Ebrœ̂ 5:2 - Kálara Zyɛ̌m Edwán é mpʉ̌n

² Para nyiwɛh, nye e nkul ekɛm bɨgʉ́ʼ ndwe e bʉr o ndɨ elɨŋa é buʼo e, ebe, é mɨpaʼ mimyɛh, ecyɛʼ le, lé enyin é mih me.

Kálar Nzyɛ̌m : Ejwán é Sáá

² Para nyɨnyɛ̂h, nyě e nkul ekɛm bígʉʼlʉgʉ́ le bʉr o mû sí dîm bá, ebě, ɨ́ mipáʼ mímyɛ̂h, etyɛʼ lé, lé lɨ́ enyɨ̂n ɨ́ míh mé.

Ebrœ̂ 5:2 ပူးပေါင်းရင်းမြစ်များ

Ebrœ̂ 4:15

Ebe, njwɨɨ opara bɨna ga ndɨ e nye e, nye ó waa ndɨ e nkul ejwɨʼ bɨna ga nkoo é jɔʼ nye lé ebee ecyɛʼ ga lɨna ɛ. Nye a si boblɔ mɨmbi mimyɛh, jwɨʼ gwar e gwar e bɨna ga; sa gwar, nyɛɛ l'aduma, nkʉ sa ba syem.

Ebrœ̂ 2:18

Nye e nkul eze e mɨngula ó, boo bʉr o ndɨ ebɔma e mobʉbla ɛ, ebe, nye mʉr tɨʼ a be ó si sia e mɨtuu é jɔʼ nye a boblɔ ɛ.

Ebrœ̂ 7:28

Motie mo Zyɛm, mé a kʉ cyel é dia njwɨɨ opara ó, bʉr o b'a be é cyɛʼ ɛ. No ó, pie motie maa, Zyɛm ze de mɨnkɛla, nye mʉr tɨʼ ze cyel Mwan we é dia njwɨɨ opara. Mwan we ó b'a kumo é l'ombɨmbɨa é mɨpaʼ mimyɛh, ó nye sea nye syɛɛ opara yaa njʉmdia e njʉmdia.

Ebrœ̂ 12:13

Bɨn bé à gʉa komlo mozi, cyel me é liim, ó baanya-bɨjyɛm, bé nkʉʼ kœʼ tɨʼ, mokʉ mɔɔ l'aka piha. Bé tiʼa yɛɛ tiʼa.

Galásia 4:13

Bɨn bé egʉa ó, me a lɛɛ bɨn Mbɨambɨa Lɔɔ é jɔʼ efoʼ ó, ebe, me a be ó si syɛb bɨn ye.

2 Korɛnt 12:5

Me ódoʼo ó njɨ e mʉr waa. Sa gwar, é nko paʼ wam, me ákwoʼ doʼo e me mʉr tɨ, alaa ó me doʼa e l'ecyɛʼ me ndɨ e le e.

1 Timotɛ 1:13

mɛm yɛɛ mʉr a pyeh-pyeh Zyɛm é molu pihe e, le etíile bʉr be, ndwe le ebul pyeh bʉr. Dam be ó, me a si kʉ sa no, Zyɛm a si bana jwɨʼ me nkoo, nyɛɛ lé egʉa ó, bɨsyɛɛla me a sa-sa ɛ, byé a kʉ duho-duho ó, é l'egʉʼla lam, ndwe e l'abuʼla wam.

2 Korɛnt 11:30

Yé be ó, yé ekʉ jala ó, me doʼa e me mʉr tɨʼ nɛʼɛ, sa me ndɨ e nkul edoʼo e tɨʼ ɨ, yé ó ecyɛʼ lam.

Lʉkas 22:32

Sa gwar, me a si jwɨʼla e Zyɛm é l'efu lo, ó buʼo yo, yé beʼ l'akur. É jɔʼ nye ósa no e, ǃgo nteme bâʼle ze boo me nɛʼɛ, go à gba obɨɔ bo nkul é monyʉl.»

Éfɛsɔs 4:18

Bé ejeʼe mɨlɔb ndɨ edwɛʼ Zyɛm ɨ. Bé e boo nɔɔ, bé abe e nduula. Bé egʉʼla é mɨlɔb mye, le elɨl mɨlʉ myɔɔ.

Ebrœ̂ 2:17

Ebe, yé a jala ó, nye diʼe kʉ be mpʉ jyɛɛ ye é mɨpaʼ mimyɛh. Nye a nwɨɨla e bɨna ga é l'efu ó, nye nkʉʼ lɛʼle bɨna ga ncwɨncwɨa, le edi njwɨɨ opara ndɨ mʉr ebuʼla ɛ. Nye ó lé ejala le esea é mɨlɔb mimyɛh ndɨ edwɛʼ Zyɛm ɨ. Nye ó mʉr a dwè, jala e mɨsyem ga mina ɛ. Efie le, lé ó b'a leʼe empime mo Zyɛm.

Ebrœ̂ 9:7

Sa gwar, njwɨɨ opara nye ome ó b'a ni-ni é Tiʼe yé a be e l'ekɛn é buobuo e. Nye a kʉ ni-ni tɨʼ ó, njɨ é jɔʼ gwar é mbu. Nye a to-to gʉʼ ó e fua motié mo otir, ó Zyɛm nkʉʼ pɛʼ bɨbaa bɨ ebebe nye a pa niʼe e: le byaa mo para, é lɔb mɨsyem mye nye mʉr tɨ, ndwe e byaa bɨ bʉʉ bʉr é lɔb mɨsyem bé a sa, bɛɛ l'agʉa ɛ.

Jacques 5:19

Obɨɔ ga bam aa! ǃƗ mʉr é l'esama lɨn si fuuba bɔʼa é l'ocyecye, nuu mʉr ntɔʼ liʼle nye é zi tiʼ nɛʼɛ,

1 Pyɛr 2:25

ebe, bɨn bé a be-be ó, mpʉ bɨntœme byé a pɔhba ɛ. No ó, banana, bɨn bɨ ze fiʼ, to kœb Kobla bɨntœme. Nye nteme ó ndɨ Mbɔʼlʉ mɨsisim min.