Ebrœ̂ 5:7 - Kálara Zyɛ̌m Edwán é mpʉ̌n

⁷ Jyɛm Yesʉs a tiʼe é si nwaʼ ɛ, nye a be-be lé ejwɨʼla e waa a be e nkul epɛʼ nye é l'efie e. Nye a si bʉ tim, jɨ kʉ kʉ, lé eto le edî le ejaʼ Zyɛm ngula. Zyɛm nyɛɛ ntɔʼ joʼo nye é lɔb mojoʼo Yesʉs a sa nye e.

Kálar Nzyɛ̌m : Ejwán é Sáá

⁷ Jɔ̌ʼ Krîst á títíʼe ɨ́ sí yɨ̂ʼ yɨ́, nye á bɨbe lɨ́ ejɨʼla e mʉr á be e nkul epɛʼ nyé lɨ́ eswie nyá. Nye á si bʉ̂ bitím, jɨ kʉ́kʉ́, Nzyɛ̌m ntɔ̂ʼ jóʼo nyé ntémé ɨ́ lɔ̌b méjóʼǒ Yésʉs á sâ nye má.

Ebrœ̂ 5:7 ပူးပေါင်းရင်းမြစ်များ

Yʉanes 17:1

É jɔʼ Yesʉs a sil lwib no e, nye ze bɨn mih kʉ. Nye ó: «Da, ewala, lɨ pyal! Lɛʼla bʉr kum mo Mwan go, é mbi ndɨ ó, nye lɛʼla nteme bʉr kum go,

Mataos 27:46

Yé mu lé eto saa mowala molɛl nɛʼɛ, Yesʉs ze bʉ tim. Nye ó: «Eli! Eli! Lama sabaktani?» (No yé elɛɛ ó: «Zyɛm wam, Zyɛm wam! Ebe yé go ka myah me e?»)

Markus 15:34

É mowala molɛl maa, Yesʉs ze bʉ tim, lé elɛɛ ó: «Eloyɨ, Eloyɨ, lama sabaktani?» (No yé edwirɔ ó: «Zyɛm wam, Zyɛm wam! Ebe yé go ka ntwiŋ me e?»)

Ebrœ̂ 12:28

Ebe no, bɨna dweʼ ga Zyɛm ekiba, ebe, nyi niŋle bɨna ga é jwɨ̀ʼa ye. Yé abe e nkul epɨŋla. Bɨna dwiibɨ ga nye le ebil ekɛn é mih me, ndwɛa kum ga wina waa nkʉʼ jala e nye,

Yʉanes 11:35

Yesʉs ntɔʼ jɨ.

Mataos 27:50

No ó Yesʉs a ze bâʼle time kʉ kʉ, ntɔʼ fil mɨswɨh mɨ epihe.

Markus 15:37

No ó Yesʉs a ze time kʉ kʉ, ntɔʼ fil mɨswɨh mɨ epihe.

Ebrœ̂ 2:14

Ebe no, mpʉ bwan nye lé elwib, tiibe e be e, bé ó bʉr o bɨpuno le motié e, é jwɨʼ gwar e gwar yaa nteme ó Yesʉs a byɛl mʉr ɨ, nye ntɔʼ dwè é l'efu ó, nye teʼla mʉr a be-be e nkul efie e. Mʉr waa, nye ó Njwɨɨ moleme!

Lʉkas 23:46

Yesʉs ntɔʼ jwɨʼla e Zyɛm lé eyɨm twii ó: «Da, mɨ bir sisim wam é mobo mo!» Jɨh tɨʼ nye a kʉ sil lwib, nye ntɔʼ fil mɨswɨh mɨ epihe.

Ebrœ̂ 13:20

Neme Zyɛm Sɔŋ ndɨ egba motala paʼra ga wina, nye ó b'a pɛ̀h Tî ga wina ndwe e Kobla bɨntœme nɨnɨ, Yesʉs é foo, pɛ̀ha foo we lé elɛʼle ó, nyi mɛʼle motié nye a sʉ é l'efu ó, Sɔŋ we nkʉʼ de mpʉn njʉmdia e bɨna ga ɛ.

1 Timotɛ 3:16

Yé ejala ó, buʼo yina, yaa ndɨ é lwib odim ɨ, yé é laŋle bwaʼ. Yé ó: «Nye a ze nyin é si nwaʼ ó e nyʉl bɨpuno. Mbɨambɨa Sisim ze lɛʼle bɨna ga nya, bɨna gʉŋa ga ó, nye abe e mobe. Beengles, bé a si siŋle nye. Bʉr o bɨkul bɨfih, bé a si joʼo lɔɔ lé etiibe e nye e. Bʉr o si nwa, bé a si jyɛʼ taa buʼo yɔɔ boo nye. Nye a si to é jobo kʉ, é fum nye a dweŋɔ kum ɨ.»

