Ebrœ̂ 5:8 - Kálara Zyɛ̌m Edwán é mpʉ̌n

⁸ Dam be mpʉ nye a be Mwan mo Zyɛm ɨ, nye a be ó si jwɨʼ esa Zyɛm Sɔŋ mojoʼo, jwɨʼ jwɨʼɨ. Nye a jwɨʼ esa nye mojoʼo maa ó, é mɨtuu nye a jaʼra e mye e.

Kálar Nzyɛ̌m : Ejwán é Sáá

⁸ Damá bě mpʉ nyé á be Mwân mé Nzyɛ̌m yɨ́, nye á be ó si jɨ̂ʼ ésâ Nzyɛ̌m mejóʼo. Nye á jɨ̂ʼ mejóʼo maá ó, ɨ́ nzɨ̌ mitúú nyé á sia e myé mí.

Ebrœ̂ 5:8 ပူးပေါင်းရင်းမြစ်များ

Filipi 2:8

É jɔʼ nye a be, nye mu ó lé etiʼe mpʉ mamʉr ɨ, nye a si fil nyʉl we si, lé esa Zyɛm mojoʼo, dam be mpʉ nye a lomo nye ó, nye ntaʼ, ze dwè bɨbla efie é klos kʉ ɨ.

Yʉanes 4:34

Yesʉs, nye e be ó: «Mode mam, mé ó, me saʼ gwɨma mo mʉr a ntɨh me e, le efwahle syɛɛ nye a lɛɛ ó, me ntaʼ, ze sea ɛ.

Yʉanes 15:10

ǃBɨn si du mɨtiila me lé etiile bɨn nɛʼɛ, bɨn bé óbe ó bʉr me lé ekpɛl ɨ, ebe, mɨ du mɨtiila Sɔŋ wam a tiile me e. Me egʉa nteme ó, nye ekpɛl me.

Yʉanes 6:38

Me a baaduho é jobo kʉ, lé eze sa gwɨma yam, njɨ gwɨma mo mʉr a ntɨh me e.

Ebrœ̂ 3:6

To kœb ó, Krɨst nyɛɛ a si cyelɔ é dia Mwan a jala le edi lʉ mbɛr bʉr waa ɛ. Mbɛr bʉr waa, wé ejoʼo nteme ó e nye. ǃƗ mɨleme ga mina si loŋlo e mbɛla, le ekʉ gʉa sa bɨna lé ebuʼla ga, abaawe sɔʼɔ e bʉr nɛʼɛ, bɨna ga ó ndɨ bʉr o mbɛr bʉr we waa.

Ebrœ̂ 1:8

Sa gwar, nye a lɛɛ, tiibe e Mwan we ó: «Zyɛm ɛ! Go ó lé edi é dia taʼa yo njʉmdia e njʉmdia. Go ejwɨʼ bʉr bo é l'ocyecye.

Ebrœ̂ 1:5

Zyɛm, nye apa lɛɛ e engles ngwar ó: «Go ó me mwan. Mɛm, mɨ bya go muh.» Nye nteme, nye apa lɛɛ, tiibe e nuu engles ó: «Mɛm, me ó nye sɔŋ. Nye ó mwan wam.»

Mataos 3:15

Yesʉs ze bɨha e nye ó: «Birɨ, yé syɛŋɨ no, ebe, yé ejala ó, loŋlo bɨsyɛɛla bɨ ocɨcyel bibyɛh.» Yʉanes ntɔʼ mɛʼle.

Ebrœ̂ 1:2

No ó, é mpʉ esie e mbi jɔʼ yi, lé mu ó kunokuno le epyal ɨ, nye mu ka lwib e bɨna ga ó, cwɨɨ é Mwan we. Mwan we ó nye a kɛʼ ó, nye óbi bɨsa bibyɛh. É zi we ó Zyɛm a cye mosi mɨmɛh ɛ.

Yʉanes 10:18

Mʉr, nye aŋa nʉa me tiʼ yam. Me edwe ye ó dweʼ, e nkul wam me mʉr tɨ. Me e nkul edwe ye, bula nʉa. Yé ó syɛɛla Sɔŋ wam a dwe me nkul ó, me saʼ ɛ.»