:3

É mɨnjwɨʼla bɨh lé ejwɨʼla e Zyɛm Sɔŋ ga wina ɛ, bɨh bé etoŋlo syɛɛ bɨn bé a sea ebe buʼo yin ɨ. Yé a be nteme ó, e kpɛl bɨn lé ekpɛl Zyɛm ɨ. Bɨh bé etoŋlo nteme mɨtuu bɨn bé a sia e tíila ebe taa buʼo bɨn ndɨ ejyɛʼ boo Tî ga wina Yesʉs-Krɨst ɨ. Bɨh bé esa no ó, é mih mo Zyɛm Sɔŋ ga wina.

Lʉkas 16:22

Nye ze dwè. Beengles ze nkɛɛ nye, to dilɔ nye é mbo ejʉm mo Abraham é jobo kʉ. Mbil bɨsa nteme dwè, ntɔʼ debe é foo,

Mataos 25:26

«No ó masa we a ze lɛɛ e nye ó: “Go sa bɨbla pwɨpwɨh syɛl mosa yi! Go a be ó si gʉa ó, me pim-pim ó, é mompʉʼ mo wʉnʉ moonkan, le epɛʼ-pɛʼ mode é peme me a baabè mompœʼ tɨʼ ɨ.