Ebrœ̂ 6:10 - Kálara Zyɛ̌m Edwán é mpʉ̌n

¹⁰ Ebe, Zyɛm, nye ákwoʼ kœʼ é l'ozyɛhozyɛh. Nye aŋa jɨha syɛɛ bɨn lé esea nye e. Nye nteme, nye aŋa jɨha kpɛl bɨn lé ekpɛl nye e. Kpɛl yin, yé a nyin é pono ó, é jɔʼ bɨn bé a be lé esea e mɨsaŋ mɨ bʉr be e. Bɨn nteme, bé eto dolo lé esea e mye no.

Kálar Nzyɛ̌m : Ejwán é Sáá

¹⁰ Ebě, Nzyɛ̌m, nyé abe waá onzyɛ́h ónzyɛ́h. Nye ájɨ́há syɛ́ɛ́ bɨ́n dí eséa nyé yɨ́. Nye ntémé, nyé abe e nkul ejɨhǎ kpɛ̌l bɨ́n dí elɛ̂ʼle nyé yɨ́. Yé á si nyɨ̂n ɨ́ ponó ɨ́ jɔʼ bɨ́n á be lɨ́ ekɛm bʉ̂r bé yɨ́. Bɨ̌n ntémé dína ó lɨ́ etô e menkɔ̌m maá dóló.

Ebrœ̂ 6:10 ပူးပေါင်းရင်းမြစ်များ

Mataos 10:42

Me elɛɛ bɨn cyecye ó nɛɛ: ǃɨ mʉr si dwe waa ndɨ é bul twaʼbe é l'esama le ompʉn bam, dam be njɨ bele modibe motala gwar e gwar ebe syɛɛ nye lé esea me mpʉ mpʉn wam nɛʼɛ, mʉr waa óbi mpaŋ myɛna me.»

Ebrœ̂ 13:16

Saʼ ga bʉʉ bʉr bɨsyɛɛla bɨ embɨa. Fuʼa ga bʉr e mobi mɨn. Anyamle jɨha esa syɛɛla yaa, ebe, yé ó motwina Zyɛm lé ebee mbɨmbɨa ɛ.

Galásia 6:10

Ebe no, ǃbɨna si bi ga epʉla tɨʼ nɛʼɛ, bɨna gbaʼ ga monyʉl ó, bɨna cwɨa ga e bʉr bɨbɛh. Sa gwar, kʉ bul cwɨa ga e bʉr o Mbɛr-Zyɛm ga wina, ndɨ bʉr o buʼo gwar ɨ.

Mɨlʉmlʉ 10:4

Nye ze dwɛʼ engles waa é tʉʉʉŋ e bʉa. Nye e nye ó: «Yé mu nyá, Da?» Engles ntɔʼ bɨha e nye ó: «Zyɛm, nyi bɨha mɨnjwɨʼla myo mbɨmbɨa. Nye etoŋlo go ó, ebe ngula go lé egul baanteʼenteʼe e.

1 Tesalonika 1:3

É mɨnjwɨʼla bɨh lé ejwɨʼla e Zyɛm Sɔŋ ga wina ɛ, bɨh bé etoŋlo syɛɛ bɨn bé a sea ebe buʼo yin ɨ. Yé a be nteme ó, e kpɛl bɨn lé ekpɛl Zyɛm ɨ. Bɨh bé etoŋlo nteme mɨtuu bɨn bé a sia e tíila ebe taa buʼo bɨn ndɨ ejyɛʼ boo Tî ga wina Yesʉs-Krɨst ɨ. Bɨh bé esa no ó, é mih mo Zyɛm Sɔŋ ga wina.

Kolosi 3:17

Sa yiyɛh bɨn lé esa, nkʉ yaa bɨn bé ólɛɛ ɛ, yé diʼe njɨ, pere e die mo Da Yesʉs. Dweʼ ga Zyɛm Sɔŋ kum, pere e die le.

1 Timotɛ 6:18

Lɛŋɨ be ó, bé saʼ embɨa. Okum wɔɔ, wé diʼe é nko paʼ mɨmpaŋ bɨsyɛɛla bé lé esa ɛ. Mɨleme, myé diʼe be é ntɨɨɨŋ ó, bé cwɨa e bʉr, lé eto gul be é zi mobi mɔɔ.

Markus 9:41

Me elɛɛ bɨn cyecye ó nɛɛ: ǃɨ mʉr si dwe bɨn bele modibe ebe bɨn bé ó jyɛɛ mo Lœma mulo mo Zyɛm nɛʼɛ, mʉr waa óbi mpaŋ myɛna me.»