2 Yʉanes 1:7

Ebe, baanya-bɨkʉʉŋʉ, bé mu ó si buo é si nwaʼ nyiwɛh. Bé akpɛl mɛʼle ó, Yesʉs-Krɨst a ze é si nwaʼ ó e nyʉl bɨpuno. Mʉr lé esoŋlo ó, buʼo ga yina, yé abe cyecye e, nye ó ndɨ anya-bɨkʉʉŋʉ le mʉr dɔm mo Krɨst.

1 Yʉanes 4:3

To kœb ó, waa ndɨ akpɛl mɛʼle ó, Yesʉs a ze é si nwaʼ ó e nyʉl mʉr ɨ, nyiha, nye abe e Sisim lé eduho boo Zyɛm ɨ. Sisim nye ndɨ e we e, wé ó kʉ be waa mo mʉr dɔm mo Krɨst. Bɨn bé a be ó si cenɔ mpaŋla ó, nye ejala le etaare ze. No ó, banana, nye mu ó si pyal é si nwa.

Galásia 4:4

Yé ntɔʼ ka pyal é mbɨambɨa jɔʼ Zyɛm a bɛa cyel ɨ. É jɔʼ yaa ó nye a ntɨh Mwan we, ó nye ntaʼ, ze byɛl é mo mo nuu mʉma. Mwan waa a be ó é monkara mo mɛra motie.

Yʉanes 11:42

Me egʉa ó, go ebɛa joʼo me. No ó, me elɛɛ go no ó, é l'efu e bʉr lé ebʉmra me wâʼ é nka ba, ó bé buʼla ó, go ó b'a lomo me.»

Rôm 8:3

Yé ó no! Ebe, yé a baabana ó, bɨna biʼe tiʼ molu mo mpoʼ mɨmɛh ebe mbi bɨna lé edu ga motie e, ebe, nyʉl bɨpuno ga wina a be ó é cyɛʼ. Sa motie mo Moyiz, mé a baakoʼo lé esa ɛ, Zyɛm nyɛɛ a si bana sa ye. Nye a si ntɨh Mwan we é si nwa, nyʉl we lé ekʉ nwɨɨla e waa ga wina, osyɛl o mɨsyem. Nye a ze é lɔb syem ga wina waa ó, nye ntaʼ, ze pɛʼ we. Zyɛm a si dwe Yesʉs mobe é lɔb syem waa.

Yʉanes 1:14

Lwib a be ó si byɛl mʉr. Nye a si tiʼe paʼra ga wina. Bɨh bɨ bee moncɛnba me, moncɛnba mo Etiʼe e Mwan mo Zyɛm. Nye a duho boo Sɔŋ we ó, nye mu bɛa be lwɨŋla e ncwɨncwɨa e l'ocyecye mo Zyɛm.

Ebrœ̂ 10:5

Ebe no, é jɔʼ Krɨst a be, nye mu kunokuno le eni é si nwaʼ ɛ, nye a lɛɛ e Zyɛm ó: «Go agwɨm ó, bé dweʼ go motwina, nkʉ mɨndwɛa. Go a cye nyʉl wam ó, nye jɛna mobyaʼ mo bʉr.

Ebrœ̂ 10:10

Bɨna mu ó si pubɔ jɔʼ gwar é bɨjɔʼ bibyɛh ebe gwɨma yaa, ndwe e kɛha Yesʉs-Krɨst a ze kɛha nyʉl we tɔɔ motwina ɛ.

Ebrœ̂ 11:7

É zi buʼo, Noe a si joʼo é jɔʼ Zyɛm a bal nye é lɔb sa yé a be ó, yé ósyɛɛlɨ ɨ. Nye l'apa bee ye e dih, nye a be ó si nʉa lwib mo Zyɛm yaa, gba é nkɔb, ntɔʼ kpaʼ byɛl, du mpʉ Zyɛm a tɨe nye ó, nye saʼ ɛ. Nye ze ni tɨ, bé e mbɛr bʉr we, bɨbɛh ntɔʼ tiʼe. É mbi waa ó nye a dwe bʉʉ bʉr mobe e, nyɛɛ ntɔʼ bi mokebe é mih mo Zyɛm, maa lé eduho é buʼo e.