Rôm 12:13

Dweʼ ga mɨsaŋ mɨ bʉr mo Zyɛm bɨsa lé esa be sɔɔlʉ ɨ. Dɨʼe bɨlan ga e l'ojyoo lé epyal bɨn ye e.

Mɨlʉmlʉ 11:29

Ompʉn, bé bʉr o tɨ, bé a nʉa tiʼa ó, bé ótoŋlo obuʼla bé a di é Yʉda ɛ, mʉr nyiwɛh é sama yɔɔ lé egul be lé edu bim nye a be e ye e.

Galásia 5:13

Obɨɔ ga bam aa! Zyɛm a jebe bɨn ó, bɨn diʼe é dia otî. É dia otî yin yaa, amɛʼle ga ó, bɨn saʼ bɨsyɛɛla bɨ ebebe nyʉl bɨpuno ga wina lé egwɨm ɨ. Kpɛla ga. Sea ga nteme paʼra win.

Mɨlʉmlʉ 10:31

Nye e me ó: “Kɔrnɛl! Zyɛm, nyi joʼo mɨnjwɨʼla myo mbɨmbɨa! Nyi toŋlo mbi go lé egul baanteʼenteʼe e.

Yʉanes 13:20

Me elɛɛ bɨn cyecye ó nɛɛ: mʉr ndɨ enʉa mwa mɨlʉmlʉ wam e duu ɨ, nye edwaabe nteme ó me. No nteme, waa lé enʉa me e duu ɨ, nye edwaabe nteme ó mʉr a ntɨh me e.»

2 Timotɛ 4:8

Yi kʉ ka liʼ me ó njɨ ebœrɔ epʉʼlʉ é lʉ, laa ndɨ koma é l'efu lam ɨ. Epʉʼlʉ laa, lé ó ngo lɛʼle ó, mɨ bi mokebe é mih mo Zyɛm. Da Yesʉs óbœr me la ó, é dobo nye óbula ze e. Nye ó tiʼà mɨlɔb ndɨ etiʼe é l'ocɨcyel ɨ. Nye aŋa dwe yɛɛ njɨ me e me. Mopʉʼlʉ maa, mé óbœrɔ nteme ó, bʉr bɨbɛh lé esoho dobo Yesʉs-Krɨst óbula ze e.

2 Korɛnt 9:1

Yé abe ba bɨn e nyɔm ó, me bâʼla tile é lɔb mɨsaŋ mɨ bʉr ndɨ é Yʉda ɛ, le é lɔb ngula bɨna bé lé ejala le eto ga be e wa ɛ,

1 Yʉanes 1:9

To kœb ó, yé be ó, bɨna bé si gwih ga mɨsyem ga mina nɛʼɛ, Zyɛm ósa sa ndɨ cɨcyel ɨ, ebe, nye ó mʉr ebuʼlɔ. Nye ópɛʼ bɨbaa bɨ ebebe bibyɛh nye a niʼe bɨna ga ɛ, le epubo bɨna ga é bɨsyɛɛla bɨ ozyɛhozyɛh ga bina bibyɛh.

Galásia 5:6

Yé be ó, mʉr fih mʉr kɛ̀l, nyi di é zyɛŋa wɔɔ boo Yesʉs-Krɨst nɛʼɛ, lɛɛ ó, esaŋɔ mpʉn, lé aŋa ka be nye e nyɔm. Yé nteme, yé aŋa ntɨʼ, nkʉ nye óbe, l'asaŋɔ nye. Sa ndɨ nye e nyɔm ɨ, yé ó mbi buʼo lé enyin é bɨsyɛɛla bɨ ncwɨncwɨa ɛ.

Ebrœ̂ 10:32

Toŋla ga mpʉ bɨn bé a be, é jɔʼ bɨn bé a kʉnɔ myɛn tiʼ ɨ, bɨn ze baran e mɨtuu e mɨndɛl le ekʉ dihbe.

Mataos 20:7

Bé ze bɨha e nye ó: “Ebe, mʉr baabaŋle bɨh bɛɛ ó, bɨh toʼ, to sea é peme ye.” Nye e be ó: “Bɨn bɛɛ nteme, laŋa ga. Toʼ, to sea ga é peme yam!”

Mataos 25:17

Waa a nʉa mɨmba ɛ, nye nteme a si bi myʉʉ mɨmba.